2. თქვენი შიგთავსი. ჩვენი სერვისების უმეტესობა საშუალებას გაძლევთ შექმნათ, შეინახოთ ან გააზიაროთ თქვენი შიგთავსი ან მიიღოთ მასალები სხვა მომხმარებლებისგან. ჩვენ არ ვაცხადებთ თქვენს შიგთავსზე საკუთრების უფლების პრეტენზიას. თქვენი შიგთავსი თქვენი საკუთრებაა და თქვენ ხართ მასზე პასუხისმგებელი.

• ა) თქვენ გააზრებული გაქვთ, რომ თქვენი შიგთავსის სხვა მომხმარებლებისთვის გაზიარებისას ამ მომხმარებლებმა მთელი მსოფლიოს მასშტაბით შეიძლება გამოიყენონ, შეინახონ, ჩაწერონ, რეპროდუცირება მოახდინონ, მაუწყებლობით გადასცენ, გააზიარონ და აჩვენონ თქვენი შიგთავსი თქვენთვის ანაზღაურების გარეშე იმ მიზნით, რომლითაც თქვენი შიგთავსი ხელმისაწვდომი გახადეთ სერვისებში. თუ არ გსურთ, სხვებმა მიიღონ ასეთი შესაძლებლობა, ნუ გამოიყენებთ სერვისებს თქვენი შიგთავსის გასაზიარებლად. თქვენ ადასტურებთ და გარანტიას იძლევით, რომ ამ პირობების მოქმედების განმავლობაში თქვენ გაქვთ (და გექნებათ) ყველა უფლება თქვენს შიგთავსზე, რომელსაც ატვირთავთ, შეინახავთ ან გააზიარებთ სერვისებში და რომ თქვენი შიგთავსის შეგროვებით, გამოყენებით და შენახვით არ დაირღვევა რაიმე კანონი ან სხვების უფლებები. Microsoft არ ფლობს, არ აკონტროლებს, არ ამოწმებს, არ იხდის საფასურს, მხარს არ უჭერს და არ იღებს არავითარ პასუხისმგებლობას თქვენს შიგთავსზე და არ შეიძლება იყოს პასუხისმგებელი თქვენს შიგთავსზე ან იმ მასალებზე, რომლებსაც სხვა მომხმარებლები ატვირთავენ, შეინახავენ ან გააზიარებენ სერვისების მეშვეობით.
• ბ) იმ ფარგლებშიც, რომლებიც საჭიროა თქვენთვის და სხვა მომხმარებლებისთვის სერვისების უზრუნველსაყოფად, თქვენი და სერვისების დაცვის მიზნით და Microsoft-ის პროდუქტებისა და სერვისების გაუმჯობესებისთვის, თქვენ აძლევთ Microsoft-ს მსოფლიოს მასშტაბით მოქმედ, ინტელექტუალური საკუთრების უჰონორარო ლიცენზიას თქვენი შიგთავსის გამოყენებაზე, მაგალითად, თქვენი შიგთავსის კოპირებაზე, შენახვაზე, გადაცემაზე, ხელახლა დაფორმატებაზე, ჩვენებასა და გავრცელებაზე სერვისებში არსებული საკომუნიკაციო ხელსაწყოების საშუალებით. თუ გამოაქვეყნებთ თქვენს შიგთავსს სერვისის იმ ზონებში, სადაც იგი საჯაროდ ხელმისაწვდომი იქნება ინტერნეტით შეზღუდვების გარეშე, თქვენი შიგთავსი შეიძლება გამოჩნდეს დემონსტრირებასა და მასალაში, რომელთა საშუალებით ხდება სერვისის მხარდაჭერა. სერვისების ნაწილი მხარდაჭერილია რეკლამების საშუალებით. Microsoft-ის რეკლამირების პერსონალიზაციის წესის მართვის საშუალებები ხელმისაწვდომია მისამართზე: https://choice.live.com. ჩვენ არ გამოვიყენებთ ელფოსტაში, ჩატში, ვიდეოზარებში ან ხმოვან ფოსტაში ნათქვამ ფრაზებს, არ გამოვიყენებთ თქვენს დოკუმენტებს, ფოტოებსა და სხვა პერსონალურ ფაილებს თქვენთვის მიზნობრივი რეკლამის უზრუნველყოფის მიზნით. ჩვენი რეკლამირების პოლიტიკა დეტალურად აღწერილია კონფიდენციალურობის დებულებაში.

3. ქცევის კოდექსი. თქვენ პასუხისმგებელი ხართ თქვენს ქცევასა და შიგთავსზე სერვისების გამოყენებისას.

• ა) ამ პირობებზე დათანხმების შემთხვევაში, თქვენ, ასევე, ეთანხმებით იმას, რომ სერვისების გამოყენებისას თქვენ დაიცავთ შემდეგ წესებს:
  • i. არ განახორციელებთ არაკანონიერ ქმედებას და არ ეცდებით არაკანონიერი შიგთავსის გენერირებას, ან გაზიარებას.
  • ii. არ მიიღებთ მონაწილეობას აქტივობაში, რომელიც ექსპლუატაციას უწევს, ავნებს ბავშვებს ან მათთვის ზიანის მიყენების რისკს მოიცავს.
  • iii. არ გაგზავნით სპამს და არ ჩაერთვებით ფიშინგში, ასევე არ ეცდებით საზიანო პროგრამების გენერირებასა თუ გავრცელებას. სპამი არის მასობრივად დაგზავნილი არასასურველი ელ. წერილები, გზავნილები, კონტაქტის მოთხოვნები, SMS (ტექსტური შეტყობინებები), მყისიერი შეტყობინებები ან სხვა მსგავსი ელექტრონული კომუნიკაცია. ფიშინგი ნიშნავს ელ. წერილების ან სხვა ელექტრონული კომუნიკაციის დაგზავნას მიმღებების თაღლითურად ან არაკანონიერად წასაქეზებლად ისეთი პერსონალური ან სენსიტიური ინფორმაციის გამჟღავნებისაკენ, როგორიცაა პაროლები, დაბადების თარიღი, სოციალური უზრუნველყოფის ნომერი, პასპორტის ნომერი, საკრედიტო ბარათის ინფორმაცია, ფინანსური ინფორმაცია ან სხვა სენსიტიური ინფორმაცია, ან ანგარიშებსა თუ ჩანაწერებზე წვდომის მისაღებად, დოკუმენტების ექსფილტრაციის ან სხვა სენსიტიური ინფორმაციის, გადახდების და/ან ფინანსური სარგებლის მიღების მიზნით. საზიანო პროგრამაში იგულისხმება ნებისმიერი აქტივობა, რომელიც ხორციელდება ტექნიკური ზიანის მისაყენებლად, მაგალითად მავნე შესრულებადი ფაილების მიწოდება, ან პროგრამა, რომელიც გამოიყენება ისეთი ტიპის თავდასხმის განსახორციელებლად, როგორიცაა "მომსახურებაზე უარი" ან ბრძანებისა და კონტროლის სერვერების მართვა.
  • iv. არ გამოაქვეყნებთ საჯაროდ და არ გამოიყენებთ სერვისებს შეუფერებელი შიგთავსის ან მასალის გენერირებისა თუ გასაზიარებლად (მათ შორის, მაგალითად, სიშიშვლე, ურცხვობა, პორნოგრაფია, შეურაცხმყოფელი ენა, ძალადობის სცენა, თვითდაზიანება ან დანაშაულებრივი საქმიანობა) ან თქვენს შიგთავსს ან მასალას, რომელიც არ შეესაბამება ადგილობრივ კანონმდებლობასა თუ რეგულაციებს.
  • v. არ ჩაერთვებით ისეთ აქტივობაში, რომელიც თაღლითური, მცდარი ან შეცდომაში შემყვანი (მაგ., ფულის მოთხოვნა მოტყუების გზით, თავის სხვად გასაღება, ყალბი ანგარიშების შექმნა, არაავთენტური აქტივობები, ისეთი შიგთავსის გენერირება ან გაზიარება, რომელიც გამიზნულად არის მცდარი, სერვისების მანიპულირება დაკვრის რაოდენობის გასაზრდელად ან რანჟირებაზე, რეიტინგებსა ან კომენტარებზე გავლენის მოხდენის მიზნით), ცილისმწამებლური ან სახელის გამტეხია.
  • vi. თავს არ აარიდებთ სერვისებზე წვდომაზე, მათ გამოყენებასა და ხელმისაწვდომობაზე დაწესებული რომელიმე შეზღუდვის დამორჩილებას (მაგ., AI სისტემაზე მწარმოებლის შეზღუდვების მოხსნის მცდელობა ან დაუშვებელი სკრეიპინგი).
  • vii. არ ჩაერთვებით ისეთ აქტივობაში, რომელიც თქვენთვის, სერვისებისა და სხვებისთვის საზიანოა (მაგ., ვირუსების გადაცემა, თვალთვალი, მცდელობა ისეთი შიგთავსის გენერირებისა ან გაზიარებისა, რომელიც შეურაცხყოფას აყენებს, ჩაგრავს ან ემუქრება სხვებს, ტერორისტული ან ძალადობრივი ხასიათის, ექსტრემისტული შიგთავსის გამოქვეყნება, სიძულვილის ენის გამოყენება კომუნიკაციაში, ან სხვათა მიმართ ძალადობის ადვოკატირება).
  • viii. არ დაარღვევთ ან შელახავთ სხვების უფლებებს (მაგ., საავტორო უფლებებით დაცული მუსიკისა ან სხვა მასალების არასანქცირებული გაზიარება, Bing-ის რუკების ხელახლა გაყიდვა ან სხვა სახის გავრცელება, სხვებისთვის ფოტოების გადაღება ან აუდიო/ვიდეო ჩაწერა მათი ნებართვის გარეშე პირის ბიომეტრიული მაიდენტიფიცირებლების/ინფორმაციის დასამუშავებლად ან ნებისმიერი სხვა მიზნისათვის რომელიმე სერვისის გამოყენებით).
  • ix. არ მიიღებთ მონაწილეობას აქტივობაში, რომელიც არღვევს სხვა ადამიანების კონფიდენციალურობის ან მონაცემთა დაცვის უფლებებს.
  • x. არ დაეხმარებით სხვა ადამიანებს ამ წესების დარღვევაში.
• ჩვენი პოლიტიკის, შეზღუდვების და შესრულების პროცესებისა და სერვისების კონკრეტული პირობების შესახებ დამატებითი ინფორმაცია ხელმისაწვდომია აქ: aka.ms/trustandsafety.

4. სერვისების გამოყენება და მხარდაჭერა.

• ა) Microsoft-ის ანგარიში. ბევრ სერვისზე წვდომის მისაღებად დაგჭირდებათ Microsoft-ის ანგარიში. Microsoft-ის ანგარიშით შეგიძლიათ შეხვიდეთ პროდუქტებში, ვებსაიტებსა და სერვისებში, რომლებსაც უზრუნველყოფს Microsoft-ი და Microsoft-ის რამდენიმე პარტნიორი.
  • i. ანგარიშის შექმნა. შეგიძლიათ შექმნათ Microsoft-ის ანგარიში ონლაინ-რეგისტრაციის გზით. თქვენ თანახმა ხართ, არ გამოიყენოთ ყალბი, არაზუსტი ან ცრუ ინფორმაცია Microsoft-ის ანგარიშის რეგისტრაციის დროს. ზოგიერთ შემთხვევაში, Microsoft-ის ანგარიში შეიძლება მოგანიჭოთ მესამე პირმა, მაგალითად, ინტერნეტ სერვისის პროვაიდერმა. თუ თქვენ Microsoft-ის ანგარიში მესამე პირისგან მიიღეთ, შესაძლოა, მესამე პირს ჰქონდეს დამატებითი უფლებები თქვენი ანგარიშის მიმართ, მაგალითად, Microsoft-ის ანგარიშზე წვდომის ან ანგარიშის წაშლის შესაძლებლობა. გადახედეთ დამატებით პირობებს, რომლებიც წარმოგიდგინათ მესამე პირმა, რადგან Microsoft-ი არ აგებს პასუხს ამ დამატებით პირობებზე. თუ Microsoft-ის ანგარიში იურიდიული პირის სახელით შექმენით, მაგალითად, საწარმოს ან დამქირავებელი კომპანიის სახელით, თქვენ ადასტურებთ, რომ გაქვთ კანონიერი უფლება, დააკისროთ შესაბამის იურიდიულ პირს ამ პირობების შესრულების ვალდებულება. თქვენი Microsoft-ის ანგარიშის სარეგისტრაციო მონაცემების გადაცემა სხვა მომხმარებელზე ან იურიდიულ პირზე დაუშვებელია. თქვენი ანგარიშის დაცვის მიზნით, კონფიდენციალურად შეინახეთ თქვენი ანგარიშის დეტალები და პაროლი. თქვენ აგებთ პასუხს ყველა აქტივობაზე, რომელიც შესრულდება Microsoft-ის ანგარიშის ფარგლებში.
  • ii. ანგარიშის გამოყენება. იმისთვის, რომ Microsoft-ის ანგარიში აქტიური დარჩეს, საჭიროა, მისი გამოყენება. ეს ნიშნავს იმას, რომ Microsoft-ის ანგარიშისა და სერვისების აქტიურობის შესანარჩუნებლად უნდა შეხვიდეთ ანგარიშში, ორ წელიწადში მინიმუმ ერთხელ, თუ უფრო ხანგრძლივი პერიოდი არ არის გათვალისწინებული Microsoft-ის ანგარიშის აქტიურობის დებულებაში ვებგვერდზე: https://go.microsoft.com/fwlink/p/?linkid=2086738 ან სერვისების ფასიანი ნაწილის შემოთავაზებაში. თუ არ შეხვალთ Microsoft-ის ანგარიშში მითითებული პერიოდის განმავლობაში, ჩვენ მას არააქტიურად მივიჩნევთ და დავხურავთ მას. Microsoft-ის ანგარიშის დახურვის შედეგების შესახებ ინფორმაციისთვის იხილეთ ნაწილი 4.ა.IV.2. თქვენ უნდა შეხვიდეთ თქვენს Outlook.com-ის საფოსტო ყუთში და OneDrive-ში (ცალკე) წელიწადში ერთხელ მაინც. წინააღმდეგ შემთხვევაში, ჩვენ დავხურავთ თქვენს Outlook.com-ის საფოსტო ყუთს და OneDrive-ს. თუ ჩვენ დასაბუთებულად მივიჩნევთ, რომ თქვენი Microsoft-ის ანგარიშს მესამე პირის მიერ თაღლითურად გამოყენების რისკი ემუქრება (მაგალითად, ანგარიშის გატეხვის შედეგად), Microsoft-მა შეიძლება შეაჩეროს თქვენი ანგარიში, სანამ არ აღადგენთ მფლობელობას. დარღვევის ხასიათიდან გამომდინარე, შესაძლოა, აუცილებელი გახდეს თქვენს შიგთავსზე წვდომის მთლიანად ან ნაწილობრივ გამორთვა. თუ ვერ შედიხართ თქვენს Microsoft-ის ანგარიშში, ეწვიეთ ვებსაიტს: https://go.microsoft.com/fwlink/?LinkId=238656.
  • iii. ბავშვები და ანგარიშები. Microsoft-ის ანგარიშის შექმნითა ან სერვისების გამოყენებით, თქვენ ადასტურებთ და ეთანხმებით იმას, რომ დაიცავთ წინამდებარე პირობებს და რომ მიაღწიეთ სრულწლოვანების ან სამართლებრივი პასუხისმგებლობის ასაკს იქ, სადაც ცხოვრობთ, ან რომ თქვენი მშობელი ან კანონიერი მეურვე თანახმაა თქვენი სახელით საკუთარ თავზე აიღოს ამ პირობების შესრულების ვალდებულება. თუ არ იცით, მიაღწიეთ თუ არა სრულწლოვანების ან სამართლებრივი პასუხისმგებლობის ასაკს იქ, სადაც ცხოვრობთ ან არ გესმით ამ ნაწილის შინაარსი, სთხოვეთ დახმარება მშობელს ან კანონიერ მეურვეს. თუ თქვენ ხართ არასრულწლოვანის მშობელი ან მეურვე, თქვენ ეთანხმებით ამ პირობებს არასრულწლოვანის სახელით და პასუხს აგებთ Microsoft-ის ანგარიშის ან სერვისების გამოყენებაზე, მათ შორის, შეძენაზე, მიუხედავად იმისა, გახსნილია არასრულწლოვანის ანგარიში ახლა თუ შეიქმნება მოგვიანებით.
  • iv. ანგარიშის დახურვა.
    • 1. შეგიძლიათ გააუქმოთ კონკრეტული სერვისები ან დახუროთ Microsoft-ის ანგარიში ნებისმიერ დროს და ნებისმიერი მიზეზით. Microsoft-ის ანგარიშის დასახურად, ეწვიეთ საიტს https://go.microsoft.com/fwlink/p/?linkid=618278. თუ გვთხოვთ Microsoft-ის ანგარიშის დახურვას, შეგიძლიათ აირჩიოთ მისი შეჩერება 30 ან 60 დღის განმავლობაში იმ შემთხვევისთვის, თუ აზრს შეიცვლით. 30 ან 60-დღიანი პერიოდის გასვლის შემდეგ თქვენი Microsoft-ის ანგარიში დაიხურება. განმარტებისთვის იმის შესახებ, თუ რა მოხდება Microsoft-ის ანგარიშის დახურვისას, იხილეთ ნაწილი 4.ა.IV.2. თუ შეჩერების პერიოდის განმავლობაში ხელახლა შეხვალთ თქვენს Microsoft-ის ანგარიშზე, ის ხელახლა გააქტიურდება.
    • 2. თქვენი Microsoft-ის ანგარიშის დახურვას (თქვენ ან ჩვენ მიერ) შემდეგი შედეგები აქვს. პირველ რიგში, თქვენ დაუყოვნებლივ კარგავთ უფლებას, გამოიყენოთ Microsoft-ის ანგარიში სერვისებზე წვდომისთვის. მეორე, ჩვენ წავშლით მონაცემებს ან თქვენს შიგთავსს, რომელიც დაკავშირებულია თქვენს Microsoft-ის ანგარიშთან, ან გავაუქმებთ კავშირს თქვენთან და თქვენს Microsoft-ის ანგარიშთან (თუ კანონით არ მოგვეთხოვება მათი შენახვა, გადმოცემა თქვენთვის ან თქვენ მიერ მითითებულ მესამე მხარისთვის). თქვენ უნდა გქონდეთ რეგულარული დამარქაფების გეგმა, რადგან Microsoft ვერ შეძლებს თქვენი შიგთავსის ან მონაცემების აღდგენას ანგარიშის დახურვის შემდეგ. მესამე, თქვენ შეიძლება დაკარგოთ წვდომა პროდუქტებზე, რომლებიც შეიძინეთ.
• ბ) რეგულირება და აღსრულება. ბევრი ჩვენი სერვისი, რომელიც გაძლევთ შიგთავსთან მიმართებით ინტერაქციის, შექმნის, გენერირების, სხვებთან გაზიარების საშუალებას სხვებთან, იყენებს უსაფრთხოების სისტემებს ჩვენი სერვისებისა და სხვა მომხმარებლების დასაცავად.
  • i. წესები. ჩვენი ქცევის კოდექსი განმარტავს იმას, თუ რა არის აკრძალული ჩვენი სერვისების გამოყენებისას. ჩვენი კონტენტისა და ქცევის წესები ხელმისაწვდომია აქ (https://www.microsoft.com/DigitalSafety/policies). კონკრეტულ სერვისებზე მოქმედებს დამატებითი წესები და სტანდარტები მათი მომხმარებლებისთვის და ისინი ხელმისაწვდომია აქ https://aka.ms/trustandsafety.
  • ii. პრობლემის შესახებ შეტყობინება. შეგიძლიათ შეგვატყობინოთ პრობლემატური კონტენტის ან ქცევის შესახებ, რომელიც შეიძლება არღვევდეს ჩვენს ქცევის კოდექსს აქ https://aka.ms/reportconcerns.
  • iii. განხილვა. საჭიროების შემთხვევაში ჩვენ შეიძლება გამოვიყენოთ ავტომატური სისტემები და ადამიანები, რომლებიც გადახედავენ კონტენტს საეჭვო სპამების, ვირუსების, თაღლითობის, ფიშინგის, ვალდებულების შესრულებისთვის თავის არიდების, საზიანო პროგრამის და სხვა არაკანონიერი ან საზიანო შიგთავსისა თუ ქცევის იდენტიფიცირებისთვის.
  • iv. ვალდებულებების შესრულების უზრუნველყოფა. ჩვენ ვიტოვებთ უფლებას უარი ვთქვათ შიგთავსის განთავსებაზე, თუ ის აჭარბებს შენახვის ლიმიტს ან სერვისით ნებადართული ფაილის ზომას. ჩვენ შესაძლოა დავბლოკოთ, წავშალოთ ან უარი ვთქვათ კონტენტის ჩვენებაზე თუ ჩანს, რომ ის არღვევს ჩვენს ქცევის კოდექსს ან სხვა სერვისის პოლიტიკას, ან კანონით გათვალისწინებულ შემთხვევებში. ზემოხსენებული პირობების ან წესების (https://aka.ms/trustandsafety) დარღვევის შემთხვევაში, ჩვენ უფლება გვაქვს მივიღოთ შესაბამისი ზომების თქვენს ანგარიშთან მიმართებაში. აღნიშნულ ზომებში მოიაზრება წვდომის შეზღუდვა გარკვეულ ფუნქციებსა და სერვისებზე, სერვისების მიწოდების შეწყვეტა, თქვენი Microsoft-ის ანგარიშის დაუყოვნებლივ დახურვა ან კომუნიკაციების მიწოდების დაბლოკვა (მაგალითად ელ. წერილები, ფაილების გაზიარება ან მყისიერი შეტყობინებები) სერვისებზე ან სერვისებიდან. სერვისზე თქვენი წვდომის დაბლოკვამ ან თქვენი ანგარიშის დახურვამ შესაძლოა გამოიწვიოს უფლების დაკარგვა შიგთავსის გამოქვეყნების ლიცენზიაზე, დაკავშირებულ შიგთავსზე ან ანგარიშთან დაკავშირებულ Microsoft-ის ანგარიშზე არსებული ნაშთზე. აღნიშნული წესების სავარაუდო დარღვევის შესწავლისას, Microsoft უფლებას იტოვებს, გადახედოს თქვენს შიგთავსს საკითხის გადასაწყვეტად. თუმცა, ჩვენ არ შეგვიძლია მთლიანი სერვისების გაკონტროლება და არც ვცდილობთ ამის გაკეთებას. დამატებითი ინფორმაციისთვის რეგულირებისა და აღსრულების პროცესების (https://www.microsoft.com/DigitalSafety/moderation-and-enforcement), სერვისის კონკრეტული პირობების, დამატებითი წესებისა და გაიდლაინების (https://www.microsoft.com/DigitalSafety/policies/additional-guidelines) და საჩივრების შესახებ (https://www.microsoft.com/DigitalSafety/moderation-and-enforcement/appeals) იხილეთ https://aka.ms/trustandsafety. ინფორმაცია ინტელექტუალური საკუთრების უფლების დარღვევის შესახებ პრეტენზიის წაყენების პროცედურასთან დაკავშირებით ხელმისაწვდომია აქ შეტყობინებები.
• გ) სამსახურებრივი ან სასკოლო ანგარიშები. შეგიძლიათ შეხვიდეთ Microsoft-ის გარკვეულ სერვისებში სამსახურებრივი ან სასკოლო ელფოსტის მისამართით. შესვლის შემთხვევაში თქვენ ეთანხმებით იმას, რომ თქვენს ელფოსტის ანგარიშთან დაკავშირებული დომენის მფლობელს შეიძლება გაეგზავნოს შეტყობინება თქვენი Microsoft-ის ანგარიშის და მასთან დაკავშირებული გამოწერების არსებობის შესახებ, ასევე მას შეუძლია თქვენი ანგარიშის მართვა და ადმინისტრირება და, ასევე, თქვენს მონაცემებზე წვდომა და მათი დამუშავება, თქვენი კომუნიკაციებისა და ფაილების შიგთავსის ჩათვლით და რომ Microsoft-მა შეიძლება აცნობოს დომენის მფლობელს, თუ ანგარიში ან მონაცემები გატეხილია. თქვენ, ასევე, ეთანხმებით, რომ თქვენ მიერ Microsoft-ის სერვისების გამოყენება შეიძლება დაექვემდებაროს შეთანხმებებს, რომლებიც Microsoft-ს დადებული აქვს თქვენთან ან თქვენს ორგანიზაციასთან და წინამდებარე პირობებმა, შესაძლოა, არ იმოქმედოს. თუ თქვენ უკვე გაქვთ Microsoft-ის ანგარიში და იყენებთ სხვადასხვა სამსახურებრივ ან სასკოლო ელფოსტის მისამართს წინამდებარე პირობებით გათვალისწინებულ სერვისებზე წვდომისთვის, შეიძლება მოგიწიოთ თქვენს Microsoft-ის ანგარიშთან დაკავშირებული ელფოსტის მისამართის განახლება ასეთ სერვისებზე წვდომის მიღების გაგრძელების მიზნით.
• დ) დამატებითი აპარატურა/მონაცემთა სატარიფო გეგმები. ბევრი სერვისის გამოსაყენებლად დაგჭირდებათ კავშირი ინტერნეტთან და/ან მონაცემთა/ფიჭური კავშირის გეგმა. შესაძლოა, ასევე, დაგჭირდეთ დამატებითი აპარატურა, მაგ., გარნიტურა, კამერა ან მიკროფონი. თქვენ პასუხს აგებთ ყველა კავშირის, გეგმისა და აპარატურის უზრუნველყოფაზე, რომელიც საჭიროა სერვისების გამოსაყენებლად და კავშირისთვის, გეგმისთვის და აპარატურისთვის პროვაიდერ(ებ)ის მიერ დარიცხული საფასურის გადახდაზე. ეს ხარჯები დაემატება იმ საფასურს, რომელსაც ჩვენ გვიხდით ამ სერვისებისთვის და ჩვენ არ აგინაზღაურებთ ასეთ ხარჯებს. მიმართეთ პროვაიდერ(ებ)ს იმის გასარკვევად, არსებობს თუ არა რაიმე საფასური, რომელიც გავრცელდება თქვენზე.
• ე) სერვისის შეტყობინებები. როდესაც საჭირო იქნება თქვენთვის ინფორმაციის მოწოდება იმ სერვისის შესახებ, რომლითაც სარგებლობთ, ჩვენ გამოგიგზავნით სერვისის შეტყობინებებს. თუ Microsoft-ის ანგარიშის შექმნისას თქვენი ელფოსტის მისამართი ან ტელეფონის ნომერი მოგვაწოდეთ, ჩვენ გამოგიგზავნით სერვისის შეტყობინებებს ელფოსტით ან SMS-ით (ტექსტური შეტყობინებით), მათ შორის, თქვენი ვინაობის შემოწმებისთვის თქვენი მობილური ტელეფონის ნომრის რეგისტრაციამდე და თქვენი შენაძენების დადასტურებამდე. შესაძლოა, ასევე, გამოგიგზავნოთ სერვისის შეტყობინებები სხვა გზით (მაგალითად, პროდუქტის სარეკლამო შეტყობინებებით). შეტყობინებების SMS-ით მიღებისას შეიძლება მოქმედებდეს მონაცემთა ან შეტყობინებების ტარიფები.
• ვ) მხარდაჭერა. კლიენტთა მხარდაჭერის სამსახური ზოგიერთი სერვისისთვის ხელმისაწვდომია აქ: https://support.microsoft.com. ზოგიერთი სერვისები შეიძლება თავაზობენ ცალკე ან დამატებით კლიენტთა მხარდაჭერას, პირობების დაცვის შემთხვევაში, რომლებიც ხელმისაწვდომია აქ https://microsoft.com/support-service-agreement, თუ სხვა რამ არ არის განსაზღვრული. მხარდაჭერა შეიძლება არ იყოს ხელმისაწვდომი გადახედვისთვის ან ფუნქციების ბეტა ვერსიებისთვის ან სერვისებისთვის. სერვისები შეიძლება არ იყოს თავსებადი პროგრამულ უზრუნველყოფასთან ან სერვისებთან, რომლებსაც მესამე პირები უზრუნველყოფენ და თქვენ აგებთ პასუხს თავსებადობის მიმართ მოთხოვნების გაცნობაზე.
  • i. ავსტრალიაში მცხოვრები მომხმარებლებისთვის: თუ იყენებთ პროდუქტს ან სერვისს, რომელიც ექვემდებარება ტელეკომუნიკაციების მომხმარებელთა დაცვის კოდექსს, თქვენ უფლება გაქვთ გყავდეთ ადვოკატი Microsoft-თან კომუნიკაციისას. პირს, რომელიც ასრულებს თქვენი ადვოკატის ფუნქციას, არ აქვს უფლებამოსილება იმოქმედოს თქვენი სახელით ან მიიღოს წვდომა თქვენს ინფორმაციაზე თქვენი არყოფნისას და აღნიშნულ ქმედებაზე თქვენი თანხმობის გარეშე. თქვენ ასევე გაქვთ უფლება, დანიშნოთ უფლებამოსილი წარმომადგენელი, რომელსაც, როგორც თქვენ აგენტს, ექნება თქვენს ინფორმაციაზე წვდომისა და თქვენი სახელით მოქმედების უფლება.
• ზ) თქვენი სერვისების დასრულება. თუ თქვენი სერვისები გაუქმებულია (თქვენ ან ჩვენ მიერ), პირველ რიგში, თქვენ დაუყოვნებლივ კარგავთ სერვისებზე წვდომის უფლებას და თქვენი სერვისებთან დაკავშირებული პროგრამული უზრუნველყოფის გამოყენების ლიცენზია წყდება. შემდეგ, ჩვენ წავშლით მონაცემებს ან თქვენს შიგთავსს, რომელიც დაკავშირებულია თქვენს სერვისებთან, ან გავაუქმებთ კავშირს თქვენთან და თქვენს Microsoft-ის ანგარიშთან (თუ კანონით არ მოგვეთხოვება მათი შენახვა, გადმოცემა თქვენთვის ან თქვენ მიერ მითითებული მესამე მხარისთვის). შედეგად აღარ გექნებათ ნებისმიერ სერვისზე (ან თქვენ შიგთავსზე, რომელიც შეინახეთ ამ სერვისებში) წვდომის შესაძლებლობა. უნდა გქონდეთ რეგულარული დამარქაფების გეგმა. მესამე, თქვენ შეიძლება დაკარგოთ წვდომა პროდუქტებზე, რომლებიც შეიძინეთ. თუ გააუქმეთ თქვენი Microsoft-ის ანგარიში და არ გაქვთ სხვა ანგარიში, რომლითაც შეძლებთ სერვისებზე წვდომის განხორციელებას, თქვენი სერვისები შეიძლება დაუყოვნებლივ გაუქმდეს.

