Scorpions
![]() | |
Atività | |
---|---|
Atività | 1965 - in atività |
Zènare | Rock duro e heavy metal ![]() |
Targheta discogràfega | |
Àlbun | 56 |
Àlbun stùdio | 18 |
Àlbun dal vivo | 7 |
Àlbun compilation | 31 |
Repertòrio | |
| |
Sito web | the-scorpions.com… ![]() |
|
I Scorpions i ze un grupo muzegałe heavy metal de gran suceso, fondà inte'l 1965 inte ła sità de Hannover (a l'èpoga Zarmania Ovest) da'l ghitarista Rudolf Schenker.
Influensài łargamente da l'atmosfera dei ani sesanta, i Scorpions i ze deventà famozi inte i ani otanta co i brani Still Loving You, Rock You Like a Hurricane, No One Like You e Wind of Change, che i ga raprezentà un inportante ponto de refarimento par i sucesivi grupi de 'sto zènare muzegałe. Dopo sirca un desenio de declino el grupo el ga tacà da novo a produzer àlbunde granda cuałità cofà Unbreakable (2004), Humanity - Hour 1 publegà in tuto el mondo inte'l 2007 e Sting in the Tail, publegà inte'l 2010.
Tra i màsemi esponenti stòreghi del heavy metal, el grupo el ga vendesto in pì de sincuant'ani de atività pì de 100 miłion de dischi inte'l mondo[1] ed ła ze considarada come una de łe mazore reałtà muzegałe inte ła storia muzegałe todesca, europea e mondiałe par i zèneri hard rock ed heavy metal.
Biografia
[canbia | canbia el còdaxe]I ezordi (1965 - 1973)
[canbia | canbia el còdaxe]![](http://upload.wikimedia.org/wikipedia/commons/thumb/4/4b/Michael_schenker.jpg/180px-Michael_schenker.jpg)
Rudolf Schenker, ghitarista ritmico e mazor conpozidor de'l grupo, el ga fondà el so primo grupo muzegałe inte'l 1965. 'Sto grupo el ze restà anonemà par sìrca cuatro ani fin a cuando inte'l 1969 Schenker, daspò aver renomenà definitivamente el grupo Scorpions, el ga ingagià so fradeło menor Michael Schenker e el cantante Klaus Meine e i ga tacà parfesionar i so canoni muzigałi. inte'l 1972 el grupo, ormai pronto par l'ezordio ofisiałe inte łe sene muzegałe, el ga publegà el só àlbun de debuto, intitołà Lonesome Crow, co Lothar Heimberg a'l baso e Wolfgang Dziony a ła bateria. Durando el Lonesome Crow tour, i Scorpions ga sonà numaroze tape a'l fianco de'l grupo britanega UFO. 'Sto grupo el ga ofrìo un inportante ingagio come ghitarista prensipałe a Michael Schenker che'l ga desidesto perciò de łasar el grupo venjendo sostituìo tenporaneamente da Ulrich Roth.
Ła partensa de Schenker ła ga fazesto sì che i Scorpions i se desfase. inte'l 1973 Ulrich Roth el ga otenjesto na proposta da Rudolf de refondar el grupo ma el ghitarista el ga preferìo restar fedełe al só grupo, denomenà Dawn Road. Roth, che parò el vołeva łaorar co Schenker, ga invità el muzeghista a unìrse a'l so grupo. Co un poco de ezitasion, Rudolf el ga asetà e conpletà ła formasion de'l grupo afiacandose al basista Francis Buchholz e a'l baterista Jürgen Rosenthal. Dopo poche setemane el cantante Klaus Meine el ze stà insarìo inte'l grupo e ła formasion ła ga desidesto de renomenarse da novo Scorpions, sendo oramai un nome séłebre inte ła underground hard rock todesco grasie a ła presedente publegasion.
I primi àlbun (1974 - 1978)
[canbia | canbia el còdaxe]inte'l 1974 ła nova formasion dei Scorpions ła ga publegà Fly to the Rainbow, àlbun che'l ga otenjesto mazor suceso respeto a Lonesome Crow grasie anca a séłebri trase come "Speedy's Coming" e "Fly to the Rainbow". Poco dopo l'usida de'l disco, Jurgen Rosenthal el ga łasà el grupo par arołarse inte l'ezèrsito e el ze stà sostituìo da'l batarista belga Rudy Lenners.
Daspò un tour el grupo el ze tornà in studio de rezistrasion afiancà da'l séłebre produtor Dieter Dierks e inte'l 1975 el ga publegà un novo àlbun, intitołà In Trance. El disco el ga prezentà un son renovà conpletamente e i Scorpions i ga podesto fermamente stabiłizar el só sound hard rock, vadanjando senpre de pì l'aporto dei fans. Trase cofà "Dark Lady", "Robot Man" e "In Trance" le ze estàe séłebri inte ła storia de'l grupo.
