AIDS

L'AIDS xe la forma breve del nome inglexe acquired immune deficiency syndrome, che vol dir sindrome acquisita de scarsa imunità. Stà sindrome xe cauxa dal virus ciamà HIV (human immunodeficiency virus - virus de scarsa imunità umana). No se conose na cura contro stà sindrome, anca se ghe medisine che ralenta la malatia. Co el sistema de imunità naturale no lavora mia, tute le infesioni che uno pol torse le diventa pericolose. Man man che uno el diventa pi debole, le infezioni le diventa pi forti. El malà no more mai de AIDS, ma de infesioni che el corpo no l'è bon de metar soto controlo. La trasmision del virus vien traverso el contato de fluidi: sangue, late materno par i buteleti, scambio de aghi de le siringhe. Se sa che el virus el sa svilupà a sud del Sahara ne i primi ani del secolo scorso. Ancò, l'AIDS se cata en tuto el mondo, anca se in Africa ghe la majoria de maladi.