Paezi Basi
I Paéxi Basi (Nederland), spéso ciamai cofà Ołanda, i xe un Stato de l'Europa osidental confinante a sud co'l Belgio, a est co ła Germania e a nord e a ovest co'l Mar del Nord. I xe ła parte prinsipal del Regno dei Paéxi Basi, che'l conprénde anca łe ìxołe caraìbiche de łe Antiłe Ołandéxi e de Aruba.
I Paéxi Basi i xe uno dei Stati pi densaménte popołai del móndo e i xe famóxi parché el teritorio el xe in bóna part robà al mar e par ła łejislasion łiberal in canpo social (a es. riguardo ła sfera sesual e qûeła de łe droghe). El łivel de vita dei abitanti el xe considerà infra i mejo del móndo.
Ła capital ła xe Amsterdam, ma el governo, el parlamento e ła rexidénsa del sovran i xe tuti a L'Aia (Den Haag), indove che i ga anca séde ła Córt Internasional de Justisia e el pena istituìo Tribunal Penal Internasional. Indeso el sovran el xe ła regina Beatrice, invese el primo ministro el xe Jan Peter Balkenende.
Altre çità inportanti łe xe Rotterdam, Maastricht, Eindhoven e Utrecht. Locałità conussude - anca dal punto de vista turistico - łe xe anca Alkmaar, Apeldoorn, Arnhem, Delft, Dordrecht, Edam, Enschede, Gouda, Groningen, Haarlem, Heenrenveen, Leida, Marken, Monickendam, Nijmegen, Volendam e Zwolle.
Paéxi Basi o Ołanda?
In maniera conpagna a qûeło che capita pa'l Regno Unìo che tante volte el vien ciamà cofà Inghiltera, i Paéxi Basi i vien comuneménte ciamà co'l nome de Ołanda (Holland), che propiaménte el sarìa sol la part pi popołà del paéxe, ovéro łe do province de l'Ołanda Setentrional (Noord-Holland) e de l'Olanda Meridional (Zuid-Holland).
Storia
Sotomeso da Giulio Cesare nel I secolo a.C., el sud dei Paesi Bassi el xe sta el confine del mondo romano fin a la disgregazion de l'Inpero.
Indopo nel paese a xe ndà starghe i Sàsoni e i Franchi. Ne l'VIII secoło i Paesi Basi i faxea parte del Sacro Romano Inpero fondà da Carlomagno. Dopo de łu xe vegnù su vari prinsipadi semi-indipendenti, che i xe restà formalmente sudditi de l'Inpero fin al XV secolo, quando i xe pasà soto a el controlo direto de la fameja inperiale dei Asburgo.
Nel XVI secolo la popolasion ołandese la ga acolto ben la Riforma protestante. L'inperador Carlo V el ga finìo par acetare la situasion, ma co l'è morto (1558) l'intransigenza del so erede Filipo II (re de Spagna) la ga provocà na rivolta. Dopo na longa guera, conossiùa come Guera dei Otant'ani, la Republica de le Sete Province Unìe la xe deventà na realtà.
Nel XVII secolo i olandesi i ga fondà un mucio de colonie in India, Indonesia e ne le Meriche, i cui commerci i xera manegià da la Conpagnia Olandese de le Indie Osidentali. Fatostà però che el secoło el xe finiò co na serie de guere che łe ga segnà la fine de l'espansion dei Paesi Basi.
El secoło dopo, el XVIII secolo, el xe sta bastansa chieto fin a ła Rivoluzion francese del 1789: póchi ani dopo i francesi i ga invadesto i Paesi Basi, dove i ga costituìo prima la Republica Batava e indopo el Regno de Olanda, finché non i li ga unìi a la Francia.
El Congresso de Viena el ga restaurà el Stato olandese, faxendoło diventar na monarchia. El regno el ga perdùo diversi posedimenti estraeuropei, ma ghe xe sta tacà el Belgio e el Lusenburgo. Sta situasion no la xe mia 'ndà vanti tanto: nel 1830 el Belgio el ga otegnù l'indipendenza fasendose jutar dai francesi e nel 1890 anca el Lusenburgo el xe deentà indipendente.
I Paesi Basi i ga proclamà la so neutralità in tute do le guere mondiali. Ne la prima guera mondiale i altri paesi i la ga sostanzialmente rispetà. Inveze ne la seconda guera mondiale el paese el xe sta ocupà da la Germania nazista nel corso de la Canpagna de Francia (majo 1940); nel 1942 anca l'Indonesia la xe sta ocupà dal Giapon. La liberazion la xe rivà nel majo 1945.
