Live sol walon
(Redjiblé di Lives sol walon)
On live sol walon, c' est on live la k' on djåze do walon mins dins èn ôte lingaedje. C' est å pus sovint e francès, mins gn a eto yeu des lives sol walon eplaidîs en almand ey e neyerlandès. Ces sincieus lives la sont scrîts pa des linwincieus, å pus sovint des romanisses.
![](http://upload.wikimedia.org/wikipedia/commons/thumb/8/8f/Mahin_k%C3%A9_walon.jpg/200px-Mahin_k%C3%A9_walon.jpg)
Èn egzimpe di live sol walon ki n' est nén scrît pa des sincieus, c' est Ké walon po dmwin ?, on live di sinteze et d' esplikêyes, adjinçné pa Lucyin Mahin e 1999, avou ene grosse vintinne d' ôtes sicrijheus. Dins ç' live la, pol prumî côp, gn a eto on rascourti e walon po tchaeke tchapite.
On pout eto rindjî emey les lives sol walon :
- les motîs walons
- les lives po studyî l' walon : lives di croejhete, di codjowaedjes.
- les lives di scole sol walon
- les rvowes sol walon
A costé des lives, gn a eto des waibes sol walon.
Les lives sol walon sont diferins des lives e walon, po lére.