Łago de Mixurina
El Lago de Mixurina (en itałian: Lago di Misurina) el xe un lago alpin de l'Vèneto, en Itałia, situà 'nte 'l paexe de Mixurina (it. Misurina), frasion de Auronso de Cadore, en provincia de Bełun. El xe el pì grando lago naturałe del Cadore e el xe soranominà "ła perla de łe Dołomiti[1][2].
![]() ![]() | ||||
Sorte | Łago ![]() | |||
---|---|---|---|---|
Liogo | ||||
Nasion rivaresca | Itàłia ![]() | |||
Rejon aministrativa | Vèneto (Itàlia) ![]() | |||
Caena montagnoza | Dołomiti ![]() | |||
Afluente | ||||
Emisàrio | Ansiei ![]() | |||
Dati e sifre | ||||
Altitùdene | 1 754 m ![]() | |||
Prodondità | 5 m ![]() | |||
Mezura | 0,3 (![]() ![]() | |||
Àrea | 15 ha ![]() | |||
|
![](http://upload.wikimedia.org/wikipedia/commons/thumb/c/c3/Misurinasee.jpg/270px-Misurinasee.jpg)
Orìxene de 'l nome
El nome Misurina el deriva da l'espresion "mexo ai rin", che ła xe dovuda al fato che se pensava che sia el Piave che l'Àdexe i nasese dal lago de Mixurina.[1]
Giografia
Cołocasion
El lago de Mixurina se cata a est de ła frasion de Mixurina.[3] El lago de Mixurina el xe situà a 1.756 m.s.l.m.[1] e el xe çircondà da vete cuałi łe Tre Çime de Lavaredo, el Sorapiss, i Cadini e el Monte Cristało[1][3].
Lejende
Secondo la lejenda, el lago el saria stà un regało de ła fata de 'l Monte Cristało a Mixurina, ła fioła del re Sorapiss, che la vołeva un specio màjico.[1][2] La condision gera che so pare vignese trasformà en na montagna: a ła fine però Mixurina xe cascà xò da 'sta montagna e da łe làgrime versà da so pare saria nato el lago.[2]
Sport
'Nte 'l 1956 el lago de Mixurina el ga ospità łe gare de patinajo dei Xughi Olìnpeghi invernałi de Cortina.[2]
El Lago de Mixurina 'nte ła cultura de masa
- Al lago de Mixurina xe dedicà la canson Il lago di Misurina de Claudio Baglioni, publicà 'nte l'àlbun Sabato pomeriggio del 1975[4]
Note
- ↑ 1,0 1,1 1,2 1,3 1,4 Lago di Misurina su Infodolomiti
- ↑ 2,0 2,1 2,2 2,3 Lago di Misurina su Dolomiten.net
- ↑ 3,0 3,1 Lago di Misurina su Google Maps
- ↑ Claudio Baglioni – Sabato Pomeriggio so Discogs
Altri projeti
- Wikimedia Commons el detien imàjini o altri file so Lago de Mizurina