Escôswès
lingaedjes > indo-uropeyin > gayel > goydelike > gayelike escôswès
![](http://upload.wikimedia.org/wikipedia/commons/thumb/3/3b/Rannoch_-_Raineach_station_sign.jpg/220px-Rannoch_-_Raineach_station_sign.jpg)
L' escôswès ou gayelike escôswès ou scotch gayel (Gàidhlig ou Gàidhlig Albanach dins ç' lingaedje la) est onk des lingaedjes del brantche goydelike des lingaedjes gayels k' est co djåzé enute. Li brantche goydelike (Nôr) conte li gayelike d' Escosse et d' Irlande eyt l' ci del Iye di Man; eneviè li brantche britonike ki conte li walès, cornike eyet burton.
Côde ISO: gd
Rimetaedje ås ôtes lingaedje gayels
[candjî | candjî l’ côde wiki]L' escôswès ravize foirt l' irlandès, mins a sacwantès diferinces imôrtantes. Li pus veyåve c' est dins l' sicrijhaedje, wice ki l' accint, ou fada, est scrît come on accint dischindant en escôswès, enevié on accint montant en irlandès. Des mots k' i gn a ont-st on «a» en irlandès mins on «u» en escôswès, metans cead/ceud (cint). Çoula est li rzultat des rfômes eyet standårdijhaedje del ortografeye k' ont stî fwaites en Irlande på govienmint irlandès. L' escôswès, lu, continowe d' eployî l' ortografeye tradicionele do gayelike. Les gayelikes d' Irlande, d' Escôsse et d' l' Iye di Man sont tos troes des dschindants do vî irlandès.
Egzimpe di tecse
[candjî | candjî l’ côde wiki]- e gayelike escôswès: Tha gach uile dhuine air a bhreth saor agus co-ionnan ann an urram 's ann an còirichean. Tha iad air am breth le reusan is le cogais agus mar sin bu chòir dhaibh a bhith beò nam measg fhein ann an spiorad bràthaireil.
- ratournaedje walon: Tos les omes vinèt å monde libes et ewals po çou k' est d' leu dignité et d' leus droets. Leu råjhon et leu consyince elzi fwait on dvwer di s' kidure inte di zels come des frés.
(prumî årtike del Declaråcion univiersele des droets del djin)
Vicansté
[candjî | candjî l’ côde wiki]![](http://upload.wikimedia.org/wikipedia/commons/thumb/8/88/Prezintaedje_gayelike_esc%C3%B4sw%C3%A8s_parints_scol%C3%AEs.jpg/220px-Prezintaedje_gayelike_esc%C3%B4sw%C3%A8s_parints_scol%C3%AEs.jpg)
Li viye langue, cåzu fotowe e 2001, riwangne des cåzeus, pal voye des scoles po ls efants. Gn a la des scolîs et scolresses ki les parints vnèt di tos les payis (loukîz so l' imådje cial djondant).
Gn a eto des scoles po les grandès djins, mins end a waire ki divnèt des djåzeus corants.
Gn a sacwants posses d' ovraedje la k' on preye les dmandeus d' ovraedje di cnoxhe cisse langue la.[1]