Inte'l 1976 i Scorpions i ga publegà un novo àlbun, intitołà Virgin Killer, che'l ga fazesto vadanjar a'l grupo el só primo disco d'oro el cuało el ga resevesto pezante crìteghe a cauza de ła só coertina, ła cuała ła mostrava na toza preadołesente nùa patòca. Nonostante łe controversie, l'àlbun el ga vendesto un bon nùmaro de copie e el ga otenjesto òteme parołe da parte dei critisi. Inte'l 1977 Rudy Lenners el ga łasà el grupo a cauza de problemi de sałute e el ze stà sostituìo da Herman Rarebell.
El sèito de 'Virgin Killer, intitołà Taken by Force, el ze stà el primo àlbun dei Scorpions ad èsar publegà inte i Stati Unìi da ła RCA Records, l'eticheta intarnasionałe de'l grupo. El singoło "Steamrock Fever" el ga otenjùo un òtemo suceso radio e el ga parmetesto a l'àlbun de véndar na bona cuantità de copie. Roth no'l zera parò contento de'l łaor de l'eticheta discogràfega e, in dezacordo co i altri menbri, el ga desidesto de łasar el grupo durante el tour japoneze par unìrse al só novo grupo, i Electric Sun. Da'l conserto oltreoseano A ze stà comuncue reałizà un àlbun in vivo (live) intitołà Tokyo Tapes che'l ze stà publegà in tuto el mondo. Inte'l 1978, daspò na łonga serie de audision, Matthias Jabs el ze deventà el novo ghitarista dei Scorpions.
In sima al suceso (1979 - 1990)
[canbia | canbia el còdaxe]![](http://upload.wikimedia.org/wikipedia/commons/thumb/0/06/N2_Scorpions-23.jpg/220px-N2_Scorpions-23.jpg)
Inte'l 1979 i Scorpions i ga łasà ła RCA par firmar un contrato co ła Mercury Records. In azonta Michael Schenker, che'l jera stà calche setemana prima parà via dai UFO a cauza de ła só bała, el ze tornà inte'l grupo par un curto parìodo e el ga partesipà a łe rejistrasion de un novo àlbun. El disco, venjìo fora l'isteso ano co titoło Lovedrive, el ze considarà uno dei mejo prodoti de'l grupo. L'àlbun, che'l gavarìa dovesto èsar (in te i obietivi de'l grupo) el pì grando suceso Hard Rock mai reałizà in caza Scorpions, el ga sentrà in pien l'obietivo, e resta (dopo aver resevesto el premio par el mejo disco de l'ano, davanti ad adiritura Highway to Hell degli AC/DC) tutora uno dei mejo àlbun de senpre del cuinteto teutònego. Grasie a trase imortałi come "Loving You Sunday Morning", "Holiday" e ła strumentale "Coast to Coast". L'àlbun l'è stà provogadoriamente votà "Best album sleeve of 1979" da ła rivista Playboy grasie a ła só provocante coertina, inte ła cuała un omo oserva el seno nuo de na dona coverto solche da na sòrta de goma da mastegàr che ła se va a cołegar diretamente a ła só man. Lovedrive el ze montà a ła pozision n. 55 de łe clasifeghe meregane e el ga vendesto un gran nùmaro de copie in tuto el mondo.
Finìe łe rezistrasion Michael el ze stà convinsesto a restar inte'l grupo e Matthias Jabs el stà łisensià. Daspò un poche de setemane de tour, Michael el ze stà łisensià da novo a cauza de'l só alcołizmo e Jabs el ze tornà inte'l grupo. Inte'l 1980 el grupo el ga publegà l'àlbun Animal Magnetism, oncora co na cover provocante inte ła cuała na dona ła ze rafegurada in xanòcio de fronte a'l peto de un omo. El disco el raprezenta ła virada verso el pop metal, anca se za inte i ani setanta algune canson łe recalcava sto zènare. Nonostante òteme trase cofà "The Zoo" e "Make It Real", l'àlbun no'l ze stà ben acołiesto da ła crìtega. Daspò un poco de tenpo de 'sta usida, Meine el ga dovesto abandonar momentaneamente a cauza de problemi a łe corde vocałe.
