Sergio Osmeña

Para han bungto, kitaa iton Sergio Osmeña Sr., Zamboanga del Norte

Hi Sergio Osmeña y Suico (Septyembre 9, 1878—Oktubre 19, 1961) amo an ikaduha nga Presidente o Mangulo han Mankomunidad han Pilipinas. Hiya an Sugbong-Mangulo o Bise-Presidente ha ilarom ni Manuel L. Quezon, ngan nahapuesto ha pagka-mangulo han kamatay ni Quezon han 1944. Usa hiya han mga nagtukod han Partido Nacionalista.

Sergio Osmeña
ika-Upat nga Mangulo han Pilipinas ika-2 nga Mangulo han Mankomunidad
Ha puwesto 1 han Agosto 1944 – 28 han Mayo 1946
Sugbong Mangulo	Waray
Gin-unahan ni	José Laurel (De facto)
Ginsundan ni	Manuel Roxas
ika-2 nga Sugbong-Mangulo han Pilipinas
Ha puwesto 15 han Nobyembre 1935 – 1 han Agosto 1944
Mangulo	Manuel Quezon
Gin-unahan ni	Mariano Trías
Ginsundan ni	Elpidio Quirino
Maghirilom hin Publiko nga Pagtutdo ha Pilipinas
Ha puwesto 1941–1944
Gin-unahan ni	Jorge Bocobo
Ginsundan ni	Claro M. Recto
Ha puwesto 1935–1940
Ginsundan ni	Jorge Bocobo
ika-2 nga Mangulo pro tempore han Senado han Pilipinas
Ha puwesto 1922–1934
Gin-unahan ni	Esperidion Guanco
Ginsundan ni	Jose Clarin
Senador han Pilipinas tikang han ika-10 nga Distrito hin Pan-Senador Senatorial District
Ha puwesto 1922 – 15 han Nobyembre 1935 Nag-alagad upod kan: Celestino Rodriguez (1922-1925) Pedro Rodriguez (1925-1931) Manuel C. Briones (1931-1935)
Gin-unahan ni	Filemon Sotto
Ginsundan ni	Ginwara an pwesto
Syahan nga Speaker han Pilipinhon nga Balayan han mga Representante
Ha puwesto 16 han Oktubre 1907 – 1922 Speaker han Nasodnon nga Katitirok (1907-1916)
Gin-unahan ni	Ginhimo an pwesto
Ginsundan ni	Manuel Roxas
Api han Pilipinhon nga Balayan hin mga Representante tikang han ika-2 nga Distrito han Sugbo
Ha puwesto 16 October 1907 – 1922 Api han Nasodnon nga Katitirok (1907-1916)
Gin-unahan ni	Ginhimo an puwesto
Ginsundan ni	Vicente Sotto
Gobernador han Sugbo
Ha puwesto 1904 – 16 han Oktubre 1907
Personal nga mga detalye
Natawo	9 Septyembre 1878(1878-09-09) Syudad han Sugbo, Indyas Orientales Espanyolas (yana Republika han Pilipinas)
Namatay	19 Oktubre 1961 (edad 83) Syudad han Quezon, Pilipinas
Lugar hin pahuwayan	Manila North Cemetery, Santa Cruz, Manila, Pilipinas
Partido nga politikanhon	Partido Nacionalista
(Mga) Asawa	Estefania Veloso (1901–1918) Esperanza Limjap (1920–1961)
Alma mater	University of San Carlos San Juan de Letran College University of Santo Tomas
Propesyon	Abogado
Pirma

Hi Osmeña usa nga kabahin han prominente nga Osmeña nga pamilya, nga naglalakip han iya anak (hi anay Senador Sergio Osmeña Jr.) ngan han iya mga apo hira (Senador Sergio Osmeña III ngan John Osmeña), (kasanhi nga Gobernador (Lito Osmeña ngan Mayor Tomas Osmeña).

Syahan nga bahin han kinabuhi ngan karera

Hi Osmeña, usa nga Intsek-nga-mestizo natawo ha Sugbo kan Juana Osmeña y Suico. Nagkuha hiya han iya elementarya nga pag-aram didto ha University of San Carlos ngan naggradwar han 1892. Hi Osmeña nagpadayon han iya pag-aram didto ha Manila, nag-iskwela ha San Juan de Letran College nga diin anay hiya nagkakilala kan Manuel L. Quezon, usa nga iya igkasi-estudyante ha klase. Nag-aram hiya hin balaod ha University of Santo Tomas ngan ikaduha nga gihataasi an marka dida han bar examination han 1903.

