Charles Massaux
![](http://upload.wikimedia.org/wikipedia/commons/thumb/9/9c/Charles_Massaux_1997.jpg/220px-Charles_Massaux_1997.jpg)
Charles Massaux (sovint spoté li grand Châle u Monsigneur; i sene eto li Chwès arnåjhe u Charles-Joseph de la Grange), c' est on scrijheu e walon ey on bouteu pol walon.
Il a skepyî a Nameur li 26 d' octôbe 1934 ey a morou li 22 d' djanvî 2022 a Tornè.
-
2009
-
2013
Ouve pol walon
[candjî | candjî l’ côde wiki]C' est lu k' a-st enondé li gazete Li Chwès e 1995.
Il a eto fwait des sketchs, dizo l' no di li Grande Djelike.
Il a stî sovint «Rwè des Minteus» (li wangnant d' ene bate di dijheus d' mintes a Nameur).
Il a eplaidî on live di rcetes del Province di Nameur (2002).
Il a eto rashonné des vîs tecses da Joseph Calozet, eyet fé ene ramexhnêye di ses scrijhaedjes.
Tot seu, il a rexhou des lives a môde di sillabusse : "Dji m' sovén" (1993), on live di sovnances ki mostere des portraits d' viyès djins. I continowe avou "Li gazete do payis d' Nameur" e 1993 et 1994.
E 1996, i vude ene ramexhnêye di tecses (francès et walon) sol Rascråwe do Bwès do Cazî : "Il était 8 heures, le 8 août 1956 à Marcinelle".
Il a scrît les bouyotes di des ptitès bindes d' imådjes, Ågusse et Fifine ki l' prumî albom a rexhou e 2007.
Châle Massaux pout esse riwaitî come onk des cis k' a l' pus scrît e prôze nén racontrece dins les anêyes 1990 et les anêyes 2000.
Foû des scrijhaedjes, il a eto stî on cåzeu å posse, metans dins l' emission 900.000 Walons. Mins eto dins les libès radios, a «Radio Chevauchoir» et «Radio Fugi»[1] (Djivet). C' est dins cist ocupaedje la k' il aparexhe dins l' fime di racsegne da Zavî Istasse «Li langue åd dibout del linwe».
Il a eto adjinçné li fiesse Calozet di teyåte e walon po les djonnes.
Il a ratourné e walon li Tintin «Les ôrreyes del Castafiore».
Djudjmint sor lu
[candjî | candjî l’ côde wiki]Il a beacôp ovré lu tot seu, a môde d' «electron libe», mins il a-st ovré timpesse pol walon.[2]
Alére
[candjî | candjî l’ côde wiki]- Michel Piette: "Châle Massaux, on Chwès ene miete arnåjhe", Li Chwès fevrî 2008.
- Mahin Lucien: Waloneus revoyes, Li Rantoele l° 101 (bontins 2022), p. 17.
Hårdêye difoûtrinne
[candjî | candjî l’ côde wiki]Li pådje då Grand Tchåle di Nameur] (so l' Aberteke)
Sourdant
[candjî | candjî l’ côde wiki]- ↑ Radio coinrece po Fumwè (Fu-) et Djivet (-gi)
- ↑ Jean Germain, emission Schoûtez ene miete, l° 2, 2022.