![](http://upload.wikimedia.org/wikipedia/commons/thumb/2/2f/Scorpions-29.jpg/220px-Scorpions-29.jpg)
El suceso de Blackout
[canbia | canbia el còdaxe]Inte'l 1981 Meine el ga perdesto ła voze cusì gravemente che ghe ze stà anunsià che no'l gavarìa podesto pì parlar coretamente. Durante ła convałesensa de Meine, el grupo el ga tacà łaorar a un novo àlbum co'l contributo de'l cantante Don Dokken, ma ła repreza de Meine ła ze stada straordenaria e, rientrà inte'l grupo, el ga conpletà łe rezistrasion de Blackout co ła voze in parfeto órdene. Inte'l disco Don Dokken el ga cołaborà notevolmente a łe parte corałe par parméterghe a Meine de no strusiarse masa e de conpletar cuindi łe só cure.
Blackout el ze devenjesto uno dei best selling de'l grupo; el se ga pozisionà undezèzemo in Inghiltera, primo in Zarmania, inte i Stati Unii, in Fransa, in Japon, Austria, Zvesia e Zvisara. L'è devenjesto Disco de Platino grasie a łe canson come Dynamite, Can't Live Without You, When the Smoke Is Going Down, Arizona, Blackout e No One Like You; zera stà prezentà durando el só segondo tour inte i Stati Unii d'America (suportài par l'ocazion dai zòvani Iron Maiden).
Inte'l Blackout World Tour i Scorpions i dopararà par ła prima e únega volta na mascotte inte i só conserti: A zera ła cover de ła covertina de Blackout. Da Blackout fin pì tardi, inte i só conserti i Scorpions ga creà "ła piramida": tuti i conponenti i formava na piramida umana, altre volte ła piramide ła zera formà noma che da Rudolf Schenker (senpre a ła sanca), Matthias Jabs (senpre a ła dreta) e Klaus Meine che'l stava senpre so łe ganbe dei conpanji.
El 29 de majo 1983 el grupo l'a partesipà a'l US Festival ch'A se ga tenjesto a'l Glen Helen park a San Bernadino, Całifornia, in cuałità de co-headliners co i Van Halen davanti a ben 300.000 persone. In só conpanjia ga sonà anca altri famozi grupi tra i cuałi: Judas Priest, Ozzy Osbourne, U2, The Clash e altri.
Ła sima: Love at First Sting
[canbia | canbia el còdaxe]Inte'l 1984 el novo album, intitołà Love at First Sting, uno dei àlbun pì vendesti de ła storia del rock, ga catapultà i Scorpions inte l'enpireo de'l Rock e łi ga trasformà in star intarnasionałe.
El disco ga scałà łe clasifeghe e el ze deventà dopio platino ma el zera stà da novo criticà a cauza de ła só covertina che ła mostrava un omo bazar na dona fazéndoghe al steso tenpo un tatuajo so łe łache.
Tanti negosi iga refudà de vendar sto disco, e el fato el ze deventà na gag de'l film satirico This Is Spinal Tap. MTV ga fato anca a łongo zirar i video de Rock You Like a Hurricane, Bad Boys Running Wild, Big City Nights e Still Loving You, contribuindo de fato a'l suceso del disco.
Inte'l 1985 i Scorpions i ga rejistrà el live àlbun World Wide Live, che'l ze zonzesto a ła pozision n. 17 de łe clasifeghe mericane. Senpre inte'l 1985 i Scorpions i ga sonà a'l famozo Rock in Rio tenjùo a Rio de Janeiro in conpanjia de altri stòreghi grupi cuałi AC/DC, Iron Maiden, Queen, Whitesnake, Yes e Ozzy Osbourne.
Inte'l 1986 i se ga ezibìo al Monsters of Rock, par ła prima volta in un paeze oltra ła cusìdita cortina de fèro, in un parìodo inte'l cuało i do blochi orientałe e ocidentałe i zera oncora contraponesti da ła guera freda.
Savage Amusement e Crazy World
[canbia | canbia el còdaxe]Inte'l 1988 el grupo ga rejistrà un novo àlbun, intitołà Savage Amusement. L'album se ga piasà al nùmaro tre de łe clasifeghe anuałi statunitensi e al primo in cuełe Europee, e el ze stà seguìo da un enèzemo tour mondiałe. El disco anca se'l prezentava un sound a trati pì visin a łe sonoridà pop ch'A se pol aconparar a'l stiłe dei Def Leppard, el se ga revełà un bon suceso e el ga vendesto ben.
Durante el Savage Amusement touri Scorpions i zera stà tra i primi grupi de l'ovest a sonar inte l' Union Soviètega co un conserto a San Pietroburgo. Inte'l 1988 i Scorpions i ze ndài a'l Monster of Rock par ła segonda volta fasendo da headliner insieme ai Van Halen.
