Gran Baja Austrałiana
  | ||||
| Sorte | Baja | |||
|---|---|---|---|---|
| Parte de | Osèano Indian | |||
| Liogo | ||||
| Nasion rivaresca | Austràlia | |||
| Rejon aministrativa | Austràlia | |||
| ||||
| Afluente | ||||
|
| ||||
Ła Gran Baja Austrałiana (in inglexe Great Austalian Bight) el xe una porxion [1] del'Osèano Indian.
Ła se cata tra le coste meridionałi de l'Austrałia a nord chełe de ła Tasmania a est. Ła comunica a est co el Mar de Tasman tramite el Streto de Bas, a sud e ovest diretamente co l'Osèano Indian. [2]
Łe so' całanche pì grande łe xe el Golfo de Spenser e el Golfo de San Vincenso, entranbe łe se cata 'nteła so' porxion nordoriental.
Zeografia fixica
[canbia | canbia el còdaxe]L'area che ła coverse ła xe tanto granda, cofà ła so' profondità. I so fondałi i xe costituii prevałentemente da crosta osèanica. Inteła so parte meridional se cata el Basin de l'Austrałia meridional (che inte el Osèano Indian riva a 5708 m).
Ła Gran Baja Austrałiana ła coverse da nord verso sud ła piataforma continental austrałiana e un fianco de ła Dorsal de l'Indian Sudoriental. El fondo marin ga tacà a formarse xà intel Mesosoico par l'apertura de na nova dorsal che ga separà ła piataforma continental de l'Austrałia a nord e cheła de l'Antartide a sud.
Ła xe atraversada in superfisie da ovest a est dal fluxo caldo de ła Corente de Lèuin [3], e in fondità de est verso ovest da do fluxi fredi: ła Corente de Flinders e el Fluso de Tasman.
El fiume pi importante che el se jeta intełe so acue el xe el Mari.
Al so interno se cata l' Arsipełago de ła Riserca e l' Ixoła dei Canguri.
Zeografia umana
[canbia | canbia el còdaxe]L' unico paexe che el se cata su łe so coste el xe l'Austrałia.
Łe so sità pi grande łe xe Adelaide, Porto Augusta el xe un groso porto indusrial, un inportante sentro de pesca el xe Porto Łiṅcen.
No ła xe particołarmente pescoxa, ma se pol catar sardełe e tòni inte ła so' parte sentral e crostacei łongo łe coste sudorientałi e a l'estremo ovest.
Note
[canbia | canbia el còdaxe]- ↑ Storicamante ła vien considerada na baja (en inglexe bight) par ła so forma blandamente arcuada, ma viste łe dimenxion e ła comunicaxion direta co l'osèano, podaria benisimo eser considerada un golfo o un mar adiasente.
- ↑ Secondo interpretaxion pì restritive invese ła va da Cao Pasley a ovest fin al Cao Carnot inte ła Penìzoła de Er.
- ↑ Sta corente ła xe conosua in Tasmania col nome de Corente de Zeehan
Altri Projeti
[canbia | canbia el còdaxe]
Wikimedia Commons el detien imàjini o altri file so Gran Baja Austrałiana
el detien schemi gràfeghi so
Linganbi foresti
[canbia | canbia el còdaxe]- (EN) Great Australian BightEnçiclopedia Britannica, Encyclopædia Britannica, Inc.
- (EN) Parco marin de ła Gran Baja Austrałiana Archivià il 12 de zunjo 2010 in Internet Archive.
| Controło de autorità | VIAF (EN) 234360251 · LCCN (EN) sh92003612 · GND (DE) 4835705-4 · WorldCat Identities (EN) 234360251 |
|---|