Baltische stoatn

Ligginge van de 3 Baltische stoatn in Nôordôost-Europa. Van nôord noa zuud:  Estland,  Letland,  Litouwn

De Baltische stoatn (Estisch: Balti riigid, Baltimaad, Lets: Baltijas valstis, Litouws: Baltijos valstybės) zyn de landn an d' ôostkust van de Baltische Zêe. 't Zyn van nôord noa zuud Estland, Letland en Litouwn. De landn zyn alle drië lid van de NAVO, d' Europeesche Unie, d' eurozone en den OESO. Toalkundig stoan de Lettn en de Litouwers dichte by mekoar. Ze spreekn Baltische toaln. D' Estn spreekn, lyk de Finn en d' Hongoarn, e Fins-Oegrische toale.

An 't ende van den Êeste Weireldorloge maktn de landn hunder los van Rusland, die ton in e burgeroorloge verwikkeld was. Tusschn 1918 en 1940 woarn z' oenofhankelyke republiekn. In 1940 wierdn ze deur de Sovjet-Unie g'annexeerd. In 1990 verkloardegn z' hunder oenofhankelyk, 't begun van d' inêenstortinge van de Sovjet- Unie. Ze kwoamn were oenofhankelyk in september 1991.