1678

1675 - 1676 - 1677 - 1678 - 1679 - 1680 - 1681

Gebeurtenissn

26 januoari - 't Sluutn van 'n Iengels-Hollands akkôord in Den Haag bevestigt de gemêenschappelikke polletiek ten overstoan van Vrankryk.
februoari - De Fransche troepn doen juste lik of dan ze Charlemont, Noamn en Luxemburg willn bezettn, moa ze stortn under ip Vloandern. Z' overrompeln 't zwak leger van landvoogd Carlos de Gurrea da Brussel most beschermn.
9 moarte - Achter e beleg van vuuf doagn wordt Gent ingenoomn deur de Fransche.
25 moarte - De Fransche troepn pakkn Yper in en bedreign de Vlamsche kust tout Zêeland.
25 juli - In Den Haag wordt er 'n akkôord getêekend woadeure dat Iengeland den oorloge verkloart an Louis XIV, in geval dat hy hem vo 10 ogustus gin vrede sluut in Neymeegn. Denemarkn en Duutsland sluutn hunder by 't akkôord an.
10 ogustus - Vrede van Neymeegn, vredesverdrag tusschn de Republiek der Zeevn Verenigde Provinciën en Vrankryk.
17 september - De Vrede van Neymeegn makt 'n ende an den oorloge. Der zyn wel territoriale toegeviengn woavan dan de Spoansche Nederlandn 't slachtoffer kommn. Spanje recupereert de gebiedn round Charleroi, Binche, Aat, Oudenoarde en Kortryk, moa Koameryk, Yper, Wervik, Poperienge, Kassel en Maubeuge wordn by Vrankryk ingelyfd.

26 - Jozef I, keizer van 't Hillig Rooms Ryk, keunienk van Hongareye en Boheemn en eirtshertog van Ôostnryk

Ofbeeldiengn die ier by passn ku je vien in de categorie 1678 van Wikimedia Commons.