Louis X van Vrankryk

Louis X, de Ruuzjemoaker of de Koppegn genoemd (Frãns: le Hutin), van 't Huus Capet, (Parys, 4 oktober 1289 - Vincennes, 5 juni 1316), was keunienk van Vrankryk van 1314 tout 1316. Je wierd ip 24 ogustus 1315, tegoare me zyn twidde vrouwe Clementia van Hongareye, gekrôond in de kathedroale van Reims.

Louis X was den oudste zeune van keunienk Philippe IV le Bel en keuniginne Joanna I van Navarra. Achter 'n dôod van zyn moeder in 1305 kwamt ie keunienk van Navarra als Louis I en ook groaf van Champagne.

Vrouwn en jounges

Louis X trouwde in 1305 me Marguerite van Bourgondië, dochter van hertog Robert II van Bourgondië. Met heur haad ie een dochter, Joanna, zyn êenigste kiend die overleefde. Marguerite wierd loater beschuldigd van overspel en ze stierf in 't gevang ip 30 april 1315.

J'hertrouwde ip 19 ogustus 1315 me Clementia van Hongareye, dochter van Charles Martel van Anjou. Clementia was nog in verwachtienge os Louis stierf an e loungountstekienge, achter e korte regerienge van 18 moandn. Under zeuntje Jean wierd e poar moandn loater geboorn, mo je leefde mo vuuf doagn.

• 1. Marguerite van Bourgondië
  • Joanna II van Navarra
• 2. Clementia van Hongareye
  • Jean I van Vrankryk

De krôonienge van Louis X en zyn twidde vrouwe Clementia van Hongareye in de kathedroale van Reims

Ofbeeldiengn die ier by passn ku je vien in de categorie Louis X of France van Wikimedia Commons.