Kacu tekst Grekanma

== Eläjad ==
Grekanmas elädas [[grekalaižed]]. Vl 2014 valdkundan eläjiden lugu oli 10 775 557 ristitud, vn 2018 heinkus — 10 761 523 ristitud. Eläjiden 99% kodikel' om [[grekan kel']].

Rahvahad (2011): [[grekalaižed]] — 91,6%, [[albanijalaižed]] — 4,4%, toižed rahvahad — 4,0%.

Uskondan mödhe (2015): [[ortodoksine jumalankodikund|ortodoksižen jumalankodikundan]] (oficialine religii) [[hristanuskond|hristanuskojad]] — 81..90% (vl 2006 oli enamba 97%), [[islam]]anuskojad — 2%, toižed uskojad — 3%, religijatomad — 4..15%, märhapanendata — 1%.

[[Afinad]]-pälidnas eläb 35% valdkundan ristitištod. Toižed sured lidnad (enamba 100 tuh. ristituid vn 2011 rahvahanlugemižen mödhe, surembaspäi penembha): [[Salonikid]], [[Patrad]], [[Iraklion]], [[Laris (lidn)|Laris]], [[Volos (lidn)|Volos]], [[Aharnes]]. Vl 2011 kaik oli 65 lidnad enamba mi 14 tuhad eläjidenke valdkundas. Lidnalaižiden pala om 79,7% (2020).