Parkano

Parkano (mugažo suomen i ročin kelil) om Suomenman lidn da lidnankund valdkundan suvipäivlaskmas. Se om Pirkanma-agjan kaikiš penemb lidnankund kaks'toštkümnespäi eläjiden lugun mödhe.

Parkano

Lidnanznam
Valdkund	Suomenma
Eläjiden lugu (2024)	6,098 ristitud
Pind	909,57 km²
Pämez'	Aki Viitasaari (2022—)
Telefonkod	+358-
Aigvö	tal'vel UTC+2, kezal UTC+3

Lidnankundan sijaduz agjas i valdkundas (2020)

Istorii

Municipalitetan aluz om pandud vl 1867. «Pori — Haapamäki»-raudtekeskust läbiti sidä i radaškanzi vl 1938. «Tampereh — Seinjogi»-raudtekeskust om saudud vl 1971, sen jäl'ghe Parkano tegihe raudtesol'meks. Kätihe kundad lidnanvuiččeks (suom.: kauppala) vl 1972. Parkano sai lidnan statusad (kaupunki) vl 1977.

Parkano šingotase metallan eksportan kompanijoil («Kopar Oy», «FennoSteel Oy»), mecan ümbriradmižel («Aureskosken Jalostetehdas Oy Tammisto Yhtiöt»), elektromontažan «Sähkösuomilammi Oy»-edheotandal.

Geografijan andmused

Lidn sijadase agjan lodehes, om ümbärtud penil järvil. Znamasine Parkanonjärv zavodiše lidnan suves (suom.: Parkanonjärvi 4,7 km² pindanke, 90 m ü.m.t.).

Matkad agjan Tampereh-keskushesai om 69 km suvipäivnouzmha orhal, 86 km avtotel vai raudtel, Hel'sinki-pälidnhasai — 229 km suvipäivnouzmha orhal, 266 km avtotedme vai raudtedme. Toižed lähembaižed lidnad (avtol) oma Kankaanpää (Sadakund) 45 km suvipäivlaskmha i Ikaalinen 36 km suvhe.

Vn 2022 andmusiden mödhe lidnankundan pind om 909,57 km², sidä kesken kuivma — 853,19 km², vezi i sokaz tahond ottas 56,38 nellikkilometrad.

Tobmuz

Kaik ühesa nimitadud da nomeruidud rajonad i 17 küläd mülüdas municipalitetha. Parkanon municipaline suim kogoneb 31 ezitajaspäi.

Edeližed lidnan pämehed oma Jari Heiniluoma (viluku 2013 — 2022), Jarkko Malmberg (radoi vll 2006−2012).

Eläjad

Vl 1980 lidnankundan eläjiden lugu oli 8 779 ristitud (kaikiš suremb ristitišt vspäi 1980), vl 2000 — 7 807 ristitud, vl 2010 — 6 978 ristitud, vl 2020 — 6 400 ristitud. Kaks' ristitud koumespäi elädas lidnankundan keskuzpalas.

Kodikelen mödhe (2016): suomen kel' — 98,0 %, ročin kel' — 0,1 %, toižed keled — 1,9 %.

Galerei

• 
  Lidnan ohjandusen pert' (2020)
• 
  Parkanon jumalanpert', vn 2005 nägu (om saudud vodele 1800, vn 1899 kellčuhunduz)
• 
  Kirkkojärv (0,72 km², 144 m ü.m.t.) lidnan keskuzpalas (2014)
• 
  Lidnan vezičuhunduz (2014)
• 
  Lidnan kirjišt (2020)
• 
  Parkanon jäpert'kulu (2020)
• 
  Parkano-raudtestancii vl 2012

Irdkosketused

• Lidnan oficialine sait (parkano.fi). (suom.)