Foninme

Cisse pådje ci (a vey avou l' linwince et les lingaedjes) n' est co k' on djermon, dj ô bén kel pådje est co trop tene et s' divreut ele ecråxhî ene miete. Si vos avoz des cnoxhances so ç' sudjet ci, vos nos ploz aidî, clitchîz sol loyén «candjî l' pådje» po radjouter des informåcions.

Èn oyon u foninme, c' est l' pus ptite boket d' cåzaedje ki pout fé l' diferince inte deus mots dins on metou lingaedje.

On trove les oyons d' on lingaedje tot corwaitant les pwaires minimoms.

Èn oyon c' est nén l' minme k' on son, la k' èn oyon pout esse fwaits di sacwants sons eshonne (des lingaedjes k' i gn a ont des oyons foirt complesses); eyet eto, èn oyon pout esse prononcî avou des sons diferins (k' on dit adon ki c' est les alofones di cist oyon la). Les foninmes sont transcrîts etur deus slaches, eg: /r/, eneviè les sons fonetikes ki sont transcrits etur cwårêyès åtchetes, eg: les sons [r] et [ʁ], deus alofones di /r/.

påsse : p/å/s

pôce : p/ô/s

pôsse : p/ô/s (omonime di pôce)

posse : p/o/s

Les prononçaedjes d' on fonime polèt candjî sorlon les accints d' on metou lingaedje, et minme d' on cåzeu a l' ôte.

Li coxhe del linwince ki studeye les foninmes si lome li fonolodjeye.

A costé des foninmes, on mots pout esse pårtis e morfinmes.

Les studias so les oyons do walon sont metous so ene pådje tote seule.