Luciano Pavarotti
Luciano Pavarotti (Modena, 12 de otobre 1935 – Modena, 6 de setenbre 2007) xe stà un tenor itałian. El xe stà tra i artisti italiani pì apresà in tuto el mondo par ła so voxe e par ła so' particolar sinpatia. El xe ritenùo un de quei che i ga fato granda la storia de ła mùxica itałiana a łiveło mondial, insieme co Enrico Caruso, Beniamino Gigli, Franco Corelli, Mario Del Monaco, Giuseppe Di Stefano e Carlo Bergonzi. Co el spetacoło "Pavarotti & Friends" e łe so' tante cołaborassion (xe da ricordàr la costitusion del grupo de I Tre Tenori, co Plácido Domingo e José Carreras), l'ha consolidà na popołarità che ga dà el modo de farse conossar dapartuto, anca al de fora del'anbito musical, tanto da essar considerà el mejò dei tenori itałiani de tuti i tenpi. Co piassé de 100 milioni de copie vendùe in te'ł mondo; el par che sia, anche par łe vendite, intrà i primìsimi cantanti de ogni tipo de musica.
.jpg)
Biografia
canbia"Cuàndo Pavarotti xe nasuo, Dio el ga basà le cordełe vocałi"
Fiol de Fernando Pavarotti e de Adele Venturi, e gavea na soreła, Gabriella. A so pare el ghe piasea cantar, ma łu no gavea mia fato el conservatorio. Xe nà a scoła a l'Istituto Magistrałe de Modena (ła stessa de Francesco Guccini) e da xovene el vołea deventar profesor de ginastica. Ghe piasea cantar e łora ga deciso de andar a studiar par deventare cantante. El xera tanto brao e inte el 1961 el ga vinto un concorso: l'Achille Peri; in queł steso anno el ga scomisià a cantar inte ła musica lirica. Visto che xera stà apresà da tanti, xe sta ciamà a cantar anca fora da l'Itàlia. El gà avùo tanto suceso in tanti Stati, soratuto inte ła Amèrica, e xe sta łà par tanti ani. Cuàndo ch'el xe tornà in Itałia, ga fato tanti spetacołi a Verona, inte l'Arena. Dal 1990 a ła so morte, el ga fato altri spetacołi in giro par el mondo: in Brazil, in Rusia, in Inghiltera e in tanti altri Stati. In sti ani el ga fato anca spetacołi co i Tre Tenori. El xe morto inte el 2007 neła so viła a Modena par un tumor.
Wikimedia Commons el detien imàjini o altri file so Luciano Pavarotti
el detien schemi gràfeghi so
| Controło de autorità | VIAF (EN) 64091790 · ISNI (EN) 0000 0001 1658 5187 · El vałore RAVV075445 de SBN no el xe mija bon. · Europeana agent/base/148007 · LCCN (EN) n81012217 · GND (DE) 118592270 · BNF (FR) cb12404177z (data) · BNE (ES) XX852699 (data) · NLA (EN) 36268558 · NDL (EN, JA) 00539045 · WorldCat Identities (EN) n81-012217 |
|---|