Endùstria
| Endùstria | |
 | |
| Setore segondario de ła economia |
El termine industria el njien doparà par dirghe a na calsiasi atività umana che la njien fata col fin de crear beni o servisi.[1]
El termine el deriva dal latin industria (-ae) (de etimoloxia inçerta), che signifega "operoxità" e "atività".[2]
Storego
Xà inte la preistoria le vegnea fate tante atività de trasformasion de materiałi par otegner dei beni (par exenpio la produsion de arnexi in piera), ma par vedare la creasion de na vera e propria industria, bixogna star là spetar finmente la fin del XVIII secolo, co xe rivà la cusì ciamada rivołusion industriałe, che la xe scumisiada co el scumisio del xvilupo de l'endustria tesiłe in Granda Bretagna,[1] da andove xe partio anca el xvilupo de l'Endustria siderurxega.[1]
Inte el XX secolo ghe xe sta n'altro progreso industrial, propio co se ga tacà a doparar el petrolio e el gas naturale come prinçipali fonti enerxedeghe,[3] e co ste cuà anca la nasita de novi stàbiłi e de conseguense nove opurtunità laoradive.[3] Sta cresita economega la se ga ralentà inte i ani sesanta, par colpa de la crixi del petrolio,[3] andove se ga visto la manodopara pasar dal setore segondario (setor andove l'endustria ghe fa parte) al setore tersiaro (setor orientà al fornimento dei servisi)[3], particolarmente par chel che rivarda a l'industria de l'informadega e de la tełematega[1], che le se xvilupa inte el contenpo a la segonda guera mondiale, come conseguensa del vegner vanti de barufamenti intrà nasion[1].
Dopo a sta ultima trasformasion laoradiva, el termine "endustria", el njien doparà in senso pì grando e largo anca pal setor tersaro, inte el segnifegà de "industria dei servisi".
Descrision
El steso termine el njien doparà in senso pì strenxuo par dirghe a algune atività de produsion de beni che i fa parte del setore segondario de l'economia,[1] faxendose diverso in sto modo da l'industria de la produsion agricola (setore primario) e da la produsion de servisi (setore tersiario). In senso oncor pì strenxuo, el termine el jien doparà par dirghe a la sola produsion de beni del setore segondario produsion in serie, o sia traerso proçedure stàndar, permetendo cusì de produre beni in grandi cuantità, a difarensa de l'artexanà, andove el prodoto el njien fato in cuantità limitae.[4]
Sta carateristega la fa l'atività endustriale pì fadigosa in confronto a chela artixanale, dovendo in sta manjiera doparar un model de organixasion struturà (pì o men conpleso), aplicasion de stàndar par la produsion in serie, la doparasion de machine e de enfrastruture par la produsion, un schema predeterminà de divixion dei laori, un sistema de distribusion comerçale so un area pì granda e un atento studio de fatibiłità par minimixar el ris-cio par l'inprexa che pole derivar da la costrusion de un stabiłimento endustriałe. De conseguensa se pole dire che in endustria el capitałe e la finansa i domina rispeto a altri fatori che i xe invese dominanti inte l'artixanà.
I setori prinçipali
L'industria la xe divixa in tanti setori, ogniuno co na propria speçalixasion e la xe in continua evolusion propio parché la ga da adatarse continuamente a le exijense de consumo e a le nove tecnołoxie de produsion. Na olta el termine "industria", la vegneva doparada par rifarirse a la produsion de prodoti tocabili, parò oramai da tenpo, la njien doparada anca par prodoti che no i pole esar tocai, come par exenpio i servisi[5].
Na clasifegasion dei vari setori industriali, la pole esar cusì:[1]
- industria dei prodoti: (industria che produxe beni materiali)
- agricoltura
- atività comerçali e di distribusion
- atività industriali in senso streto
- industria mineraria (o de estrasion)
- industria manfaturera: (Trasformasion de beni) pae exenpio l'industria metałurxega, l'industria chimega, l'industria petrolchimega, l'industria farmaçeudega, l'industria mecanega, l'industria automobilistega, l'industria aerospasiałe, l'industria aeronaudega, l'industria eletronega, l'industria del software, l'industria del magnare e l'industria tesiłe
- industria enerxedega: (atività de trasformasion de l'energia tirada fora da particolari fonti enerxedeghe in altre forme
- industria dei servisi: (industria che produxe servisi)
- bancario e asicurativo
- trasporto e loxistega
- sicuresa
- educasion
- editoria e radio-televixivo
- consułensa ("industria de la consulensa")
Note
- ↑ 1,0 1,1 1,2 1,3 1,4 1,5 1,6 Enciclopedia Treccani, "industria"
- ↑ Vocabolario Treccani, "industria"
- ↑ 3,0 3,1 3,2 3,3 Sapere.it - "Industria"
- ↑ Infatti, in tanti comuni italiani esiste la zona "industriale" e/o quella "artigianale": nella prima solitamente sono presenti fabbriche di medio-alta dimensione, nella seconda officine e botteghe.
- ↑ Ad esempio: pur non producendo nessun articolo venduto Amazon ze un classico esempio di industria nella commercializzazione e distribuzione.
Wikimedia Commons el detien imàjini o altri file so indùstria
el detien schemi gràfeghi so
| Controło de autorità | LCCN (EN) sh85065960 · GND (DE) 4026779-9 · BNE (ES) XX524645 (data) · NDL (EN, JA) 00566171 |
|---|