Niger: Benin jamanakuntigi kɔrɔ fila sera Niamey kunu

Bénin jamanakuntigi kɔrɔ fila minnu kɔnna Patice TALON ɲɛ fanga la, u sera kunu wulafɛ Niamey, Niger faaba kɔnɔ. Nicephore SOGLO ni Yayi BONI yɛrɛw de ya latigɛ ka taga soronalidon kɛ sigiɲɔgonjamana filaw cɛ. U cɛ gɛlɛyalalen don bɛrɛ t'a jɛ san 1 ma sisan. O bɛnbaliya yɛrɛ daminɛna kabi ni sɔrasiw ye fangadafiri kɛ zuluyekalo la san 2023 ani o kɔ CEDEAO ye ɲangili minu ta. O kɔ, Niger tajii tɛmɛsira (pipeline) ko nana don a ra. Benin jamanakuntigi kɔrɔ filaw bɛn'a ɲini ka sigiɲɔgonjamana fila bɛn kelen ma.