Uz' Orlean
Lidnanznam
|
Flag
|
| Valdkund | Amerikan Ühtenzoittud Valdkundad |
| Eläjiden lugu (2014) | 384,320 ristitud |
| Pind | 907 km² |
| |
| Pämez' | Mitč Landrö (2010-) |
| Telefonkod | +1−504 |
| Aigvö | tal'vel UTC−6, kezal UTC−5 |
Uz' Orlean (angl.: New Orleans [nuː ˈɔrliənz] vai [nuː ɔrˈliːnz], sijaline virkand [nuː ˈɔrlənz] vai [ˈnɔrlənz], lühüdašti NOLA, fr.: La Nouvelle-Orléans [la nuvɛlɔʁleˈɑ̃]) om AÜV:oiden lidn suvižes Luizian-štatas, sen surembaine lidn dai ičeze ezilidnoidenke-ki. Lidnan aglomeracijas elädas 1,24 mln (vl 2014) 9726 nellikkilometril.
Lidn om sur' torguindan, opendusen da turizman keskuz.
Istorii
Lidnan aluz om pandud vl 1718.
Vl 2005 elokun 29. päiväl upsi lidnan nell' videndest «Katrin»-torokan tulendan tagut, kaik ristitud oliba evakuiruidud edelpäi päiči kümnes tuhas. Sen jäl'ghe lidnan ristitišt endištub hilläšti.
Geografijan andmused
Lidn seižub sokahal tazangištol -2...+6 metrad korktusil Atlantižen valdmeren pindha rindataden, Mississipi-jogen molembil randoil, om 169 km sen lanktendan Meksikan lahthe sijhasai. Pončartrein-järven rand om lidnan pohjoižeks röunaks. Dambad kaitas Ut Orleanad sur'vedespäi.
Uden Orleanan pind om 907 km², sidä kesken saum vezid 468 nellikkilometrad. Lidnan kuivman pol' om olmas alemba valdmeren pindad.
Klimat om subtropine neps. Vilukun kesklämuz om +11°C, heinkun da elokun — +28°C. Paneb sadegid 1550 mm vodes, enamba kezal da tal'vel.
Uz' Orlean alajagase 15 administrativižhe lidnanlaptha (angl. ward).
Ižanduz
Kaks' sur't portad oma lidnan ümbrištos: Uden Orleanan da Suvižen Luizianan. Ned ühtes oma nellänz' surtte port mail'mas. Uz' Orlean ičeze ezilidnoidenke om merilaivansauvomižen keskuz.
Toine järed sarak om kivivoin ümbriradmine (17 tegint).
32 korporacijad Fortune 500-nimikirjutesespäi vedadas ičeze azjoid lidnas.
Homaičendad