Mɔgɔ weelelenw
Dɔgɔkun o dɔgɔkun, rfi mandenkan b'a kan bɔ, dɔnikɛla dɔ ma, a ka kunnafoni dɔw walawala aw ye.O y'an ka mɔgɔ weelelen kɛnɛ ye .
K'a tɔ kalanka baroda laban lamɛn
barodaw bɛɛ
-
Bakary SAMB, ɲininikɛcɛkɛda Timbuktu Institute ɲɛmaa bɛ kuma jatigɛwale kɛlɛli kan Saheli kɔnɔ
Bi sɛtanburukalo tilé 11 ye jatigɛwale kɛlɛli tɔgɔladon kɛrɛnkɛrɛnnen diɲɛ kɔnɔ. Farafinna o jatigɛwale in bɛ ka dadigi kɛ kosɔbɛ Sahel jamanaw la kabini san caman.11/09/202405:21 -
Soumaila Lah, yala Abdelmadjid Tebboune bɛna se ka mun kɛ a ka nin sarati filanan in kɔnɔ?
A ma kɛ balinako ye, Abdelmadjid Tebboune de ye sebaya sɔrɔ sibiridon jamanakuntigikalata la. A y’a sinaw dan ka juguya kɔsɔbɛ.Kalata la bi kɔnɔtɔn ni duru ɲɔgɔn de y’u kan di a ma kɛmɛ-kɛmɛ sara la hali ni jamanadenw ma bɔ ka ca ya ka taga kalata a n’a sinaw cɛ janyan na kɔsɔbɛ.10/09/202405:21 -
Yala Chine marabagaw ye wari lahidu ta Farafinna ye lajɛrɛba senfe, o be se ka makow bɛɛ ɲɛnabɔ wa...
Dolari wari miliyari bi duru dɛmɛ ni juru, o de lahidu tara Chine marabagaw fɛ Farafinna ye, u ka lajɛrɛba senfɛ dɔgɔkun tɛmɛnen. O wari kan ka di san saba kɔnɔ, a labarali bɛ ɲɛsin Farafinna ka ɲɛtaga baaraw ma i n'a fɔ sɛnɛ, jɔli baaraw walima kuranko.09/09/202405:38 -
Dr Dansa KOUROUMA, La Guinée donnatɛmɛfanga wasabulon ɲɛmɔgɔ bɛ kuma u ka baara kan
La Guinée, bi sɛtanburukalo tile duuru de bɛ bɛn donnatɛmɛfanga san saba ma. San 2021 sɛtanburukalo tile duuru de la Général Mamadi Doumbouya ye jamanakuntigi kɔrɔ Alpha Condé ka fanga dafiri.05/09/202405:27 -
Modibo Mao Makalou, farafinna bɛ se k'a jigi da mun kan a ni Chine ka ɲinan lajɛrɛ hukumu kɔnɔ?
Bi araba, sɛtanburukalo tile naani, Farafinna jamanaw ni Chine ka lajɛrɛba tako kɔnɔtɔnnan dayɛlɛla. Kabini dɔgɔkun furancɛ in na, farafinna jamanakuntigi caman sera Chine ka ban wa u dɔw ni Chine jamanakuntigi Xi Jinping ye ɲɔgɔnye kɛ. Nin lajɛrɛba in laɲini ye ka baaraɲɔgɔnyaw kologiriya sɔrɔko ni jɔli baaraw sira fɛ Chine ni Farafinnna jamanaw cɛ. nin san labanw na, o baaraɲɔgɔnyaw tun fɛgɛyara fan dɔw fɛ, hali ni san 2023 ka na se bi ma nin kura bɛ ka don a la tuguni.04/09/202405:36 -
Adama Sangaré Diarrassouba, Pedro Sanchez ka farafinna taama bɛna dɔ bɔ dogo dogo tungalataala wa?
Ka dogo-dogo tunkalataga kɛlɛ ni fɛɛrɛ kura bolodalenw ye, ni de tun te Espagne marabagajɛkulu ɲɛmaa Pedro Sanchez ka tagama kun ye dɔgɔkun tɛmɛnen Mauritanie, Gambie ani Sénégal.03/09/202405:19 -
MPOX: Dr Moussa Aminata KEITA mun bɔra aw ka lajɛ in na Dakar bana in kɛlɛli ko la?
Bolocifuraw dilancakɛda (Institut Pasteur) min bɛ Dakar, Senegal faaba la, ani farafina tilebinyanfa jamanaw ka kɛnɛya cakɛda b ɛka u cɛsiri walasa ka kurukuruninbana MPOX kɛlɛ. O la, lajɛrɛ dɔ sigira Dakar utikalɔ tile 26 n'a tilɛ 30 cɛ, walasa ka dɔgɔtɔw ladegi ka bana in sɛgɛsɛgɛ ani ka bolocifuraw di mɔgɔw ma.02/09/202405:38 -
Lancei Touré, Guinée bɛ se ka fɛɛrɛ jumɛnw de taa yasa ka sanjikasaraw ɲɛkɔrɔtigɛ?
Sanji milimɛtɛrɛ 200, o de jiginna Lagine faaba Conakry kan dɔgɔkun furancɛ tɛmɛnen in na. Kabini san tan ni duuru o ɲɔgɔn tun ma deli ka kɛ. Nin sanji nali kojugu ye degunba lase Conakry kin caman ma.Kasarakow ɲanabɔ cakɛda “agence Nationale de Gestion des Urgences et Catastrophes Humanitaires” ka jatew y'a yira ko degun sera denbaya wa saba ni kɔ de ma.29/08/202405:20 -
Ibrahima Sacko, e bɛ se ka mun f'an ye HCDH ka jateminɛsɛbɛn kan hadamadenw ka hakɛ kan Guinée ?