5. მესამე მხარის აპებისა და სერვისების გამოყენება. სერვისების საშუალებით შეგიძლიათ მიიღოთ წვდომა ან შეიძინოთ პროდუქტები, სერვისები, ვებსაიტები, ბმულები, კონტენტი, მასალები, თამაშები, უნარები, ინტეგრაციები, ბოტები ან პროგრამები დამოუკიდებელი მესამე მხარეებისგან (კომპანიებისგან ან ადამიანებისგან, რომლებიც Microsoft-ს არ წარმოადგენენ) („მესამე მხარის აპები და სერვისები“). ბევრი ჩვენი სერვისი ასევე დაგეხმარებათ იპოვოთ, მოითხოვოთ ან გამოიყენოთ მესამე მხარის აპები და სერვისები და შეიძლება საშუალება მოგცეთ ან მოგთხოვოთ თქვენი კონტენტის ან მონაცემების გაზიარება აღნიშნულ მესამე მხარის აპებთან ან სერვისებთან. თქვენ აცნობიერებთ, რომ ჩვენი სერვისების გამოყენებით მიმართავთ მათ თქვენთვის მესამე მხარის აპებისა და სერვისების მოწოდების თხოვნით. მესამე მხარის აპები და სერვისები შეიძლება საშუალებას გაძლევდეთ ან გთხოვდეთ თქვენი კონტენტის ან მონაცემების შენახვას მესამე მხარის აპებისა და სერვისების გამომცემელთან, პროვაიდერთან ან ოპერატორთან. მესამე მხარის აპებში და სერვისებში შეიძლება წარმოდგენილი იყოს კონფიდენციალურობის დებულება ან, შესაძლოა, მოგეთხოვებოდეთ შესაბამის გამოყენების წესებზე დათანხმება მესამე მხარის აპის ან სერვისის ინსტალაციამდე ან გამოყენებამდე. იხილეთ ნაწილი 13.ბ დამატებითი პირობების სანახავად იმ აპლიკაციებისთვის, რომლებიც მიღებულია Microsoft-ის ან მისი აფილირებული პირების საკუთრებაში არსებულ ან მათ მიერ მართულ გარკვეულ მაღაზიებში (მათ შორის, თუმცა ამით არ შემოიფარგლება, Office Store-ში, Microsoft Store Xbox-ში და Microsoft Store Windows-ში). მესამე მხარის აპებისა და სერვისების შეძენამდე, გამოყენებამდე, მოთხოვნამდე ან თქვენი Microsoft-ის ანგარიშის მესამე მხარის აპებთან და სერვისებთან დაკავშირებამდე უნდა გადახედოთ მესამე მხარის წესებსა და კონფიდენციალურობის დებულებებს. მესამე მხარის წესები არ ცვლის წინამდებარე პირობებს. Microsoft არ გაძლევთ ლიცენზიას ინტელექტუალურ საკუთრებაზე მესამე მხარის აპებისა და სერვისების ნაწილის სახით. თქვენ თანახმა ხართ, თქვენს თავზე აიღოთ ყველა რისკი და პასუხისმგებლობა, რომელიც დაკავშირებულია თქვენ მიერ მესამე მხარის აპებისა და სერვისების გამოყენებასთან და ეთანხმებით, რომ Microsoft არ აგებს პასუხს პრობლემებზე, რომლებიც წარმოიქმნება თქვენ მიერ მესამე მხარის აპებისა და სერვისების გამოყენების შედეგად. Microsoft არ არის პასუხისმგებელი ან ვალდებული თქვენსა ან სხვების წინაშე ნებისმიერი მესამე მხრის აპებისა და სერვისების მიერ მოწოდებულ ინფორმაციასა და სერვისებზე.

6. სერვისის ხელმისაწვდომობა.

• ა) სერვისები, მესამე მხარის აპები და სერვისები, ან სერვისების მეშვეობით შემოთავაზებული მასალები და პროდუქტები შეიძლება ზოგჯერ მიუწვდომელი იყოს, არსებობდეს შეზღუდულ საფუძველზე ან განსხვავდებოდეს, რეგიონისა და მოწყობილობის მიხედვით. თუ შეცვლით Microsoft-ის ანგარიშთან დაკავშირებულ მდებარეობას, შესაძლოა, დაგჭირდეთ იმ მასალის ან პროგრამების ხელახლა შეძენა, რომლებიც თქვენთვის ხელმისაწვდომი იყო და რომელთათვის გადაიხადეთ ფული წინა რეგიონში. თქვენ თანახმა ხართ არ მიიღოთ წვდომა და არ გამოიყენოთ მასალები ან სერვისები, რომლებიც უკანონოა ან რომლებიც არ არის ლიცენზირებული გამოსაყენებლად ქვეყანაში, რომლიდანაც იღებთ წვდომას ან იყენებთ ასეთ მასალას ან სერვისებს; ასევე, თანახმა ხართ არ დამალოთ და არ გააყალბოთ თქვენი მდებარეობა ან იდენტურობა, ასეთ მასალაზე ან სერვისებზე წვდომის მისაღებად ან მათი გამოყენების მიზნით.
• ბ) ჩვენ ვზრუნავთ იმაზე, რომ სერვისები გამართული იყოს; თუმცა, ყველა ონლაინ სერვისში ზოგჯერ ხარვეზები და გაუმართაობები ხდება და Microsoft არ აგებს პასუხს ხარვეზზე ან ზარალზე, რომელის შეიძლება წარმოიშვას ამის შედეგად. გაუმართაობის შემთხვევაში, შესაძლოა, ვერ შეძლოთ შენახული შიგთავსის ან მონაცემების მიღება. გირჩევთ, რეგულარულად დაამარქაფოთ თქვენი შიგთავსი და მონაცემები, რომელსაც ინახავთ სერვისებზე ან შეინახოთ მესამე მხარის აპებისა და სერვისების მეშვეობით.

7. სერვისების ან პროგრამული უზრუნველყოფის განახლებები და ამ პირობების ცვლილებები.

• ა) ჩვენ უფლება გვაქვს, ნებისმიერ დროს შევცვალოთ აღნიშნული პირობები, რის შესახებაც შეგატყობინებთ წინასწარ. სერვისების გამოყენება ცვლილებების განხორციელების ძალაში შესვლის შემდეგ ნიშნავს თქვენს თანხმობას ახალ პირობებზე. თუ თქვენ არ ეთანხმებით ახალ პირობებს, უნდა შეწყვიტოთ სერვისების გამოყენება, დახუროთ თქვენი Microsoft-ის ანგარიში და თუ ხართ მშობელი ან მეურვე, დაეხმაროთ არასრულწლოვანს თავისი Microsoft-ის ანგარიშის დახურვაში.
• ბ) ზოგჯერ სერვისების გამოყენების გაგრძელებისთვის დაგჭირდებათ პროგრამული უზრუნველყოფის განახლება. ჩვენ შეიძლება ავტომატურად შევამოწმოთ თქვენი პროგრამული უზრუნველყოფის ვერსია და ჩამოვტვირთოთ პროგრამული უზრუნველყოფის განახლებები ან კონფიგურაციის ცვლილებები. შესაძლოა, ასევე, მოგიწიოთ პროგრამული უზრუნველყოფის განახლება სერვისების გამოყენების მიზნით. მსგავს განახლებებზე ვრცელდება წინამდებარე პირობები, თუ მათ არ ახლავს სხვა პირობები. ასეთ შემთხვევაში, ეს სხვა პირობები იმოქმედებს. Microsoft-ი არ არის ვალდებული, ხელმისაწვდომი გახადოს განახლებები და არ იძლევა გარანტიას, რომ იგი მხარს დაუჭერს სისტემის ვერსიას, რომლისთვისაც შეიძინეთ პროგრამული უზრუნველყოფა, აპები, შიგთავსი ან სხვა პროდუქცია (ან რომელსაც იყენებთ ლიცენზიის უფლებით). ასეთი განახლებები შეიძლება არ იყოს თავსებადი მესამე მხარის მიერ წარმოდგენილ პროგრამულ უზრუნველყოფასა ან სერვისებთან. შეგიძლიათ ნებისმიერ დროს გააუქმოთ თქვენი თანხმობა პროგრამული უზრუნველყოფის შემდგომ განახლებებზე, პროგრამული უზრუნველყოფის დეინსტალაციის გზით.
• გ) გარდა ამისა, ზოგჯერ შეიძლება დაგვჭირდეს სერვისის ფუნქციების ან ფუნქციონალობის წაშლა ან შეცვლა, ან სერვისის უზრუნველყოფის შეწყვეტა, ან მესამე მხარის აპლიკაციებსა და სერვისებზე წვდომის უზრუნველყოფის შეწყვეტა. გარდა მოქმედი კანონმდებლობით გათვალისწინებული შემთხვევებისა, ჩვენ არ ვართ ვალდებულნი, უზრუნველვყოთ მასალის, ციფრული პროდუქტების (რომლებიც განსაზღვრულია 13.i ნაწილში) ან ადრე შეძენილი აპლიკაციების ხელახლა ჩამოტვირთვა ან გამოცვლა. ჩვენ შეიძლება გამოვუშვათ სერვისები ან მათი ფუნქციები წინასწარი ან ბეტა-ვერსიით, რომელმაც შეიძლება სწორად არ იმუშაოს ან არ იმუშაოს ისე, როგორც საბოლოო ვერსია მუშაობს.
• დ) იმისთვის, რომ თქვენ შეძლოთ ციფრული უფლებების მართვით (DRM) დაცული მასალების, მაგალითად მუსიკის, თამაშების, ფილმების, წიგნების და სხვ., გამოყენება, DRM პროგრამული უზრუნველყოფა შეიძლება ავტომატურად დაუკავშირდეს უფლებების მართვის ონლაინ-სერვერს და ჩამოტვირთოს და დააყენოს DRM განახლებები.

8. პროგრამული უზრუნველყოფის ლიცენზია. თუ არ მოყვება ცალკე Microsoft-ის სალიცენზიო შეთანხმება (მაგალითად, თუ იყენებთ Microsoft-ის აპლიკაციას, რომელიც შედის და შეადგენს Windows-ის შემადგენელ ნაწილს, მაშინ Microsoft-ის პროგრამული უზრუნველყოფის სალიცენზიო პირობები Windows-ის ოპერაციული სისტემისთვის ვრცელდება ასეთ პროგრამულ უზრუნველყოფაზე), და ჩვენ მიერ თქვენთვის მოწოდებულ ნებისმიერ პროგრამულ უზრუნველყოფაზე, როგორც აღნიშნული სერვისების ნაწილზე, ვრცელდება ეს პირობები. აპლიკაციებზე, რომლებიც მიღებულია Microsoft-ის ან მისი აფილირებული პირების საკუთრებაში არსებულ ან მათ მიერ მართულ გარკვეულ მაღაზიებში (მათ შორის, თუმცა ამით არ შემოიფარგლება, Office Store-ში, Microsoft Store on Windows-ში და Microsoft Store on Xbox-ში), ვრცელდება ქვემოთ მოცემული ნაწილი 13.ბ.I.

• ა) თუ თქვენ დაიცავთ ამ პირობებს, ჩვენ გაძლევთ უფლებას დააინსტალიროთ და გამოიყენოთ პროგრამული უზრუნველყოფის ერთი ასლი თითოეულ მოწყობილობაში მთელი მსოფლიო მასშტაბით, რომელსაც ერთდროულად გამოიყენებს მხოლოდ ერთი პირი, თქვენ მიერ სერვისების გამოყენების ნაწილის სახით. გარკვეულ მოწყობილობებზე ასეთი პროგრამული უზრუნველყოფა შესაძლოა წინასწარ იყოს დაინსტალირებული სერვისების პირადი, არაკომერციული გამოყენების მიზნით. პროგრამული უზრუნველყოფა ან ვებსაიტი, რომელიც წარმოადგენს სერვისების ნაწილს, შეიძლება შეიცავდეს მესამე მხარის კოდს. მესამე მხარის სკრიპტი ან კოდი, რომელიც მიბმულია ან რომელზეც არსებობს მითითება პროგრამულ უზრუნველყოფაში ან ვებსაიტზე, ლიცენზირებულია თქვენთვის ამ კოდის მფლობელი მესამე მხარის მიერ და არა Microsoft-ის მიერ. მესამე მხარის კოდთან დაკავშირებული შეტყობინებები ჩართულია მხოლოდ თქვენი ინფორმირების მიზნით.
• ბ) პროგრამული უზრუნველყოფა ლიცენზირებულია და არა გაყიდული და Microsoft ყველა უფლებას იტოვებს პროგრამულ უზრუნველყოფაზე, რომელიც პირდაპირ არ არის მინიჭებული Microsoft-ის მიერ და არის ნაგულისხმევი, პრეზუმპციით გათვალისწინებული ან სხვა. ეს ლიცენზია არ გაძლევთ უფლებას და თქვენ არ გაქვთ უფლება შემდეგზე:
  • i. გვერდი აუაროთ პროგრამულ უზრუნველყოფასთან ან სერვისებთან დაკავშირებულ ტექნოლოგიური დაცვის ზომებს;
  • ii. დაშალოთ, დეკომპილირება მოახდინოთ, გაშიფროთ, გატეხოთ, ემულირება მოახდინოთ, გახსნათ ტექნოლოგია ან ინჟინრული ანალიზი ჩაუტაროთ პროგრამულ უზრუნველყოფას ან სერვისების სხვა ასპექტს, რომელიც ჩართულია სერვისებში ან რომელზეც წვდომა ხდება სერვისების მეშვეობით, გარდა იმ შემთხვევებისა, როდესაც ეს მკაფიოდ ნებადართულია მოქმედი კანონმდებლობით საავტორო უფლებების შესახებ;
  • iii. განაცალკევოთ პროგრამული უზრუნველყოფის ან სერვისების კომპონენტები სხვადასხვა მოწყობილობებში გამოსაყენებლად;
  • iv. გამოაქვეყნოთ, დააკოპიროთ, გააქირავოთ, იჯარით გასცეთ, დააექსპორტოთ, დააიმპორტოთ, გაავრცელოთ ან დროებით სარგებლობაში გადასცეთ პროგრამული უზრუნველყოფა ან სერვისები, თუ ეს არ არის პირდაპირ ნებადართული Microsoft-ის მიერ;
  • v. გადასცეთ პროგრამული უზრუნველყოფა, ლიცენზიები პროგრამულ უზრუნველყოფაზე ან სერვისებზე წვდომის ან მათი გამოყენების უფლებები;
  • vi. გამოიყენოთ სერვისები არაავტორიზებული მეთოდით, რომელმაც შეიძლება ხელი შეუშალოს სხვა ადამიანებს მათ გამოყენებაში ან სერვისზე, მონაცემებზე, ანგარიშზე ან ქსელზე წვდომის მიღებაში;
  • vii. დაუშვათ წვდომა სერვისებზე ან შეცვალოთ Microsoft-ის ავტორიზებული მოწყობილობა (მაგ., Xbox კონსოლები, Microsoft Surface და ა.შ.) მესამე მხარის არაავტორიზებული აპლიკაციებით.

9. გადახდის პირობები. თუ შეიძენთ სერვისს, თქვენზე გავრცელდება შემდეგი გადახდის პირობები, რომლებსაც ეთანხმებით.

