Zêevounk
| Zêevounk | |||||||||||||
|---|---|---|---|---|---|---|---|---|---|---|---|---|---|
| Viezn Viezn | |||||||||||||
| Taxonomische indêlienge | |||||||||||||
| |||||||||||||
| Sorte | |||||||||||||
| Noctiluca scintillans Linnaeus, 1758 |
Een zêevoenksje (Noctiluca scintillans) is een êencellig algsje (dinoflagelloat), dat deur anroakinge met zeurstoffe (vb. deur de slag van een boare), een chemische reactie oendergoat woadeure dat er een luchtflitse ipgewekt wordt. Da fenomeen gebeurt by warme temperateure, in oendiep woater en by wryvinge.
"Noctiluca scintillans" betêkent letterlik "flitsend nachtluchtje". Vroeger wierd et "noctiluca miliaris" genoemd wat dat "duusd nachtluchtjes" betêkent.
Noctiluca wordt toet de groep van heterotrofe dinoflagelloatn gereeknd. Heterotroof betêkent da ze zelve gin voedingstoffn kunn moakn lik plantn moa da ze angeweezn zyn ip voedseldêeltjes in 't woater.
Uutzicht
't Algsje ziet er uut lik een klêen deurzichtig ballongsje met een steirtje (flagel) van achteren. De diameter is 0,5 toet 1 mm wat da styf grôot is vor een algsje. Vele sôortn fytoplankton zyn nog veel klinder.
De luchtjes van zêevoenksjes wordn geproduceerd in specioale organellen (scintillons) en zyn gemakkelik te zien met 't menschelik oge. Ze wordn geproduceerd binst een chemisch proces woaby dat er energie vrykomt. Da proces wordt bioluminiscentie genoemd. De mêeste dinoflagelloatn zendn roend de 600 miljoen fototonen in een flitse uut.
Viezn
A je ôoit vanzeleven ip een warme zomernacht ip 't strange gewandeld et, e je wel al eki "de sterretjes van de zêe" gezien. Schuumkoppn van de boaren luchtn ton ip, wat dat een prachtig zicht is. An de kust wordt 't fosforesceren van de zêe viezn of vierzn genoemd.