L'ano drio ła band ła ze tornà da novo in Rusia par na aparision a'l Moscow Music Peace Festival e, come rezultado, ła ga otenjesto na òtema popołarità in 'sta area: jera l'agosto 1989 e in conpanjia de altri grupi osidentałi, cuałi Bon Jovi, Mötley Crüe, Skid Row, Cinderella e Ozzy Osbourne, el se ga ezibìo davanti a 260 miłe rock fan rusi, a'l Moscow's Lenin Stadium. Durando 'sta serie de ezibision Meine el sostenjarà de aver vedesto i soldài de l'Armada Rosa piànzer a łe note de Holiday e cuesto el ghe chiede l'ispirasion che'l ło portarà a scrivar drioman ła famoza hit Wind of Change. Par seràr el contrato co ła caza discogràfega EMI, i Scorpions i pùblega inte'l 1989 un àlbun antołòzego intitołà Best of Rockers 'n' Ballads in cui spica el brano inedito Can't Explain (cover dei The Who) e algune varsion remixàe dei só sucesi. L'àlbun el otien un inaspetà suceso vinsendo el disco d'oro (el sètemo de ła band) inte i States e cuesto el ghe parmete ai Scorpions de partesipar a'l megaconserto organizà da Roger Waters inte'l 1990 e ciamà aponto "The Wall" par sełebrar ła cazùa de'l muro de Berlin cantando ła canson "In the Flesh". El grupo el ga un ròło inportante tra i artisti ospiti, fazendo e conpanjando cuatro canson.
Vołéndose definitivamente destacar da'l son produzesto inte l'ùltemo àlbun, i Scorpions i ga łisensià Dieter Dierks e i ga asumesto come novo manager Keith Olsen. Tornài in studio, daspò el trionfante tour europeo el grupo el ga insidesto Crazy World, disco che, grasie a un novo sound e a testi pì partesipi a ła travajada sena połitega de'l parìodo, el ze devenjesto un suceso de vendite: co ła soła Wind of Change, che ła ze stà publegà come singoło, el grupo el ze riusìo a incasar na mostruoza suma de danaro, sirca 7 miłion de dołari.
Ła bałàdaWind of Change ła ze stà ła canson hit de'l 1991 in tuto el mondo, ocupando ła pozision nùmaro 1 de łe hit parade de 11 nasion e resevendo el World Music Award come mejo canson che un grupo todesco el gabia mai fato.
I ani novanta
[canbia | canbia el còdaxe]![](http://upload.wikimedia.org/wikipedia/commons/thumb/3/3a/Skorpparit_ankkarokkaavat.jpg/220px-Skorpparit_ankkarokkaavat.jpg)
Inte'l 1992 Francis Buchholz el ze stà łisensià da'l grupo a cauza dei só grosi problemi co'l fisco todesco e el ze stà sostituìo da Ralph Rieckermann. El basista el conparise tutavia so ła covertina de l'album antołòzego Still Loving You venjesto fora so'l marcà in istà e contenjente na cołesion de ballads pì l'inedito Living for Tomorrow.
Inte'l 1993 i Scorpions i ga publegà Face the Heat co el novo produtor Bruce Fairbairn. El sound de'l disco el se ga rivełà pì metàłego e el ga fato sì che tanti fans, insodisfài, i zbandonase el grupo. Nonostante 'sto fato i singołi Alien Nation e Under the Same Sun i ga otenjùo un bon suceso, che no A se pol aconparar parò a cueło razonzesto da'l presedente Wind of Change.
In un'intarvista so Face the Heat, Klaus Meine el ga dizesto :
- Klaus Meine
- Go conponesto 'sta canson (Under the Same Sun) insenbre a Mark Hudson, un conpozidor statunitense; Bruce Fairbairn el me ga dito «Klaus parcosa no conpónito na canson insenbre a calchedun altro, par védar cosa ch'A nase»? Cusì A me so catà co Mark Hudson che'l gaveva conponesto un paro de canson so'l nostro ùltemo albun. Łu el ze un gran pasionà dei Beatles come mi, co sta òtega semo ndài so un restorante itałian cantando canson dei Beatles, una drio cheł'altra. El paron de'l restorante el ne ga dito «...A gavì da tornar doman de sera e cantar par nualtri, ve daremo da manjar a maca». El dì drio Mark el ze venjùo catarme co na ghitara da 30 dołari e el me ga fato sentir ła canson Under the Same Sun; gavevo ła me Video-càmara e A ghe go dito «Speta Mark che faso un video». Ła stesa sera semo ndài in studio a Vancouver e ghemo sonà ła canson; cueło che se sente so'l disco A ze ła sesion orizenałe.
