![SIGIDA ƝƐTAGA](https://s.rfi.fr/media/display/6d23d0fa-56da-11ee-b415-005056a90321/w:480/p:1x1/SIGIDA%20%C6%9D%C6%90TAGA.jpg)
SIGIDA ƝƐTAGA
Aw y’a laɲini kɛ, Anw y’a latigɛ !!! Sigida ɲɛtaa!!! Nin fana ye ko kura ye rfi Mandenkan sanfɛ. Tɛnɛ o tɛnɛ nɛgɛ kaɲɛ 7h ma tɛmɛ ni san 23 ye laseli kɛrɛnkɛrɛnnen bɛna kɛ aw ye anw ka sigidaw ka ɲɛtagako n’u ka kunkankow kan. Baganmaaralaw, sɛnɛkɛlaw, mɔnikɛlaw, jagokɛlaw, sigida ɲɛtaa bɛ kuma di aw bɛɛ lajɛlen de ma.
K'a tɔ kalanka baroda laban lamɛn
-
Aw ka sigida ɲɛtaga laseli bɛ taga n'aw ye Ourembaya ka kuma dugu in kalansow ka gɛlɛyaw kan
Dugu in bɛ Kankan kɛrɛfɛ, kilomɛtɛrɛ mugan ɲɔgɔnna. Ka se ka sanlabankimɛliw kɛ, Ourembaya kalandenw bɛ yɔrɔ jan de taama walasa ka se a ko kɛyɔrɔw la. Kasɔrɔ, dugu wɛrɛ caman de b'u denw bila ka taga Ourembaya u ka taga kalan kɛ. Kalanden kɛmɛ saba ɲɔgɔn de bɛ dugu in kɔnɔ, gɛlɛya caman b'u kan, i n'a fɔ kalanfatanya, sigilanw ani hali kogow k'u ka kalansow lamini. An ka lasigiden Mamady KABA tagara bɔ yen, a ka laseli filɛ.05/08/202403:30 -
La Guinée: Bololasanubɔlaw ka baara jɔli kosɔn, Kintiana dugudenw bɛ maɲumanko la
Bi, sigida ɲɛtaga la, an bɛ taa Kintiana sanubɔlaw fɛ yen, La Guinée jamana na. O yɔrɔ ni Sigiri bɛ kilomɛtɛrɛ bisaba bɔɲɔgɔnko la. Dugudenw fanba ka balo bɛ bɔ sanubɔ n'a kɛrɛfɛbaaraw la. Nka kabini marabagaw ye latigɛ ta la bololasanubɔ bali zuwɛnkalo tɛmɛnen labanw na, fosi de tɛ ka kɛ Kintiana tuguni. O kɛra sababu ye ka sigi gɛlɛya dugudenw bolo. Mamady KABA, an ka lasigiden taara bɔ yen. A ka laseli filɛ29/07/202403:36 -
Bi, an ka lasliba bɛ kuma sifinw ka tunkannataga kɔlɔlɔw de kan, u bɔyɔrɔma ma
Mali, sifin caman de bɛ bɔ dugumisɛnw na, ka taga duguba kɔnɔ, walima jamana wɛrɛw la. U kɛlen don a damanankunko ye. San san, sifin kɛmɛ yirika de b'un kunda Bamako kan ka taa baaraɲini na. Nin samiɲawaati in na, o tunkannataga bɛ laban ka na ni baaratanya ye u bɔyɔrɔw la. A nɔ bɛ ye u ka sɔrɔ hakɛw la.22/07/202403:12 -
La Guinée: Kaba ye mɔgɔ caman ka balo ye Aliamoumou-Kandran, baganw fana
Bi, an bɛ taa Aliamoumou-Kandrala, baganbalo ni sɛnɛ kɛyɔrɔ ɲuman don Kankan dugu masurunya la. Yɔrɔ in dɔnnen don a ka suman sɛnɛtaw ɲɛni koɲuman fɛ, i n'a fɔ fini, malo, tiga, banaku adw. San laban ninnu na, kaba fana ye jɔyɔrɔba sɔrɔ dugudenw ka sɛnɛ la. Ale de kɛra mɔgɔ caman ka dumunifɛn ye sisan. Kabakisɛw bɛ don dumuni wɛrɛ caman na, a bɛ dɔ fara u ka diyaw kan. Nka, o dɔrɔn tɛ, mɔgɔw bɛ kaba kɛ baganw fana ka balofɛn ye. O min bɛ dɔ dɔ fara dugudenw ka sɔrɔ kan.15/07/202403:16 -