Hi Osmeña nagsirbe dida han staff hin gyera ni Heneral Emilio Aguinaldo komo usa nga mensahero ngan periodista. Han 1900 nagtukod hiya han periodiko ha Cebu nga, El Nuevo Dia nga nag-iha hin tulo ka tuig.

Karera Politika

Hi Osmeña usa nga abogado ngan editor hin periodiko ugsa hiya mahibulig ha lokal nga mga politika. Nagtikáng hiya komo konsehal.

Han 1904, an Amerikano nga kolonyal nga administrasyon naghimo ha iya nga gobernador han Sugbo o Cebu. Kaatapos hin duha ka tuig, na-elihir hiya nga gobernador han Sugbo. Samtang gobernador hiya, nagdalagan hiya dida han pinili-ay para han syahan nga Kapulongan Pilipinhon o Philippine Assembly han 1907 ngan napili hiya nga Speaker hadton nga kapulongan. Hi Osmeña 29 pa la an edad han kahimo niya nga gihataasi in ranggo nga opisyal Pilipino hadto nga panahon.

Hiya ngan in usa liwat nga politiko, nga hi Manuel L. Quezon han Tayabas, nagtukod han Partido Nacionalista komo baton han Partido Federalista han mga politiko-ha-Manila. An duha nagkaada hin pagkaribal para hin kadominante ha politika tikang hini nga panahon.

Hi Osmeña napili nga assemblyman han 1907 ngan nagpabilin nga miyembro han ubos nga balayan hangtod han 1922. Hiya an bise-presidente han nasod hin duha nga nagsunod nga panahon o terms ha ilarom han Mankomunidad Pilipinhon o Philippine Commonwealth.

Kinmadto hiya ha Estados Unidos han 1933 agod makabulig han pagpasa han Hare-Hawes-Cutting Independence Bill nga nasaliwanan han Tydings-McDuffie Act han Marso 1934.

Hi Osmeña napili nga sugbong-mangulo han Commonwealth han 1935, upod kan Quezon komo mangulo. Na-elihido hiya hin otro han 1941. Han pagbalhin han gobyerno Commonwealth ngadto ha Estados Unidos ha exilyo, hi Osmeña inmupod kan Quezon.

Pagka-Mangulo

Hi Osmeña nagin mangulo han Commonwealth han kamatay ni Quezon han 1944. Inmuli hiya ha Pilipinas hadto ngahaw nga tuig upod kan Heneral Douglas MacArthur ngan an mga puwersa liberasyon. Katapos han gyera, hi Osmeña amo an nagbalik han gobyerno Commonwealth government ngan han iba nga mga dirudilain nga mga departamento ehekutibo. Nagpadayon hiya pakigbisog para han paglugaring o independensya han Pilipinas.

Para han pinili-ay hin mangulo han 1946, dinmiri hi Osmeña pagkampanya, tungod kay siring niya an Pilipino nga katawhan maaram han iya buhat hin 40 ka tuig hin tuptop ngan matadong nga serbisyo. Bisan pa, napirde hiya ni Manuel Roxas, nga nakadaog hin 54 ka porsyento han botos ngan amo an nagin-syahan nga mangulo han independyente nga Republika han Pilipinas.

Katapos han pagkapangulo

Hi Sergio Osmeña aada hiton 50-peso bill.

Katapos han iya kapirde dida han pinili-ay, hi Osmeña nagretiro ngadto ha iya balay ha Cebu. Namatay hiya ha edad han 83 han Oktubre 19, 1961, ha Veteran's Memorial Hospital ha Syudad han Quezon. Didto hiya ginlubong ha North Cemetery ha Manila.

Mga sumpay ha gawas

• The Philippine Presidency Project Ginhipos 2020-02-26 han Wayback Machine
• Philippines-Archipelago (Sergio Osmeña) Ginhipos 2006-06-19 han Wayback Machine
• http://www.geocities.com/philippinepresidents/osmena.htm Ginhipos 2002-10-10 han Wayback Machine

Gin-unahan ni: Bag-o nga gin-estableser	Speaker han Philippine Assembly 1907–1916	Ginsundan ni: Ginsaliwanan han Kapulongan hin mga Representante
Gin-unahan ni: Nagsaliwan han Philippine Assembly	Speaker han Kapulongan hin mga Representante 1916–1922	Ginsundan ni: Manuel Roxas
Gin-unahan ni: Bag-o nga gin-estableser	Sugbong-Mangulo han Pilipinas 1935–1944	Ginsundan ni: Elpidio Quirino
Gin-unahan ni: José P. Laurel De facto	Mangulo han Pilipinas 1944–1946	Ginsundan ni: Manuel Roxas