• ა) საფასური. თუ სერვისების რომელიმე ნაწილთან დაკავშირებულია გარკვეული საფასური, თქვენ თანახმა ხართ, გადაიხადოთ ეს საფასური მითითებულ ვალუტაში. სერვისებისთვის მითითებული ფასი არ მოიცავს მოქმედ გადასახადებს და ვალუტის გაცვლითი კურსის სხვაობას, თუ სხვაგვარად არ არის მითითებული. Skype-ის ფასიანი პროდუქტების ყველა საფასური მოიცავს მოქმედ გადასახადებს, თუ სხვაგვარად არ არის მითითებული. მხოლოდ თქვენ აგებთ პასუხს ასეთი გადასახადების და სხვა ხარჯების დაფარვაზე. Skype დაიანგარიშებს გადასახადებს თქვენს ბილინგის ინფორმაციასთან დაკავშირებული საცხოვრებელი მისამართის საფუძველზე. თქვენ პასუხისმგებელი ხართ მისამართის სისწორესა და სიზუსტეზე. Skype-ის პროდუქციის გარდა, გადასახადი გამოითვლება თქვენი მდებარეობის საფუძველზე Microsoft-ის ანგარიშის რეგისტრაციის მომენტისთვის, თუ ადგილობრივი კანონმდებლობა არ ითვალისწინებს გამოთვლის სხვა ბაზას. ჩვენ შეიძლება შევაჩეროთ ან გავაუქმოთ სერვისები, თუ დროულად არ მივიღებთ სრულად გადახდილ თანხას თქვენგან. საფასურის გადაუხდელობის შედეგად სერვისების შეჩერებამ ან გაუქმებამ შეიძლება გამოიწვიოს ანგარიშზე და მის შიგთავსზე წვდომისა და გამოყენების შესაძლებლობის დაკარგვა. კორპორატიული ან სხვა კერძო ქსელის გამოყენებით ინტერნეტთან დაკავშირებამ, რის შედეგადაც ინიღბება თქვენი მდებარეობა, შეიძლება გამოიწვიოს ფაქტობრივი მდებარეობისთვის მითითებული საფასურისგან განსხვავებული ხარჯები. თქვენი მდებარეობის მიხედვით, ზოგიერთი ტრანზაქციისთვის, შესაძლოა, საჭირო გახდეს უცხოური ვალუტის კონვერტაცია ან ტრანზაქციები შეიძლება დამუშავდეს სხვა ქვეყანაში. თქვენმა ბანკმა შეიძლება დაგაკისროთ დამატებითი საფასურის გადახდა ამ სერვისებისთვის, როცა იყენებთ სადებეტო ან საკრედიტო ბარათს. დეტალებისთვის მიმართეთ თქვენს ბანკს.
• ბ) თქვენი ბილინგის ანგარიში. სერვისის საფასურის გადახდისთვის, სერვისში რეგისტრაციის დროს უნდა მიუთითოთ გადახდის მეთოდი. Skype-ის გარდა ყველა დანარჩენი სერვისისთვის შეგიძლიათ შეამოწმოთ და შეცვალოთ თქვენი ბილინგის ინფორმაცია და გადახდის მეთოდი Microsoft-ის ანგარიშის მართვის ვებგვერდზე (https://go.microsoft.com/fwlink/p/?linkid=618281), ხოლო Skype-ის პროგრამული უზრუნველყოფისა და პროდუქტებისთვის – თქვენი ანგარიშის პორტალზე შესვლით შემდეგ გვერდზე: https://skype.com/go/myaccount. გარდა ამისა, თქვენ თანახმა ხართ, ნებართვა მისცეთ Microsoft-ს, გამოიყენოს განახლებული ინფორმაცია თქვენ მიერ არჩეული გადახდის მეთოდის შესახებ, რომელსაც უზრუნველყოფს თქვენი ბანკი-ემიტენტი ან გადახდების მოქმედი ქსელი. თქვენ თანახმა ხართ, დაუყოვნებლივ განაახლოთ თქვენი ანგარიში და სხვა ინფორმაცია, მათ შორის, თქვენი ელფოსტის მისამართი და გადახდის მეთოდის დეტალები, რათა შევძლოთ თქვენი ტრანზაქციების შესრულება და საჭიროების შემთხვევაში თქვენთან დაკავშირება თქვენს ტრანზაქციებთან დაკავშირებით. ბილინგის ანგარიშზე განხორციელებული ცვლილებები გავლენას არ ახდენს ბილინგის ანგარიშზე დარიცხული გადასახადების თანხებზე, თუ ჩვენ ბილინგის ანგარიშზე განხორციელებული ცვლილებების შესაბამისად დასაბუთებულად არ მოგვიწევს ჩვენი მოქმედებების შეცვლა.
• გ) ანგარიშსწორება. Microsoft-ისთვის გადახდის მეთოდის მითითებით თქვენ (I) ადასტურებთ, რომ უფლება გაქვთ გამოიყენოთ მითითებული გადახდის მეთოდი და რომ თქვენ მიერ წარმოდგენილი გადახდის ინფორმაცია სწორი და ზუსტია; (II) უფლებას აძლევთ Microsoft-ს, გადაგახდევინოთ სერვისების ან ხელმისაწვდომი შიგთავსის საფასური თქვენ მიერ მითითებული გადახდის მეთოდით; და (III) უფლებას აძლევთ Microsoft-ს, გადაგახდევინოთ სერვისების იმ ფასიანი ფუნქციის საფასური, რომელსაც აირჩევთ რეგისტრაციისას და გამოიყენებთ ამ პირობების ძალაში ყოფნის პერიოდში. ჩვენ შეიძლება გადაგახდევინოთ სერვისის საფასური (ა) წინასწარ; (ბ) შეძენის მომენტისთვის; (გ) შეძენის შემდეგ მოკლე დროში; ან (დ) რეგულარულად, გამოწერილი სერვისებისთვის. გარდა ამისა, ჩვენ შეიძლება გადაგახდევინოთ მაქსიმუმ ის თანხა, რომელიც თქვენ დაადასტურეთ. ჩვენ წინასწარ შეგატყობინებთ გამოწერილი სერვისების რეგულარული საფასურის თანხის ცვლილების შესახებ. ჩვენ შეიძლება ერთდროულად რამდენიმე გასული საბილინგო პერიოდის თანხა გადაგახდევინოთ იმ ოდენობის ფარგლებში, რომელიც არ იქნა გადახდილი.
• დ) რეგულარული გადახდები. სერვისების გამოწერით შეძენისას (მაგ., ყოველთვიურად, 3 თვეში ერთხელ ან ყოველწლიურად), თქვენ ადასტურებთ, რომ თანახმა ხართ, განხორციელდეს რეგულარული გადახდები Microsoft-ისთვის თქვენ მიერ არჩეული მეთოდით და რეგულარული ინტერვალებით, რომლებზეც დათანხმდით, სანამ სერვისის გამოწერა არ შეწყდება თქვენ ან Microsoft-ის მიერ. სერვისები უნდა გააუქმოთ ბილინგის მომდევნო თარიღამდე, რათა შეწყდეს სერვისების გამოყენების გადასახადის დარიცხვა. ჩვენ წარმოგიდგენთ მითითებებს სერვისების გაუქმების შესახებ. პერიოდული გადახდების ავტორიზაციით, თქვენ აძლევთ Microsoft-ს უფლებას, აწარმოოს ამგვარი გადახდები ელექტრონული დებეტის ან თანხის გადარიცხვებით, ან თქვენთვის განკუთვნილ ანგარიშზე ელექტრონული ჩეკის საშუალებით (ავტომატური საკლირინგო პალატის ან მსგავსი ტიპის გადახდების შემთხვევაში), ან როგორც თქვენს ანგარიშზე დაკისრებული გადასახადი (საკრედიტო ბარათის ან მსგავსი ტიპის გადახდის შემთხვევაში) (ერთობლივად, „ელექტრონული გადახდები“). ჩვეულებრივ, გამოწერის საფასურის დარიცხვა ხდება წინასწარ გამოწერის შესაბამის პერიოდზე. გადახდის შეუსრულებლად დაბრუნების შემთხვევაში, ან თუ საკრედიტო ბარათის ან მსგავსი ტრანზაქცია უარყოფილი იქნება, Microsoft ან მისი სერვისის პროვაიდერები უფლებას იტოვებენ, ამოიღონ დაბრუნებული საგადახდო საბუთის, უარყოფილი ან არასაკმარისი თანხა და დაამუშაონ ეს გადახდა, როგორც ელექტრონული გადახდა.
• ე) ონლაინ-ამონაწერი და შეცდომები. Skype-ის გარდა ყველა დანარჩენი სერვისისთვის Microsoft წარმოგიდგენთ ონლაინ საბილინგო ამონაწერს Microsoft-ის ანგარიშის მართვის ვებგვერდზე (https://go.microsoft.com/fwlink/p/?linkid=618282), სადაც შეგიძლიათ ნახოთ და ამობეჭდოთ ამონაწერი. Skype-ის შემთხვევაში, შეგიძლიათ ნახოთ ონლაინ ამონაწერი თქვენს ანგარიშში შესვლით გვერდზე www.skype.com (https://www.skype.com). ეს არის ერთადერთი საბილინგო ამონაწერი, რომელსაც ჩვენ უზრუნველვყოფთ. ანგარიშში შეცდომის აღმოჩენისას უნდა შეგვატყობინოთ 90 დღის ვადაში შეცდომის აღმოჩენის შემდეგ. ჩვენ დაუყოვნებლივ გადავხედავთ თანხას. თუ მითითებულ ვადაში არ შეგვატყობინებთ შეცდომის შესახებ, ამით გაგვათავისუფლებთ ნებისმიერი პასუხისმგებლობისა და ზარალისგან, რომელიც წარმოიშვება შეცდომის შედეგად და ჩვენ ვალდებულნი არ ვიქნებით, შევასწოროთ შეცდომა ან დაგიბრუნოთ თანხა, თუ სხვაგვარად არ მოითხოვება კანონით. თუ Microsoft გამოავლენს ბილინგის შეცდომას, ჩვენ შევასწორებთ მას 90 დღის ვადაში. ეს წესი არ მოქმედებს იმ უფლებებზე, რომლებიც შეიძლება გათვალისწინებული იყოს კანონით.
• ვ) გადახდილი თანხის დაბრუნების პოლიტიკა. თუ სხვაგვარად არ არის გათვალისწინებული კანონით ან კონკრეტული სერვისის შემოთავაზების პირობებით, ყველა შეძენა საბოლოა და გადახდილი თანხა უკან დაბრუნებას არ ექვემდებარება. თუ თვლით, რომ Microsoft-მა შეცდომით ჩამოგაჭრათ თანხა, უნდა დაგვიკავშირდეთ 90 დღის ვადაში თანხის ჩამოჭრის შემდეგ. 90 დღეზე ადრე ჩამოჭრილი თანხა უკან დაბრუნებას არ ექვემდებარება, თუ კანონით სხვაგვარად არ არის მითითებული. ჩვენ უფლებას ვიტოვებთ, დაგიბრუნოთ ან ჩაგირიცხოთ თანხა ჩვენი შეხედულებისამებრ, თუ კანონით სხვაგვარად არ არის მითითებული. თუ ჩვენ დაგიბრუნებთ ან ჩაგირიცხავთ თანხას, ეს არ ნიშნავს, რომ ვალდებულნი ვართ მომავალშიც დაგიბრუნოთ ან ჩაგირიცხოთ მსგავსი თანხა. თანხის დაბრუნების ეს წესი არ მოქმედებს იმ უფლებებზე, რომლებიც შეიძლება გათვალისწინებული იყოს კანონით. თანხის დაბრუნების შესახებ დამატებითი ინფორმაციისთვის იხილეთ ჩვენი დახმარების თემა (https://go.microsoft.com/fwlink/p/?linkid=618283). თუ თქვენ ცხოვრობთ ტაივანში ან ისრაელში, გაითვალისწინეთ, რომ მომხმარებელთა უფლებების დაცვის კანონისა და მისი შესაბამისი რეგულაციების შესაბამისად, ყველა შეძენა, რომელიც დაკავშირებულია ციფრულ შიგთავსთან, რომელიც უზრუნველყოფილია არამატერიალური ფორმით და/ან ონლაინ-სერვისებით, არის საბოლოო და გადახდილი თანხა დაბრუნებას არ ექვემდებარება, თუ ასეთი შიგთავსი ან სერვისი უზრუნველყოფილია ონლაინ-რეჟიმში. თქვენ არ გაქვთ უფლება, მოითხოვოთ მოითხოვოთ გაგრილების პერიოდი ან თანხის დაბრუნება.
• ზ) სერვისების გაუქმება. შეგიძლიათ ნებისმიერ დროს გააუქმოთ სერვისი, გარკვეული მიზეზით ან მიზეზის გარეშე. ფასიანი სერვისების გაუქმებით შეწყდება სერვისის გამოყენების გადასახადის დარიცხვა. სერვისის გასაუქმებლად და თანხის დაბრუნების მოთხოვნისთვის (თუ უფლება გაქვთ ასეთ დაბრუნებაზე) ეწვიეთ Microsoft-ის ანგარიშის მართვის ვებსაიტს. Skype-ის შემთხვევაში, წარმოდგენილი ინფორმაციის გამოყენებით შეავსეთ გაუქმების ფორმა აქ (https://go.microsoft.com/fwlink/p/?linkid=618286) . აუცილებლად იხილეთ შემოთავაზება, რომელიც აღწერს სერვისებს, რადგან (I) თქვენ შეიძლება არ მიიღოთ უკან გადახდილი თანხა გაუქმების დროს; (II) შესაძლოა, მოგიწიოთ გაუქმების საფასურის გადახდა; (III) შესაძლოა, ვალდებული იყოთ, დაფაროთ ყველა ხარჯი, რომელიც დაგერიცხათ ბილინგის ანგარიშზე სერვისებისთვის გაუქმების თარიღამდე; და (IV) შესაძლოა, დაკარგოთ წვდომა ანგარიშზე და ვეღარ გამოიყენოთ იგი სერვისების გაუქმების შემდეგ; ან, თუ თქვენ ცხოვრობთ ტაივანში ან ისრაელში, (V) შესაძლოა, უკან დაგიბრუნდეთ თანხის ის ოდენობა, რომელიც უდრის სერვისისთვის გადახდილ გამოუყენებელ საფასურს, რომელიც გამოთვლილია გაუქმების დროისთვის. თუ თქვენ ისრაელში ცხოვრობთ, შეგიძლიათ გააუქმოთ შემდეგ გვერდზე ჩამოთვლილი ნებისმიერი მეთოდით: https://support.microsoft.com/help/4027815. გთხოვთ, ტელეფონით დაუკავშირდეთ Microsoft-ის წარმომადგენელს თანხის დასაბრუნებლად, თუ ამის უფლება გაქვთ. ჩვენ დავამუშავებთ თქვენს მონაცემებს, როგორც აღწერილია ზემოთ, სექციაში 4. გაუქმების შემთხვევაში, წვდომა სერვისებზე დასრულდება სერვისის მიმდინარე პერიოდის დასრულებისას, ან, თუ ანგარიშზე საფასურის დარიცხვა რეგულარულად ხდება, გაუქმებული პერიოდის დასასრულისას. თუ თქვენს ბანკში დაიწყებთ სერვისებისთვის გადახდილი თანხის დაბრუნების ან გადახდის გაუქმების პროცედურას, გადახდა ჩაითვლება გაუქმებულად თავდაპირველი გადახდის შესრულების თარიღიდან და თქვენ უფლებას გვაძლევთ, დაუყოვნებლივ გავაუქმოთ თქვენი სერვისი და/ან ამ გადახდის სანაცვლოდ თქვენთვის წარმოდგენილი შიგთავსი.
• თ) საცდელი პერიოდის შემოთავაზებები. თუ მონაწილეობას იღებთ საცდელი პერიოდის შემოთავაზებაში, შესაძლოა, მოგეთხოვოთ საცდელი სერვის(ებ)ის გაუქმება იმ ვადაში, რომელიც მითითებული იყო შემოთავაზებაში, რომელზეც დათანხმდით, რათა არ მოხდეს სერვის(ებ)ის გამოყენების გადასახადის დარიცხვა საცდელი პერიოდის დასრულების შემდეგ.
• ი) პრომო-შემოთავაზებები. პერიოდულად Microsoft-მა შეიძლება შემოგთავაზოთ უფასო სერვისები საცდელი პერიოდის განმავლობაში. Microsoft უფლებას იტოვებს, დაგარიცხოთ ასეთი სერვისების საფასური (ჩვეულებრივი ტარიფის შესაბამისად) იმ შემთხვევაში, თუ Microsoft განსაზღვრავს (თავისი შეხედულებისამებრ და დასაბუთებულად), რომ თქვენ ბოროტად იყენებთ შემოთავაზებების პირობებს.
• კ) ფასის ცვლილებები. ჩვენ შეიძლება ნებისმიერ დროს შევცვალოთ სერვისების ფასი და თუ შენაძენს გრაფიკის მიხედვით იხდით, ჩვენ შეგატყობინებთ ამის შესახებ ელფოსტით ან სხვა სათანადო გზით, ფასის ცვლილებამდე მინიმუმ 15 დღით ადრე. თუ არ დაეთანხმებით ფასის ცვლილებას, უნდა გააუქმოთ და შეწყვიტოთ სერვისებით სარგებლობა მანამ, სანამ ფასის ცვლილება ძალაში შევა. თუ არსებობს ფიქსირებული ვადა და ფასი სერვისის შემოთავაზებისთვის, ეს ფასი დარჩება ძალაში ფიქსირებული ვადის განმავლობაში.
• ლ) თქვენი ანაზღაურება. თუ არსებობს თანხა, რომელიც უნდა გადაგიხადოთ, თქვენ თანახმა ხართ, დროულად და ზუსტად წარმოგვიდგინოთ ინფორმაცია, რომელიც საჭიროა თქვენთვის გადახდის განსახორციელებლად. მოქმედი კანონის შესაბამისად, თქვენ აგებთ პასუხს გადასახადებზე და ხარჯებზე, რომლებიც შეიძლება წარმოიშვას თქვენთვის ასეთი გადახდის განხორციელების შედეგად. თქვენ, ასევე, უნდა დაიცვათ სხვა პირობებიც, რომლებიც მოქმედებს გადახდის მიღების თქვენს უფლებასთან დაკავშირებით. თუ შეცდომით მიიღებთ ანაზღაურებას, უფლებამოსილი ვართ, დავიბრუნოთ თანხა ან მოვითხოვოთ მისი დაბრუნება. თქვენ თანახმა ხართ, ითანამშრომლოთ ჩვენთან ასეთ შემთხვევაში. ჩვენ შეიძლება, ასევე, შევამციროთ თქვენთვის გადასახდელი თანხის ოდენობა თქვენს გაუფრთხილებლად, წინა ზედმეტად გადახდილი თანხის კორექტირების მიზნით.
• მ) სასაჩუქრე ბარათები. სასაჩუქრე ბარათების (Skype-ის სასაჩუქრე ბარათების გარდა) გამოყენება რეგულირდება Microsoft-ის სასაჩუქრე ბარათების წესებითა და პირობებით (https://support.microsoft.com/help/10562/microsoft-account-gift-card-terms-and-conditions). ინფორმაცია Skype-ის სასაჩუქრე ბარათების შესახებ ხელმისაწვდომია Skype-ის დახმარების გვერდზე (https://go.microsoft.com/fwlink/?LinkId=615383).
• ნ) საბანკო ანგარიშით გადახდის მეთოდი. შეგიძლიათ დაარეგისტრიროთ მოქმედი საბანკო ანგარიში თქვენს Microsoft-ის ანგარიშზე, რათა გამოიყენოთ იგი გადახდის მეთოდად. მოქმედი საბანკო ანგარიშები მოიცავს ანგარიშებს საფინანსო ინსტიტუტში, რომელზეც შესაძლებელია პირდაპირი სადებეტო შენატანების განხორციელება (მაგალითად, ამერიკის შეერთებულ შტატებში მდებარე საფინანსო ინსტიტუტი, რომელიც მხარს უჭერს ავტომატურ საკლირინგო პალატას („ACH”), ევროპული საფინანსო ინსტიტუტი, რომელიც მხარს უჭერს ერთჯერად ევროგადახდების ზონას („SEPA”) ან „iDEAL” ნიდერლანდებში). პირობები, რომლებზეც დათანხმდით, როდესაც დაამატეთ თქვენი საბანკო ანგარიში, როგორც გადახდის მეთოდი თქვენს Microsoft-ის ანგარიშში (მაგალითად, „მანდატი“ SEPA–ს შემთხვევაში) ასევე, მოქმედებს. თქვენ წარმოადგენთ და იძლევით გარანტიას, რომ თქვენი რეგისტრირებული საბანკო ანგარიში თქვენს სახელზეა და უფლება გაქვთ, დაარეგისტრიროთ და გამოიყენოთ ეს საბანკო ანგარიში, როგორც გადახდის მეთოდი. თქვენი საბანკო ანგარიშის, როგორც თქვენი გადახდის მეთოდის, დარეგისტრირების ან შერჩევისას, თქვენ უფლებას აძლევთ Microsoft-ს (ან მის აგენტს), განახორციელოს თქვენი შენაძენის ან ხელმოწერის სრული თანხის ერთი ან მეტი დებეტირება თქვენი საბანკო ანგარიშიდან (თქვენი სააბონენტო მომსახურების პირობების შესაბამისად) (და, საჭიროების შემთხვევაში, ერთი ან მეტი დაკრედიტება თქვენს საბანკო ანგარიშზე შეცდომების შესწორების, თანხის დაბრუნების ან მსგავსი მიზნით) და უფლებას აძლევთ საფინანსო ინსტიტუტს, რომელშიც გახსნილია თქვენი საბანკო ანგარიში, გამოქვითოს ასეთი დებეტები ან მიიღოს ასეთი კრედიტები. თქვენ გააზრებული გაქვთ, რომ ეს ავტორიზაცია ძალაში რჩება, სანამ არ ამოშლით ინფორმაციას თქვენი საბანკო ანგარიშის შესახებ თქვენი Microsoft-ის ანგარიშიდან. თუ დარწმუნებული ხართ, რომ შეცდომით ჩამოგეჭრათ თანხა, რაც შეიძლება მალე დაუკავშირდით მომხმარებელთა მხარდაჭერის სამსახურს, რომელიც მითითებულია ზემოთ პუნქტში 4.ე. თქვენს ქვეყანაში მოქმედი კანონები, შესაძლოა, ასევე, ზღუდავდეს თქვენს პასუხისმგებლობას თქვენი საბანკო ანგარიშიდან ნებისმიერ თაღლითურ, არასწორ ან არასანქცირებულ ტრანზაქციებზე. საბანკო ანგარიშის რეგისტრაციისას ან გადახდის მეთოდის შერჩევით აღიარებთ, რომ წაიკითხეთ, გესმით და ეთანხმებით ამ პირობებს.

10. კონტრაქტორი პირი, კანონმდებლობის და იურისდიქციის არჩევა დავების გადასაწყვეტად. თქვენ მიერ Skype-ის ბრენდირებული უფასო და ფასიანი სამომხმარებლო სერვისების გამოყენებისას, თუ თქვენ ევროპის, ახლო აღმოსავლეთისა და აფრიკის ფარგლებს გარეთ ცხოვრობთ, თქვენ ხელშეკრულებას დებთ და ამ პირობებში „Microsoft“-ის ყველა ხსენება გულისხმობს Skype Communications S.à.r.l-თან, მისამართი: 23 – 29 Rives de Clausen, L-2165 Luxembourg, თუ ქვემოთ არ არის მითითებული სხვაგვარად. Skype-ის ბრენდირებული უფასო ან ფასიანი სამომხმარებლო სერვისების გამოყენებისას, თუ ევროპის, ახლო აღმოსავლეთისა და აფრიკის ფარგლებს გარეთ ცხოვრობთ, ამ პირობების ინტერპრეტირება და პირობების დარღვევასთან დაკავშირებული პრეტენზიები რეგულირდება ლუქსემბურგის კანონმდებლობით, სამართლებრივ ნორმებთან კონფლიქტის მიუხედავად. იმ რეგიონის ან ქვეყნის კანონმდებლობა, სადაც ცხოვრობთ, არეგულირებს ყველა დანარჩენ პრეტენზიას (მათ შორის, მომხმარებლების დაცვის, არაკეთილსინდისიერი კონკურენციის და დელიკატური სარჩელების საკითხებს). თუ თქვენ ევროპის, ახლო აღმოსავლეთისა და აფრიკის ფარგლებს გარეთ ცხოვრობთ, თქვენ და ჩვენ უპირობოდ ვთანხმდებით ლუქსემბურგის სასამართლოების ექსკლუზიურ იურისდიქციაზე ყველა იმ დავასთან დაკავშირებით, რომელიც წარმოიშობა Skype-ის ბრენდირებულ სამომხმარებლო სერვისებთან დაკავშირებით. ყველა დანარჩენი სერვისის გამოყენებისას თქვენ დებთ ხელშეკრულებას ქვემოთ მითითებულ კონტრაქტორ პირთან და ასეთ შემთხვევაში მოქმედებს ქვემოთ მითითებული კანონმდებლობა და იურისდიქცია დავების გადასაჭრელად:

• ა) კანადა. თუ თქვენ ცხოვრობთ (ან თქვენი ბიზნესი ან საქმიანობის ძირითადი ადგილი განლაგებულია) კანადაში, და თუ თქვენ იყენებთ ფასიან სამომხმარებლო Skype-ის ბრენდირებულ სერვისებს, ან თუ თქვენ იყენებთ Microsoft Teams-ის უფასო ნაწილებს, თქვენ დებთ კონტრაქტს Skype Communications US Corporation, 2215-B Renaissance Drive, Las Vegas, NV 89119, United States. ყველა ფასიან თუ უფასო სერვისთან დაკავშირებით, თქვენ აფორმებთ კონტრაქტს Microsoft Corporation-თან, One Microsoft Way, Redmond, WA 98052, აშშ. წინამდებარე პირობების ინტერპრეტაციისას მოქმედებს იმ თქვენს საცხოვრებელ რეგიონში მოქმედი (ან, ბიზნესის ფლობის შემთხვევაში, იმ ტერიტორიაზე მოქმედი, სადაც ეს ბიზნესია დაფუძნებული) კანონები, პრეტენზიები მათ დარღვევასთან დაკავშირებით და ყველა სხვა პრეტენზია (მათ შორის, მომხმარებელთა უსაფრთხოების უზრუნველყოფასთან, უსამართლო კონკურენციასთან და დელიქტთან დაკავშირებული პრეტენზიები), მიუხედავად კანონით გათვალისწინებული კოლიზიური ნორმებისა. თქვენ და ჩვენ უპირობოდ ვთანხმდებით ონტარიოს სასამართლოების ექსკლუზიურ იურისდიქციაზე ყველა იმ დავასთან დაკავშირებით, რომელიც წარმოიშობა ამ პირობებთან ან სერვისებთან დაკავშირებით.
• ბ) ჩრდილოეთი ან სამხრეთი ამერიკა აშშ-ისა და კანადის ფარგლებს გარეთ. თუ თქვენ ცხოვრობთ (ან თქვენი ბიზნესი ან საქმიანობის ძირითადი ადგილი განლაგებულია) ჩრდილოეთ ან სამხრეთ ამერიკაში აშშ-ისა და კანადის ფარგლებს გარეთ, თქვენ დებთ ხელშეკრულებას შემდეგ კომპანიასთან: Microsoft Corporation, One Microsoft Way, Redmond, WA 98052, U.S.A. ვაშინგტონის შტატის კანონმდებლობა არეგულირებს ამ პირობების ინტერპრეტირებას და პირობების დარღვევასთან დაკავშირებულ პრეტენზიებს, სამართლებრივ ნორმებთან კონფლიქტის მიუხედავად. იმ ქვეყნის კანონმდებლობა, სადაც ვმართავთ სერვისებს, რომლებსაც იყენებთ, არეგულირებს ყველა დანარჩენ პრეტენზიას (მათ შორის, მომხმარებლების დაცვის, არაკეთილსინდისიერი კონკურენციის და დელიკატური სარჩელების საკითხებს).
• გ) ახლო აღმოსავლეთი, აფრიკა ან ევროპა. თუ თქვენ ცხოვრობთ (ან თქვენი ბიზნესი ან თქვენი საქმიანობის ძირითადი ადგილი მდებარეობს) ახლო აღმოსავლეთში, აფრიკასა თუ ევროპაში, ევროკავშირის, ისლანდიის, ლიხტენშტაინის, ნორვეგიის, შვეიცარიისა და გაერთიანებული სამეფოს გარდა და იყენებთ ამ სერვისების უფასო კომპონენტებს (როგორიცაა Bing და MSN), თქვენ ხელშეკრულებას დებთ Microsoft Corporation-თან, მისამართი: One Microsoft Way, Redmond, WA 98052, U.S.A., იმ შემთხვევების გარდა, თუ თქვენ იყენებთ Skype-ის უფასო კომპონენტებს; უკანასკნელ შემთხვევაში, თქვენ ხელშეკრულებას დებთ Microsoft Ireland Operations Limited-თან, მისამართი: One Microsoft Place, South County Business Park, Leopardstown, Dublin 18, Ireland. თუ თქვენ გადაიხადეთ სერვისების ნაწილის გამოყენების საფასური, თქვენ ხელშეკრულებას დებთ Microsoft Ireland Operations Limited-თან, მისამართი: One Microsoft Place, South County Business Park, Leopardstown, Dublin 18, Ireland. უფასო ან ფასიანი სერვისებისთვის, ამ პირობების ინტერპრეტირება და პირობების დარღვევასთან დაკავშირებული პრეტენზიები რეგულირდება ირლანდიის კანონმდებლობით, სამართლებრივ ნორმებთან კონფლიქტის მიუხედავად. იმ ქვეყნის კანონმდებლობა, სადაც ვმართავთ სერვისებს, რომლებსაც იყენებთ, არეგულირებს ყველა დანარჩენ პრეტენზიას (მათ შორის, მომხმარებლების დაცვის, არაკეთილსინდისიერი კონკურენციის და დელიკატური სარჩელების საკითხებს). თქვენ და ჩვენ უპირობოდ ვთანხმდებით ირლანდიის სასამართლოების ექსკლუზიურ იურისდიქციაზე ყველა იმ დავასთან დაკავშირებით, რომელიც წარმოიშობა ამ პირობებთან ან სერვისებთან დაკავშირებით.
• დ) აზია ან სამხრეთ ოკეანეთის რეგიონი, თუ თქვენი ქვეყანა არ შედის გამონაკლისების სიაში. თუ ცხოვრობთ (ან, ბიზნესის ფლობის შემთხვევაში, ეს ბიზნესი დაფუძნებულია) აზიაში (გარდა ჩინეთისა, იაპონიისა, კორეის რესპუბლიკისა და ტაივანისა) ან წყნარი ოკეანის სამხრეთ რეგიონებში და იყენებთ უფასო მომსახურების პროდუქტებს (მაგალითად Bing and MSN), კონტრაქტს აფორმებთ Microsoft Corporation-თან, One Microsoft Way, Redmond, WA 98052, აშშ; თუ იყენებთ Microsoft Teams-ის უფასო პროდუქტებს და ცხოვრობთ (ან, ბიზნესის ფლობის შემთხვევაში, ეს ბიზნესი დაფუძნებულია) ავსტრალიაში, კონტრაქტს აფორმებთ Microsoft Ireland Operations Limited-თან, One Microsoft Place-თან, South County Business Park, Leopardstown, Dublin 18, ირლანდია (რეგისტრირებული ირლანდიაში, კომპანიების რეგისტრაციის ოფისში, სარეგისტრაციო ნომრით 256796, დღგ-ის სარეგისტრაციო ნომერი: IE 8256796 U, რეგისტრირებული მისამართით 70 Sir John Rogerson’s Quay, Dublin 2, ირლანდია). თუ თქვენ იხდით ამ სერვისების ნაწილებით სარგებლობისთვის, ან თქვენ იყენებთ უფასო სერვისს Outlook.com სინგაპურში ან ჰონკონგში, თქვენ დებთ ხელშეკრულებას Microsoft Regional Sales Pte Ltd.-თან, კორპორაციასთან, რომელიც ორგანიზებულია სინგაპურის კანონმდებლობის შესაბამისად და რომლის რეგისტრირებული მისამართია 182 Cecil Street, #13-01 Frasers Tower, Singapore 06954; იმ პირობით, რომ თქვენ ცხოვრობთ (ან თქვენი ბიზნესი ან ბიზნესის ძირითადი ადგილი განლაგებულია) ავსტრალიაში, თქვენ დებთ ხელშეკრულებას Microsoft Pty Ltd-თან, 1 Denison St, North Sydney, NSW 2060, Australia და თუ თქვენ ცხოვრობთ (ან ბიზნესი ან თქვენი ბიზნესის ძირითადი ადგილი განლაგებულია) ახალ ზელანდიაში, თქვენ ხელშეკრულებას დებთ Microsoft New Zealand Limited-თან, Level 5, 22 Viaduct Harbour Avenue, PO Box 8070 Symonds Street, Auckland, 1150 New Zealand. უფასო და ფასიანი სერვისებისთვის, ვაშინგტონის სახელმწიფო სამართალი მართავს ამ პირობების ინტერპრეტაციას და მათი დარღვევების პრეტენზიებს, კონფლიქტური სამართლის პრინციპების მიუხედავად. იმ ქვეყნის კანონმდებლობა, სადაც ვმართავთ სერვისებს, რომლებსაც იყენებთ, არეგულირებს ყველა დანარჩენ პრეტენზიას (მათ შორის, მომხმარებლების დაცვის, არაკეთილსინდისიერი კონკურენციის და დელიკატური სარჩელების საკითხებს). ნებისმიერი დავა, რომელიც დაკავშირებულია ამ პირობებთან ან სერვისებთან, Skype-ის გარდა, მათ შორის, საკითხები, რომლებიც ეხება პირობების და სერვისების არსებობას, მოქმედებას ან შეწყვეტას, განიხილება და საბოლოოდ გადაწყდება სინგაპურის არბიტრაჟში, სინგაპურის საერთაშორისო საარბიტრაჟო ცენტრის (SIAC) არბიტრაჟის წესების შესაბამისად, რომლებიც წარმოადგენს ამ მუხლის განუყოფელ ნაწილს. ტრიბუნალი შედგება ერთი არბიტრისგან, რომელიც ინიშნება SIAC-ის პრეზიდენტის მიერ. არბიტრაჟის ენა იქნება ინგლისური. არბიტრის გადაწყვეტილება საბოლოოდ ითვლება, სავალდებულოა და გადახედვას არ ექვემდებარება და შეიძლება გამოყენებული იქნას, როგორც სასამართლო გადაწყვეტილების საფუძველი ნებისმიერ ქვეყანაში ან რეგიონში.
• ე) იაპონია. თუ თქვენ ცხოვრობთ (ან თქვენი ბიზნესი ან საქმიანობის ძირითადი ადგილი მდებარეობს) იაპონიაში და სარგებლობთ უფასო სერვისებით (როგორიცაა Bing და MSN), თქვენ დებთ ხელშეკრულებას შემდეგ კომპანიასთან: Microsoft Corporation, One Microsoft Way, Redmond, WA 98052, U.S.A. თუ თქვენ გადაიხადეთ რომელიმე სერვისში, თქვენ დებთ ხელშეკრულებას შემდეგ კომპანიასთან: Microsoft Japan Co., Ltd (MSKK), Shinagawa Grand Central Tower, 2-16-3 Konan Minato-ku, Tokyo 108-0075. უფასო ან ფასიანი სერვისებისთვის, ამ პირობების ინტერპრეტირება და ამ პირობებთან ან სერვისებთან დაკავშირებული საკითხები რეგულირდება იაპონიის კანონმდებლობით. თქვენ და ჩვენ უპირობოდ ვთანხმდებით ტოკიოს ოლქის სასამართლოს ერთადერთ ექსკლუზიურ იურისდიქციაზე ყველა იმ დავასთან დაკავშირებით, რომელიც წარმოიშობა ამ პირობებთან ან სერვისებთან დაკავშირებით.
• ვ) კორეის რესპუბლიკა.
  • i. თუ ცხოვრობთ (ან, ბიზნესის ფლობის შემთხვევაში, ეს ბიზნესი დაფუძნებულია) კორეის რესპუბლიკაში და იყენებთ უფასო მომსახურების პროდუქტებს (მაგალითად Bing and MSN), კონტრაქტს აფორმებთ Microsoft Corporation-თან, One Microsoft Way, Redmond, WA 98052, აშშ. თუ სერვისების ფასიან პაკეტს იყენებთ, კონტრაქტს აფორმებთ Microsoft Korea, Inc.-თან, 12th Floor, Tower A, The K-Twin Tower, Jongro 1 gil 50, Jongro-gu, Seoul, კორეის რესპუბლიკა, 03142. როგორც ფასიანი, ისე უფასო სერვისების შემთხვევაში, წინამდებარე პირობების, ან მათთან, ან სერვისებთან დაკავშირებული საკითხების რეგულირებისას, მოქმედებს კორეის რესპუბლიკაში არსებული კანონები. თქვენ და ჩვენ უპირობოდ ვთანხმდებით სეულის ცენტრალური ოლქის სასამართლოს არა-ექსკლუზიურ ორიგინალურ იურისდიქციაზე და განხილვის ადგილზე ყველა იმ დავასთან დაკავშირებით, რომელიც წარმოიშობა ამ პირობებიდან ან სერვისებიდან ან მათთან დაკავშირებით.
  • ii. თუ თქვენ ცხოვრობთ კორეის რესპუბლიკაში, კანონით, თქვენ შეგიძლიათ გქონდეთ გარკვეული უფლებები, რომლებიც არ შეიძლება იყოს შეზღუდული კონტრაქტით, როგორც ეს პირობები. ეს პირობები არავითარ შემთხვევაში არ არის გამიზნული ამ უფლებების შეზღუდვაზე ან Microsoft-ის კანონით დაკისრებული ვალდებულებების შეზღუდვაზე. მიუხედავად იმისა, რომ აქ გათვალისწინებულია საპირისპირო რამ, ეს პირობები მოქმედებს კანონით ნებადართული ზომით. ამ პირობების ნებისმიერი ცვლილება (და განმეორებადი სააბონენტო სერვისებისთვის გადასახდელი თანხის ნებისმიერი ცვლილება, თუ საჭიროა) განხორციელდება კანონის მოთხოვნების შესაბამისად.
• ზ) ტაივანი. თუ თქვენ ცხოვრობთ (ან თქვენი ბიზნესი ან საქმიანობის ძირითადი ადგილი მდებარეობს) ტაივანში და თქვენ იყენებთ ამ სერვისების უფასო კომპონენტებს (როგორიცაა Bing და MSN), თქვენ ხელშეკრულებას დებთ Microsoft Corporation-თან, მისამართი: One Microsoft Way, Redmond, WA 98052, U.S.A. თუ თქვენ გადაიხადეთ სერვისების ნაწილის გამოყენების საფასური, თქვენ ხელშეკრულებას დებთ Microsoft Taiwan Corp.-თან, მისამართი: 18F, No. 68, Sec. 5, Zhongxiao E. Rd., Xinyi District, Taipei 11065, Taiwan. უფასო და ფასიანი სერვისების გამოყენებისას ტაივანის კანონმდებლობა არეგულირებს ამ პირობებს და ნებისმიერ საკითხს, რომელიც წარმოიშობა სერვისებთან დაკავშირებით ან დაკავშირებულია სერვისებთან. დამატებითი ინფორმაციისთვის Microsoft Taiwan Corp.-ის შესახებ იხილეთ ვებსაიტი, რომელსაც უზრუნველყოფს ჩინეთის რესპუბლიკის ეკონომიკური საკითხების სამინისტრო. (https://gcis.nat.gov.tw/mainNew/). თქვენ და ჩვენ უპირობოდ ვაღიარებთ ტაიბეის ოლქის სასამართლოს პირველი ინსტანციის სასამართლოდ, რომლის იურისდიქცია ვრცელდება ამ პირობებთან და სერვისებთან დაკავშირებულ დავებზე, ტაივანის კანონმდებლობით მაქსიმალურად დაშვებულ ფარგლებში.