Inte'l 1994 i Scorpions i ga vinsesto par ła segonda volta el World Music Award, suceso anplifegà da un conserto in tributo a Elvis Presley, insenbre a Michael Jackson, tenjùo a Memphis. Inte'l 1995 A ze stà publegà un novo live albun, Live Bites, el cuało el ga documentà łe ezibision da'l Savage Amusement Tour de'l 1988 a'l Face the Heat Tour del 1994. A ze prezenti anca do brani inediti in varsion studio: White Dove e Heroes Don't Cry.
Prima de l'usida de'l tredezèzemo disco da studio, Pure Instinct de'l 1996, el baterista Herman Rarebell el ga łasà el grupo par fondar na caza discografega. Curt Cress el ga sonà so l'albun prima che James Kottak el devenjese el sostituto permanente. Pure Instinctel ga prezentà na notévołe cuantità de bałade e i singołi Wild Child e You and I i ga otenjesto un suceso moderà.
Inte' 1999 A ze stà publegà Eye II Eye che'l ga prezedntà un canbio stiłistego de'l grupo, el cuało el ga utiłizà ełementi zmisiài de derivasion pop e techno.
El disco el ze stà mal acołiesto dai fan e'l video de'l singoło To Be No. 1, ispirà a ła storia de Monica Lewinsky, el ze restà sìnboło da l'insuceso de 'sto album. So ła cover de Eye to Eye A jera prezenti solche i menbri stòreghi, o sia Jabs, Meine e Schenker.
![](http://upload.wikimedia.org/wikipedia/commons/thumb/f/ff/Matthiasjabs.jpg/220px-Matthiasjabs.jpg)
Co ła cołaborasion de ła Berlin Philharmonic, el grupo el ga publegà un novo àlbun, Moment of Glory, che'l ga fato riafiorir łe critiche so ła band, acuzà de aver imità l'idèa de ła thrash metal band Metallica prezentada inte l'album live S&M, conponesto co ła cołaborasion de ła San Francisco Symphony.
I Scorpions i se ga defendesto sostenjendo che 'sto projeto el jera za nasesto inte'l 1995 ma no i gaveva mai catà modo de reałizarse, ma comuncue el disco el se ga rivełà scarso in cuałità e el ga vendùo poche copie.
Inte'l 2001 i Scorpions i ga publegà Acoustica, albun live co revizitasion in ciave acùstega dei so brani pì séłebri. Njanca 'sto albun, scarsamente prezià dai fan, el ze riusìo a resołevar łe sorte de'l grupo[2][3][4][5][6].
Unbreakable (2004-2006)
[canbia | canbia el còdaxe]![](http://upload.wikimedia.org/wikipedia/commons/thumb/7/7f/Jameskottaklive.jpg/220px-Jameskottaklive.jpg)
Inte el 2004 i Scorpions i ga desidesto de tornar al son dei veci tenpi e i ga publegà Unbreakable, disco che ga prezentà un son pì pezante e ben zestìo da trase come New Generation, Love 'em Or Leave 'em e Deep and Dark, che ga vendesto pì dei presedenti. L'album (che vede l'entrada in sena del novo basista Pavel Maciwoda) ga portà a un tour mondiałe intra el 2005 e el 2006 (fato in conpagnia dei Judas Priest): de sto tour spica ła data del concerto al Wacken Open Air Festival de l'edision 2006, concerto che se tien anualmente a Wacken, visin a Anburgo in Zermania. Intitołà A Night To Remember el concerto ga durà scuazi 3 ore co un totałe de 62.000 fans. Cheła sera al de fora de ła line-up corente de ła band (Rudolf Schenker, Klaus Meine, Matthias Jabs, James Kottak, Paweł Mąciwoda) jera prezenti anca Uli Jon Roth (chitarista del grupo intra el 1973 e el 1978), Michael Schenker (anca łu chitarista, inte el grupo intra el 1969 e el 1972 e 1979, fradèło minro de Rudolf Schenker), Herman Rarebell (baterista dal 1977 al 1995). Come ospite ghe xe stà anca Tyson Schenker, so fio de Michael e chitarista de otimo łiveło che ga sonà el famozo Bolero di Ravel. Sto concerto xe stà filmà. El DVD el xe stà meso in comersio ofisialmente el 10 de disenbre in tuto el mondo. L'altro grando momento de sto tour ga avùo łogo durante l'istà del 2006 (8 de łujo), co i Scorpions ga dazesto un gran concerto in Canada, a Québec par el Quebec City Summer Festival, davanti a pì de 80.000 persone. Senpre inte el 2006 i Scorpions ga publegà el DVD 1 Night in Vienna che ga prezentà 14 trase live e un documentario conpleto so'l grupo.