Nel 1948 i Paesi Basi i ga fato l'union doganae del Benelux co'l Belgio e co'l Lusenburgo. A partir dal 1949 i Paesi Basi i ga dovesto rinunciar a gran parte del so inpero colonial. Grazie anca ai aiuti statunitensi del Piano Marshall ła perdita de le cołonie no la ga portà dificoltà de schei, anzi l'economia olandese la ga vudo na fase de rapida crésita.
Da łora la politica estera ołandese la xe dominà da l'inpegno de crear o rinforsar łe istituzion internasionai che ła fa parte, come l'ONU, la NATO e l'Union Europea.
Giografìa
Ła caraterìstica prinsipal de la giografìa ołandéxe ła xe ła piatésa del teritorio: sérca el 50% de ła superficie ła xe a manco de 1 metro sóra el livel del mar. Na caéna de dune e dighe łóngo łe coste e łe rive dei fiumi prinsipałi ła inpedise che ste xone łe vegne inondae, e intanto tante stasion de ponpajo łe provéde a rimòvar l'aqua piovana in più.
Ła guera par cavar la tera al mar e ai fiumi ła xe uno dei discorsi ricorénti de ła storia e de ła giografìa ołandéxe. Defati bóna part del teritorio ła xe fata da pólder, overo da tereni cavai al mar o a lagune e pałude costiere.
El punto pi alto dei Paéxi Basi el xe el Vaalserberg (321 m s.l.m.), inte l'estremo sud-est del paéxe.
Idrografia
I Paesi Basi i xe divisi in do parti prinsipai da un sistema inbrojà de fiumi che el scuminsia da la Schelda, e soratuto da la Mosa e dal Reno, che in teritorio ołandese i fa un delta conplicà, i cui rami pì inportanti i xe conosudi come Waal, Lek, IJssel e Amstel.
Sta division la xe inportante anca dal punto de vista cultural, come se poe capire dai difarenti diaeti parlà nel nord e nel sud, e 'ncora pì da la predominanza catolica ne la region a sud dei fiumi e protestante calvinista nel nord, in particołare ne le province frisone a nord de l'IJssel.
La giografia ołandese la ga patìo evolusion consistenti in età storica. Nel 1287 na granda tonpesta la ga travolto le dune costiere e la ga parméso al mar de riversarse ne l'interno del Paese, formando el golfo noto come Zuiderzee. Nel 1932, con la costrusion de la diga ciamà Afsluitdijk (diga de sbaramento) fra la Frisia e l'Olanda Setentrional sto golfo el xe sta da novo separà dal mar e trasformà nel lago IJsselmeer, che indopo el xe sta in parte sugà su, diventando cusì la provincia de Flevoland.
Clima
El clima dei Paéxi Basi el xe oseànego tenparà. I inverni no i xe tanto frédi: ła tenperadura media a Xenaro ła resta de calche grado sóra el xero, anca se łe giasade łe xe frequénti. L'istà ła xe frésca e piovóxa, có tenperadure media a Łułio de poc sóto i 20 °C.
Sitadenansa
ła sitadinansa l'è ùniega (tuti i abitanti i ga sitadinansa olandéxe e donca i xe anca sitadini UE) ma ogni Stato el ga na monéda sua: i Paexi Basi i dopra l'Euro (prima i gavéa el Fiorin olandéxe), invese łe Antiłe Olandéxi łe ga mantegnesto el fiorin de łe Antiłe Olandexi e Aruba l'à mantegnùo el Fiorin de Aruba.
I xe drio discùter su riforme da far inte ła federasion.
Stati de ła Federasion
- Paéxi Basi europèi - divixi in 12 provinse
- Antiłe Ołandexi - divixe in 5 teritori
- Aruba - na ìxoła soła.
Na particołarità: uno de sinque teritori che fórma łe Antiłe Olandexi el xe Sint Maarten, cioè metà de na ìxoła condivixa co ła Fransa: l'altra mesa ìxoła, defati, ła ga nome Saint Martin e sicome ła xe parte conpleta de ła Fransa, l'à come scheo l'Euro e no el fiorin de łe Antiłe.
|
Stati par indice de svilupo uman |
||
| Cuel prima | Cuel daspò | |
| Stati Unii de ła Mèrica | 4° posto | Germania |
.svg){kind=small}
.svg){kind=small}
.svg){kind=small}
.svg){kind=small}
.svg)