თქვენი ადგილობრივი კანონმდებლობის შესაბამისად მომხმარებლის უფლებების დაცვის შესახებ შეიძლება გათვალისწინებული იყოს ადგილობრივი მარეგულირებელი კანონები ან უფლება, რომელიც საშუალებას გაძლევთ, გადაწყვიტოთ დავა სხვა იურისდიქციაში, ამ პირობების მიუხედავად. ასეთ შემთხვევაში, მოქმედებს სამართალი და იურისდიქცია, როგორც აღწერილია მე-10 ნაწილში, ადგილობრივი კანონმდებლობით მაქსიმალურად დაშვებულ ფარგლებში.

11. გარანტიები.

• ა) MICROSOFT და მისი აფილიატები, გადამყიდველები, დისტრიბუტორები და გამყიდველები არ იძლევიან პირდაპირ და არაპირდაპირ გარანტიებს თქვენ მიერ სერვისის გამოყენებასთან დაკავშირებით. თქვენ გააზრებული გაქვთ, რომ სერვისებს იყენებთ საკუთარი რისკით და რომ ჩვენ უზრუნველვყოფთ სერვისებს „როგორც არის“ პრინციპის საფუძველზე, „ყველა შეცდომითა“ და „როგორც ხელმისაწვდომია“. MICROSOFT არ იძლევა სერვისების სიზუსტის ან დროული მომსახურეობის გარანტიას. შესაძლოა, გქონდეთ გარკვეული უფლებები თქვენი ადგილობრივი კანონმდებლობის შესაბამისად. წინამდებარე პირობების არცერთი ნაწილი გავლენას არ ახდენს ამ უფლებებზე, თუ ისინი ძალაშია. თქვენ ადასტურებთ, რომ კომპიუტერი და სატელეკომუნიკაციო სისტემები არ არის შეცდომებისგან თავისუფალი და ხანდახან ადგილი აქვს გაუმართაობებს. ჩვენ არ ვიძლევით გარანტიას, რომ სერვისები იქნება უწყვეტი, დროული, დაცული ან შეცდომებისგან თავისუფალი ან რომ არ მოხდება მასალის დაკარგვა; ჩვენ, ასევე, არ ვიძლევით გარანტიას კომპიუტერული ქსელის კავშირთან ან გადაცემასთან დაკავშირებით.
• ბ) თქვენი ადგილობრივი კანონმდებლობით დაშვებულის ფარგლებში, ჩვენ გამოვრიცხავთ ნაგულისხმევ გარანტიებს, მათ შორის, გაყიდვისთვის ვარგისიანობის, დამაკმაყოფილებელი ხარისხის, კონკრეტული მიზნისთვის ვარგისიანობის, ხარისხიანი ნამუშევრის და უფლებების დაურღვევლობის გარანტიას.
• გ) ავსტრალიაში მცხოვრები მომხმარებლებისთვის: ჩვენს პროდუქტებზე და სერვისებზე ვრცელდება გარანტიები, რომელთა გამორიცხვა შეუძლებელია მომხმარებელთა უფლებების დაცვის შესახებ ავსტრალიის კანონის შესაბამისად. სერვისის სერიოზული გაუმართაობების შემთხვევაში თქვენ უფლება გაქვთ:
  • გააუქმოთ მომსახურების ხელშეკრულება ჩვენთან; და
  • დაიბრუნოთ გამოუყენებელი ნაწილის საფასური ან მიიღოთ კომპენსაცია მისი შემცირებული ღირებულების გამო.

  თქვენ ასევე უფლება გაქვთ, აირჩიოთ საფასურის დაბრუნება ან პროდუქტის გამოცვლა სერიოზული გაუმართაობის შემთხვევაში. თუ პროდუქტის ან სერვისის გაუმართაობა არ ითვლება სერიოზულ გაუმართაობად, თქვენ უფლება გაქვთ იმაზე, რომ გონივრულ ვადაში გაუმართაობა გამოსწორდეს. ამის შეუსრულებლობის შემთხვევაში, თქვენ უფლება გაქვთ, დაიბრუნოთ პროდუქტის საფასურის თანხა ან გააუქმოთ მომსახურების ხელშეკრულება და დაიბრუნოთ გამოუყენებელი ნაწილის საფასური. თქვენ ასევე უფლება გაქვთ, მიიღოთ კომპენსაცია პროდუქტის ან სერვისის გაუმართაობით გამოწვეული ნებისმიერი სხვა ზიანისა თუ ზარალისთვის, რომლის წინასწარ განჭვრეტა გონივრულად შესაძლებელი იყო.

• დ) ახალ ზელანდიაში მცხოვრები მომხმარებლებისთვის: შესაძლოა, თქვენ გქონდეთ კანონით გათვალისწინებული უფლებები მომხმარებლების უფლებების დაცვის შესახებ ახალი ზელანდიის კანონის შესაბამისად და ამ პირობების არცერთი ნაწილი გავლენას არ ახდენს ასეთ უფლებებზე.

12. პასუხისმგებლობის შეზღუდვები.

• ა) თუ გაქვთ რაიმე საფუძველი ზარალის ანაზღაურებისთვის (ამ პირობების დარღვევის ჩათვლით), მოქმედი კანონმდებლობით ნებადართულ ფარგლებში, თქვენ ეთანხმებით იმას, რომ თქვენი ექსკლუზიური უფლება იქნება მიიღოთ პირდაპირი ზარალის ანაზღაურება Microsoft-ისგან ან მისი აფილიატებისგან, გადამყიდველებისგან, დისტრიბუტორებისგან, მესამე მხარის აპებისა და სერვისების პროვაიდერებისგან და გამყიდველებისგან იმ ოდენობით, რომელიც შეესაბამება სერვისების საფასურს იმ თვეში, რომელშიც ადგილი ჰქონდა დანაკარგს ან დარღვევას (10,00$ აშშ დოლარამდე, თუ სერვისები უფასოა).
• ბ) მოქმედი კანონმდებლობით ნებადართულ ფარგლებში, თქვენ არ შეგიძლიათ მიიღოთ ანაზღაურება (i) შედეგობრივი ზიანისა ან ზარალისთვის; (ii) ფაქტობრივი ან მოსალოდნელი მოგების (პირდაპირი ან არაპირდაპირი) დაკარგვისთვის; (iii) ფაქტობრივი ან მოსალოდნელი შემოსავლის (პირდაპირი ან არაპირდაპირი) დაკარგვისთვის; (iv) კონტრაქტის ან ბიზნესის დაკარგვისთვის ან სხვა ზიანისა თუ ზარალისთვის, რომელიც წარმოიშვა თქვენ მიერ არაპირადი მიზნით სერვისების გამოყენების შედეგად; (v) განსაკუთრებული, არაპირდაპირი, შემთხვევითი ან ჯარიმებთან დაკავშირებული ზიანისა ან ზარალისთვის; და (vi) კანონით დაშვებულის ფარგლებში, პირდაპირი ზიანისა და ზარალისთვის, რომელიც აჭარბებს ზემოთ მოცემულ 12.ა ნაწილში აღწერილ ზიანს. ეს შეზღუდვები და გამონაკლისები მოქმედებს მაშინ, როცა ეს უფლება სრულად არ ფარავს ზარალს, ან არ შეესაბამება თავის მთავარ მიზანს, ან თუ ჩვენთვის ცნობილი იყო ან ცნობილი უნდა ყოფილიყო ზარალის ალბათობის შესახებ. კანონით გათვალისწინებულ მაქსიმალურ ფარგლებში, ეს შეზღუდვები და გამონაკლისები ვრცელდება ყველაფერზე და ნებისმიერ პრეტენზიაზე, რომლებიც დაკავშირებულია ამ პირობებთან, სერვისებთან ან სერვისებთან დაკავშირებულ პროგრამულ უზრუნველყოფასთან.
• გ) Microsoft არ აგებს პასუხს თავისი ვალდებულებების შეუსრულებლობაზე ან შესრულების დაყოვნებაზე ამ პირობების შესაბამისად, თუ ასეთი შეუსრულებლობა ან დაყოვნება გამოწვეულია გარემოებებით, რომლებიც Microsoft-ის გონივრული კონტროლის ფარგლებს სცდება (მაგალითად, შრომითი კონფლიქტები, სტიქიური უბედურებები, ომი ან ტერორიზმი, განზრახ დაზიანება, უბედური შემთხვევები ან მოქმედ კანონმდებლობასთან ან მთავრობის ბრძანების მოთხოვნებთან შესაბამისობა). Microsoft შეეცდება ასეთი მოვლენების ზემოქმედების მინიმუმამდე დაყვანას და დანარჩენი ვალდებულებების შესრულებას.

13. სერვისის სპეციფიკური პირობები. პირობები, რომლებიც მოცემულია მე-13 ნაწილამდე და ამ ნაწილის შემდეგ, ყველა სერვისზე ვრცელდება. ეს ნაწილი შეიცავს სერვისის სპეციფიკურ პირობების, რომლებიც ძირითადი პირობების დამატებას წარმოადგენენ. სერვისის ეს სპეციფიკური პირობები მოქმედებს, როდესაც წარმოიქმნება კონფლიქტი ძირითად პირობებთან.

• ა) Xbox.
  • i. პირადი, არაკომერციული მიზნებისთვის გამოყენება. Xbox-ის ონლაინ სერვისი, Xbox Game Studios-ს თამაშები (მათ შორის Mojang Games) (https://www.xbox.com/xbox-game-studios), აპლიკაციები, გამოწერები (მაგ., Xbox Game Pass-ის გამოწერის სერვისის შეთავაზებები), სერვისები (მაგ., Xbox Cloud Gaming) და Microsoft-ის მიერ წარმოდგენილი კონტენტი (ერთობლივად „Xbox Services“) განკუთვნილია მხოლოდ თქვენი პირადი და არაკომერციული მიზნით გამოყენებისთვის.
  • ii. Xbox Services. როდესაც რეგისტრირდებით Xbox Services-ის მისაღებად, მოხდება თქვენი თამაშის, აქტივობების და თამაშებით და Xbox Services-ით სარგებლობის შესახებ ინფორმაციის თრექინგი და გაზიარება შესაბამის მესამე მხარეებთან, თამაშების დეველოპერების და გამომცემლების ჩათვლით, რათა Microsoft-მა შეძლოს Xbox Services-ის მოწოდება და მესამე მხარეებმა ამუშაონ არა-Microsoft-ის თამაშები და სერვისები. ასევე, Xbox Services-ზე წვდომის მესამე მხარის პლატფორმების მეშვეობით განხორციელების შემთხვევაში, შეიძლება მოხდეს თქვენი თამაშის, აქტივობების და თამაშებით და Xbox Services-ით სარგებლობის შესახებ ინფორმაციის თრექინგი და გაზიარება აღნიშნულ მესამე მხარის პლატფორმებთან, მესამე მხარის ნებისმიერი პირობებისა და კონფიდენციალურობის პოლიტიკის შესაბამისად. თუ აირჩევთ, რომ Microsoft Xbox Services-ის ანგარიში დაუკავშიროთ თქვენს ანგარიშს Microsoft-ის სერვისის მიღმა ან შეხვიდეთ თქვენს Xbox Services-ის ანგარიშში Microsoft-ის სერვისის მიღმა (მაგალითად, მესამე მხარის აპებისა და სერვისების თამაშების გამომცემელთან, რომელიც არ წარმოადგენს Microsoft-ს), თქვენ ეთანხმებით შემდეგს: (ა) Microsoft-მა, შესაძლოა, გააზიაროს ანგარიშის შეზღუდული და გამოყენებასთან დაკავშირებული ინფორმაცია (მათ შორის, თუმცა ამით არ შემოიფარგლება, მოთამაშის იარლიყი, თამაშის ანგარიში, თამაშის ისტორია, გამოყენების მონაცემები და მეგობრების სია) მხარესთან, რომელიც არ წარმოადგენს Microsoft-ს, როგორც აღწერილია Microsoft-ის კონფიდენციალურობის დებულებაში და (ბ) თუ დაშვებულია თქვენი Xbox-ის კონფიდენციალურობის პარამეტრებით, მხარეს, რომელიც არ წარმოადგენს Microsoft-ს, შესაძლოა, ჰქონდეს წვდომა თქვენს შიგთავსზე თამაშის შიდა კომუნიკაციის ან თქვენ მიერ გამოყენებული სხვა აპლიკაციების მეშვეობით, როცა შედიხართ ანგარიშში იმ მხარესთან, რომელიც არ წარმოადგენს Microsoft-ს. ასევე, თუ თქვენი Xbox-ის კონფიდენციალურობის პარამეტრებით დაშვებულია, Microsoft-ს შეუძლია გამოაქვეყნოს თქვენი სახელი, მოთამაშის იარლიყი, სურათი, დევიზი, ავატარი, თამაშის კლიპები და თამაშები, რომლებსაც თამაშობდით კომუნიკაციაში თქვენ მიერ დაშვებულ ადამიანებთან.
  • iii. თქვენი შიგთავსი. Xbox Services-ის გაერთიანების შექმნის ფარგლებში, თქვენ აძლევთ Microsoft-ს, მის აფილირებულ პირებსა და სუბლიცენზიარებს უფასო და საერთაშორისო უფლებას, გამოიყენონ, შეაცვალონ, რეპროდუცირება მოახდინონ, გაავრცელონ, განახორციელონ გადაცემა ეთერში, გააზიარონ და აჩვენონ თქვენი შიგთავსი ან თქვენი სახელი, მოთამაშის იარლიყი, დევიზი ან ავატარი, რომელიც გამოაქვეყნეთ Xbox Services-ში.
  • iv. თამაშის მმართველები. ზოგიერთი თამაში შეიძლება იყენებდეს თამაშის მმართველებს, წარმომადგენლებს ან ორგანიზატორებს. თამაშის მმართველები და ორგანიზატორები არ არიან Microsoft-ის წარმომადგენლები. მათი შეხედულებები არ ასახავს Microsoft-ის აზრს.
  • v. ბავშვები Xbox-ში. თუ ხართ არასრულწლოვანი და იყენებთ Xbox Services-ს, თქვენს მშობელს ან მეურვეს შეიძლება ჰქონდეს კონტროლი Xbox-ის პლატფორმაზე არსებული თქვენი ანგარიშის მრავალ ასპექტზე და მათ შეიძლება მიიღონ ანგარიშები თქვენ მიერ Xbox Services-ის გამოყენების შესახებ. აღნიშნული წარმოადგენს ექსკლუზიურად Xbox Services-ის ფუნქციებს და შეიძლება ვერ შეძლოთ მათი გამოყენება სხვა პლატფორმებზე.
  • vi. თამაშის ვალუტა ან ვირტუალური პროდუქტები. Xbox Services შეიძლება მოიცავდეს თამაშის ვირტუალურ ვალუტას (მაგალითად, ოქრო, მონეტები ან ქულები), რომლის შეძენაც შესაძლებელია Microsoft-ისგან ან მისი სახელით რეალური ფულადი სახსრებით, თუ მიაღწიეთ საცხოვრებელი ქვეყნის კანონით დადგენილ „სრულწლოვანების ასაკს“. Xbox Services-ი შეიძლება, ასევე, მოიცავდეს ვირტუალურ, ციფრულ საგნებს ან პროდუქტებს, რომელთა შეძენა შესაძლებელია Microsoft-ისგან ან მისი სახელით რეალური ფულადი სახსრებით ან თამაშის ვალუტით. თამაშის ვალუტის და ვირტუალური პროდუქტების გამოყენება შეუძლებელია რეალური ფულადი სახსრების, პროდუქტების ან ფულადი ფასეულობის მქონე სხვა ელემენტების მისაღებად Microsoft-ისგან ან სხვა პირისგან. თქვენ გაქვთ მხოლოდ შეზღუდული, პერსონალური, გაუქმებადი, გადაცემას დაუქვემდებარებელი, სუბლიცენზიით გადაცემას დაუქვემდებარებელი ლიცენზია თამაშის ვალუტის და ვირტუალური პროდუქტების გამოყენებაზე Xbox Services-ში და თქვენ არ გაქვთ უფლება ან საკუთრების უფლება თამაშის ასეთ ვალუტაზე ან ვირტუალურ პროდუქტებზე, რომლებიც არსებობს სერვისებში, ან სხვა ატრიბუტებზე, რომლებიც დაკავშირებულია თქვენ მიერ Xbox Services-ის გამოყენებასთან ან ინახება Xbox Services-ში. Microsoft-ს შეუძლია ნებისმიერ დროს დაარეგულიროს, მართოს, შეცვალოს და/ან გააუქმოს თამაშის ვალუტა და/ან ვირტუალური პროდუქტები, რომლებიც დაკავშირებულია ერთ ან მეტ Xbox-ის თამაშთან ან აპთან, თავისი შეხედულებისამებრ და იმდენად, რამდენადაც ეს დაშვებულია ადგილობრივი კანონმდებლობით.
  • vii. პროგრამული უზრუნველყოფის განახლებები. ნებისმიერი მოწყობილობისთვის, რომელსაც შეუძლია Xbox Services-თან დაკავშირება, შეგვიძლია ავტომატურად შევამოწმოთ Xbox-ის კონსოლის პროგრამული უზრუნველყოფის ან Xbox-ის აპის პროგრამული უზრუნველყოფის თქვენი ვერსია და ჩამოვტვირთოთ Xbox-ის კონსოლის ან Xbox აპის პროგრამული უზრუნველყოფის განახლებები ან კონფიგურაციის ცვლილებები, მათ შორის, ისეთები, რომლებიც აღკვეთს Xbox-ის სერვისებზე წვდომას, არაავტორიზებული Xbox-ის თამაშების ან Xbox-ის აპების გამოყენებას ან არაავტორიზებული აპარატული პერიფერიული მოწყობილობების გამოყენებას Xbox-ის კონსოლით.
  • viii. თაღლითური და წესების დამრღვევი პროგრამული უზრუნველყოფა. ჩვენ შეგვიძლია ნებისმიერი მოწყობილობა, რომელსაც შეუძლია Xbox Services-თან დაკავშირება, ავტომატურად შევამოწმოთ არაავტორიზებული აპარატურის ან პროგრამული უზრუნველყოფის არსებობაზე, რომელიც თაღლითობის შესაძლებლობას იძლევა ან არღვევს ქცევის კოდექს ან ამ პირობებს და ჩამოვტვირთოთ Xbox-ის აპის პროგრამული უზრუნველყოფის განახლებები ან კონფიგურაციის ცვლილებები, მათ შორის, ისეთი, რომლებიც ხელს შეგიშლით Xbox-ის სერვისებზე წვდომას ან არასანქცირებული აპარატურის ან პროგრამული უზრუნველყოფის გამოყენებას, რომელიც თაღლითობის ან გაყალბების შესაძლებლობას იძლევა.
  • ix. გამოწერის დამატებითი პირობები. Xbox Services-ის გამოწერები ექვემდებარება დამატებით პირობებს, რომლებც ჩამოყალიბებულია Xbox-ის გამოწერის პირობები | Xbox (https://www.xbox.com/legal/subscription-terms).
  • x. Xbox Services-ის არააქტიური გამოწერები Microsoft-მა შესაძლოა გამორთოს თქვენთვის განმეორებითი ანგარიშის წარდგენა და შეწყვიტოს განმეორებითი დარიცხვები შერჩეულ ქვეყნებში, თუ არ იყენებთ თქვენს Xbox-ის სერვისების გამოწერას გარკვეული პერიოდის განმავლობაში. განმეორებითი დარიცხვის გამორთვამდე Microsoft-ი მოგაწოდებთ შეტყობინებას. მეტი ინფორმაციისთვის, მათ შორის არაქტიურობის პერიოდის შესახებ დეტალებისთვის იხილეთ გამოწერის არაქტიურობაზე ხშირად დასმული კითხვები | Xbox-ის მიერ მხარდაჭერა (https://support.xbox.com/en-GB/help/subscriptions-billing/manage-subscriptions/xbox-subscription-inactivity-policy).
  • xi. საბოლოო მომხმარებლის დამატებითი სალიცენზიო ხელშეკრულებები და ქცევის კოდექსები. ზოგიერთ Xbox Services-ს შეიძლება ჰქონდეს საკუთარი გამოყენების პირობები და ქცევის კოდექსი.

