朱明皇親

朱元璋是朱家子孫能夠魚肉老百姓个始作俑者

朱家子孫，是東亞大一統帝國明朝辰光个統治集團家族成員。伊拉大部分是朱元璋搭伊後代个子孫，弗過也有一些是朱元璋親戚个子孫。迭幫人開始辰光依靠明帝國个分封制度，獲得地方浪个兵權搭行政權力。弗過，立在朱棣篡位之後，大規模收回伊拉權力，只提供吃喝嫖賭个事體讓伊拉做。个能，朱棣就達到穩固自家江山个目的。弗過，同時也讓這幫皇親國戚徹底廢脫，成為只好依靠吃皇糧等死个廢物。到嘉靖帝辰光，明朝已經有交交關關个地產搭財富掌握到這些藩王手裡向。造成老大个社會問題。張居正本身想對伊拉進行改革，弗過嘸啥作用。到明末農民戰爭辰光，大部分藩王儕畀殺脫，少部分竄到南方，到南明辰光當過傀儡皇帝，弗過最終命運儕是死於非命。