Lagine jamana la, diɲɛ tɔnba ONU ka bolofara min bɛ Hadamadenw ka hakɛ lafasali ko kunna « Haut-Commissariat aux droits de l’homme des Nations-Unies » ye jateminɛsɛbɛn dɔ da kɛnɛkan alamusa don tɛmɛnen. O jateminɛ sɛbɛn sɛgɛ-sɛgɛliw kɛra san in kalo saba fɔlɔw de kan (Janvier kalo ka se Marsi kalo » ma.28/08/202405:34 -
Amadou DIARRA , e bɛ se ka mun f'an ye lujuratɔw ka kunbɛnba "paralympique" tako 17 nan kan Paris ?
Bi diɲɛ lujuratɔw ka farikoloɲanajɛ ɲɔgɔnkunbɛnba tako 17nan kɛnɛ bɛ dayɛlɛ Paris, Faransi jamana na. Nin bɛna kɛ a siyɛn fɔlɔ ye Faransi ka nin kunbɛnba in bisimila. A bɛ to senna fo septembre kalo tile 08. Farikolo fan dɔ dɛsɛ bɛ mɔgɔ minnu na, ɲɛko bana bɛ minnu na walima Hakili bana bɛ minnu na, ninnu bɛɛ de bɛnna ɲɔgɔn sɔrɔ ni kɛnɛ in kan.28/08/202404:51 -
Dr Arthur Banga, jatigɛwalekɛlaw sera ka nin binkanni cɛjugu kɛ cogo di Barsalogho, Burkina Faso ?
Burkina Faso, tile nani Barsalogho jatigɛwale binkannin kɔ, jamana kɔgɔduguyanfan fɛ, halisa tɔrɔ, degun ni famuyabaliya de bɛ yen. Mɔgɔ caman bɛ k’i yɛrɛ ɲinikan cogo di jatigɛwalekɛlaw sera ka nin binkannin sugu kɛ ka mɔgɔ kɛmɛ fila ɲɔgɔn bɛɛ bɔnɛ u niin na ka kɛmɛ ni kɔ jogin.27/08/202405:13 -
Dorris Haron Kasco, miriya nana i la cogo di k'i ka jaa filimu "Djaatala" dilan?
Dorris Haron Kasco de y'an ka bi mɔgɔ weelelen ye. Jaatala ni filimu dilanla don.A jatelen bɛ Côte d'Ivoire seko ni lɔnko jaatala fɔlɔ ye, n'a bɛ weele "photographie d'art". A ka baaraw ka ca. Olu cɛla, "Femmes masquées" jaaw yirala san 1990 la. "Les fous d'Abidjan", o jaw bɔla san 1993. "Innocence en péril" ni "Dilogie" fana y'a ka baara dɔw ye.22/08/202404:52 -
Paul Oula, e bɛ se ka mun f'an ye sɔrasiw ka san 4 mara kan Mali kunna?
Mali la, nin y’a san nani ye jamanakuntigi kɔrɔ Ibrahim Boubacar Keita ka fanga dafiri la ka bɛ utikalo tile 18 ma san 2020.Fɔɔ bi sɔrasiw bɛ fanga la, Colonel Assimi Goita ka ɲɛmɔgɔya kɔnɔ. San nani maara kɔnɔ yɛlɛma caman kɛra, Faransi sɔrasiw tara, Russilakaw nana,ONU kɛlɛcɛw fana tara. Nka halisa lakanabaliya ma se ka kɛlɛ ka ban, halini ɲɛtaga caman sɔrɔ la.21/08/202405:36 -
Dr Sidiki Sanogo, fɛɛrɛ jumɛn bɛ se ka sɔrɔ sanjikaraw la sahɛlijamanaw kɔnɔ?
Sahel kɔnɔ, ɲinan samuya bɛ ka gɛlɛya kosɔbɛ.Mali, Niger walima Tchad, sanji ye tiyɛnni caman kɛ, nin tile labanw kɔnɔ mɔgɔ caman de bɔnɛna u niin na nin jamana sabaw kɔnɔ wa mɔgɔ bayirika de y’u sigiyɔrɔw bila.20/08/202405:36 -
Burkina: Mamadou Ismaëla Konaté i ye mun faamu kiiritigɛlaw ka minɛli ka ka don sɔrasibaaraw la?
Burkina Faso, politikimɔgɔw, fasodenw tɔgɔlatɔn mɔgɔw ni kununafonidilaw kɔ, sisankiritigɛlaw yɛrɛ de bɛ ka minɛ ka bila sɔrasiya baara la. Dɔgɔkun tɛmɛnen a da sera kiritigɛla wɔrɔ de ma. Kasɔrɔ kiiriso dɔ tun y’i dantigɛ k'a fɔ ko kiritigɛla ninnu ka weeleli k’u ka taga tali kɛsɔrasiya baaraw la k’o ni sariya te bɛn. Dantigɛlisɛbɛn dɔ kɔnɔ min carila jumadon, kiiritigɛlawka lafasatɔnw y’u ka nisɔngoya yira wa ko nin ye lagosili de ye ka ɲɛsin olu ma.19/08/202405:28
Mɔgɔ weelelenw
Dɔgɔkun o dɔgɔkun, rfi mandenkan b'a kan bɔ, dɔnikɛla dɔ ma, a ka kunnafoni dɔw walawala aw ye.
O y'an ka mɔgɔ weelelen kɛnɛ ye .