• ბ) მაღაზია. „მაღაზია“ არის სერვისი, რომლის საშუალებითაც შეგიძლიათ დაათვალიეროთ, ჩამოტვირთოთ, შეიძინოთ, შეაფასოთ და მიმოიხილოთ აპლიკაციები (ტერმინი „აპლიკაცია“ მოიცავს თამაშებსაც) და სხვა ციფრული მასალა. ეს პირობები ვრცელდება Microsoft-ის ან მისი აფილირებული პირების საკუთრებაში არსებული ან მათ მიერ მართული გარკვეული მაღაზიების (მათ შორის, თუმცა ამით არ შემოიფარგლება, Office Store-ის, Microsoft Store on Windows-ისა და Microsoft Store on Xbox-ის) გამოყენებაზე. „Office Store“ არის Office-ის პროდუქტების და აპების მაღაზია Office, Microsoft 365, SharePoint, Exchange, Access და Project-ისთვის (2013 და უფრო ახალი ვერსიები) ან ნებისმიერი სხვა ფუნქციონალობა, რომელიც ბრენდირებულია, როგორც Office Store. „Microsoft Store on Windows“ ნიშნავს მაღაზიას, რომელსაც ფლობს და მართავს Microsoft ან მისი აფილირებული პირები, ისეთი Windows მოწყობილობებისთვის, როგორიცაა ტელეფონი, კომპიუტერი და პლანშეტი, ან ნებისმიერ სხვა ფუნქციონალობას, რომელიც ბრენდირებულია, როგორც Microsoft Store და ხელმისაწვდომია Windows მოწყობილობებში, როგორიცაა ტელეფონი, კომპიუტერი და პლანშეტი. „Microsoft Store on Xbox“ ნიშნავს მაღაზიას, რომელსაც ფლობს და მართავს Microsoft ან მისი აფილირებული პირები, Xbox კონსოლებისთვის, ან ნებისმიერ სხვა ფუნქციონალობას, რომელიც ბრენდირებულია, როგორც Microsoft Store და ხელმისაწვდომია Xbox კონსოლზე.
  • i. სალიცენზიო პირობები. ჩვენ მოვახდენთ მაღაზიაში ხელმისაწვდომი თითოეული პროგრამის გამომცემლის იდენტიფიცირებას. თუ აპლიკაციისთვის არ არის გათვალისწინებული განსხვავებული ლიცენზიის პირობები, სტანდარტული აპლიკაციის ლიცენზიის პირობები („SALT“) ამ პირობების ბოლოში წარმოადგენენ შეთანხმებას თქვენსა და აპლიკაციის გამომცემელს შორის, რომელშიც მითითებულია ლიცენზიის პირობები, რომლებიც ვრცელდება აპლიკაციაზე, რომელიც ჩამოტვირთეთ ნებისმიერი მაღაზიიდან, რომელსაც ფლობს ან მართავს Microsoft ან მისი აფილირებული პირები (Office Store-ის გარდა). უფრო ზუსტად, ეს პირობები ვრცელდება გამოყენებაზე და Microsoft Services მიერ უზრუნველყოფილ სერვისებზე. ამ პირობების მე-5 ნაწილი ასევე ვრცელდება მაღაზიაში შეძენილ ნებისმიერ მესამე მხარის აპებზე და სერვისებზე. Office Store-იდან ჩამოტვირთული აპლიკაციები არ რეგულირდება SALT-ით და მათზე ვრცელდება ცალკე სალიცენზიო პირობები.
  • ii. განახლებები. Microsoft ავტომატურად შეამოწმოს და ჩამოტვირთავს განახლებებს აპლიკაციებში, მაშინაც კი, როცა არ ხართ შესული შესაბამის მაღაზიაში. შეგიძლიათ, შეცვალოთ მაღაზიის ან სისტემის პარამეტრები, თუ არ გსურთ მიიღოთ ავტომატური განახლებები მაღაზიის აპლიკაციებში. თუმცა, შესაძლებელია ზოგიერთი Office Store-ის აპლიკაცია, რომელიც მთლიანად ან ნაწილობრივ ორგანიზებულია ონლაინში, ნებისმიერ დროს განახლდეს აპლიკაციის დეველოპერის მიერ თქვენი მხრიდან განახლებაზე ნებართვის საჭიროების გარეშე.
  • iii. რეიტინგები და შეფასებები. თუ აფასებთ ან მიმოიხილავთ პროგრამას ან სხვა ციფრულ პროდუქციას მაღაზიაში, შესაძლოა, მიიღოთ ელწერილი Microsoft-ისგან, რომელიც შეიცავს შესაბამისი პროგრამის ან ციფრული პროდუქციის გამომცემლის შიგთავსს. ნებისმიერი ასეთი ელწერილის გამომგზავნია Microsoft; ჩვენ არ გადავცემთ თქვენი ელფოსტის მისამართს იმ პროგრამების ან სხვა ციფრული პროდუქციის გამომცემლებს, რომლებიც შეიძინეთ მაღაზიაში.
  • iv. გაფრთხილება უსაფრთხოებასთან დაკავშირებით. შესაძლო ტრავმის, დისკომფორტის ან თვალების დაძაბვის თავიდან ასაცილებლად გამოიყენეთ თამაშები ან სხვა აპლიკაციები პერიოდული შესვენებებით, განსაკუთრებით, თუ ტკივილს ან დაღლილობას გრძნობთ. თუ დისკომფორტს გრძნობთ, შეისვენეთ. დისკომფორტის დროს შეიძლება, იგრძნოთ გულისრევა, ზღვის დაავადების სიმპტომები, თავბრუსხვევა, დეზორიენტაცია, თავის ტკივილი, დაღლილობა, თვალების დაძაბულობა ან თვალების სიმშრალე. აპლიკაციების გამოყენებამ შეიძლება გამოიწვიოს ყურადღების მოდუნება და ხელი შეგიშალოთ რეალობის აღქმაში. თავი აარიდეთ საფრთხეებს გზაში, კიბეებს, დაბალ ჭერს, მტვრევად ან ძვირფას ნივთებს, რომლებიც შეიძლება დაზიანდეს. ადამიანების ძალიან მცირე პროცენტს შეიძლება დაემართოს გულყრა გარკვეული ვიზუალური გამოსახულებების ზემოქმედების შედეგად, მაგალითად, მოციმციმე შუქისგან ან შაბლონებისგან, რომლებიც შეიძლება არსებობდეს პროგრამებში. იმ ადამიანსაც კი, რომელსაც არასოდეს ჰქონია გულყრები, შეიძლება აღმოუჩნდეს არადიაგნოსტირებული მდგომარეობა, რომელიც გამოიწვევს გულყრების. სიმპტომებს შორის შეიძლება იყოს თავბრუსხვევა, მხედველობითი აღქმის ცვლილება, კრუნჩხვები, ტოკვები ან კიდურების ტრემორი, ორიენტაციის დაკარგვა, ცნობიერების დაბნელება, ცნობიერების დაკარგვა ან კონვულსიები. დაუყოვნებლივ შეწყვიტეთ გამოყენება და მიმართეთ ექიმს, თუ გრძნობთ ზემოთ ჩამოთვლილ რომელიმე სიმპტომს, ან მიმართეთ ექიმს პროგრამების გამოყენებამდე, თუ ოდესმე გქონიათ გულყრებთან დაკავშირებული სიმპტომები. მშობლებმა უნდა გააკონტროლონ ბავშვების მიერ აპლიკაციების გამოყენება და შესაბამისი სიმპტომები.

• გ) Microsoft Family-ს ფუნქციები. მშობლებს და ბავშვებს შეუძლიათ Microsoft family-ს ფუნქციების, მათ შორის Microsoft Family Safety-ს გამოყენება ნდობის დასამყარებლად იმ საერთო შეხედულებებზე დაყრდნობით, რომლებიც მათ აქვთ ოჯახში მისაღები ქცევის, ვებსაიტების, აპების, თამაშების, ადგილმდებარეობის და ხარჯების შესახებ. მშობლებს შეუძლიათ შექმნან „ოჯახი“ შემდეგ გვერდზე: https://account.microsoft.com/family (ან Windows მოწყობილობაში ან Xbox კონსოლში მოცემული მითითებების შესრულებით). მათ, ასევე, შეუძლიათ მოიწვიონ ბავშვები ან სხვა მშობლები ოჯახში. ოჯახის წევრებისთვის მრავალი ფუნქცია არსებობს, ამიტომ ყურადღებით გაეცანით წარმოდგენილ ინფორმაციას, როდესაც ეთანხმებით „ოჯახის“ შექმნას ან უერთდებით „ოჯახს“ და როდესაც ყიდულობთ ციფრულ საქონელს ოჯახის წევრების წვდომისთვის. „Family“ ჯგუფის შექმნით ან მასში გაწევრიანებით თანხმდებით, რომ გამოიყენებთ ამ ჯგუფს მხოლოდ იმ მიზნით, რისთვისაც ის განკუთვნილია და არ გამოიყენებთ მას არაავტორიზებული მიზნებისთვის, მაგალითად სხვა პირის ინფორმაციაზე წვდომის არაკანონიერი გზით მოსაპოვებლად. Microsoft Family-ს ფუნქციები Microsoft-ის სერვისების ექსკლუზიური ფუნქციაა და შეუძლებელია მათი გამოყენება სხვა პლატფორმებზე. მაგალითად, Xbox-ის ექსკლუზიური Family Safety-ის პარამეტრები მოქმედებს Xbox-ის კონსოლზე ან Xbox-ის მეშვეობით კომპიუტერზე ან მობილურ მოწყობილობაზე, მაგრამ შეიძლება არ მოქმედებდეს სხვა პლატფორმებზე.

• დ) ჯგუფური მიმოწერა. Microsoft-ის სხვადასხვა სერვისები საშუალებას გაძლევთ, გაუგზავნოთ შეტყობინებები სხვა მომხმარებლებს ხმოვანი ან SMS სერვისის საშუალებით („შეტყობინებები“) და/ან საშუალებას აძლევს Microsoft-ს და Microsoft-ის მიერ კონტროლირებად აფილირებულ პირებს, გამოგიგზავნონ შეტყობინებები თქვენ და ერთ ან რამდენიმე სხვა მომხმარებელს თქვენი სახელით. თუ მიუთითებთ MICROSOFT-ს და MICROSOFT-ის მიერ კონტროლირებად აფილირებულ პირებს, გამოგიგზავნონ ასეთი შეტყობინებები თქვენ და სხვა მომხმარებლებს, თქვენ აცხადებთ და გარანტიას გვაძლევთ, რომ თქვენ და ნებისმიერი პირი, რომლისთვისაც მიუთითებთ შეტყობინების გამოგზავნას, თანახმა ხართ მიიღოთ ასეთი შეტყობინებები და სხვა დაკავშირებული ადმინისტრაციული ტექსტური შეტყობინებები MICROSOFT-ისგან და MICROSOFT-ის მიერ კონტროლირებადი აფილირებული პირებისგან. „ადმინისტრაციული ტექსტური შეტყობინებები“ პერიოდული ტრანზაქციული შეტყობინებებია Microsoft-ის კონკრეტული სერვისიდან, მათ შორის, თუმცა ამით არ შემოიფარგლება, „მისალმების შეტყობინება“ ან ინსტრუქცია იმის შესახებ, თუ როგორ შეწყვიტოთ შეტყობინებების მიღება. თუ თქვენ ან ჯგუფის წევრებს აღარ გსურთ ასეთი შეტყობინებების მიღება, შეგიძლიათ უარი თქვათ შემდგომი შეტყობინებების მიღებაზე Microsoft-ისგან ან Microsoft-ის მიერ კონტროლირებადი აფილირებული პირებისგან ნებისმიერ დროს ქვემოთ მოყვანილი ინსტრუქციის მიხედვით. თუ თქვენ აღარ გსურთ ასეთი შეტყობინებების მიღება ან ჯგუფში მონაწილეობა, თქვენ თანხმობას აცხადებთ, რომ უარს იტყვით შესაბამის პროგრამაში ან სერვისში მოყვანილი ინსტრუქციის შესაბამისად. თუ მიზეზი გაქვთ იფიქროთ, რომ ჯგუფის წევრს აღარ სურს ასეთი შეტყობინებების მიღება ან ჯგუფში მონაწილეობა, თქვენ თანხმობას აცხადებთ, რომ თქვენ წაშლით მას ჯგუფიდან. თქვენ, ასევე, აცხადებთ და გარანტიას გვაძლევთ, რომ თქვენ და ნებისმიერ პირს, რომლისთვისაც მიუთითეთ შეტყობინებების გამოგზავნა, გესმით, რომ ჯგუფის თითოეული წევრი პასუხისმგებელია ნებისმიერი შეტყობინების საფასურთან დაკავშირებულ ხარჯებზე, რომლებიც შეფასდება შესაბამისი მობილური ოპერატორის მიერ, მათ შორის საერთაშორისო შეტყობინების საფასურზე, რომელიც შეიძლება მოქმედებდეს, როცა შეტყობინება გადაიცემა აშშ-ში არსებული ნომრებიდან.

• ე) Skype, Microsoft Teams და GroupMe.
  • i. საგანგებო სერვისები. არსებობს მნიშვნელოვანი განსხვავებები ტრადიციულ მობილურ ან ფიქსირებულ სატელეფონო სერვისებსა და Skype-ის, Microsoft Teams-ისა და GroupMe-ის სერვისებს შორის. Microsoft-ს აქვს შეზღუდული ვალდებულება, რომელიმე მოქმედი ადგილობრივი ან ეროვნული წესების, რეგულაციებისა ან კანონმდებლობის შესაბამისად, შემოგთავაზოთ წვდომა საგანგებო სერვისებზე, როგორიცაა 911 ან 112 საგანგებო ზარები ("Emergency Services") Skype-ის, Microsoft Teams-ისა და GroupMe-ის მეშვეობით. Skype-ის ფუნქციის Skype to Phone მხოლოდ შეზღუდულმა პროგრამულმა ვერსიებმა შეიძლება მხარი დაუჭიროს ზარებს საგანგებო სერვისებზე ძალიან შეზღუდულ ქვეყნებში და გამოყენებული პლატფორმის მიხედვით. თქვენ შეგიძლიათ ნახოთ დეტალები ამის ხელმისაწვდომობაზე და როგორ მოახდინოთ ამ ფუნქციის კონფიგურირება აქ: https://www.skype.com/go/emergency. თუ თქვენი Skype to Phone-ით საგაგნგებო გამოძახება ჩართულია, თქვენ უნდა მიუთითოთ თქვენი ფიზიკური მდებარეობის დეტალები, რათა საგანგებო სამსახურებმა გიპასუხონ.
  • ii. API ან მაუწყებლობა. თუ გსურთ გამოიყენოთ Skype-ის პროგრამული უზრუნველყოფა და პროდუქტები რაიმე მაუწყებლობასთან დაკავშირებით, აუცილებელია დაიცვათ „მაუწყებლობის მომსახურების პირობები“, რომლებიც მოცემულია გვერდზე https://www.skype.com/go/legal.broadcast. თუ გსურთ გამოიყენოთ რომელიმე აპლიკაციის პროგრამული ინტერფეისი („API“), რომელიც წარმოდგენილია ან უზრუნველყოფილია Skype-ით, აუცილებელია დაიცვათ მოქმედი სალიცენზიო პირობები, რომლებიც ხელმისაწვდომია გვერდზე www.skype.com/go/legal.
  • iii. წესები კეთილსინდისიერ გამოყენებასთან დაკავშირებით. თქვენ მიერ Skype-ის პროგრამული უზრუნველყოფისა და პროდუქტების გამოყენებაზე შეიძლება ვრცელდებოდეს კეთილსინდისიერი გამოყენების წესები. გადახედეთ ამ წესებს, რომლებიც შემუშავებულია თაღლითობისა და უკანონო გამოყენებისგან დასაცავად და რომელთა შესაბამისად შეიძლება დაწესებული იყოს ლიმიტი ზარების ან შეტყობინებების ტიპზე, ხანგრძლივობასა ან მოცულობაზე. ეს წესები წარმოადგენს წინამდებარე პირობების განუყოფელ ნაწილს. ეს წესები ხელმისაწვდომია https://www.skype.com/go/terms.fairusage/.
  • iv. რუკები. Skype-ის პროგრამული უზრუნველყოფა და პროდუქტები შეიცავს ისეთ ფუნქციების, რომლებიც საშუალებას გაძლევთ, გაგზავნოთ ინფორმაცია თქვენ შესახებ ან მონიშნოთ საკუთარი თავი რუკაზე, რუკების სერვისის გამოყენებით. ასეთი ფუნქციების გამოყენებით თქვენ ეთანხმებით წინამდებარე პირობებსა და Google-ის რუკების სერვისის პირობებს, რომლებიც განთავსებულია აქ: https://www.google.com/intl/en_ALL/help/terms_maps.html, ან ისეთ Google რუკების პირობებს, რომლებიც ხელმისაწვდომია თქვენს ქვეყანაში.
  • v. გამოყენება პირადი/არაკომერციული მიზნით. Skype-ის პროგრამული უზრუნველყოფისა და პროდუქტების გამოყენება დაშვებულია პირადი და არაკომერციული მიზნით. თქვენ უფლება გაქვთ გამოიყენოთ Skype-ი სამსახურში თქვენი საკუთარი საქმიანი კომუნიკაციისთვის.
  • vi. Skype ნომერი/Skype To Go. თუ Microsoft-ი გადმოგცემთ Skype ნომერს ან Skype To Go ნომერს, თქვენ ეთანხმებით იმას, რომ ეს ნომერი თქვენ არ გეკუთვნით და თქვენ არ გაქვთ იმის უფლება, რომ სამუდამოდ შეინარჩუნოთ ეს ნომერი. გარკვეულ ქვეყნებში ნომერს შეიძლება უზრუნველყოფდეს თქვენთვის Microsoft-ის პარტნიორი და არა Microsoft და ასეთ შემთხვევაში საჭირო იქნება ცალკე შეთანხმების დადება შესაბამის პარტნიორთან. დამატებითი ინფორმაცია Skype ნომრის შესახებ იხილეთ გვერდზე https://go.skype.com/home.skype-number.
  • vii. Skype Manager. Skype Manager-ის ადმინისტრატორის ანგარიში, რომელიც შექმნილია და იმართება თქვენ მიერ, მოქმედებს, როგორც Skype Manager-ის ინდივიდუალური ადმინისტრატორი და არა როგორც იურიდიული პირი. შეგიძლიათ მიაბათ თქვენი ინდივიდუალური Microsoft-ის ანგარიში Skype Manager-ის ჯგუფს ("მიბმული ანგარიში"). შეგიძლიათ დანიშნოთ დამატებითი ადმინისტრატორები Skype Manager-ის ჯგუფში, თუ ისინი დათანხმდებიან ამ პირობებზე. თუ გაანაწილებთ Skype ნომრებს მიბმული ანგარიშის ფარგლებში, თქვენ პასუხს აგებთ თქვენი მიბმული ანგარიშის მომხმარებლების საცხოვრებელ ქვეყანასთან და მდებარეობასთან დაკავშირებული მოთხოვნების დაცვაზე. თუ აირჩევთ მოხსნათ მიბმული ანგარიში Skype Manager-ის ჯგუფიდან, განაწილებული გამოწერების, Skype კრედიტის ან Skype ნომრების მიღება შეუძლებელი გახდება და თქვენი შიგთავსი ან ის მასალა, რომელიც დაკავშირებულია მოხსნილ Skype ანგარიშთან, აღარ იქნება ხელმისაწვდომი თქვენთვის. თქვენ თანახმა ხართ, დაამუშავოთ თქვენი მიბმული ანგარიშის მომხმარებლების პერსონალური ინფორმაცია მონაცემთა დაცვის შესახებ ყველა მოქმედი კანონის დაცვით.
  • viii. Skype-ის საფასური. Skype-ის ფასიანი პროდუქტების ყველა საფასური მოიცავს მოქმედ გადასახადებს, თუ სხვა რამ არ არის მითითებული. სატელეფონო ზარების ფასი გამოწერის გარეშე მოიცავს დაკავშირების საფასურს (ერთი ზარის ფასი) და ერთი წუთის ტარიფს, როგორც აღწერილია აქ: www.skype.com/go/allrates. საფასური ჩამოგეჭრებათ Skype კრედიტის ბალანსიდან. Microsoft-ს შეუძლია ნებისმიერ დროს შეცვალოს ზარების ტარიფები ამ ცვლილებების გამოქვეყნებით გვერდზე www.skype.com/go/allrates. ახალი განაკვეთი გავრცელდება შემდეგ ზარზე, ახალი ტარიფების გამოქვეყნების შემდეგ. შეამოწმეთ უახლესი ტარიფები ზარის განხორციელებამდე. ზარის არასრული წუთები და არასრული თანხები დამრგვალდება მომდევნო მთელ რიცხვამდე. ზოგიერთ ქვეყანაში Skype-ის ფასიან პროდუქტებს უზრუნველყოფს Microsoft-ის ადგილობრივი პარტნიორი და ასეთ ტრანზაქციებზე ვრცელდება პარტნიორის სერვისის გამოყენების წესები. ზემოთქმულის მიუხედავად, შესაძლოა უფლება გქონდეთ, მოქმედი კანონმდებლობის შესაბამისად, მოითხოვოთ გამოწერის წინასწარ გადახდილი საფასურის თანხის დაბრუნება თქვენი Skype ნომრის პროვაიდერის შეცვლის შემთხვევაში.
  • ix. Skype კრედიტი. Microsoft-ი არ იძლევა გარანტიას, რომ თქვენ შეძლებთ Skype კრედიტის ბალანსის გამოყენებას Skype-ის ფასიანი პროდუქტების შესაძენად. თუ თქვენ არ გამოიყენებთ Skype კრედიტს 180 დღის განმავლობაში, Microsoft-ი გადაიყვანს თქვენს Skype კრედიტს არააქტიურ მდგომარეობაში. შეგიძლიეთ ხელახლა გაააქტიუროთ Skype კრედიტი ხელახალი აქტივაციის ბმულზე გადასვლით: https://www.skype.com/go/store.reactivate.credit. თუ იმყოფებით იაპონიაში და შეიძენთ Skype კრედიტს Skype-ის ვებსაიტიდან, წინა ორი წინადადება არ ვრცელდება თქვენზე და თქვენი Skype კრედიტი იწურება 180 დღის ვადაში შეძენის თარიღიდან. თქვენი საკრედიტო ვადის ამოწურვის შემდეგ ვეღარ შეძლებთ მის ხელახლა აქტივაციას ან გამოყენებას. შეგიძლიათ ჩართოთ ავტომატური შევსების ფუნქცია Skype კრედიტის შეძენის დროს, შესაბამისი უჯრის მონიშვნით. თუ ჩართავთ, Skype კრედიტის ბალანსი შეივსება იმავე თანხით და თქვენ მიერ არჩეული გადახდის მეთოდით ყოველთვის, როცა თქვენს Skype-ის ანგარიშზე Skype-ის მიერ იმ დროისთვის დადგენილ ლიმიტზე ნაკლები თანხა დარჩება. თუ თქვენ შეიძინეთ გამოწერა საკრედიტო ბარათისგან, PayPal-ის ან Moneybookers-ის (Skrill-ის) სისტემისგან განსხვავებული მეთოდით და ჩართული გაქვთ ავტომატური შევსების ფუნქცია, თქვენი Skype კრედიტის ბალანსი შეივსება თანხით, რომელიც საჭიროა შემდეგი პერიოდული გამოწერის შესაძენად. შეგიძლიათ ნებისმიერ დროს გამორთოთ ავტომატური შევსება, Skype-ის პორტალზე თქვენს ანგარიშზე შესვლის და პარამეტრების შეცვლის გზით.
  • x. საერთაშორისო შეტყობინებების ტარიფები. GroupMe-ი ამჟამად იყენებს აშშ-ში დაფუძნებულ ნომრებს თითოეული შექმნილი ჯგუფისთვის. თითოეული ტექსტური შეტყობინება, მიღებული ან გაგზავნილი GroupMe ნომრიდან, ჩაითვლება საერთაშორისო ტექსტურ შეტყობინებად, რომელიც გაგზავნილია ან მიღებულია აშშ-იდან. თქვენი ადგილმდებარეობის მიხედვით Microsoft Teams-მა შეიძლება გამოიყენოს ტელეფონის ნომერი, რომელიც შეიძლება ჩაითვალოს საერთაშორისო ტექსტურ შეტყობინებად. შესაბამისი საერთაშორისო ტარიფების შესახებ ინფორმაციისთვის მიმართეთ თქვენს პროვაიდერს.
  • xi. Microsoft Teams SMS. Microsoft Teams-მა შეიძლება გამოიყენოს ავსტრალიაში მდებარე ნომრები, რომლებიც მოწოდებულია Belgacom International Carrier Services SA-ის მიერ. მათი ძირითადი ბიზნეს ადგილით Boulevard du Roi Albert II, 27 1030, Bruxelles Belgium ("BICS"), ავსტრალიური ნომრების მქონე მიმღებებისთვის გაგზავნილი შეტყობინებებისთვის. Microsoft და მისი შვილობილი კომპანიები არ არიან აფილირებული BICS-თან.

