Berlin
Lidnanznam |
Flag |
Valdkund | Saksanma |
Eläjiden lugu (2013) | 3,419,623 ristitud |
Pind | 891,85 km² |
Pämez' | Mihael' Müller |
Telefonkod | +49−30 |
Aigvö | tal'vel UTC+1, kezal UTC+2 |
Berlin (mugažo saksan kelel, virktas: [bɛɐ̯ˈliːn]) om Saksanman pälidn, kaikiš järedamb lidn Saksanmas.
Megapolisan pind om 891,85 km². Eläjiden lugu om enamb 3,4 millionad ristituid. Se om toine lidn Evropan Ühtištuses ristituiden lugun mödhe Londonan jäl'ghe da videnz' lidn pindan mödhe.
Berlin om üks' 16 maišpäi Saksanman Federativižes Tazovaldkundas. Sen sijaduz om Šprejen da Hafelän jogiden randoil, Brandenburgan federaližen man keskes, kudambha iče lidn ei mülü (vodelpäi 1920).
Istorii
Läz 1200 vot nügüd'aigaižen Berlinan sijal oli kaks' torguindlidnad — Köl'n da Berlin. Vodel 1307 lidnad ühtištuiba da tegiba ühthine lidnaline nevondkund (ratuš). Jäl'ghepäi lidn oli Brandenburgan markgrafkundan/kurfürstkundan (vodelpäi 1417), Prussijan (vodelpäi 1618) da Saksanman imperijan (vodelpäi 1871) istorižen pälidnan.
Toižen mail'mansodan jäl'ghe Jaltan konferencijan pätandan mödhe Berlin jagatihe 4 okkupacižhe sektorha. Möhemba 3 sektorad ühtištuiba Päivlaskmpol'žhe Berlinha, kudamb iče mülüi SFTha. Vodes 1961 13 elokuspäi Berlinan sein ümbärzi Päivlaskmpol'žen Berlinan. Berlinan sein, kudamb oli üks' Viluvoinan päsimvolišpäi, muretihe vl 1989. Germanijan ühtenzoitamižen jäl'ghe ühtenzoittud Berlin om sen pälidnaks.
Nügüd' Berlin om valdkundan znamasine politine, ekonomine, kul'turine da tedoline keskuz.
Transport
Berlin om mugažo jalos järed transportsol'm. Siš om 2 lendimportad: Tegel' da Šönefel'd; lidnas om 12 päraudtestancijad. Berlinas om kundališt transportad: avtobusid, tramvajid, lidnelektrojonusid. Vodespäi 1902 metropoliten radab lidnas.
Sport
Vodel 1936 Kezaližed Olimpižed vändod oliba Berlinas.
Galerei
-
Berlinan nägu öl
-
Berlinan päjumalanpert'
-
Brandenburgan verai
-
Raihstag
-
Bode-muzei
Irdkosketused
- Berlinan ohjastusen portal. (saks.) (angl.) (fr.) (ital.) (kit.) (pol'š.) (ven.) (turk.)
- Berlinan oficialine biznes-portal. (ven.)
Evropan pälidnad | ||
Afinad | Amsterdam | Andorr la Vel'j | Baku | Belgrad | Berlin | Bern | Bratislav | Brüssel' | Budapešt | Buharest | Dublin | Hel'sinki | Jerevan | Kijev | Kišinöv | Kopenhagen | Lissabon | London | Lüblän | Lüksemburg-lidn | Madrid | Minsk | Monako-lidn | Moskv | Nikosii | Oslo | Pariž | Podgoric | Prag | Reikjavik | Rig | Rim | San Marino-lidn | Sarajevo | Skopje | Sofii | Stokhol'm | Zagreb | Tallidn | Tbilis | Tiran-lidn | Vaduc | Vallett | Varšav | Vatikan | Ven | Vil'nüs | ||