Bi laseli bɛ kuma Kabada Fadou ka malosɛnɛlaw ka gɛlɛyaw de kan
I n'a fɔ tɛnɛn o tɛnɛn, an ka bi laseli bɛ kuma sigida ɲɛtaa kan. Bi, an bɛ taa La Guinée, kɛrɛnkɛrɛnnenya la, Kabada Fadou, yen ni Kankan ye kilomɛtɛrɛ tan. Fɔlɔ fɔlɔ, cikɛlaw tun tɛ gɛlɛya caman sɔrɔ k'u ka bondow (jiginɛw) fa. Baarakɛminanw tun tɛ bɛrɛ ye, nka sɔrɔ tun bɛ bugu. Bi, baarakɛminanw cayara, nka dɔ bɛ ka bɔ sɔrɔ la ka taa a fɛ. Malosɛnɛnaw tɛ sera ka bɔ u yɛrɛ la, olu yɛrɛ bɛ kɔkanmalo de san k'a dun sisan. O bɛ se ka faamu cogo di? Sɛnɛkɛlaw ko sanubɔlaw de nɔ don, nka yala o dɔrɔn don wa? Mamady KABA bɛ ɲɛfɔli kɛ nin laseli in na.08/07/202403:34 -
La Guinée: Sanubɔlaw ka tɔw bɛ ka mɔgɔw laadi marabagaw ka latigɛ kan
La Guinée jamana na, bololasanubɔlaw ni diyamanbɔlaw ka baara sonsorila kabi kalo kelen, jamana seleke naani bɛɛ la. Marabagajɛkulu ko latigɛ in takun ye baarakɛlaw ka taa sɛnɛ kɛ, u k'a to yɔrɔw ka lakuraya dɔɔnin ani fana, ka wuruntuliw ɲakɔrɔtigɛ, janko nin samiɲawaati nin na. La Guinée, sanubɔlaw ka faraɲɔgɔnkankulu ye latigɛ in tando. Kankan, tɔn in ka bolofara min bɛ yen, o ye laadilikanw dɔ daminɛ Bombo sanubɔyɔrɔ la. O yɔrɔ ni Kankan ye kilo 65 ye. An ka lasigiden Mamady KABA taara o yɔrɔ la. A ka laseli filɛ.01/07/202403:30 -
Mali ni La Guinée dancɛ la, mankan bɛ to ka wuli sigidalamɔgɔw ni ɲɔgɔn cɛ sanubɔyɔrɔw kama
La Guinée ni Mali dancɛ, mankan bɛ to ka wuli mɔgɔw ni ɲɔgɔn cɛ sanubɔyɔrɔw la. Min kɛra, a ma mɛɛ, o ye mɛkalo tilancɛ ta ye, Djelimana mara la, o yɔrɔ min na, mɔgɔ saba bɔnɛna u nin na, ani ka mɔgɔ caman jogin. Danmada dɔ bɛ yen, jamana fila ninnu bɛɛ dugu bɛ kɛlɛ min kan, bɛɛ k'ale ta don. An ka lasigiden Mamady KABA taara bɔ yen, a ka laseli filɛ.03/06/202403:10 -
Konankoro dugu la, muso nakɔbaaralaw ye kalan dɔ sɔrɔ u ka baara taabolo la
La Guinée jamana na, musow ye sɛnɛ fɛɛrɛ kuraw dɔw kalan Kankan mara la. A kɛra Kounankoro dugu la, dɛmɛbolo dɔ barika la, min tɔgɔ ye "anw de ye fɛɛrɛ ye" (Nous sommes la solution). Laɲini ye, muso nakɔbaaralaw dege sɛnɛ kɛcogo dɔw la, minnu bɛ lamini latanga. Tile duuru kɔnɔna na, dɛmɛbolo in y'u bilasira o baaraw la, wa musow fana ye nafa caman sɔrɔ. Mamady KABA y'o kalan seereya.20/05/202403:24 -
La Guinée : Gɛlɛya caman bɛ mangoro baarakɛlaw kan Boussouran dugu la