• ვ) Bing და Microsoft Start (MSN-ის ჩათვლით).
  • i. Bing-სა და Microsoft Start-ზე ხელმისაწვდომი მასალები. Bing-სა და Microsoft Start-ზე ხელმისაწვდომი სტატიები, ტექსტები, ფოტოები, რუკები, ვიდეოები, ვიდეო თამაშები და მესამე მხარის მასალები, მათ შორის, რომლებიც ხელმისაწვდომია Microsoft-ის ბოტების, აპლიკაციებისა და პროგრამების მეშვეობით, განკუთვნილია თქვენ მიერ მხოლოდ პირადი, არაკომერციული მიზნებისათვის გამოსაყენებლად. აღნიშნული მასალების სხვაგვარად გამოყენება, მათ შორის ჩამოტვირთვა, კოპირება და გავრცელება ან ამავე მასალებისა თუ პროდუქციის გამოყენება თქვენი საკუთარი პროდუქციის შესაქმნელად, ნებადართულია მხოლოდ იმდენად, რამდენადაც დაშვებულია Microsoft-ისა თუ უფლებამოსილების მქონე პირების მიერ ან საავტორო უფლებების დაცვის შესახებ მოქმედი კანონმდებლობით. Microsoft-ი და სხვა უფლებამოსილი პირები იტოვებენ ყველა უფლებას იმ მასალებზე, რომლებიც არ არის ცალსახად მიკუთვნებული Microsoft-ის მიერ ლიცენზიის პირობების შესაბამისად, არამედ არის ნაგულისხმევი, ესტოპელით ან სხვაგვარად გათვალისწინებული.
  • ii. Bing-ის რუკები. აშშ-ის, კანადის, მექსიკის, ახალი ზელანდიის, ავსტრალიის ან იაპონიის საერთო ხედების გამოყენება სამთავრობო მიზნებით ცალკე წერილობითი ნებართვის გარეშე დაუშვებელია.
  • iii. Bing ადგილები. როდესაც თქვენს მონაცემებს ან მასალებს აწვდით Bing Places-ს, ამით თქვენ ანიჭებთ Microsoft-ს გლობალურ, უსასყიდლო ლიცენზიას თქვენი მონაცემებისა და მასალების გამოყენებაზე, რეპროდუცირებაზე, შენახვაზე, მოდიფიცირებაზე, აგრეგირებაზე, რეკლამირებაზე, გადაცემაზე, გამჟღავნებასა და გავრცელებაზე (რაც მოიცავს ინტელექტუალური საკუთრების უფლებებს თქვენს მონაცემებსა და მასალებზე), ასევე ქველიცენზიით, სრულად თუ ნაწილობრივ, გადასცემთ აღნიშნულ უფლებებს მესამე მხარეებს.

• ზ) Cortana.
  • i. გამოყენება პირადი არაკომერციული მიზნით. Cortana არის Microsoft-ის პერსონალური ასისტენტის სერვისი. Cortana-ს მიერ უზრუნველყოფილი ფუნქციები, სერვისები და შიგთავსი (ერთობლივად „Cortana სერვისები“) განკუთვნილია მხოლოდ თქვენი პირადი და არაკომერციული მიზნით გამოყენებისთვის.
  • ii. ფუნქციონალობა და შიგთავსი. Cortana უზრუნველყოფს ფუნქციების სპექტრს, რომელთაგან ზოგიერთი პერსონალიზებულია. Cortana სერვისებმა შესაძლოა მოგცეთ ნებართვა სხვა Microsoft-ის სერვისებით ან მესამე მხარის აპებითა და სერვისებით უზრუნველყოფილ სერვისებზე, ინფორმაციაზე და ფუნქციონალობაზე წვდომის მიღებაზე. მე-13 მუხლის სერვისის სპეციფიკური პირობები ასევე ვრცელდება თქვენს მიერ მოქმედი Microsoft-ის სერვისების გამოყენებაზე, რომლებზეც წვდომა ხორციელდება Cortana-ს სერვისების მეშვეობით. Cortana უზრუნველყოფს ინფორმაციას მხოლოდ იმისათვის, რომ დაგეგმოთ თქვენი დღე და ამ ინფორმაციის ნახვის და გამოყენების დროს მხოლოდ თქვენს საკუთარ დამოუკიდებელ მსჯელობას უნდა დაეყრდნოთ. Microsoft არ იძლევა გარანტიას Cortana-ს მიერ მოწოდებული პერსონალური გამოცდილების საიმედოობასთან, ხელმისაწვდომობასთან ან დროულობასთან დაკავშირებით. Microsoft არ აგებს პასუხს, თუ Cortana-ს ფუნქცია აყოვნებს ან აფერხებს თქვენთვის კომუნიკაციის ან შეტყობინების ნახვას, გადახედვას ან გაგზავნას ან სერვისის მიღებას.
  • iii. მესამე მხარის აპები და სერვისები. Cortana სერვისების უზრუნველყოფის ფარგლებში, Cortana-მ შეიძლება შემოგთავაზოთ დახმარება და დაგეხმაროთ მესამე მხარის აპებთან და სერვისებთან (მესამე მხარის შესაძლებლობებთან ან დაკავშირებულ სერვისებთან) ინტერაქციაში. თუ აირჩევთ, Cortana-ს შეუძლია გაცვალოს ინფორმაცია მესამე მხარის აპებთან და სერვისებთან, როგორიცაა საფოსტო ინდექსი და მესამე მხარის აპებისა და სერვისების მიერ დაბრუნებული მოთხოვნები და პასუხები, რათა დაგეხმაროთ მოთხოვნილი სერვისების მიღებაში. Cortana-ს შეუძლია მოგცეთ შესაძლებლობა, განახორციელოთ შესყიდვები მესამე მხარის აპებისა და სერვისების მეშვეობით, ანგარიშის თვისებების და პარამეტრების გამოყენებით, რომლებიც თქვენ დააყენეთ უშუალოდ ამ მესამე მხარის აპებსა და სერვისებში. შეგიძლიათ ნებისმიერ დროს გათიშოთ Cortana სერვისი მესამე მხარის აპებიდან და სერვისებიდან. მესამე მხარის აპებთან და სერვისებთან დასაკავშირებლად თქვენ მიერ Cortana სერვისების გამოყენებაზე ვრცელდება ამ პირობების მე-5 ნაწილი. მესამე მხარის აპებისა და სერვისების გამომცემლებს შეუძლიათ შეცვალონ ან შეწყვიტონ მესამე მხარის აპებისა და სერვისების ფუნქციების მოქმედება ან ინტეგრაცია Cortana-ს სერვისებთან. Microsoft არ არის პასუხისმგებელი მწარმოებლის პროგრამულ უზრუნველყოფაზე ან მიკროპროგრამაზე.
  • iv. Cortana-ს მიერ ჩართული მოწყობილობები. Cortana-ს მიერ ჩართული მოწყობილობები წარმოადგენენ პროდუქტებს ან მოწყობილობებს, რომლებსაც შეუძლიათ Cortana-ს სერვისებზე წვდომა, ან პროდუქციას ან მოწყობილობებს, რომლებიც თავსებადია Cortana-ს სერვისებთან. Cortana-ს მიერ ჩართული მოწყობილობები მოიცავს მესამე მხარის მოწყობილობებს და პროდუქციას, რომელიც არ ეკუთვნის Microsoft-ს, ან არ არის წარმოებული ან შემუშავებული Microsoft-ის მიერ. Microsoft არ არის პასუხისმგებელი ამ მესამე მხარის მოწყობილობებზე ან პროდუქციაზე.
  • v. პროგრამული უზრუნველყოფის განახლებები. ჩვენ შეიძლება ავტომატურად შევამოწმოთ თქვენი Cortana სერვისების პროგრამული უზრუნველყოფის ვერსია და ჩამოვტვირთოთ პროგრამული უზრუნველყოფის განახლებები ან კონფიგურაციის ცვლილებები, ან მოვთხოვოთ Cortana-ს მიერ ჩართული მოწყობილობების ნებისმიერ მწარმოებელს, განაახლოს Cortana სერვისების პროგრამული უზრუნველყოფა.

• თ) Microsoft 365 აპლიკაციები და სერვისები.
  • i. გამოყენების პირობები. Microsoft 365 Family, Microsoft 365 Personal, Microsoft 365 Basic, Sway, OneNote.com და ნებისმიერი სხვა Microsoft 365 აპლიკაცია თუ სერვისი ან სერვისი Office-ის ბრენდით განკუთვნილია თქვენ მიერ პირადი, არაკომერციული მიზნით გამოყენებისთვის, თუ არ გაქვთ მინიჭებული კომერციული მიზნით გამოყენების უფლება Microsoft-თან დადებული ცალკე შეთანხმების შესაბამისად. ისეთი აპლიკაციების გამოყენება, როგორიცაა Word, Excel, PowerPoint, Outlook, OneDrive, Access და Publisher Microsoft 365 Family-ში, Microsoft 365 Personal-სა და Microsoft 365 აპლიკაციის ან გამოწერის ნებისმიერ სხვა სერვისში, რეგულირდება დამატებითი ლიცენზიის პირობებით, რომლებიც ამ პირობებთან ერთად განთავსებულია მისამართზე: https://aka.ms/useterms.
  • ii. Outlook-ის დამატებითი პირობები. Outlook მოიცავს Bing რუკების გამოყენებას. Bing რუკებში წარმოდგენილი ნებისმიერი შიგთავსის, მათ შორის გეოკოდების, გამოყენება შეიძლება მხოლოდ იმ პროდუქტის ფარგლებში, რომლის მეშვეობითაც წარმოდგენილია შიგთავსი. თქვენ მიერ Bing რუკების გამოყენება რეგულირდება Bing რუკების საბოლოო მომხმარებლის გამოყენების პირობებით, რომლებიც ხელმისაწვდომია გვერდზე go.microsoft.com/?linkid=9710837 და Microsoft-ის კონფიდენციალურობის დებულებით, რომელიც ხელმისაწვდომია გვერდზე go.microsoft.com/fwlink/?LinkID=248686.

• ი) ციფრული პროდუქტები. Microsoft Groove-ის, Microsoft Movies & TV-ის, Store-ის, Xbox Services-სა და სხვა მსგავს და მომავალ სერვისებში Microsoft-მა შეიძლება უზრუნველყოს შესაძლო ციფრული ფორმით მიღებული მუსიკის, გამოსახულებების, ვიდეოს, ტექსტის, წიგნების, თამაშებისა და სხვა მასალის („ციფრული პროდუქტები“), შეძენის, მოსმენის, დათვალიერების, დაკვრის ან წაკითხვის შესაძლებლობა. ციფრული პროდუქტების გამოყენება დაშვებულია პირადი, არაკომერციული, გართობის მიზნით. თქვენ თანხმობას აცხადებთ, რომ არ გაავრცელებთ ციფრულ პროდუქტებს, არ მოახდენთ მათ ტრანსლირებას, საჯაროდ პრეზენტაციას ან საჯაროდ ჩვენებას, ან ასლების გადაცემას. ციფრული პროდუქტების მფლობელი შეიძლება იყოს Microsoft-ი ან მესამე მხარე. ნებისმიერ შემთხვევაში თქვენ გააზრებული გაქვთ და ადასტურებთ, რომ თქვენი უფლებები ციფრულ პროდუქტებთან დაკავშირებით შეზღუდულია ამ პირობებით, საავტორო უფლებების შესახებ კანონმდებლობითა და გამოყენების წესებით, რომლებიც განთავსებულია გვერდზე: https://go.microsoft.com/fwlink/p/?LinkId=723143. თქვენ ეთანხმებით, რომ არ შეეცდებით რომელიმე სერვისში შეძენილი ციფრული პროდუქტების მოდიფიცირებას რაიმე, მათ შორის, გავრცელების ან ციფრული პროდუქტების მფლობელობის ან წყაროს შეცვლის მიზნით. Microsoft-ს ან ციფრული პროდუქტების მფლობელებს შეუძლიათ, პერიოდულად წაშალონ ციფრული პროდუქტები სერვისებიდან გაფრთხილების გარეშე.

• კ) Microsoft-ის მეხსიერება.
  • i. OneDrive-ის მეხსიერების განაწილება. თუ თქვენს OneDrive-ის ანგარიშზე ინახება უფრო დიდი მოცულობის შიგთავსი, ვიდრე გათვალისწინებულია თქვენი უფასო ან ფასიანი გამოწერის სერვისის პირობებით Microsoft-ის მეხსიერებისთვის და თქვენ არ ახდენთ რეაგირებას Microsoft-ის შეტყობინებაზე ანგარიშის გამოსწორების მოთხოვნით ზედმეტი შიგთავსის წაშლის ან გამოწერის ახალ გეგმაზე გადასვლის გზით, რომელიც უფრო დიდი მოცულობის მეხსიერებას ითვალისწინებს, ჩვენ უფლებას ვიტოვებთ, დავხუროთ თქვენი ანგარიში და წავშალოთ ან გამოვრთოთ წვდომა თქვენს შიგთავსზე OneDrive-ში. იხილეთ დამატებითი ინფორმაცია Microsoft-ის მეხსიერების კვოტების შესახებ აქ (https://prod.support.services.microsoft.com/office/how-does-microsoft-storage-work-2a261b34-421c-4a47-9901-74ef5bd0c426).
  • ii. OneDrive-ის სერვისის ეფექტიანობა. ისეთი ფაქტორებიდან გამომდინარე, როგორიცაა თქვენი აპარატურა, კავშირი ინტერნეტთან და Microsoft-ის მიერ მიღებული ზომები სერვისის ეფექტიანობისა და მთლიანობის უზრუნველსაყოფად, შესაძლოა, ზოგჯერ ადგილი ჰქონდეს შეფერხებებს OneDrive-ში შიგთავსის ატვირთვის ან სინქრონიზაციის დროს.
  • iii. Outlook.com-ის მეხსიერების განაწილება. თუ გადააჭარბებთ Outlook.com-ის საფოსტო ყუთის მეხსიერების კვოტას ან თქვენი Microsoft-ის მეხსიერების კვოტას, რომელიც მოგეწოდებათ უფასო ან ფასიანი გამოწერის საფუძველზე, თქვენ ვერ შეძლებთ გაგზავნოთ ან მიიღოთ შეტყობინებები იქამდე, სანამ წაშლით ზედმეტ შიგთავსს ან არ გადახვალთ ახალ, საკმარისი მეხსიერების მქონე გამოწერაზე. თუ ვერ მოახერხებთ ზედმეტი შიგთავსის წაშლას ან საკმარისი დამატებითი მეხსიერების შეძენას Microsoft-იდან შეტყობინების მიღების შემდეგ, ჩვენ ვიტოვებთ უფლებას წავშალოთ თქვენი შიგთავსი ან შეგიზღუდოთ მასზე წვდომა. იხილეთ დამატებითი ინფორმაცია Microsoft-ის მეხსიერების კვოტების შესახებ აქ (https://prod.support.services.microsoft.com/office/how-does-microsoft-storage-work-2a261b34-421c-4a47-9901-74ef5bd0c426).

• ლ) Microsoft Cashback. პროგრამა „Microsoft Cashback“ („Cashback“) Microsoft-ის მომხმარებლებს აძლევს ქეშბექის მიღების საშუალებას, როცა ისინი ვაჭრობენ პროგრამაში მონაწილე საცალო მოვაჭრეებთან და ამ პროცესში იყენებენ Microsoft-ის გარკვეულ პროდუქტებსა და სერვისებს, როგორიცაა Bing.com და Microsoft Edge. „Cashback“-ში ჩართვით ან „Cashback“-ის შეთავაზების გააქტიურებით, თქვენ ეთანხმებით „Cashback“-ის წესებსა და პირობებს (https://www.microsoft.com/bing/rebates-terms). „Cashback“-ში თქვენს მონაწილეობასთან დაკავშირებით მოქმედებს გარკვეული შესაბამისობის კრიტერიუმები, აკრძალვები და სხვა შეზღუდვები; დამატებითი ინფორმაციისთვის იხილეთ „Cashback“-თან დაკავშირებით ხშირად დასმული კითხვები (https://www.bing.com/rebates/faq).

• მ) Microsoft Rewards.
  • i. ზოგადი ინფორმაცია.: Microsoft Rewards (შემდგომში „ჯილდოების პროგრამა“) არის ღია წვდომის პროგრამა, რომელიც შესაძლებლობას გაძლევთ შეაგროვოთ ქულები (შემდგომში „ქულები“) გარკვეული აქტივობებისა და Microsoft-ის გარკვეული პროდუქტებისა და სერვისების პირადად გამოყენების შემთხვევაში. თუ გაქვთ Microsoft-ის ანგარიში და იმყოფებით მონაწილე რეგიონში (განმარტებულია ქვემოთ), ეს ნიშნავს, რომ თქვენ ავტომატურად ჩაერთეთ ჯილდოების პროგრამაში და შეგიძლიათ ახლავე დაიწყოთ ქულების შეგროვება. ჯილდოების პროგრამაში მონაწილეობის გაუქმება ნებისმიერ მომენტში შეგიძლიათ ქვემოთ მოცემული ინსტრუქციის მიხედვით.
  • ii. თქვენ შეგიძლიათ სხვა ფორმით გადაცვალოთ შეგროვებული ქულები (შემდგომში „გადაცვლის ოპცია“), მათ შორის სხვა პროდუქტებსა და სერვისებზე, რომლებიც ჩამოთვლილია გადაცვლის გვერდზე, რომელიც ხელმისაწვდომია ბმულზე: https://aka.ms/redeemrewards (შემდგომში „ჯილდოები“). იმისათვის, რათა შესაფერისი მონაწილე იყოთ ქულების გადაცვლისათვის გადაცვლის ფუნქციის გამოყენებით, თავდაპირველად უნდა გაააქტიუროთ თქვენი ჯილდოების პროგრამის ანგარიში (შემდგომში „ჯილდოების ანგარიში“) ჯილდოების პანელზე, რომელიც ხელმისაწვდომია ბმულზე: https://rewards.microsoft.com/ და Microsoft-ის ზოგიერთ სხვა ვებსაიტსა და ვებგვერდზე. ჯილდოების ანგარიშის გააქტიურება უფასოა.
  • iii. ჯილდოების პროგრამის ფარგლებში მოქმედებს გარკვეული შეზღუდვები და ლიმიტები ქულების შეგროვებაზე, გადაცვლასა და სხვა სახის გამოყენებაზე. დამატებითი ინფორმაციისათვის იხ. ჯილდოების ნაწილი ბმულზე: https://support.microsoft.com (შემდგომში „ხშირად დასმული კითხვები“).
  • iv. (სავალდებულო). თქვენ უნდა გქონდეთ Microsoft-ის მოქმედი ანგარიში და უნდა ცხოვრობდეთ ხშირად დასმული კითხვების ნაწილში აღნიშნულ ერთ-ერთ რეგიონში (შემდგომში „რეგიონები“), რათა გაიაქტიუროთ ჯილდოების ანგარიში და შეაგროვოთ, გადაცვალოთ ან სხვაგვარად გამოიყენოთ ქულები. თქვენ შეგიძლიათ შექმნათ და გამოიყენოთ მხოლოდ ერთი ჯილდოების ანგარიში მაშინაც კი, თუ რამდენიმე ელფოსტის მისამართი გაქვთ. თითოეულ ოჯახს აქვს მხოლოდ ექვსი ჯილდოების ანგარიშის შექმნის უფლება. ჯილდოების პროგრამა განკუთვნილია მხოლოდ პირადი და არაკომერციული მიზნებით გამოყენებისათვის. ვირტუალური კერძო ქსელის (VPN) ან სხვა ტექნოლოგიისა თუ სერვისის მოხმარებამ, რაც შესაძლებელია გამოყენებული იყოს თქვენი ლოკაციის დასაფარად ან შესანიღბად, შესაძლებელია გამოიწვიოს თქვენი ჯილდოების ანგარიში გაუქმება და დაგროვებული ქულების დაკარგვა.
  • v. ქულების შეგროვება. თქვენ შეიძლება მოგეცეთ შანსი შეაგროვოთ ქულები გარკვეული სახის მაკვალიფიცირებელი აქტივობებისათვის (შემდგომში „შეთავაზებები“), როგორიცაა ძიება, შეძენა, Microsoft-ის გარკვეული პროდუქციისა და სერვისების მოხმარება და Microsoft-ის მიერ წარმოდგენილი სხვა შესაძლებლობები. თქვენ უნდა გქონდეთ ჯილდოების აქტიური ანგარიში, რათა ისარგებლოთ ამგვარი შეთავაზებებით. გარკვეული შეთავაზებების მოთხოვნების დაკმაყოფილების შემდეგ შეიძლება მოგთხოვონ ქულების მისაღებად მოთხოვნის გაკეთება ჯილდოების პანელზე, სანამ მოხდება ქულების მიღება და დარიცხვა თქვენს ჯილდოების ანგარიშზე. Microsoft-ის მიერ დადგენილ ვადაში ქულების მიღების მოთხოვნის წარუდგენლობამ შესაძლოა გამოიწვიოს ქულების გაუქმება. მოქმედი შეთავაზებები შესაძლოა განსხვავდებოდეს რეგიონის მიხედვით და ხელმისაწვდომი იყოს მხოლოდ გარკვეული დროით ან ექვემდებარებოდეს სხვა სახის შეზღუდვებს. თქვენ უნდა შეასრულოთ კონკრეტული შემოთავაზების ყველა წესი და პირობა, რათა შეაგროვოთ ქულები, რომლებიც გეკუთვნით აღნიშნული შეთავაზების ფარგლებში. შესაძლებელია შეთავაზებები მიიღოთ პირდაპირ ჯილდოების პანელზე ან Microsoft-ის გარკვეული პროდუქტებისა და სერვისების გამოყენებისას. პერიოდულად Microsoft-მა შეიძლება შემოგთავაზოთ ან დაგირიცხოთ დამატებითი ქულები საკუთარი გადაწყვეტილებისამებრ, წინასწარი შეტყობინების მოწოდების ან მის გარეშე, მათ შორის ქულები კარგი განზრახვით განხორციელებული ძიებებისა და Microsoft-ის სერვისების გამოყენებისთვის.
  • vi. ჯილდოების პროგრამის მიზნებისათვის, „ძიება“ ნიშნავს ინდივიდუალური მომხმარებლის მიერ განხორციელებულ ქმედებას, როდესაც მას კეთილსინდისიერი მიზნით ხელით შეჰყავს ტექსტი, რათა მოიპოვოს Bing-ით ძიების შედეგები საკუთარი მიზნებისათვის; „ძიება“ არ მოიცავს ძიებას, რომელიც არაა განხორციელებული კარგი განზრახვით ან პირადი მიზნებისთვის გამოსაყენებლად ან ისეთ ძიებას, რომელსაც განახორციელებს ბოტი, მაკრო ან ნებისმიერი სხვა სახის ავტომატიზებული თუ თაღლითური საშუალება. ჯილდოების პროგრამის მიზნებისთვის, „შეძენა“ არის საქონლის შეძენის ან ჩამოტვირთვისა და Microsoft-ისგან ციფრული კონტენტის ლიცენზიის (უფასო ან ფასიანი) მოპოვების პროცესი. ქულების შეთავაზება არ ხდება Microsoft-სგან ყოველი შენაძენისათვის და შესაძლებელია მოქმედებდეს გარკვეული შეზღუდვები.
  • vii. ქულებზე დაწესებული შეზღუდვები და ლიმიტები. ქულების მინიჭება ხდება Microsoft-ის მიერ ცალკეული ჯილდოების ანგარიშებისათვის და მათი გადაცემა არ ხდება ფიზიკური თუ იურიდიული მესამე პირისათვის. მიუხედავად ზემოთქმულისა, Microsoft-მა შესაძლებელია, საკუთარი შეხედულებით, პერიოდულად მოგცეთ ნებართვა (i) გაუნაწილოთ საკუთარი ქულები თქვენივე ოჯახის წევრებს (შესაძლებელია მოქმედებდეს ლიმიტები), (ii) ქულები შესწიროთ გადაცვლის გვერდზე მითითებულ არასამთავრობო ორგანიზაციას ქველმოქმედების მიზნით ან (iii) რეგიონის მიხედვით და სხვა წესებისა და პირობების გათვალისწინებით, ქულები მთლიანად ან ნაწილობრივ გადაცვალოთ ქულებზე, რომლებიც გროვდება სხვა ჯილდოებისა თუ ლოიალურობის პროგრამის ფარგლებში, რაც მოიცავს Microsoft-ის ან სხვა უფლებამოსილი მესამე პირების მიერ ოპერირებულ პროგრამებს. ქულები არის და ნებისმიერ მომენტში რჩება Microsoft-ის საკუთრებად და არ წარმოადგენს თქვენს კერძო საკუთრებას; მათ არ გააჩნიათ ფულადი ღირებულება და თქვენ ვერ შეძლებთ მათ სანაცვლოთ ნაღდი თუ უნაღდო ფულადი თანხის მიღებას. ქულები მოგენიჭებათ მხოლოდ აქციის ფარგლებში. ქულებს ვერ შეიძენთ. Microsoft-მა შესაძლებელია შეზღუდოს ქულებისა თუ ჯილდოების რაოდენობა, რომლებიც გროვდება ან გადაიცვლება თითო პირზე, ოჯახზე ან გარკვეული პერიოდის მანძილზე (მაგ., ერთ დღეში) იმ პირობით, რომ აღნიშნული არ მოხდება თქვენს საზიანოდ კეთილსინდისიერების პრინციპის დარღვევით; იხ. „ხშირად დასმული კითხვები“ ამჟამად მოქმედ ლიმიტებთან დაკავშირებით. თუ შეთავაზებითა თუ გაცვლის ფუნქციით ცალსახად არ განისაზღვრება სხვაგვარად, პროგრამის ფარგლებში შეგროვებული ქულები არ მოქმედებს და დაუშვებელია მათი გამოყენება Microsoft-ისა თუ მესამე პირების მიერ შემოთავაზებულ სხვა პროგრამასთან კომბინაციაში. გადაუცვლელ ქულებს, რომლებიც დაკავშირებულია თქვენს ჯილდოების ანგარიშთან, ამოეწურება ვადა, თუ თქვენ არ შეაგროვებთ ან გადაცვლით ქულებს საკუთარ ჯილდოების ანგარიშზე ზედიზედ 18 თვის მანძილზე.
  • viii. გადაცვლები. გადაცვლების ოპცია თქვენთვის ხელმისაწვდომი გახდება გადაცვლების გვერდზე და Microsoft-ის გარკვეულ სხვა ვებსაიტებსა და ვებგვერდებზე. გადაცვლის ფუნქციისათვის ხელმისაწვდომი ყველა ქულა უნდა შეაგროვოთ და შეინახოთ ჯილდოების ანგარიშში, ვიდრე შეძლებთ ქულების გადაცვლას აღნიშნულ გადაცვლის ფუნქციაზე. შესაძლებელია ხელმისაწვდომი იყოს კონკრეტული ჯილდოს ლიმიტირებული რაოდენობა, ხოლო აღნიშნული ჯილდოების გადაცემა მოხდება რიგითობის მიხედვით. შესაძლებელია მოგთხოვონ დამატებითი ინფორმაციის მოწოდება, როგორიცაა თქვენი საფოსტო მისამართი და ტელეფონის ნომერი (რომელიც განსხვავდება VOIP-სგან და უფასო ნომრისაგან), და შესაძლებელია ასევე გთხოვონ თაღლითობის აღკვეთის კოდის შეყვანა ან დამატებითი სამართლებრივი დოკუმენტის ხელმოწერა, რათა გადაცვალოთ ქულები გარკვეულ გადაცვლის ფუნქციაზე. მას შემდეგ, რაც გადაცვლით ქულებს, ვეღარ შეძლებთ გადაცვლის ფუნქციის გაუქმებასა თუ დაბრუნებას ქულების ასანაზღაურებლად, გარდა იმ შემთხვევებისა, როდესაც პროდუქცია არის დეფექტური ან როდესაც ამას მოქმედი კანონმდებლობა მოითხოვს. თუ აირჩევთ ისეთ გადაცვლის ფუნქციას, რომლის მარაგიც ამოწურულია ან ხელმიუწვდომელია სხვა მიზეზების გამო, მაშინ შეგეძლებათ ის სხვა იმავე ღირებულების გადაცვლის ფუნქციით ჩაანაცვლოთ ან ქულები აინაზღაუროთ, თქვენი შეხედულებით.
  • ix. Microsoft-მა შესაძლებელია ნებისმიერ მომენტში, ნებისმიერი მიზეზით, განაახლოს ან შეწყვიტოს კონკრეტული გადაცვლის ოპციების შეთავაზება. ზოგიერთ გადაცვლის ფუნქციაზე შესაძლებელია ვრცელდებოდეს მოქმედების ვადა ან რეგიონის შესაბამისობის მოთხოვნები, ან სხვა წესები და პირობები გადაცვლასთან თუ გამოყენებასთან დაკავშირებით. ნებისმიერი ამგვარი მოთხოვნა თუ პირობა შეტანილი იქნება შესაბამის გადაცვლის შეთავაზებაში. თქვენ პასუხს აგებთ ყველა ფედერალური, სახელმწიფო და ადგილობრივი გადასახადისა და ნებისმიერი სხვა თანხის გადახდაზე, რომლებიც გათვალისწინებულია გადაცვლის ფუნქციის დადასტურებისა და გამოყენების შემთხვევაში. ჯილდოები მოგეწოდებათ ელფოსტის მისამართზე, რომელიც დაკავშირებულია თქვენს Microsoft-ის ანგარიშთან, ამიტომ განაახლეთ თქვენი ელფოსტის მისამართი. ჯილდოები, რომელთა მიწოდებაც შეუძლებელია, ხელახლა არ გაიცემა და, შესაბამისად, დაიკარგება. ჯილდოები გადაყიდვას არ ექვემდებარება. თქვენ ვერ გადაცვლით 550,000-ზე მეტ ქულას ერთი კალენდარული წლის მანძილზე ჯილდოების პროგრამის ფარგლებში.
  • x. ჯილდოების ანგარიშის გაუქმება. თუ აღარ გსურთ ჯილდოების პროგრამაში მონაწილეობა, მიჰყევით ინსტრუქციებს, რომლებიც მოცემულია გაუქმების გვერდზე https://account.microsoft.com/rewards/optout?confirm=false, რათა გააუქმოთ თქვენი ჯილდოების ანგარიში. თუ ჯილდოების ანგარიშს გააუქმებთ, მაშინვე დაკარგავთ ყველა შეგროვებულ ქულას და მომავალში ვეღარ შეძლებთ ახალი ქულების შეგროვებას. ქულების დაგროვება რომ დაიწყოთ, უნდა გახსნათ ჯილდოების ანგარიში (თუმცა Microsoft-ი აღარ აღგიდგენთ მანამდე დაკარგულ ქულებს). თქვენი ჯილდოების ანგარიში გაუქმდება (და ქულებს დაკარგავთ), თუ არ შეხვალთ Microsoft-ის ანგარიშში მომდევნო 18 თვის განმავლობაში.
  • xi. პროგრამის ცვლილება და შეწყვეტა. Microsoft-ი იტოვებს უფლებას ნებისმიერ დროს, საკუთარი შეხედულებით, წინასწარი შეტყობინების გარეშე, სრულად ან ნაწილობრივ შეცვალოს, დააკორექტიროს, შეწყვიტოს ან გააუქმოს ჯილდოების პროგრამა. მიუხედავად ამისა, თუ ჯილდოების პროგრამა გაუქმდა ან შეწყდა, მაშინ გავიღებთ ყველა ძალისხმევას, რათა შეგატყობინოთ აღნიშნულის შესახებ ელფოსტით ან ჯილდოების პანელზე და მოგცეთ მინიმუმ 90 დღეს, რათა გადაცვალოთ შეგროვებული ქულები, ვიდრე არ გადავწყვეტთ, რომ აღნიშნული გაუქმება ძალაში შევიდეს დაუყოვნებლივ სამართლებრივი თუ უსაფრთხოები მიზნებისათვის.
  • xii. სხვა პირობები. Microsoft-ი იტოვებს უფლებას დაუყოვნებლივ გაგიუქმოთ ჯილდოების ანგარიში, ჩამოგართვათ მომავალში ჯილდოები პროგრამაში მონაწილეობის უფლება, გაგიუქმოთ ყველა შეგროვებული ქულა და შეწყვიტოს ან შეაჩეროს ჯილდოების პროგრამის ფარგლებში თქვენ მიერ მოპოვებული ნებისმიერი გადაცვლის ოპცია, თუ Microsoft-ს მიაჩნია, რომ თქვენ გატეხეთ, ბოროტად გამოიყენეთ ან მოტყუებით ისარგებლეთ ჯილდოების პროგრამის რომელიმე ნაწილით ან დაარღვიეთ აღნიშნული პირობები. Microsoft-ი ასევე იტოვებს უფლებას შეწყვიტოს ან შეაჩეროს ჯილდოების პროგრამის ფარგლებში თქვენ მიერ მოპოვებული ნებისმიერი გადაცვლის ოპცია, თუ Microsoft-ი დაადგენს, რომ თქვენ არ ხართ შესაფერისი მონაწილე გადაცვლის ფუნქციის მისაღებად სამართლებრივი მიზეზების გამო (როგორიცაა ექსპორტის მარეგულირებელი კანონმდებლობა). Microsoft-ი გაიღებს ყველა ძალისხმევას, რათა უზრუნველყოს სიზუსტე და გამოასწოროს დროდადრო შექმნილი ხარვეზები. Microsoft-ი ამგვარად იტოვებს უფლებას ნებისმიერ დროს გამოასწოროს წარმოქმნილი ხარვეზები, მიუხედავად იმისა იქონიებს თუ არა აღნიშნული ზეგავლენას მიმდინარე შეთავაზებებზე ან მომლოდინე, შეგროვებულ თუ გადაცვლილ ქულებსა და ჯილდოებზე. აღნიშნული ჯილდოების პროგრამის პირობებსა და ნებისმიერ შესაბამის მასალასა თუ რეკლამაში წარმოდგენილ სხვა განცხადებებს შორის შეუსაბამობებისა და განსხვავებების არსებობის შემთხვევაში, უპირატესობა ენიჭება, გამოიყენება და რეგულირება ხორციელდება წინამდებარე პირობების მიხედვით.

