Williams F1
|
Williams | |
| Stagioni | 1972-2008 |
| Risultato mejo | 9 volte Campione del Mondo |
| GP disputà | 501 |
| GP vinti | 113 |
| Pole-position | 125 |
| Aggiornato a MAL 2008 | |
|
Sircuiti | Fornitori | Gran Premi | Persone | Piloti | Scuderie | Stagioni | Machine | |
La Williams F1, o anca Williams Grand Prix Engineering la xè 'na scuderia britanica de Formula 1, che la gha visù 'na stagion de grandi sucexi durante i ani otanta e noanta. La xè stà fondà da Frank Williams, da cui la ciapa el mom. Frank Williams ghà scominsià la cariera de piloa 'ntel 1969, acorgendose solo en seguito de non averghe on gran talento. 'Ntel 1977 gha fondà la scuderia che ancor ogi la porta el so nom e che gha en lu 'na guida carismatega. Con lui ala guida del team el xè Patrick Head, talentoso progetista e paron dele veture che ad ogni stagion le serca de conquistar i doi canpionai del mondo.
Esordi e primi sucexi
'Ntel 1976, la prima esperiensa da progetisti, con Brian McGuire che el gh'acquista 'na loro vetura par corer con la propria scuderia (la McGuire), 'ntela Shellsport.
Per vedar parò la prima vitoria bisogna atendar el 1979 e el Gran Premio de Gran Bretagna, vinto dala seonda guida Clay Regazzoni. 'Ntel corso dela stagion Alan Jones, prima guida, gha vinto poi quatro dele sie gare rimanenti, portando a casa on bon seondo posto 'ntela clasifega costrutori.
L'ano suciesxivo a Jones ghe riese de conquistar el titolo piloi, bisà poi 'ntel 1982 da Keke Rosberg. A livelo de canpionà costrutori altri doi xeli i titoli, 'ntei ani 1980 e 1981.
Colaborasion con Honda
Fin ad ora Frank ghavea corso coi motori Ford-Cosworth, ma 'ntel 1984 el ghe sceie de utilixar i propulsori Honda. La scelta la se rivela felixe e la ghe porta la scuderia a trionfar 'ntela clasifega costrutori 'ntel 1986 e 'ntel 1987, ano in cui la vinse anca el titolo piloi con Nelson Piquet, parò anca oltemo ano coi propulsori Honda. El ano sucexivo el xè duro: i motori Judd selti par spinger l'auto i se rivela insufisienti, procurando ala squadra molti problemi mecanixi. 'Ntel fratenpo la Renault ghavea dexiso de rientrar 'ntel sircus.
Colaborasion con Renault e i ani del dominio
Scominsia quindi el vero dominio Williams, che, con l'auxilio del V10 fransese, ghe porta ala scuderia 'na quantità de sucexi par bona parte dei ani Noanta: canpionà costrutori 'ntel 1992, 1993, 1994, 1996 e 1997, aconpagnai dai titoli piloi conquistai da Nigel Mansell (1992), Alain Prost (1993), Damon Hill (1996) e Jacques Villeneuve (1997). 'Ntel mexo el luto par la morte de Ayrton Senna 'ntel Gran Premio de San Marin del 1994, mentre l'era ala guida dela Williams n.2. L'aso brasilian xè stà poi sostituio da David Coulthard, e sucesivamente dal rientrante Nigel Mansell, che affiancò el capitano zero (la xera infati la seonda stagion consecutiva che Frank Williams el perdea el canpione del mondo: pria Mansell, quindi Prost) Damon Hill, che ghà perso 'ntel 1994 el titolo piloi solo par on punto 'ntea sfida con Michael Schumacher, che alora ghevea conquistà el so primo aloro iridà.
Le stagioni 1998 e 1999 le xè stae molto difixili, en quanto la Renault la xera disimpegnaa dala Formula 1 e quindi Frank Williams ghà dovuo far spinsere le veture con modori prima Mecachrome, poi Supertec (guidaa prima da Bernie Ecclestone poi da Flavio Briatore): questi motori non i non riusiva a garantir la necexaria afidabilità e velosità ale veture, che le xè naufragàe 'ntela medio-basa clasifega, proprio mentre McLaren e Ferrari le stava usendo da on longo periodo de crisi.
Colaborasione con BMW
_in_practice_at_USGP_2005.jpg)
Dal 2000 le Williams le scominsia a esar spinte dai modori BMW, coi quai la squadra gh ussia dala crisi de risultai. Sin dala prima stagione seli stai otenui i primi risultai positivi, con Ralf Schumacher e el debutante Jenson Button. 'Ntel 2001 Jenson Button xè stà sostituio dal colonbian Juan Pablo Montoya col qual la Williams gha sfiorà 'ntel 2003 entranbi i mondiai. Con BMW la Williams gha otenù 10 vitorie, l'oltema dee quai conquistaa proprio da Juan Pablo Montoya 'ntea gara final del 2004, el Gran Premio del Brasil.
'Ntel 2005 la Williams ghà canbià entranbi i piloi, schierando Mark Webber e Nick Heidfeld.
Colaborasion con Toyota
'Ntel 2006, ala luxe del definitivo divorsio tra el motorista BMW (che gha acquistà el team Sauber) e el team inglese, le Williams sele pasae novamente atraverso on periodo de transision coi motori clienti Cosworth. De sti modori nol xera stao garantio el svilupo, infati la stagion xè stà conpromexa da on modor non a l'altexa dela vetura, sia par potensa, sia par afidabilità. A partir dal 2007, con Nico Rosberg e Alexander Wurz, e suciexivamente con Kazuki Nakajima dal'oltema gara del 2007, la squadra xè stà equipagià novamente da on modore ufisial: quel Toyota. El 2007 el xè serà en maniera pitosto positiva rispeto al 2006, con el quinto posto 'ntel mondiale costrutori (divenuo quarto a causa dela squalifega dela McLaren) e con on podio de Alexander Wurz 'ntel gran premio del Canada, el primo dal 2005.
I titoli piloti
Stagione
|
Campione
|
Punti
|
Vittorie
|
Pole position
|
Giri più veloci
|
67 |
5
|
4 |
5
| ||
44 |
1
|
1 |
0
| ||
73 |
3
|
4 |
4
| ||
108 |
9
|
14 |
8
| ||
99 |
7
|
13 |
6
| ||
97 |
8
|
9 |
5
| ||
81 |
7
|
10 |
3
|