Kacu tekst Teikovo

{{Eländpunkt
 | Nimi = Teikovo<br />Тейково
 | Lidnanznam = Teykovo COA.gif
 | Flag = Flag of Teykovo (Ivanovo oblast).png
 | Lidnanznam text = Teikovon lidnanznam
 | Flag text = Teikovon flag
 | Valdkund = Venäma
 | Eläjiden lugu = 31,623
 | Voz' = 2021
 | Pind = 26.8
 | Fail = Aerial photograph of Teykovo, 2010.jpg
 | Pämez' = Svetlana Semenova<br/>(kül'mku 2019—)
 | Telefonkod = +7-49343-xx-xxx
 | Avtokod = 37
 | Aigvö = [[UTC]]+3 ([[MSK]]+0)
}}
'''Teikovo''' ({{lang-ru|Те́йково}}) om [[Venäma]]n lidn da lidnümbrik [[Ivanovon agj]]an päivlaskmas. Se om agjan kudenz' lidn eläjiden lugun mödhe, [[Teikovon rajon]]an administrativine keskuz (ei mülü sihe).

== Istorii ==
Eländpunkt mainitaškanzihe kuti ''Teikovo-žilo'' ({{lang-ru|село Тейково}}) manmehiden vasthalibundoiden tagut 17. voz'sadan augotišes. Ezmäižen kangazfabrikan aluz oli pandud Teikovoho vl 1787. Žilo sai lidnan statusad vn 1918 6. päiväl sügüz'kud. Raketsodavägiden 54. divizii baziruiše sodalidnudes vspäi 1961.

Teikovo šingotase [[kangaz|bumagkanghiden]] kombinatal<ref>[http://teikovo.com/ Teikovon bumagkanghiden kombinatan sait (''teikovo.com'').] {{ref-ru}}</ref>, omblendtegimištol, sauvondmaterialiden pästandal ([[faner]]ankombinat, sendvičpaneliden tehmine, geokanghan edheotand), mugažo mašinansauvomižen tegim radab (aviapalad, poltuzpompad) i kombisötken tegim om olmas.

== Geografijan andmused ==
Lidn sijadase Väz'm-jogen randoil ({{lang-ru|Вязьма}} 86 km pitte, [[Kläz'm]]an hurapol'ne bassein), 125 m ü.m.t. keskmäižel korktusel.

Matkad [[Ivanovo]]n röunhasai om 25 km pohjoižpäivnouzmha orhal, 29 km avtotel vai raudtel. Toižed lähembaižed lidnad oma [[Kohm]] 35 km päivnouzmha-pohjoižpäivnouzmha orhal, 45 km avtotedme vai raudtedme, i [[Komsomol'sk (Ivanovon agj)|Komsomol'sk]] 22 km pohjoižhe-lodeheze orhal vai 31 km avtotedme. ''Teikovo''-raudtestancii radab lidnan päivnouzmaižel röunal vspäi 1896.

== Tobmuz ==
Teikovo om lidnümbrikon üks'jäižeks eländpunktaks.

== Eläjad ==
Vl 1939 lidnan ristitišt oli 30 294 eläjad. Vn 2010 Venäman rahvahanlugemižen mödhe lidnan eläjiden lugu oli 34 976 ristitud. Kaikiš suremb ristitišt oli 41 607 rist. vl 1970 i 38..39 tuhad eläjid vozil 1989−2001.

Rahvahad (2010): [[venälaižed]] — 94,3 %, [[ukrainalaižed]] — 1,9 %, toižed rahvahad — 3,8 %.

[[Ortodoksine hristanuskond|Ortodoksižen hristanuskondan]] kuz' pühäpertid<ref>[http://sobory.ru/geo/locat/1756 Teikovon pühäpertid ''sobory.ru''-saital.] {{ref-ru}}</ref> oma kaičenus i saudud lidnas: ph. Mikulai-čudonsädajan päjumalanpert' (1795−1833), koume jumalanpertid i kaks' časounäd.

Lapsiden opendusen aluzkundad oma severz'-se päivkodid, nell' keskškolad (nomer 1, 2, 4, 10), gimnazii nomer 3. Teikovon industrialine kolledž<ref>[http://pl-24.ru/ Teikovon industrialižen kolledžan sait (''pl-24.ru'').] {{ref-ru}}</ref> i Teikovon äiprofil'ne kolledž<ref>[http://npu19.ru/ Teikovon äiprofil'žen kolledžan sait (''npu19.ru'').] {{ref-ru}}</ref> oma lidnan professionaližen opendusen aluzkundoikš.

== Galerei ==
<gallery mode="packed" heights="125px">
Главная площадь - panoramio (1).jpg|Kul'turkeskuz Leninan nimed ühtennimižel torgul (2010)
Тейково, храмовый комплекс.jpg|Ph. Mikulai-čudonsädajan päjumalanpert' (huralpäi) i ph. Illä-endustajan jumalanpert', vn 2018 nägu
Тейковский хлопчатобумажный комбинат.jpg|Teikovon bumagkanghiden kombinat vl 2018
Комбикормовый завод. - panoramio.jpg|Kombisötken tegim vl 2010
Vokzal Tejkovo - panoramio.jpg|''Teikovo''-päraudtestancii vl 2007
</gallery>

== Homaičendad ==
<references />

== Irdkosketused ==
* [http://городтейково.рф/ Lidnümbrikon Administracijan i Duman sait (''городтейково.рф'').] {{ref-ru}} {{ref-en}} {{ref-de}} {{ref-fr}} {{ref-it}}
* [http://музей-тейково.рф/ Teikovo-lidnan istorijan muzejan sait (''музей-тейково.рф'').] {{ref-ru}}
{{Commons|Category:Teykovo}}

{{Ivanovon agjan lidnad}}

[[Kategorii:Venäman lidnad]]
[[Kategorii:Eländpunktad kirjamišton mödhe]]
[[Kategorii:Ivanovon agjan lidnad]]
[[Kategorii:Ivanovon agjan lidnümbrikod]]
[[Kategorii:Teikovon rajon|*]]