Lola Badalova
| Lola Badalova | |
|---|---|
 | |
| Tavalludi |
1928-yil |
| Vafoti |
25-sentyabr 1991-yil (63 yoshda) Toshkent, Oʻzbekiston |
| Fuqaroligi |
 SSSR →  Oʻzbekiston |
| Kasbi | Aktrisa |
| Yoʻnalish | Teatr va kino aktrisasi |
| Mukofotlari |
 |
Lola Badalova (1928-yil, Toshkent, Oʻzbekiston SSR — 25-sentyabr 1991-yil, Toshkent, Oʻzbekiston) – oʻzbek aktrisasi, dublyaj artisti. Oʻzbekiston SSRda xizmat koʻrsatgan artist[1][2].
Hayoti va taʼlimi
Lola Badalova Toshkent shahrida tugʻilgan. U oʻrta maktabni tamomlaganidan keyin 1945-yilda „Oʻzbekfilm“ kinostudiyasi qoshidagi kino aktyori maktab-studiyasini ham bitirgan. Keyinchalik A.Ostrovskiy nomidagi Toshkent teatr va rassomlik sanʼati instituti (hozirgi Oʻzbekiston davlat sanʼat va madaniyat instituti)ga oʻqishga kiradi va uni 1951-yilda „Dramatik teatr va kino aktyorligi“ yoʻnalishi boʻyicha yakunlagan[1].
Faoliyati
Lola Badalova aktrisalik faoliyatini 1946-yilda Hamza nomidagi davlat drama teatridan boshlagan. Ushbu teatr sahnasida yuzga yaqin rollarni ijro etgan[1].
Kinodagi faoliyati Nabi Gʻaniyev rejissyorlik qilgan „Tohir va Zuhra“ (1945-yil) filmidagi epizodik roldan boshlangan. Ilk katta roli G.Kozintsev va L.Trauberglar rejissyorligidagi „Boʻron“ filmida Lola roli boʻldi.
Manbalar
- ↑ 1,0 1,1 1,2 „Lola Badalova (1928)“. dsmi.uz (2023-yil 3-iyun). Qaraldi: 8-avgust 2024-yil.
- ↑ „Лола Бадалова“. kino-teatr.ru. Qaraldi: 8-avgust 2024-yil.