• ნ) Azure. თქვენ მიერ Azure-ის სერვისის გამოყენება რეგულირდება იმ ცალკე შეთანხმების წესებითა და პირობებით, რომლის საფუძველზეც თქვენ მიიღეთ სერვისები, როგორც ეს დეტალურადაა აღწერილი Microsoft Azure-ის სამართლებრივი ინფორმაციის გვერდზე: https://aka.ms/AA7z67v.

• ო) Microsoft Soundscape. თქვენ აღიარებთ, რომ Microsoft Soundscape-ი (1) არ არის შექმნილი, გამიზნული ან ხელმისაწვდომი, როგორც სამედიცინო მოწყობილობა, და (2) არ არის შექმნილი ან გამიზნული, რომ შეცვალოს პროფესიული სამედიცინო რჩევა, დიაგნოზი, მკურნალობა ან მოსაზრება და არ უნდა იყოს გამოიყენებული პროფესიული სამედიცინო რჩევის, დიაგნოსტიკის, მკურნალობის ან მოსაზრების ჩასანაცვლებლად ან შესაცვლელად.

• პ) Power Platform. თქვენ მიერ Power Platform-ის სერვისის გამოყენება რეგულირდება იმ ცალკე შეთანხმების წესებითა და პირობებით, რომლის საფუძველზეც თქვენ მიიღეთ სერვისები, როგორც ეს დეტალურადაა აღწერილი Power Platform-ის სამართლებრივი ინფორმაციის გვერდზე Microsoft Power Platform (https://powerplatform.microsoft.com/en-us/business-applications/legal/).

• ჟ) Dynamics 365. თქვენ მიერ Dynamics 365-ის სერვისის გამოყენება რეგულირდება იმ ცალკე შეთანხმების წესებითა და პირობებით, რომლის საფუძველზეც თქვენ მიიღეთ სერვისები, როგორც ეს დეტალურადაა აღწერილი Dynamics 365-ის სამართლებრივი ინფორმაციის გვერდზე Microsoft Dynamics 365 (https://dynamics.microsoft.com/business-applications/legal/).

• რ) Copilot AI-ით სარგებლობა. თქვენ მიერ Copilot AI-ით სარგებლობა (გარდა კომერციულ მონაცემთა დაცვის ფუნქციის მქონე Copilot-ისა), წინამდებარე წესებთან ერთად, რეგულირდება დამატებითი წესებითა და პირობებით, რომელზე დათანხმების საფუძველზეც მიიღეთ წვდომა ამ სერვისებზე, რაც დეტალურადაა გაწერილი აქ Copilot - გამოყენების პირობები (bing.com) (https://www.bing.com/new/termsofuse#content-policy). თუ ხართ კომერციულ მონაცემთა დაცვის ფუნქციის მქონე Microsoft Copilot-ის მომხმარებელი, ეწვიეთ ამ გვერდს იმ გამოყენების პირობების სანახავად, რომლებიც წინამდებარე პირობებთან ერთად ვრცელდება თქვენზე. https://aka.ms/BCETermsOfUse.

• ს) AI სერვისები. „AI სერვისები“, როგორც Microsoft აღწერს, გულისხმობს ისეთ სერვისებს, რომლებიც შეიცავს, იყენებს, უზრუნველყოფილია ან ეკუთვნის ხელოვნური ინტელექტის („AI“) სისტემას.
  • i. Assistive AI. AI სერვისები არაა შექმნილი და გამიზნული იმისათვის, რომ გამოყენებულ იქნეს პროფესიონალის რჩევის სახით.
  • ii. რევერსული ინჟინერია. თქვენ არ აქვთ უფლება გამოიყენოთ AI სერვისები მოდელების, ალგორითმებისა და სისტემების არსებული კომპონენტების აღმოსაჩენად. მაგალითად, თქვენ არ უნდა დაამატოთ ან წაშალოთ მოდელების პარამეტრები და არ უნდა მოახდინოთ AI სერვისების რომელიმე ნაწილის ექსტრაქტირება თქვენი მოწყობილობიდან.
  • iii. მონაცემთა ექსტრაქტირება. თუ ცალსახად არაა ნებადართული, თქვენ არ გაქვთ უფლება გამოიყენოთ ვებ-სკრეიპინგის, ინტერნეტიდან მონაცემთა მოპოვების ან ინტერნეტიდან მონაცემთა ექსტრაქტირების მეთოდები AI სერვისებიდან მონაცემთა ექსტრაქტირებისთვის.
  • iv. AI სერვისებიდან მიღებული მონაცემების გამოყენების შეზღუდვები. თქვენ არ გაქვთ უფლება გამოიყენოთ AI სერვისები ან მათგან მოპოვებული ინფორმაცია ნებისმიერი სხვა AI სერვისის შესაქმნელად, მოსამზადებლად ან გასაუმჯობესებლად (პირდაპირ ან ირიბად).
  • v. თქვენი კონტენტის გამოყენება. AI სერვისების მოწოდებისას, Microsoft დაამუშავებს და შეინახავს თქვენ მიერ სერვისში შეყვანილ ინფორმაციას და ასევე სერვისიდან მიღებულ ინფორმაციას სერვისის ან მისი ინფორმაციის ბოროტად ან საზიანო გამოყენების მონიტორინგისა და აღკვეთის მიზნებისთვის.
  • vi. თქვენი კონტენტის ფლობა. Microsoft არ ითხოვს საკუთრების უფლებას კონტენტზე, რომელსაც აწვდით, აქვეყნებთ, შეგყავთ, გზავნით ან იღებთ AI სერვისებიდან (მათ შორის უკუკავშირი და შეთავაზებები). თქვენ თავად უნდა მიიღოთ გადაწყვეტილებები ინტელექტუალური საკუთრების უფლებებთან დაკავშირებით, რომლებიც გაქვთ სერვისების გამოყენებით შექმნილ კონტენტზე და მის გამოყენებაზე და უნდა გაითვალისწინოთ გამოყენების სცენარები და შესაბამისი იურისდიქციის კანონმდებლობა. თქვენ აცხადებთ და იძლევით გარანტიას, რომ ფლობთ ან სხვაგვარად აკონტროლებთ ყველა უფლებას თქვენს კონტენტზე, როგორც ეს აღწერილია წინამდებარე პირობებში, მათ შორის, შეუზღუდავად, ყველა უფლებას, რომელიც გჭირდებათ კონტენტის მიწოდების, გამოქვეყნების, ატვირთვის, შეყვანის ან გაგზავნის პროცესში.
  • vii. კონტენტის შექმნასთან დაკავშირებული ინფორმაცია. როდესაც იყენებთ ჩვენს AI სერვისებს გარკვეული კონტენტის გენერირებისთვის, Microsoft ინახავს ინფორმაციას მისი შექმნის შესახებ და აკავშირებს მას კონტენტთან კონტენტის შექმნასთან დაკავშირებული ინფორმაციით. თქვენ არ გაქვთ უფლება შექმნათ კონტენტი მის შექმნასთან დაკავშირებული ინფორმაციის ან მისი შექმნის წყაროს, ნიშნების ან სიგნალების წაშლის ან შეცვლის მიზნით, რომლებიც მიუთითებს, რომ მასალა AI სერვისების გამოყენებითაა გენერირებული ან მასში გამოყენებულია AI სერვისები ისეთი კონტენტის შესაქმნელად, რომელიც შეცდომაში შეიყვანს სხვა პირებს და გაურკვეველი იქნება მასალა AI სერვისების გამოყენებითაა მომზადებული თუ არა.
  • viii. მესამე მხარის პრეტენზიები. თქვენ გეკისრებათ ერთპიროვნული პასუხისმგებლობა მოახდინოთ რეაგირება მესამე მხარის ნებისმიერ პრეტენზიაზე თქვენ მიერ AI სერვისების გამოყენებასთან დაკავშირებით, მოქმედი კანონმდებლობის შესაბამისად (მათ შორის და არა მხოლოდ, საავტორო უფლებების დარღვევას ან სხვა პრეტენზიები, რომლებიც დაკავშირებულია კონტენტის მიღებასთან თქვენ მიერ AI სერვისების გამოყენებისას).

14. სხვადასხვა. ეს ნაწილი და ნაწილები 1, 9 (წინამდებარე პირობების მოქმედების დასრულებამდე დახარჯული თანხებისთვის), 10, 11, 12, 15, 17 და ის ნაწილები, რომლებიც მათი პირობების შესაბამისად ვრცელდება ამ პირობების მოქმედების დასრულების შემდეგ გააგრძელებს მოქმედებას ამ პირობების ნებისმიერი შეწყვეტის ან გაუქმების შემთხვევაშიც. მოქმედი კანონმდებლობით ნებადართულ ფარგლებში, ჩვენ შეგვიძლია სხვა პირებს ქვეკონტრაქტით გადავცეთ ამ პირობებით გათვალისწინებული ჩვენი ვალდებულებები ან სუბლიცენზიით გადავცეთ ამ პირობებით გათვალისწინებული ჩვენი უფლებები, მთლიანად ან ნაწილობრივ, ნებისმიერ დროს და თქვენ გაუფრთხილებლად. თქვენ უფლება არ გაქვთ სხვა პირებს გადასცეთ ეს პირობები ან სერვისების გამოყენების უფლებები. ეს დოკუმენტი წარმოადგენს მთლიან შეთანხმებას თქვენსა და Microsoft-ს შორის, თქვენ მიერ სერვისების გამოყენებასთან დაკავშირებით. ეს შეთანხმება ჩაანაცვლებს ყველა სხვა შეთანხმებას თქვენსა და Microsoft-ს შორის, თქვენ მიერ სერვისების გამოყენებასთან დაკავშირებით. ამ პირობებზე თქვენი თანხმობის საფუძველი გახდა მხოლოდ ის დებულებები, რომლებიც პირდაპირ მოცემულია ამ პირობებში და არა რაიმე სხვა განცხადება, დებულება, გარანტია, შეთანხმება, ვალდებულება, დაპირება ან დარწმუნება. ამ პირობების ყველა ნაწილი მოქმედებს შესაბამისი კანონმდებლობით მაქსიმალურად დაშვებულ ფარგლებში. თუ სასამართლო ან არბიტრაჟი მიიჩნევს, რომ ამ პირობების არსებული ნაწილის შესრულება შეუძლებელია, ჩვენ შეგვიძლია შევცვალოთ ეს პირობები მსგავსი პირობებით, შესაბამისი კანონმდებლობით გათვალისწინებულ ფარგლებში, მაგრამ ეს გავლენას არ მოახდენს დანარჩენ პირობებზე. ეს პირობები მოცემულია მხოლოდ თქვენი და ჩვენი ინტერესების სასარგებლოდ. ეს პირობები არ არის შედგენილი სხვა პირის ინტერესების სასარგებლოდ, Microsoft-ის უფლებამონაცვლეების და მემკვიდრეების გარდა. ნაწილების სათაურები მოცემულია მხოლოდ საინფორმაციო მიზნით და მათ იურიდიული ძალა არ გააჩნია.

15. პრეტენზიის წარდგენის ვადაა ერთი წელი. ამ პირობებთან ან სერვისებთან დაკავშირებული პრეტენზიების სასამართლოში (ან არბიტრაჟში, თუ მოქმედებს ნაწილი 10.დ) წარდგენის ვადაა ერთი წელი პრეტენზიის წარდგენის საფუძვლის წარმოშობის თარიღიდან, თუ ადგილობრივი კანონმდებლობით არ არის გათვალისწინებული უფრო ხანგრძლივი ვადა პრეტენზიების წარდგენისათვის. მითითებულ ვადაში პრეტენზიის წარუდგენლობის შემთხვევაში, იგი სამუდამოდ უქმდება.

16. კანონები ექსპორტის შესახებ. თქვენ ვალდებული ხართ, დაიცვათ ყველა ადგილობრივი და საერთაშორისო კანონი და რეგულაცია ექსპორტის შესახებ, რომელიც ვრცელდება პროგრამულ უზრუნველყოფაზე და/ან სერვისებზე და რომლებიც მოიცავს შეზღუდვებს მიმართულებებზე, საბოლოო მომხმარებლებზე და საბოლოო გამოყენებაზე. გეოგრაფიული და ექსპორტის შეზღუდვების შესახებ დამატებითი ინფორმაციის მისაღებად იხილეთ https://www.microsoft.com/exporting.

17. უფლებების რეზერვაცია და გამოხმაურება. გარდა შემთხვევებისა, რომლებიც პირდაპირ არ არის გათვალისწინებული ამ პირობების შესაბამისად, Microsoft არ გაძლევთ ლიცენზიას ან ნებისმიერ სხვა უფლებებს ნებისმიერ პატენტზე, ნოუ-ჰაუზე, საავტორო უფლებებზე, სავაჭრო საიდუმლოებებზე, სავაჭრო ნიშნებზე ან სხვა ინტელექტუალურ საკუთრებაზე, რომელიც ეკუთვნის ან კონტროლდება Microsoft-ის ან ნებისმიერი დაკავშირებული იურიდიული პირის მიერ, მათ შორის, მაგრამ არა მხოლოდ ნებისმიერ სახელზე, საფირმო სტილზე, ლოგოზე ან მათ ეკვივალენტებზე. თუ მიაწვდით Microsoft-ს რაიმე იდეას, შეთავაზებას, წინადადებას ან გამოხმაურებას, მათ შორის, შეზღუდვის გარეშე იდეებს ახალი პროდუქტების, ტექნოლოგიების, აქციების, პროდუქტის სახელების, პროდუქტის გამოხმაურებისა და პროდუქტის გაუმჯობესების შესახებ („გამოხმაურება“), ამით ანიჭებთ Microsoft-ს უფლებას, უფასოდ, თქვენ მიმართ რაიმე ვალდებულების გარეშე, გააკეთოს, შექმნას, დაამზადოს წარმოებული ნამუშევრები, გამოიყენოს, გააზიაროს და განახორციელოს თქვენი გამოხმაურების კომერციალიზაცია ნებისმიერი გზით და ნებისმიერი მიზნებისთვის. თქვენ არ უნდა განახორციელოთ გამოხმაურება, რომელიც წარმოადგენს ლიცენზიის საგანს, რომელიც ითხოვს Microsoft-ისგან მისი პროგრამული უზრუნველყოფის, ტექნოლოგიებისა ან დოკუმენტაციის ლიცენზირებას ნებისმიერი მესამე მხარისთვის, რადგან Microsoft-მა ჩართო მათში თქვენი გამოხმაურება.

შეტყობინებები და ინტელექტუალური საკუთრების დარღვევის შესახებ პრეტენზიის წაყენების პროცედურა. Microsoft იცავს მესამე მხარეების ინტელექტუალური საკუთრების უფლებებს. თუ გსურთ გამოგზავნოთ შეტყობინება ინტელექტუალური საკუთრების, მათ შორის, საავტორო უფლებების, დარღვევის შესახებ, გამოიყენეთ ჩვენი პროცედურა უფლებების დარღვევის შესახებ შეტყობინებების გამოსაგზავნად (https://www.microsoft.com/en-us/legal/intellectualproperty/infringement),რომლებიც აღნიშნული პირობების ნაწილია. იმ შეკითხვებს, რომლებიც არ უკავშირდება ამ პროცედურას, არ გაეცემა პასუხი.

საავტორო უფლებების დარღვევების შესახებ შეტყობინებებზე პასუხის გასაცემად Microsoft-ი იყენებს პროცესებს, რომლებიც აღწერილია მე-17 თავში, აშშ-ის კოდექსის, 512-ე მუხლში და საჭიროების შემთხვევაში, ევროკავშირის რეგულაციის 2022/2065 III თავში. შესაბამის გარემოებებში, Microsoft-მა, ასევე შეიძლება გამორთოს ან შეწყვიტოს Microsoft-ის სერვისების ამ მომხმარებლების ანგარიშები, რომლებიც შეიძლება რეგულარულ დამრღვევებს წარმოადგენდნენ. აგრეთვე, შესაბამის გარემოებებში, Microsoft-მა შესაძლოა შეაჩეროს იმ პირებისა თუ სუბიექტებისგან მიღებული შეტყობინებების დამუშავება, რომლებიც ხშირად გზავნიან დაუსაბუთებელ შეტყობინებებს. მოცემული სერვისისთვის გაწერილი მოქმედი პროცედურების შესახებ დამატებითი ახსნა-განმარტება, მათ შორის შესაძლო კომპენსაცია Microsoft-ის მიერ აღნიშნული პროცედურების ფარგლებში მიღებული გადაწყვეტილებების გამო, ხელმისაწვდომია აქ უფლებების დარღვევის შესახებ შეტყობინებები (https://www.microsoft.com/legal/intellectualproperty/infringement).

შეტყობინებები და პროცედურები ინტელექტუალური საკუთრების დარღვევის საკითხებთან დაკავშირებით. გადახედეთ ჩვენს მითითებებს ინტელექტუალურ საკუთრებასთან დაკავშირებით (https://go.microsoft.com/fwlink/?LinkId=243207) რომლებიც ეხება ჩვენს სარეკლამო ქსელში ინტელექტუალური საკუთრების დარღვევის საკითხებს.

საავტორო უფლება და შეტყობინებები სავაჭრო ნიშნების შესახებ. სერვისები დაცულია საავტორო უფლებით © Microsoft Corporation და/ან მისი მომწოდებლები, One Microsoft Way, Redmond, WA 98052, U.S.A. ყველა უფლება დაცულია. პირობები მოიცავს Microsoft-ის სავაჭრო ნიშნებისა და ბრენდების გაიდლაინებს (https://www.microsoft.com/en-us/legal/intellectualproperty/trademarks/usage/general.aspx) (პერიოდული ცვლილებებით). Microsoft და Microsoft-ის ყველა პროდუქტის, პროგრამული უზრუნველყოფის და სერვისის სახელი, ლოგო და ხატულა შეიძლება წარმოადგენდეს Microsoft-ის კომპანიათა ჯგუფის დაურეგისტრირებელ ან რეგისტრირებულ სავაჭრო ნიშანს ამერიკის შეერთებულ შტატებსა და/ან სხვა იურისდიქციებში. შემდეგ გვერდზე მოცემულია Microsoft-ის სავაჭრო ნიშნების არასრული ჩამონათვალი: https://www.microsoft.com/en-us/legal/intellectualproperty/trademarks/EN-US.aspx. ფაქტობრივი კომპანიებისა და პროდუქტების სახელები შეიძლება წარმოადგენდეს მათი შესაბამისი მფლობელების სავაჭრო ნიშნებს. ყველა უფლება, რომელიც არ არის პირდაპირ აღნიშნული მოცემულ პირობებში, დაცულია. გარკვეული პროგრამული უზრუნველყოფა, რომელიც გამოიყენება Microsoft-ის ვებსაიტების გარკვეულ სერვერებზე, დაფუძნებულია Independent JPEG Group-ის ნამუშევარზე. საავტორო უფლება © 1991-1996 Thomas G. Lane. ყველა უფლება დაცულია. „gnuplot“ პროგრამული უზრუნველყოფა, რომელიც გამოიყენება Microsoft-ის ვებსაიტის გარკვეულ სერვერებზე, დაცულია საავტორო უფლებით © 1986‑1993 Thomas Williams, Colin Kelley. ყველა უფლება დაცულია.

