mofe

Walon (Rifondou)

Etimolodjeye 1

Tayon-bodje vî francike * « molfell » (pitit mousmint d' pea)

Prononçaedje

• AFE :
  • diferins prononçaedjes : /mɔf/ /muf/
  • prononçaedje zero-cnoxheu : /mɔf/
• Ricepeures : nén rcepåve

Sustantif

singulî	pluriyal
mofe	mofes

mofe femrin

1. want sins doet (ki l’ pôce).
   • Les doets nos fjhèt må dizo les mofes a cåze des hotchets. — Jacky Lodomez (fråze rifondowe).
   • dmeurrént la l’ djournêye å long, sins s’ doter k’ leus mashales divnèt totes bleuwes di froed, sins minme sondjî a rmete leus mofes ou a shofler dins leus mwins po s’ reschandi. — Joseph Calozet (fråze rifondowe).

Ortografeyes

Après 1900, foû rfondou (Feller, Feller ricandjî, nén Feller) :

• mofe : C99, E1, E170
• moufe : C8, E1, E170, S117, O4

E rfondou walon :

• mofe : R10 ^(lére), R11 ^(lére), R13 (flotchreçmint omrin)

Ratournaedjes

want sins doets

• Francès : mouffle ^(fr) femrin, mitaine ^(fr) femrin

Etimolodjeye 2

Stindaedje do prumî sinse avou assaetchance di «muzea», vizaedje avou des grossès tchifes come des wants sins doets, racuzinåve avou l' francès « muffle »; mot cité dins l’ FEW 16 573b.

Sustantif

singulî	pluriyal
mofe	mofes

mofe femrin (pus sovint eployî å pluriyal)

1. tchife, dins les ratourneures : «awè ses mofes» & «pont-d'-mofes».

Ratourneures

1. awè ses mofes
   • Man, dj' a yeu mes mofes; ele ni vout pus k' dj' el rabresse — Jacques Desmet, so Payis Condruze, li 4 di måss 2021 (fråze rifondowe).

Parintaedje

• mofletes

Mots d’ aplacaedje

pont-d'-mofes

Ratournaedjes

tchife Loukîz a : tchife

• Francès : joue ^(fr) (joufflue)