ترکمانستان

ترکمانستان
ترکمانستانپرچم	ترکمانستاننشان
	ترانہ: ترکمانستان کا قومی ترانہ
زمین و آبادی
متناسقات	39°N 60°E / 39°N 60°E
رقبہ	491210 مربع کلومیٹر
دارالحکومت	عشق آباد
سرکاری زبان	ترکمن زبان
آبادی	6117933 (2021)
خواتین	3050231 (2019); 3096157 (2020); 3141729 (2021); 3185860 (2022) سانچہ:مسافة
مرد	3108189 (2019); 3154282 (2020); 3200126 (2021); 3244911 (2022) سانچہ:مسافة
حکمران
طرز حکمرانی	جمہوریہ ، صدارتی نظام
اعلی ترین منصب	سردار بردی محمدوف (19 مارچ 2022–)
قیام اور اقتدار
	تاریخ
یوم تاسیس	27 اکتوبر 1991
عمر کی حدبندیاں
شادی کی کم از کم عمر	16 سال
شرح بے روزگاری	10 فیصد (2014)
دیگر اعداد و شمار
منطقۂ وقت	متناسق عالمی وقت+05:00
ٹریفک سمت	دائیں
ڈومین نیم	tm.
سرکاری ویب سائٹ	باضابطہ ویب سائٹ، باضابطہ ویب سائٹ
آیزو 3166-1 الفا-2	TM
بین الاقوامی فون کوڈ	+993
	درستی - ترمیم

ترکمانستان (Turkmenistan؛ روسی: Түркменистан)، وسط ایشیا کا ایک خشکی سے گھرا ہوا نو آزاد مسلم ملک ہے۔ اس کی سرحدیں شمال مغرب میں قازاقستان، مشرق اور شمال مشرق میں ازبکستان، جنوب مشرق میں افغانستان اور جنوب اور جنوب مغرب میں ایران اور مغرب میں بحیرہ کیسپین سے ملتی ہیں۔ اشک آباد دار الحکومت اور سب سے بڑا شہر ہے۔ یہ چھ آزاد ترک ریاستوں میں سے ایک ہے۔ اس کا رقبہ 491,210 مربع کلومیٹر (189,660 مربع میل) ہے۔ آبادی تقریباً ستر لاکھ ہے (17 دسمبر 2022 کی مردم شماری کے مطابق) اور اس طرح یہ وسطی ایشیائی جمہوریہ میں سب سے کم آبادی والا ملک ہے اور ترکمانستان ایشیا میں سب سے کم آبادی والی قوموں میں سے ایک ہے۔ یہ ایک مسلم اکثریتی ملک ہے جس کی کل آبادی کا 93 فیصد مسلم آبادی پر مشتمل ہے۔ اس کی کرنسی کا نام منات (TMT) ہے۔ سردار بردی محمد Serdar Berdimuhamed موجودہ صدر اور راشد مریدو Raşit Meredow نائب صدر ہیں۔ قربان قلی بردی محمدو پیپلز کونسل کے چیئرمین ہیں اور ڈنائیگوزیل گلمانوا اسمبلی کی چیئرپرسن ہیں۔

ترکمانستان نے طویل عرصے سے کئی سلطنتوں اور ثقافتوں کے لیے ایک راستے کے طور پر کام کیا ہے۔ مرو Merv وسطی ایشیا کے قدیم ترین نخلستانی شہروں میں سے ایک ہے اور کبھی دنیا کے بڑے شہروں میں شمار ہوتا تھا۔ یہ اسلامی دنیا کے عظیم شہروں میں سے ایک اور شاہراہ ریشم پر ایک اہم پڑاؤ بھی تھا۔ سنہ 1881ء میں روسی سلطنت نے اس پر قبضہ کر لیا۔ سنہ 1925ء میں، ترکمانستان سوویت یونین کا ایک جمہوریہ بن گیا، جس کا نام ترکمان سوویت سوشلسٹ جمہوریہ (ترکمان SSR) رکھا گیا۔ یہ سنہ 1991ء میں سوویت یونین کی تحلیل کے بعد آزاد ہوا۔

ترکمانستان کے پاس قدرتی گیس کے دنیا کے پانچویں بڑے ذخائر ہیں۔ ملک کا بیشتر حصہ صحرائے قراقم سے ڈھکا ہوا ہے۔ سنہ 1993ء سے 2019ء تک، شہریوں کو حکومت کی طرف سے فراہم کردہ بجلی، پانی اور قدرتی گیس مفت ملتی تھی۔ ترکمانستان اقوام متحدہ اور ترکسوئے کمیونٹی کا رکن ہے اور ترک ریاستوں کی تنظیم میں ایک مبصر ریاست کے طور پر ہے۔

وجہ تسمیہ

ترکمانستان کے نام (ترکمان اور ستان) کو دو اجزاء میں تقسیم کیا جا سکتا ہے: نسلی نام ترکمان اور فارسی لاحقہ -ستان کا مطلب ہے "مقام" یا "ملک"۔ "ترکمان" نام ترک سے آیا ہے، علاوہ ازیں سغدیان لاحقے مین، ترک خاندانی افسانوی نظام سے باہر ان کی حیثیت کے حوالے سے، کے ساتھ پورا معنی "تقریباً ترک" کے بنتے ہیں۔ تاہم، کچھ اسکالرز کا استدلال ہے کہ لاحقہ ایک شدت پیدا کرنے والا ہے، جو ترکمان کے معنی کو "خالص ترک" یا "ترکستانی ترک" میں بدل دیتا ہے۔ ابن کثیر جیسے مسلم تاریخ نگاروں نے تجویز کیا کہ ترکمانستان کی تشبیہات سنہ 971ء میں دو لاکھ گھرانوں کے بڑے پیمانے پر اسلام قبول کرنے کے حوالے سے ترک اور ایمان (عربی: إيمان، "عقیدہ") کے الفاظ سے آئی ہے۔

ترکمانستان نے سنہ 1991ء میں آزادی کے ریفرنڈم کے بعد سوویت یونین سے اپنی آزادی کا اعلان کیا۔ نتیجے کے طور پر، آئینی قانون اسی سال 27 اکتوبر کو اپنایا گیا اور آرٹیکل 1 نے ریاست کا نیا نام: ترکمانستان(Türkmenistan) قائم کیا۔ ترکمان ایس ایس آر کا ایک عام نام ترکمانیا Turkmeniya (روسی: Туркмения) تھا جو ملک کی آزادی کی کچھ رپورٹوں میں استعمال ہوتا ہے۔ . . ایک وسط ایشیائی ملک ہے۔

ترکمانستان کے صوبے

انتظامی تقسیم

تقسیم	آیزو 3166-2	دار الحکومت	رقبہ^[8]	آبادی (2005)^[8]	کلید
اشک آباد شہر		اشک آباد	470 کلومیٹر² (180 مربع میل)	871,500
صوبہ آخال	TM-A	آناؤ	97,160 کلومیٹر² (37,510 مربع میل)	939,700	1
صوبہ بلخان	TM-B	بلخان آباد	139,270 کلومیٹر² (53,770 مربع میل)	553,500	2
صوبہ داشوغوز	TM-D	داشوغوز	73,430 کلومیٹر² (28,350 مربع میل)	1,370,400	3
صوبہ لب آب	TM-L	ترکمن آباد	93,730 کلومیٹر² (36,190 مربع میل)	1,334,500	4
صوبہ ماری	TM-M	ماری	87,150 کلومیٹر² (33,650 مربع میل)	1,480,400	5