შეტყობინება სამედიცინო საკითხების შესახებ. Microsoft-ი არ უზრუნველყოფს სამედიცინო ან სხვა სახის რჩევებს ჯანმრთელობასთან დაკავშირებით, დიაგნოზირებას ან მკურნალობას. ყოველთვის გაიარეთ კონსულტაცია ექიმთან ან სხვა კვალიფიციურ სამედიცინო პროვაიდერთან იმ საკითხებთან დაკავშირებით, რომლებიც ეხება სამედიცინო მდგომარეობას, დიეტას, ფიტნესს ან ჯანმრთელობის შენარჩუნების პროგრამას. ნურასდროს უგულვებელყოფთ პროფესიულ სამედიცინო რჩევას და დროულად გაიარეთ სამედიცინო კონსულტაცია იმ ინფორმაციასთან დაკავშირებით, რომელიც მიიღეთ სერვისების მეშვეობით.

აქციების კოტირებები და ინდექსების მონაცემები (ინდექსების მნიშვნელობების ჩათვლით). სერვისების მეშვეობით წარმოდგენილი ფინანსური ინფორმაციის გამოყენება დაშვებულია მხოლოდ პირადი, არაკომერციული მიზნით. მესამე მხარის ლიცენზიარის ფინანსური მონაცემების ან ნიშნების გამოყენება ფინანსური ინსტრუმენტების ან საინვესტიციო პროდუქტების (მაგალითად, ინდექსების დერივატივების, სტრუქტურული პროდუქტების, საინვესტიციო ფონდების, საბირჟო საინვესტიციო ფონდების, საინვესტიციო პორტფოლიოს და ა.შ., სადაც ინსტრუმენტის ან საინვესტიციო პროდუქტის ფასი, მომგებიანობა და/ან ეფექტურობა ეფუძნება ან დაკავშირებულია ფინანსურ მონაცემებთან ან მათთვის თვალის დევნებასთან) შექმნის, გაცემის, დაფინანსების, გაყიდვის, მარკეტინგის ან რეკლამირების კონტექსტში მესამე მხარის ლიცენზიართან ცალკე წერილობითი შეთანხმების გარეშე დაუშვებელია.

შეტყობინება ფინანსური საკითხების შესახებ. Microsoft-ი არ წარმოადგენს ბროკერს/დილერს ან აშშ-ის ფასიანი ქაღალდების შესახებ ფედერალური კანონის ან სხვა იურისდიქციის კანონმდებლობის შესაბამისად რეგისტრირებულ საინვესტიციო მრჩეველს და არ უზრუნველყოფს რჩევებს პირებისთვის ინვესტიციების მიზანშეწონილობასთან, ფასიანი ქაღალდების ან სხვა ფინანსური პროდუქტებისა და სერვისების შეძენასთან ან გაყიდვასთან დაკავშირებით. სერვისების არცერთი ნაწილი არ წარმოადგენს შემოთავაზებას ან ფასიანი ქაღალდის შეძენის ან გაყიდვის წახალისებას. არც Microsoft-ი და არც მისი აქციების კოტირებების ამ ინდექსების მონაცემების ლიცენზიარები არ იძლევა რეკომენდაციას და არ უზრუნველყოფს რაიმე კონკრეტული ფინანსური პროდუქტის ან სერვისის წახალისებას. სერვისის არცერთი ნაწილი არ წარმოადგენს პროფესიულ რჩევას, მათ შორის შეზღუდვის გარეშე, საინვესტიციო ან საგადასახადო რჩევას.

შეტყობინება H.264/AVC და VC-1 ვიდეო სტანდარტების შესახებ. პროგრამული უზრუნველყოფა შეიძლება შეიცავდეს H.264/AVC და/ან VC-1 კოდეკის ტექნოლოგიას, რომელიც ლიცენზირებულია MPEG LA, L.L.C.-ის მიერ. ეს ტექნოლოგია წარმოადგენს ვიდეო ინფორმაციის მონაცემების შეკუმშვის ფორმატს. MPEG LA, L.L.C. მოითხოვს შემდეგ შეტყობინებას:

ეს პროდუქტი ლიცენზირებულია H.264/AVC და VC-1 პატენტის პორტფოლიოს ლიცენზიებით, რომლებიც ითვალისწინებს მომხმარებლის მიერ პირადი და არაკომერციული მიზნებისთვის გამოყენებას შემდეგისთვის: (ა) ვიდეოს დასაშიფრად სტანდარტების შესაბამისად („ვიდეო სტანდარტები“) და/ან (ბ) H.264/AVC, MPEG-4 VISUAL და VC-1 ვიდეოს გასაშიფრად, რომელიც დაშიფრული იყო მომხმარებლის მიერ პირადი და არაკომერციული აქტივობის პროცესში და/ან მიღებული მის მიერ ვიდეო პროვაიდერისგან, რომელიც ლიცენზირებულია ასეთი ვიდეოს უზრუნველსაყოფად. არცერთი ლიცენზია არ გაიცემა და არ ითვალისწინებს პროდუქტის სხვა მიზნით გამოყენებას. დამატებითი ინფორმაციისთვის მიმართეთ MPEG LA, L.L.C.-ს. იხილეთ MPEG LA-ს ვებგვერდი (https://www.mpegla.com).

მხოლოდ დაზუსტების მიზნით, ეს შეტყობინება არ ზღუდავს და არ კრძალავს ამ პირობების შესაბამისად მოწოდებული პროგრამული უზრუნველყოფის გამოყენებას ჩვეულებრივი საქმიანი მიზნებისთვის, რომლებიც წარმოადგენს პირად მიზნებს ისეთ საქმიანობასთან დაკავშირებით, რომელიც არ მოიცავს: (I) პროგრამული უზრუნველყოფის გავრცელებას მესამე მხარეებისთვის, ან (ii) მასალების შექმნას ვიდეო სტანდარტების შესაბამისობის ტექნოლოგიების გამოყენებით მესამე მხარეებისთვის გავრცელების მიზნით.

შეტყობინება H.265/HEVC ვიდეო სტანდარტის შესახებ. პროგრამული უზრუნველყოფა შეიძლება შეიცავდეს H.265/HEVC დაშიფრვის ტექნოლოგიას. Access Advance L.L.C.-ი მოითხოვს შემდეგ შეტყობინებას:

ჩართვის შემთხვევაში H.265/HEVC ტექნოლოგია ამ პროგრამულ უზრუნველყოფაში დაცულია HEVC პატენტების ფორმულების ერთი ან მეტი მუხლით, რომელიც ჩამოთვლილია: PATENTLIST.ACCESSADVANCE.COM. იმისდა მიხედვით, თუ როგორ მოიპოვეთ პროგრამული უზრუნველყოფა, ეს პროდუქტი შეიძლება იყოს ლიცენზირებული HEVC ADVANCE პატენტის პორტფოლიოს მიხედვით.

თუ ეს პროგრამა დაყენებულია Microsoft-ის მოწყობილობაზე, ლიცენზირების დამატებითი ინფორმაცია შეგიძლიათ იხილოთ შემდეგ მისამართზე: aka.ms/HEVCVirtualPatentMarking.

სტანდარტული აპლიკაციის სალიცენზიო პირობები

MICROSOFT STORE, MICROSOFT STORE WINDOWS-ში და MICROSOFT STORE XBOX-ში

ეს სალიცენზიო პირობები არის შეთანხმება თქვენსა და აპის გამომქვეყნებელს შორის. გთხოვთ, წაიკითხოთ იგი. ისინი ვრცელდება პროგრამულ აპლიკაციებზე, რომლებსაც ჩამოტვირთავთ Microsoft Store, Microsoft Store on Windows ან Microsoft Store on Xbox-იდან (თითოეული შემდგომში ამ სალიცენზიო პირობებში მოხსენიებულია, როგორც „Store“), მათ შორის აპლიკაციის განახლებებზე ან დამატებებზე, თუ აპლიკაციას არ მოჰყვება ცალკე პირობები. უკანასკნელ შემთხვევაში, მოქმედებს ეს ცალკე პირობები.

აპის ჩამოტვირთვით, გამოყენებით, ან მცდელობით, თანხმობას აცხადებთ ამ პირობებზე. თუ მათ არ დაეთანხმებით, არ გექნებათ უფლება და არ უნდა ჩამოტვირთოთ და არ უნდა გამოიყენოთ აპი.

აპის გამომცემი ნიშნავს პირს, რომელიც გაძლევთ ლიცენზიას აპზე, როგორც განსაზღვრულია Store-ში.

თუ დაეთანხმებით ამ სალიცენზიო პირობებს, გექნებათ ქვემოთ მოცემული უფლებები.

• 1. დაყენებისა და გამოყენების პირობები; ვადა. შეგიძლიათ დააინსტალიროთ და გამოიყენოთ აპლიკაცია Windows მოწყობილობებში ან Xbox კონსოლებში, როგორც აღწერილია Microsoft-ის გამოყენების წესებში (https://go.microsoft.com/fwlink/p/?LinkId=723143). Microsoft იტოვებს უფლებას, ნებისმიერ დროს შეცვალოს Microsoft-ის გამოყენების წესები (https://go.microsoft.com/fwlink/p/?LinkId=723143).
• 2. ინტერნეტზე დაფუძნებული სერვისები.
  • ა) თანხმობა ინტერნეტზე დაფუძნებულ ან უსადენო სერვისზე. თუ აპი ინტერნეტით დაუკავშირდება კომპიუტერულ სისტემას, უსადენო ქსელით დაკავშირების ჩათვლით, აპის გამოყენება ნიშნავს, რომ თანხმობას აცხადებთ მოწყობილობის სტანდარტული ინფორმაციის გადაცემაზე (რომელშიც სხვა ინფორმაციასთან ერთად შედის ტექნიკური ინფორმაცია თქვენი მოწყობილობის, სისტემისა და აპის პროგრამის, პერიფერიული მოწყობილობების შესახებ) ინტერნეტზე დამყარებული ან უსადენო სერვისებისთვის. თუ სხვა პირობებია მოწოდებული აპლიკაციის გამოყენებასთან დაკავშირებული სერვისების გამოყენებისთვის, ის პირობებიც ასევე იქნება ძალაში.
  • ბ) ინტერნეტზე დაფუძნებული სერვისების უმართებულო გამოყენება. თქვენ არ უნდა გამოიყენოთ ინტერნეტზე დამყარებული სერვისი ისეთი მეთოდით, რომელმაც შეიძლება ზიანი მიაყენოს ან ხელი შეუშალოს სხვა ადამიანებს მის გამოყენებაში ან უსადენო ქსელის გამოყენებაში; სერვისი არ უნდა გამოიყენოთ რომელიმე სერვისზე, მონაცემებზე, ანგარიშზე ან ქსელზე არაავტორიზებული წვდომის მიღების რაიმე მცდელობისთვის.
• 3. ლიცენზიის მოქმედების სფერო. აპლიკაცია არ იყიდება, მისთვის გაიცემა ლიცენზია. ეს შეთანხმება გაძლევთ მხოლოდ გარკვეულ უფლებებს აპლიკაციის გამოყენებისთვის. თუ Microsoft გამორთავს აპლიკაციების გამოყენების შესაძლებლობას თქვენს მოწყობილობებში Microsoft-თან თქვენი შეთანხმების თანახმად, შეწყდება ნებისმიერი დაკავშირებული სალიცენზიო უფლებები. აპლიკაციის გამომცემელი იტოვებს ყველა დანარჩენ უფლებას. თუ მოქმედი სამართლებრივი ნორმები არ გაძლევთ ამ ინფორმაციაში მოცემულზე მეტ უფლებას, აპლიკაციის გამოყენება შეგიძლიათ მხოლოდ ისე, როგორც ეს გარკვევითაა ნებადართული ამ შეთანხმებაში. ეს რომ შეასრულოთ, თქვენ უნდა დაიცვათ აპლიკაციის ტექნიკური შეზღუდვები რომლებიც მისი გარკვეული გამოყენების ნებართვას გაძლევთ. თქვენ არ გაქვთ უფლება:
  • ა) დაარღვიოთ აპლიკაციის ტექნიკური შეზღუდვები.
  • ბ) შეცვალოთ სქემა, მოახდინოს დეკომპილირება და დაშალოთ აპლიკაცია, გარდა იმ შემთხვევებისა, როდესაც ამის ნებართვას გარკვევით იძლევა კანონი, მიუხედევად ამ შეზღუდვისა.
  • გ) გადაიღოთ აპლიკაციის იმაზე მეტი ასლი, ვიდრე ეს მითითებულია შეთანხმებაში ან ნებადართულია მოქმედი სამართლებრივი ნორმებით, ამ შეზღუდვის მიუხედავად.
  • დ) გამოაქვეყნოთ ან სხვაგვარად გახადოთ ხელმისაწვდომი აპლიკაცია სხებისთვის ასლის გადასაღებად.
  • ე) გააქირაოთ, იჯარით გასცეთ, ან ვინმეს ათხოვოთ აპლიკაცია.
  • ვ) გადასცეს აღნიშნული აპლიკაცია ან ეს შეთანხმება ნებისმიერ მესამე მხარეს.
• 4. დოკუმენტაცია. აპლიკაციას ახლავს დოკუმენტაცია და შეგიძლიათ გადაიღოთ ამ დოკუმენტაციის ასლი პირადი საცნობარო მიზნით გამოყენებისთვის.
• 5. ტექნოლოგიისა და ექსპორტის შეზღუდვები. აპლიკაციაზე შეიძლება ვრცელდებოდეს შეერთებული შტატების ან საერთაშორისო ტექნოლოგიის კონტროლი ამ ექსპორტის წესები და დებულებები. თქვენ ვალდებული ხართ დაიცვათ ყველა ადგილობრივი და საერთაშორისო კანონი და რეგულაცია ექსპორტის შესახებ, რომელიც ვრცელდება გამოყენებულ ტექნოლოგიაზე ან აპლიკაციაზე. ეს კანონები მოიცავს ისეთ შეზღუდვებს, რომლებიც ეხება დანიშნულების ადგილებს, საბოლოო მომხმარებლებსა და საბოლოო გამოყენებას. Microsoft-ის ბრებდირებული პროდუქტების შესახებ ინფორმაციისთვის იხილეთ Microsoft-ის ექსპორტირების ვებგვერდი (https://go.microsoft.com/fwlink/?linkid=868967).
• 6. მხარდაჭერის სერვისები. ხელმისაწვდომი მხარდაჭერის სერვისების შესახებ ინფორმაციის მისაღებად მიმართეთ აპლიკაციის გამომქვეყნებელს. Microsoft, თქვენი ტექნიკური უზრუნველყოფის მწარმოებელი და მონაცემთა უსადენო გადამტანი (თუ რომელიმე მათგანი არ არის აპლიკაციის გამომქვეყნებელი) არ არიან პასუხისმგებლები აპლიკაციასთან დაკავშირებით დამხმარე სერვისების უზრუნველყოფაზე.
• 7. მთლიანი შეთანხმება. ეს შეთანხმება, ნებისმიერი მოქმედი კონფიდენციალურობის დებულება, ნებისმიერი დამატებითი პირობები, რომლებიც მოჰყვება აპლიკაციას, დამატებებისა და განახლებების პირობები, შეადგენს მთლიან შეთანხმებას თქვენსა და აპლიკაციის გამომქვეყნებელს შორის, ამ აპლიკაციასთან დაკავშირებით.
• 8. მოქმედი კანონი.
  • ა) ამერიკის შეერთებული შტატები და კანადა. თუ თქვენ შეიძინეთ აპლიკაცია შეერთებულ შტატებში ან კანადაში, იმ შტატის ან პროვინციის კანონები, სადაც ცხოვრობთ (ან არის თქვენი ბიზნესის ან საქმიანობის ძირითადი ადგილი) არეგულირებს ამ შეთანხმების ინტერპრეტირებას და ვრცელდება პირობების დარღვევასთან დაკავშირებულ პრეტენზიებისა და ყველა დანარჩენ პრეტენზიების შემთხვევაში (მათ შორის, მომხმარებლის უფლებების დაცვასთან და დელიკატურ სარჩელებთან დაკავშირებულ საკითხებზე), სამართლებრივი ნორმების კოლიზიის გაუთვალისწინებლად.
  • ბ) შეერთებული შტატებისა და კანადის გარეთ. თუ აპლიკაცია შეიძინეთ რომელიმე სხვა ქვეყანაში, გამოყენებული იქნება ამ ქვეყნის კანონები.
• 9. იურიდიული ძალა. ამ შეთანხმებაში აღწერილია ზოგიერთი იურიდიული უფლებები. თქვენ შეიძლება გქონდეთ სხვა უფლებები, თქვენი შტატის ან ქვეყნის კანონებთ. ეს შეთანხმება არ ცვლის თქვენი შტატის ან ქვეყნის სამართლებრივი ნორმებით დადგენილ თქვენს უფლებებს, თუ თქვენი შტატი ან ქვეყანა არ იძლევა ამის ნებართვას.
• 10. გარანტიის უარყოფა. მოქმედი კანონმდებლობის შესაბამისად, აპი ლიცენზირებულია „როგორც არის“, „ყველა შეცდომითა“ და „როგორც ხელმისაწვდომია“. მის გამოყენებასთან დაკავშირებულ ყველა რისკს თქვენ იღებთ საკუთარ თავზე. აპის გამომცემელი, საკუთარი სახელით, Microsoft-ის (თუ Microsoft არ არის აპის გამომცემელი) მონაცემთა უსადენო გადამტანები, რომელთა ქსელითაც ხდება აპის მიწოდება და ჩვენი შესაბამისი თითოეული აფილიატი, მოვაჭრე, აგენტი და მიმწოდებელი („მონაწილე მხარეები“) არ იძლევიან არანაირ გამოხატულ გარანტიას, არ იღებენ პასუხისმგებლობას და არ იძლევიან პირობებს აპთან დაკავშირებით. აპის ხარისხთან, უსაფრთხოებასთან, კომფორტსა და მუშაობასთან დაკავშირებულ მთლიანი რისკს იღებთ საკუთარ თავზე. თუ აპი დეფექტური აღმოჩნდება, თქვენ უნდა გადაიხადოთ ყველანაირი საფასური, რაც საჭიროა მომსახურების ან შეკეთებისთვის. შესაძლოა, თქვენ გქონდეთ მომხმარებლის დამატებითი უფლებები, ადგილობრივი სამართლებრივი ნორმებით, რომლებიც ვერ შეცვლის ამ შეთანხმებას. თქვენი ადგილობრივი კანონმდებლობით დაშვებულის ფარგლებში, მონაწილე მხარეები გამორიცხავენ ნაგულისხმევ გარანტიებსა თუ პირობებს, მათ შორის, გაყიდვისთვის ვარგისიანობის, დამაკმაყოფილებელი ხარისხის, კონკრეტული მიზნისთვის ვარგისიანობის, უსაფრთხოების, კომფორტისა და უფლებების დაურღვევლობის გარანტიას.
• 11. საშუალებებისა და ზარალის შეზღუდვები და გამონაკლისები. კანონით დასაშვებ ფარგლებში, თუ რაიმე საფუძველი გაქვთ ზიანის ანაზღაურებისთვის, აპის გამომცემელმა შეიძლება აგინაზღაუროთ მხოლოდ პირდაპირი ზარალი მაქსიმუმ იმ ოდენობით, რაც გადაიხადეთ აპისთვის ან 1.00 აშშ დოლარით, რომელიც უფრო მეტია. მოქმედი კანონმდებლობის შესაბამისად, თქვენ არ მოითხოვთ აპის გამომცემლისგან ზიანის, მათ შორის, შედეგობრივი ზიანის, დაკარგული მოგების, განსაკუთრებული, არაპირდაპირი ან შემთხვევითი ზიანის, ანაზღაურებას (და უარს ამბობთ ზიანის ანაზღაურების მოთხოვნის უფლებაზე). თუ თქვენი ადგილობრივი კანონმდებლობა ითვალისწინებს გარანტიას, დაპირებას ან თავდებობას მიუხედავად იმისა, რომ წინამდებარე პირობებით ეს არ არის გათვალისწინებული, მოქმედი კანონის შესაბამისად, ასეთი გარანტიის ხანგრძლივობა შეზღუდულია 90 დღით აპის ჩამოტვირთვის მომენტიდან.

ეს შეზღუდვები ეხება შემდეგს:

• აპთან ან ამ აპით მიწოდებულ სერვისებთან დაკავშირებული ნებისმიერი საკითხი და
• სარჩელი, რომელიც გამოწვეულია კონტრაქტის, გარანტიის, პასუხისმგებლობის ან პირობების დარღვევით; მკაცრი ვალდებულების შეუსრულებლობით, გულგრილობით, ან სხვა დელიკვენტით; უკანონო გამდიდრებით; ან ნებისმიერი სხვა თეორიით; მოქმედი სამართლებრივი ნორმების ფარგლებში.

ეს ვრცელდება მაშინაც, თუ:

• ეს საშუალება სრულად არ აანაზღაურებს თქვენს ზარალს; ან
• აპის გამომქვეყნებელმა იცის ან უნდა იცოდეს შესაძლო ზარალის შესახებ.

ქვემოთ ჩამოთვლილ პროდუქტებზე, აპებსა და სერვისებზე ვრცელდება შეთანხმება Microsoft-ის სერვისების შესახებ, თუმცა ისინი შეიძლება მიუწვდომელი იყოს თქვენს რეგიონში.

• Account.microsoft.com
• Bing Image and News (iOS)
• Bing Search APIs/SDKs
• Bing Translator
• Bing Webmaster
• Bing აპები
• Bing ვებგვერდები
• Bing ლექსიკონი
• Bing რუკები
• Bing ფასდაკლებები
• Bing ძიების აპი
• Bing.com
• Bingplaces.com
• Clipchamp
• Cortana skills by Microsoft
• Cortana
• Default Homepage and New Tab Page on Microsoft Edge
• Dev Center App
• Dictate
• education.minecraft.net
• Face Swap
• Feedback Intake Tool for Azure Maps (aka “Azure Maps Feedback”)
• Forms.microsoft.com
• forzamotorsport.net
• Groove Music Pass
• Groove
• GroupMe
• LineBack
• Microsoft 365 Business Standard, Microsoft 365 Business Basic and Microsoft 365 Apps^*
  • ^*Until a commercial domain is established for use of these services, at which time separate Microsoft commercial terms will govern instead.
• Microsoft 365 Consumer
• Microsoft 365 Family
• Microsoft 365 Personal
• Microsoft 365 დამატებითი დაკავშირებული შესაძლებლობები
• Microsoft 365 ვებისთვის
• Microsoft 365-ის უფასო ვერსია
• Microsoft Academic
• Microsoft Add-Ins for Skype
• Microsoft Bots
• Microsoft Copilot
• Microsoft Defender ფიზიკური პირებისთვის
• Microsoft Educator Community
• Microsoft Family
• Microsoft Launcher
• Microsoft Loop
• Microsoft Pay
• Microsoft Pix
• Microsoft Research Interactive Science
• Microsoft Research Open Data
• Microsoft Rewards
• Microsoft Soundscape
• Microsoft Start
• Microsoft Support and Recovery Assistant პროდუქტისთვის Office 365
• Microsoft Sway
• Microsoft Teams
• Microsoft Translator
• Microsoft მათემატიკის დამხმარე
• Microsoft ფილმები & ტელეგადაცემები
• Microsoft ფონი
• Microsoft ჯანმრთელობა
• Microsoft-ის ანგარიში
• Microsoft-ის კოლექციები
• Microsoft-ის მიერ გამოქვეყნებული Windows-ის თამაშები, აპები და ვებსაიტები
• Microsoft-ის საძიებო Bing-ში
• Minecraft Realms Plus and Minecraft Realms
• Minecraft-ის თამაშები
• Mixer
• MSN Dial Up
• MSN Explorer
• MSN Premium
• MSN ამინდი
• MSN ახალი ამბები
• MSN კვება და სასმელები
• MSN მოგზაურობა
• MSN სპორტი
• MSN ფული
• MSN ჯანმრთელობა და ფიტნესი
• MSN.com
• Next Lock Screen
• Office Store
• OneDrive.com
• OneDrive
• OneNote.com
• Outlook.com
• Paint 3D
• Presentation Translator
• rise4fun
• Seeing AI
• Send
• Skype in the Classroom
• Skype Manager
• Skype.com
• Skype
• Smart ძიება
• SMS-ის ორგანაიზერი აპი
• Snip Insights
• Spreadsheet Keyboard
• Sway.com
• to-do.microsoft.com
• Translator for Microsoft Edge
• Translator Live
• Universal Human Relevance System (UHRS)
• UrWeather
• ux.microsoft.com
• Video Breakdown
• Visio Online
• Web Translator
• whiteboard.office.com
• Windows Live Mail
• Windows Live Writer
• Windows Movie Maker
• Windows Photo Gallery
• Windows მაღაზია
• Windows-ზე მიბმა
• Xbox Game Pass
• Xbox Game Studios-ის თამაშები, აპები და ვებსაიტები
• Xbox Live Gold
• Xbox Live
• Xbox Music
• Xbox Store
• აპები და სერვისები, რომლებიც შედის Microsoft 365-ის მომხმარებლის გამოწერებში
• აპები და სერვისები, რომლებიც შედის პერსონალური Microsoft 365-ის მომხმარებლის გამოწერებში
• აპები და სერვისები, რომლებიც შედის საოჯახო Microsoft 365-ის მომხმარებლის გამოწერებში
• აპები და სერვისები, რომლებიც შედის ძირითადი Microsoft 365-ის მომხმარებლის გამოწერებში
• კოლექციები
• მაღაზია
• მოწყობილობის მდგომარეობის აპი
• რუკების აპი
• სურათების შემქმნელი Microsoft-ის დიზაინერისგან
• ტელეფონის მიბმა