Berlyn

Dat artikel es geschreevn in 't Poperiengs.

---

Berlyn
Liggienge in d' Europeesche Unie en Duutsland
Geografie
Dêelstoat	Berlyn
Admin. regio (Regierungsbezirk)	ingedêeld in 12 Verwaltungsbezirken
District (Landkreis)	Kreisfreie Stadt
Coördinoatn	52°31′NB 13°25′OL
Ippervlak	891,75 km²
Inweuners
Inweuners Bevolkiengsdichtheid	3.375.222 (2012) 3.848 inw./km²
Mêer info
Burgemêester	Klaus Wowereit (SPD)
Postcode	10115–14199
Website	www.berlin.de

Berlyn is 'n oofdstad van Duutsland. 't Is me mêer of 3,44 miljoen inweuners oek 'n grotstn stad van 't land.

Berlyn is e relatief jounge stad: de geschiedenisse goa moa were toet 'n 13sn êeuw. In de 20sn êeuw e ze e grôte rolle espeeld. Peis moa an 'n Twiddn Weireldôorlog en de gevolgen d'rvan, ton da ze gesplitst wos in twêe dêeln: West-Berlyn en Ôost-Berlyn.

Berlyn es ook d'oofdstee van de gelyknoamige Duutsche deelstoat.

• 
  Brandenburger Tor
• 
  De Meur verdêelde de stad letterlik in twêen va 1961 toet 1989

Bekende plekkn

• Brandenburger Tor: dat is e stadspôorte uut 'n 18stn êeuw. Bissn 'n Twiddn Weireldôorlog wos ze serieus vermassakreerd, moa ze en ze were erestaureerd. Achter 'n bouw van 'n Meur wos ze geslootn. Sedert 1989 ku je ze were goan bekykn.
• Tiergarten: e grôot park, middn in 't centrum. 't Is verwounderlik, moa dezen grôotn stad is styf groene te noemn.
• Kurfürstendamm: e hêle loane me wienkels.
• Reichstag: sedert 1894 't parlement va Duutsland. In 1933 wos 't in brande estookn. Op 't ende van 'n Ôorlog staak 't leger van de Russen me vele plezier e vlagge d'rop om te toogn dan de Duutschers verlôorn woarn. Omda West-Berlyn gèn oofdstad wos, wos 't gebouw nie me gebruukt. Achter e grôte restauroasje in 1999 is 't were gebruukt voe 't parlement.
• Potsdamer Platz: 't uutgoanscentrum.

Interne koppelienge

• Conferensje van Berlyn 1884–85

Ofbeeldiengn die ier by passn ku je vien in de categorie Berlin van Wikimedia Commons.