晨光追擊│「精英雄心」泥地夠勁

更新時間：17:04 2024-10-22
發佈時間：15:50 2024-10-22

近廿年來有好多外籍練馬師來港開倉，老實講除了蔡約翰及回復強盛的希斯，其餘好多都唔夠料，有唔少更敗走離場，究竟是他們未能適應香港賽事模式？抑或現時的華人練馬越來越勁呢？值得深究。

喜悅一生黃金機會

第一場第五班一八○○米：「喜悅一生」能力平凡乃不爭事實，不過上季減至三十分以下，其實每一次都輸唔遠，遲遲先至打開勝利之門，全因之前一直在草地出戰，未搵到最佳出路。上季551場，「喜悅一生」評十七分初跑泥地，不止終於贏馬，仲要贏夠亞軍「樂捉鳥」兩個多馬位，第三名馬匹打後更輸四又四份一馬位，而跑出一分四十九秒四三亦比標準時間為快。

「喜悅一生」接戰加至二十六分，轉戰田草二千入Q持續神勇，同時證明加分後仍佔優勢。今季初此駒跑泥地一哩，既狀態初起，仲要跑不合的濕泥有第四已收貨。至於上仗無影，始終田草千八非擅長敗不作準，今戰終等到唯一勝途，黃金機會必會好好把握，實力戰意兼備。

「喜悅一生」今戰終等到唯一勝途，黃金機會必會好好把握，實力戰意兼備。

精英雄心再贏一場

第七場第三班一六五○米：「精英雄心」在澳洲跑了兩仗，分別在一千及千二米勝出，然而來港首戰已扳上千四，該仗交出極佳追勢，之後一連四仗在千六出戰，頭三仗跑近但威脅不大，直至701場落到四班終於上名。

「精英雄心」上季最後一戰改攻泥地一哩，捧到四十四蚊順利勝出，早段留到包尾，直路抄大外疊追上，末段竟交出廿二秒五六衝刺，在泥地一哩而言相當少見。來到今季，練者繼續安排「精英雄心」在泥地上陣，就算出爭千二米路短也一樣受到熱捧，可是路程實在太短，縱使後上如箭卻也姍姍來遲。「精英雄心」泥地威力勁到不得了，今仗終有夢幻賽程出戰當機不可失，賽前廖康銘一手主課，顯得十分緊張，今次有力再贏一場。