歐元
歐元(Euro)，又叫歐羅，符號€，是歐盟里向20个國家个貨幣。搿20个國家是奧地利、比利時、芬蘭、法國、德國、希臘、愛爾蘭、意大利、盧森堡、荷蘭、葡萄牙、斯洛文尼亞、西班牙、馬耳他、塞浦路斯、斯洛伐克、拉脫維亞、愛沙尼亞、立陶宛、克羅地亞，合稱歐元區。 1歐元＝100歐分（cent）。
特點[編輯]
所有个歐元硬幣个正面儕是相同个，標有硬幣个面值，叫做共同面（common side），而硬幣背面个圖案就是由發行國自行設計（national side）。君主立憲制个國家通常儕會用渠拉君主个頭像。其他國家就通常用渠拉國家个象徵。譬如鑄有西班牙國王頭像个硬幣勒除了西班牙以外个其他使用歐元个國家也是法定貨幣。歐元硬幣一共有8種：2歐元、1歐元、50歐分、20歐分、10歐分、5歐分、2歐分搭1歐分。雖然1歐分搭2歐分个硬幣一般不勒芬蘭搭荷蘭使用，但仍然是法定貨幣。
每種面額个歐元紙幣个設計勒各國儕是一樣个。歐元紙幣一共有7種：500歐元、200歐元、100歐元、50歐元、20歐元、10歐元搭5歐元。儘管大面額个紙幣勒某些國家並不發行，但仍然是法定貨幣。
泛歐自動實時清算系統（Trans-European Automated Real-Time Gross Settlement Express Transfer System，TARGET）是一個勒歐元發行以前就已經設立个歐洲範圍內大額交易清算系統。對於小額支付个一般規則是：勒歐元區之內个轉賬視為國內轉賬，歐元區內信用卡支付搭ATM取款个費用同國內費用相同，票據支付，譬如支票等， 也與國內相同。
使用歐元个國家[編輯]
目前官方使用歐元个國家有：奧地利、比利時、芬蘭、法國、德國、希臘、愛爾蘭、意大利、盧森堡、荷蘭、葡萄牙、斯洛文尼亞、西班牙、馬耳他、塞浦路斯、斯洛伐克。某些歐元區國家个海外領土，譬如法屬圭亞那、留尼汪、聖皮埃爾搭密克隆群島、馬提尼克等地區也使用歐元。
摩納哥老早使用法國法郎、聖馬力諾搭梵蒂岡以老早用意大利里拉，而二者已被歐元替代。根據渠拉搭歐盟之間个協議，渠拉也可以代表歐盟鑄造歐元硬幣。
安道爾老早使用法國法郎搭西班牙比塞塔，黑山、科索沃老早使用德國馬克，以上貨幣畀歐元取代後，搿眼國家改以歐元作為實際貨幣，但渠拉搭歐盟之間嘸沒任何法律浪个協議，嘸沒參加歐洲中央銀行體系。勒2004年10月，安道爾開始搭歐盟協商關於允許安道爾像摩納哥、聖馬力諾搭梵蒂岡一樣鑄造歐元硬幣个協議。
交關老早匯率搭歐洲貨幣掛鉤个貨幣，譬如搭葡萄牙埃斯庫多掛鉤个佛得角埃斯庫多，目前已經改為搭歐元掛鉤。目前歐元勒佛得角已畀廣泛接受。而勒2004年11月，佛得角个首相勒一個勒葡萄牙舉行个會議浪考慮畀歐元作為佛得角个正式貨幣。
2002年12月，朝鮮用歐元代替美元作為對外流通搭結算个主要貨幣，勒大部分黑市搭老早使用美元个商店，美元也畀歐元取代。
總个來說，歐元已經是22个國家搭地區个官方貨幣，29个國家和地區个官方貨幣个匯率與歐元掛鉤。
外部鏈接[編輯]
- 歐元 - 歷史和現在的鈔票 （英語） （德文）