Танланган мақола

Бухоро қамали — 1220-йил март ойида, яъни мўғуллар томонидан Хоразмшоҳлар давлатинининг босиб олиши даврида содир бўлган ҳарбий босқин. Босқинда Мўғуллар империясининг хони Чингизхон султон Муҳаммад ИИ томонидан бошқарилаётган Хоразмшоҳлар давлати билан туташган чегаранинг турли томонларидан ҳужум уюштирган. Хоразмшоҳ йирик шаҳарларни якка тартибда мудофаа қилишни режалаштирган бўлса, мўғуллар чегара шаҳар — Ўтрорни қамал қилиб, Хоразмшоҳлар давлатига қақшатқич зарбалар беришни мақсад қилганди. Бухоро шаҳри Хоразмшоҳлар давлатининг йирик савдо ва маданий маркази бўлган. Шаҳар Мўғуллар империяси билан чегарадан анча узоқда жойлашганлиги сабабли хоразмшоҳ бу шаҳарни ҳимоя қилиш учун 20 000 дан камроқ аскар ажратган. Сони 30 000 дан 50 000 гача бўлган мўғул қўшинлари катта қўшин учун ўтиб бўлмас тўсиқ деб ҳисобланган Қизилқум чўлини кесиб ўтишга муваффақ бўлганлар. Бухоро мудофаачилари бутунлай саросимага тушган ва муваффақияциз жангдан сўнг ташқи шаҳар уч кун ичида таслим бўлган. Хоразмлик ҳукмдорга содиқ аскарлар қал’а бузиб ташлангунга қадар икки ҳафтадан камроқ вақт давомида мудофаани давом эттирганлар. Мўғул қўшини қўрғондаги барчани ўлдириб, аҳолининг катта қисмини қул қилиб олган. Моҳир ҳунармандлар меҳнат маҳсули мўғуллар томонидан ўзлаштирилган, бошқалар эса ҳарбийликка жалб этилган. Гарчи ўша пайтда Бухоро ёнғинлар оқибатида вайрон бўлган бўлса-да, талафот нисбатан камроқ бўлган. Қисқа вақт ичида шаҳар яна савдо ва маданий марказга айланиб, Пах Монголиcа даврида янада ривожланган. (Давоми...)

Яхши мақола

Дания операцияси режаси

Дания операцияси (данча: Invasionen af Danmark i 1940, немисча: Die Besetzung von Dänemark) — Учинчи рейхнинг Дания қироллигига қарши ҳарбий операцияси. У 1940-йил 9-апрелда бошланиб, атиги 6 соат давом этган. Вермахтнинг биринчи зарбаси Дания авиациясига қаратилиши натижасида Дания ҳарбий-ҳаво кучлари жиддий йўқотишларга учраган ва кейинги жанговар ҳаракатларда иштирок этмаган. Тонгги соат 5:15 да Вермахтнинг 170-пиёда дивизияси ва 11-ўқчи бригадаси Дания–Германия чегарасини кесиб ўтиб, ҳужум бошлаган. Шунингдек, айни шу вақтда немис қўшинлари Копенгагенга кирган. Дания ҳарбий-денгиз флоти душманга қаршилик кўрсатмаган. Соат 7:20 да Дания қироли Чристиан Х Дания қуролли кучларига қаршиликни тўхтатишни буюрган. 7:30 да Норвегия операцияси учун стратегик жиҳатдан муҳим бўлган Олборг аэропорти қўлга киритилган. Тахминан эрталабки 10:00 да Дания армиясининг демобилизацияси бошланган. (Давоми...)

Хушсифат мақола

Фаластин 1996-йилги Ёзги Олимпиада ўйинларида — фаластинлик спортчилар 1996-йил 19-июлдан 4-августга қадар АҚШнинг Жоржия штатидаги Атланта шаҳрида бўлиб ўтган 1996-йилги Ёзги Олимпиада ўйинларида иштирок этган. Ушбу мусобақаларга Фаластин делегацияси таркибида икки нафар енгил атлетикачилар Мажед Абу Мараҳеэл, Иҳаб Салама ҳамда бир нафар расмий шахс, Фаластин олимпия қўмитаси президенти – Муаммар Биссиссолар ташриф буюрган. Олимпия қўмитаси 1930-йилларда ташкил этилган бўлса-да, фаластинликлар фашистлар таъқибига учрамаслик мақсадида 1936-йилги Олимпиада ўйинларида иштирок этмаган. Фаластин олимпия қўмитаси (ФОҚ) ташкил этилганидан кейин мамлакат вакиллари иштирок этган илк ўйинлар айнан 1996-йилги Атланта Олимпиада ўйинлари бўлган. (Давоми...)