Humanity - Hour 1 e Sting in the Tail (2007-2010)
[canbia | canbia el còdaxe]El 25 de majo 2007 A ze venjùo fora in tuto el mondo un novo albun de'l grupo, intitołà Humanity - Hour 1, el 21º dei Scorpions, che'l ga prezentà sonoridà inedite par el grupo e pì visine a'l nu metal. El 2 de zunjo 2007 i Scorpions i se ga ezibìi, daspò 8 ani de asensa, in Itałia par sonar a'l festival Gods of Metal a l'idroscało de Miłan.
Ghe sarà Humanity Hour II?, parołe del cantante Klaus Meine: Cuesto A ze ciò che tuti i se ze drio dimandar. Podarìa èsar, chi ło sa?, deso nialtri A gavemo tacà el novo tour, el beło el ze che łe canson vècie słe ta ben co cuełe nove. Ghe ze tanti fans łà fora, tra st'altri ghe ze cuełi de vecia data e anca tozi zòvani. Fin deso A gavemo sonà a Łondra e a Parize e łà ghe jera na gran mota de zòvani, el beło el ze che cantemo canson che łe ze stàe scriveste prima che i nasese, e cuesto el ze tanto beło. A ze tanto beło védar ła zente che ła gode sentindo 'sta nova mùzega., [[#CITEREFCuesto A ze ciò che tuti i se ze drio dimandar. Podarìa èsar, chi ło sa?, deso nialtri A gavemo tacà el novo tour, el beło el ze che łe canson vècie słe ta ben co cuełe nove. Ghe ze tanti fans łà fora, tra st'altri ghe ze cuełi de vecia data e anca tozi zòvani. Fin deso A gavemo sonà a Łondra e a Parize e łà ghe jera na gran mota de zòvani, el beło el ze che cantemo canson che łe ze stàe scriveste prima che i nasese, e cuesto el ze tanto beło. A ze tanto beło védar ła zente che ła gode sentindo 'sta nova mùzega.|op. cit.]], Klaus Meine
Inte'l zenaro 2010 A vien reportada da'l sito de ła band ła notisia che a'l tèrmano de ła łonga tournée Get Your Sting and Blackout World Tour che seguirà el novo albun Sting in the Tail el grupo el se desfarà definitivamente, serando drio suazi 50 ani ła só storia[7].
"Sting in the Tail" el ze stà publegà el 17 de marso 2010 (14 marso in Gresa), e el raprezenta l'ùltemo albun in studio dei Scorpions. El prezenta un son desconpanjo dai só direti predesesori, in cuanto el se avisina tanto ai soni Hard rock/Hard n'Heavy dei ani otanta, co un son fresco e neto e donca moderno, na sorta de "regało de adio" ai fans, in partegołar a cuełi de łonga data.
El 27 de marso 2010 i se ga ezibìi inte'l programa "Wetten Dass..?" insenbre a'l sopran finlandeze Tarja Turunen inte'l primo singoło de'l novo albun: "The Good Die Young"!
Return to Forever e Born to Touch Your Feelings - Best of Rock Ballads (2014-presente)
[canbia | canbia el còdaxe]El grupo, pur anunciando inte'l zenaro 2010 el ritiro, co finise el 2014 anuncia ła publegasion de un novo album in studio che vien publegà inte i primi mezi del 2015; se trata de un album de brani scrivesti inte i ani 80, drìoman riprendesti e registrai tra el 2011 e'l 2014.
Inte'l 2015 i Scorpions ga anuncià el dizdotezemo àlbun in studio, intitołà Return to Forever e prevedesto par el 20 de febraro del steso ano. Par sto àlbun, el grupo ga reałizà 19 brani: 12 prezenti inte ła varsion standard e 16 in cueła deluxe. Ad antisipar ła publegasion xe stà el sìngoło We Built This House, publegà el 30 de zenaro par el download dizitałe.[8]
L'11 de marso 2016 ze venjesto fora in edision łimitada na riedision del àlbun denominada Tour Edition contenjente 3 dischi de cui el primo ze el CD conponesto da łe 19 trase registrae par sto àlbun, i altri ze do DVD che contien łe registrasion de do concerti del tour 2015; DVD 1 (Live in Brooklyn, 12 de setenbre 2015), DVD 2 (Live at Hellfest Francia, 20 de zugno 2015).