La Guinée jamana, gɛlɛya caman de bɛ mangoroforotigiw kan Boussouran. Boussouran ni Kankan man jan, a bɛ sirabada la, Kankan ni Kissidougou cɛ. Kabini La Guinée y'a ka yɛrɛmahɔrɔnya ta, dugudenw tun y'u ɲɛsin mangorobaara de ma. A tɔnɔ tun ka bon u kan kosɛbɛ, sabu la, olu de bɛ mangoro di a bayɛlɛmɛbagaw ma o waati.06/05/202405:46 -
Mamadi KABA bɛ taa n'an ye Fissadou, Kankan ni Kouroussa mara la, Gunée
Fissadou bɛ Kankan mara fɛ, yen cɛw ni musow bɛɛ de ka baara ye sɛnɛ ye. A maradenw bɛ taa mɔgɔ 10 000 hakɛ la. Nka, yɔro ɲanamaw, i n'a fɔ sirabaw, kɛnɛyasow, kalansow, ninnu ko gɛlɛyaba de b'u la.22/04/202405:37 -
Sénégal jamana kɔnɔ, mɔnibaara jɔyɔrɔ ka bon kɔsɔbɛ
100 sarala Sénégalkan 15 ka baara ni balo sirilendo mɔnikɛ la. Jamana in mɔni baara fanba ye kɔgɔjikan mɔni ye. Nka o kɛrɛfɛ, mɔni bi kɛ fana baaji ni dalanw kɔnɔ iko Lac de Guiers dalan Timbey dugusen na Richard-Toll kɛrɛfɛ Sénégal kɔgɔduguyanfanfɛ.15/04/202405:34 -
Bi laseliba bɛ taa n'an ye Kignero, Guinée jamana na, yen sifinw bɛ sɛnɛ kɛyasa ka bɔnɔgɔla sabati
Kignero ye sɛnɛkɛ dugu de ye, Banora mara la, Guinée jamana kan. Yen sigidadenw ma sigi ka marabaajɛkulu makɔnɔn. U bɛ de bɛ baara kɛ yasa k'u ka dugu lataa ɲɛ.Kɛrɛnkɛrɛnnenya la, sɛnɛ de sinsinnen don u bolo.25/03/202405:47 -
An bɛ taa Prikro, ka taa yen masamuso Nanan Koffi Aya lakodon
Aw ka nin dɔgɔkun sigida ɲɛtaa jɛmukan bɛ taa n'an ye Bouaké mara la, Prikro, yen min mara be masamuso Nanan Koffi Aya2 de ka marakɔnɔ. Musow ma ca masaya la. mɔgɔ caman de bɛ muso in filɛ, o min ye dabalibanko y'u bolo.11/03/202405:55 -
Loko walima baranda baaralaw bɛ gɛlɛyaw kɔnɔ Lola, Kankan mara la, Guinée jamana kan
Guinée jamana na, Lola, Kankan mara la, loko feere fangan ka bon yen kɔsɔbɛ. Kabini waati damadɔ sisan, yen mɔgɔ minnu bɛ logo baara kɛ, olu bɛ gɛlɛyaw kɔnɔ k'a sababu kɛ logo dɛsɛ ye.26/02/202405:49 -
An bɛ taa Poro, Côte d'Ivoire mara la, ka taa kuma yen musow ka sɛnɛkɛyɔrɔko gɛlɛyaw kan
Poro faaba la, Côte d'Ivoire kɔgɔdugu fɛ, liɛ barakɛlaw ka ca. Musow lɔyɔrɔ ka bon o sɛnɛn baara la, ka sɔrɔ o tɔgɔlayɔrɔ t'u bolo.19/02/202405:00
![SIGIDA ƝƐTAGA](https://s.rfi.fr/media/display/6d23d0fa-56da-11ee-b415-005056a90321/w:480/p:1x1/SIGIDA%20%C6%9D%C6%90TAGA.jpg)
Aw y’a laɲini kɛ, Anw y’a latigɛ !!! Sigida ɲɛtaa!!!
Nin fana ye ko kura ye rfi Mandenkan sanfɛ. Tɛnɛ o tɛnɛ nɛgɛ kaɲɛ 7h ma tɛmɛ ni san 23 ye laseli kɛrɛnkɛrɛnnen bɛna kɛ aw ye anw ka sigidaw ka ɲɛtagako n’u ka kunkankow kan. Baganmaaralaw, sɛnɛkɛlaw, mɔnikɛlaw, jagokɛlaw, sigida ɲɛtaa bɛ kuma di aw bɛɛ lajɛlen de ma.