Joniqul Yusupov
Joniqul Yusupov | |
---|---|
Tavalludi |
1918-yil |
Vafoti |
1988-yil Zormon qishlogʻi, Past Dargʻom tumani, Samarqand viloyati, Oʻzbekiston SSR |
Fuqaroligi |
![]() |
Taʼlimi | Samarqand qishloq xoʻjalik instituti |
Kasbi | paxtakor |
Partiyasi | KPSS |
Unvoni |
![]() ![]() |
Mukofotlari |
![]() ![]() ![]() ![]() ![]() ![]() |
Joniqul Yusupov (1918-yil, Past Dargʻom tumani, Samarqand viloyati, Turkiston ASSR — 1988-yil, Past Dargʻom tumani, Samarqand viloyati, Oʻzbekiston SSR) — sovet davlat va jamoat, siyosat arbobi, Sotsialistik Mehnat Qahramoni, Ikkinchi jahon urushi ishtirokchisi.
Tarjimayi holi
[tahrir | manbasini tahrirlash]Joniqul Yusupov 1918-yilda Samarqand uyezdi (hozirgi Past Dargʻom tumanida) Zormon qishlogʻida tavallud topgan[1][2]. Otasi Yusuf Chaqqonov ovchi boʻlgan boʻlib, davlatga tulki moʻynasi tayyorlab sotish bilan shugʻullangan. Yusuf Chaqqonovning 2 qiz, 9 oʻgʻli boʻlgan boʻlib, toʻngʻichi Joniqul Yuspov edi[3]. Maktabni tugatgach, Past Dargʻom tumanidagi „Mehnat“ kolxozida xoʻjalik ishlari mudiri boʻlib ishlaydi. 1938-yilda harbiy xizmatga chaqirildi. 1941-yildan Ikkinchi jahon urushida ishtirok eta boshlagan. Dastlab 450-aerodromga (1-Ukraina fronti, 2-avia armiyasi) texnik xizmat ko'rsatish batalyoni tarkibida xizmat qilgan, harbiy xizmatining oxirida oʻsha batalyonda boʻlinma komandiri sifatida faoliyat olib borgan. Qo‘mondonlik topshiriqlarini namunali bajargani uchun serjant Yusupov „Jangovar xizmatlari uchun“ medali bilan taqdirlangan. 1946-yildan KPSS aʼzosi[1]. Urushdan soʻng, oʻz qishlogʻidagi kolxozda ishlay boshlagan. 1973-yilda Samarqand qishloq xoʻjalik institutini tamomlagan[3]. 1950−1988-yillarda „Qizil mehnat“, Chkalov, Karl Marks nomidagi kolxozlarning raisi vazifasida ishlagan. Oʻzbekiston SSR Oliy Soveti 5, 8, 9-chaqiriq va SSSR Oliy Soveti 10−11-chaqiriqlar deputati boʻlgan. 1988-yilda Past Dargʻom tumanidagi Zormon qishlogʻida vafot etgan[1].
Mukofotlari
[tahrir | manbasini tahrirlash]1957-yil 11-yanvarda SSSR Oliy Soveti Prezidiumi farmoniga asosan Sotsialistik Mehnat Qahramoni unvoni[2], 1957-yil 11-aprel, 1975-yil 14-fevral Lenin ordeni, 1944-yil 5-sentyabrda „Jangovar xizmatlari uchun“ medali[4], 1985-yil 11-martda 2-darajali Vatan urushi ordeni[5], 1951-yil 7-mayda „Shavkatli mehnat uchun“ medali, 1965-yil 1-martda „Mehnatda oʻrnak koʻrsatganlik uchun“ medali, Oʻzbekiston SSRda xizmat koʻrsatgan paxtakor unvoni[3] bilan taqdirlangan.
Manbalar
[tahrir | manbasini tahrirlash]- ↑ 1,0 1,1 1,2 Сергей Кузоватов. „Юсупов Джаникул“ (rus tilida). 2023-yil 6-sentyabrda asl nusxadan arxivlangan. Qaraldi: 2023-yil 6-sentyabr.
- ↑ 2,0 2,1
Oʻzbek sovet ensiklopediyasi: 13-jild (Shashmaqom — Qavs). Toshkent: „Oʻzbek sovet ensiklopediyasi“ Bosh redaksiyasi, 1979 — 640-bet.
- ↑ 3,0 3,1 3,2 Rasul Yoʻldoshev, Toji Yusupov. Yurt chinori edi u. Toshkent: Fan va texnologiya nashriyoti, 2009 — 80-bet.
- ↑ „Юсупов Джанкул Медаль «За боевые заслуги»“ (rus tilida). 2023-yil 6-sentyabrda asl nusxadan arxivlangan. Qaraldi: 2023-yil 6-sentyabr.
- ↑ „Юсупов Джаникул Орден Отечественной войны II степени“ (rus tilida). 2023-yil 6-sentyabrda asl nusxadan arxivlangan. Qaraldi: 2023-yil 6-sentyabr.
- Past Dargʻom tumanida tugʻilganlar
- Past Dargʻom tumanida vafot etganlar
- Sotsialistik Mehnat Qahramonlari
- Oʻzbekiston SSRda xizmat koʻrsatgan paxtakorlar
- Lenin ordeni sohiblari
- Oktabr Inqilobi ordeni sohiblari
- Vatan urushi 2-darajali ordeni sohiblari
- Vatan urushi ordeni sohiblari
- Shavkatli mehnat uchun medali sohiblari
- Mehnatda oʻrnak koʻrsatganlik uchun medali sohiblari
- 1918-yilda tugʻilganlar
- 1988-yilda vafot etganlar
- Samarqand davlat veterinariya meditsinasi, chorvachilik va biotexnologiyalar universiteti bitiruvchilari