El 12 de setenbre 2016 Mikkey Dee, za baterista dei King Diamond e Motörhead, entra a far parte del grupo.[9] Dee jera za turnista dal zenaro 2016, cuando che'l gaveva sostituìo James Kottak.[9]
El 24 de novenbre 2017 ze stà publegà da ła RCA Records ła racolta Born to Touch Your Feelings - Best of Rock Ballads includesti tre novi inediti.
El 28 de avrìl 2020, i Scorpions ga publegà (so'l so canałe YouTube) na nova canson (un curtometrajo de 2 minuti e 16 segondi) intitołada Sign of Hope, ispirada a ła pandemia COVID-19. Tra el 2018 e'l 2020 el grupo ga łaorà a l'insizion de un novo àlbun de inediti che gavarìa da èsar publegà inte'l 2021.
Stiłe e influense
[canbia | canbia el còdaxe]El son hard rock/heavy metal produzesto dai Scorpions el ga ispirà racuante band sucesive a łori, cofà Krokus, Accept, Mötley Crüe, Iron Maiden e tanti altri, ma soratuto i conasionałi Bonfire, considarai i veri eredi de'l grupo todesco. I Scorpions i ga avesto un ròło notevołe de ispiradori, contribuìndo asé a ła nasita ds vari sotozènari de l'heavy metal e de'l rock in zenarałe. Inte ła só zoventù, Rudolf Schenker el ga dito un mucio influensà da grupi cofà i Rolling Stones, mentre Klaus Meine el ze stà influensà da grupi manco agresivi, cofà i Beatles. Da łe só notevołe influense dei ani sesanta, Rudolf Schenker el ga mantegnesto un modo de sonar setantian, a difarensa de Matthias Jabs che'l prezenta un stiłe fluido e vełose caratarìstego dei ani otanta.
El só primo àlbun Lonesome Crow, el ze fortemente orientà so'l rock psichedèłego ałora in voga in Zarmania (nomenà "Krautrock"). Co'l só segondo àlbun, Fly to the Rainbow, el grupo el scumisiarà a razonzer l'hard rock de cui A ze noti (tra cui spica el brano Speedy's Coming). Ma A ze co l'albun drio, In Trance, che i Scorpions i stabiłise definitivamente el só zènere: l'hard rock psichedèłego. In chel momento el só stiłe el zera ùnego grasie a'l ghitarista Ulrich Roth, łargamente influensà da Jimi Hendrix, co na vena di neo-clasisizmo che ła podeva èsar catà in Ritchie Blackmore dei Deep Purple a'l momento. Łe só influense łe ze vizibiłe: A se trata de grupi cofà Led Zeppelin, Deep Purple, Blue Öyster Cult e Alice Cooper.
In sèito a ła partensa de Roth el grupo el intraprendarà un ponto de zvolta par ła só cariera inte ła modernizasion de'l só zènare. El ponto de zvolta el ze avenjesto co Lovedrive, de'l 1979, e ła ze dovùa a'l contributo desizivo de'l novo ghitarista Matthias Jabs, co'l só son pì moderno de cueło de Roth e pì visin a un stiłe paragonabiłe a cueło de Eddie Van Halen. Cuesto el ze el son che'l se riunirà inte'l corso dei ani otanta, sinònemo de suceso intarnasionałe par el grupo.
I Scorpions i ze considarà inportanti esponenti de l'heavy metal, i ga infroensà racuanti grupi e i ga raprezentà el son heavy metal caratertìstego dei ani otanta. Le só canson inte ła só cristałinità, i só arpegi i ga influensà grupi cofà Dokken, Def Leppard, Ronnie James Dio, Bon Jovi. Lovedrive, Blackout e Love at First Sting i ze considarà intrà i pì grandi àlbun de heavy metal, mentre Tokyo Tapes e World Wide Live łe ze considaràe come parte dei mejo live rock. I Scorpions i ze stà nomenài ła 46a più grande band de hard rock di VH1. La rivista Rolling Stone ła ga definìo i Scorpions "ii eroi de l'heavy metal".
Formasion
[canbia | canbia el còdaxe]![]() |
Par savèrghene de pì, vardarse ła voxe Formazione degli Scorpions. |
Formasion atuałe
[canbia | canbia el còdaxe]- Klaus Meine - voze (1968-presente)
- Matthias Jabs - ghitara sołista, (1979-prezente)
- Rudolf Schenker - ghitara ritmica, (1965-prezente)
- Paweł Mąciwoda - baso, (2005-prezente)
- Mikkey Dee - bateria, parcusion (2016-prezente)
Ex menbri prensipałi
[canbia | canbia el còdaxe]- Michael Schenker - ghitara (1970-1973)
- Ulrich Roth - ghitara (1973-1979)
- Francis Buchholz - baso (1973-1992)
- Jürgen Rosenthal - bateria (1973-1974)
- Herman Rarebell - bateria (1977-1995)
- Ralph Rieckermann - baso (1995-2005)
- James Kottak - bateria (1995-2016)
Discografia
[canbia | canbia el còdaxe]![]() |
Par savèrghene de pì, vardarse ła voxe Discografia degli Scorpions. |
Albun in studio
[canbia | canbia el còdaxe]- 1972 - Lonesome Crow
- 1974 - Fly to the Rainbow
- 1975 - In Trance
- 1976 - Virgin Killer
- 1977 - Taken by Force
- 1979 - Lovedrive
- 1980 - Animal Magnetism
- 1982 - Blackout
- 1984 - Love at First Sting
- 1988 - Savage Amusement
- 1990 - Crazy World
- 1993 - Face the Heat
- 1996 - Pure Instinct
- 1999 - Eye II Eye
- 2004 - Unbreakable
- 2007 - Humanity - Hour 1
- 2010 - Sting in the Tail
- 2015 - Return to Forever
- 2022 - Rock Believer
Videografia
[canbia | canbia el còdaxe]![]() |
Par savèrghene de pì, vardarse ła voxe Discografia degli Scorpions#Videografia. |
Notasion
[canbia | canbia el còdaxe]- ↑ (EN) Scorpions Forsee Fantastic Future Following Farewell, billboard.com, 1º febbraio 2010. entrada il 1º febbraio 2010.
- ↑ Recension di Acoustica su Truemetal.it (ligo ronpesto dispunìbiłe in Internet Archive; védarse el istòrego, la prima version e ła ùltema). truemetal.it.
- ↑ Rudolf Schenker su Dinosaur Rock Guitardinosaurrockguitar.com. entrada il 20 ottobre 2019 (archivià dal URL orizenałe il 2 ottobre 2008 ).
- ↑ Schenker brother Rudy e Michaeldeanguitars.com.
- ↑ Gli Scorpions su All Music Guideallmusic.com.
- ↑ The 100 greatest artist of Hard Rockvh1.com.
- ↑ Scorpions: "Disco, tour e poi ci sciogliamo" Archivià il 14 de aprile 2021 in Internet Archive.
- ↑ Claudia Attanasi, Scorpions - We Built This House (Radio Date: 30-01-2015), EarOne, 26 gennaio 2015. entrada il 29 gennaio 2015.
- ↑ 9,0 9,1 √ Mikkey Dee (Motörhead) è il nuovo batterista ufficiale degli Scorpionsrockol.it. entrada il 13 settembre 2016.
Bibliografia
[canbia | canbia el còdaxe]- Christe, Lan. Suono della bestia. La storia completa del Heavy metal. HarperCollins 2003. ISBN 0-380-81127-8
- Martin C. Strong. The great rock discography., Giunti, 1998. 1120 ISBN 88-09-21522-2
- Walser, Robert. Running with The Devil. Wesleyan University Press, pgs. 2. ISBN 0-8195-6260-2.
- M. C. Strong (1998). The great rock discography. Giunti, pg. 722. ISBN 88-09-21522-2.
- Philip Dodd (2005). The Book of Rock: from the 1950s to today. Thunder's Mouth Press. ISBN 1-56025-729-6.
- Scorpions Biography. www.bighairmetal.com. Retrieved on 2008-04-12.
- All Music Guide review of the album. allmusic.com. Retrieved on 2007-05-18.
- Klaus Meine podcast interview. Stuck in the 80s (2007). Retrieved on 2007-11-26.
- Interview with Klaus Meine. Classic Rock Revisited (2007). Retrieved on 2007-11-17.
Altri projeti
[canbia | canbia el còdaxe]Wikimedia Commons el detien imàjini o altri file so Scorpions
Linganbi foresti
[canbia | canbia el còdaxe]- Sito ufisałethe-scorpions.com.
- Scorpions (canale ufisałe)YouTube.
- ScorpionsLast.fm, CBS Interactive.
- (EN) ScorpionsAllMusic, All Media Network.
- (EN) ScorpionsDiscogs, Zink Media.
- (EN) ScorpionsMusicBrainz, MetaBrainz Foundation.
- (EN) ScorpionsWhoSampled.
- (EN) ScorpionsSecondHandSongs.
- (EN) ScorpionsEncyclopaedia Metallum.
- (EN) Scorpionsgenius.com.
Controło de autorità | VIAF (EN) 153545381 · ISNI (EN) 0000 0001 1091 6387 · LCCN (EN) n92004348 · GND (DE) 5168096-8 · BNF (FR) cb139064042 (data) · WorldCat Identities (EN) n92-004348 |
---|