Alexia Putellas

Alèxia Putellas i Segura (peleto [alˈɛksiə puteʎə səɡuɾə] (listen^ⓘ), Spanish: Alexia Putellas Segura; yo o tshotsweng ka Tlhakole a tlhola gane ka 1994), yo gantsi a itsegeng ka leina la Alexia, ke motshaneki wa kgwele ya dinao e e porofeshionale yo o tlholegang kwa Catalonia a tshameka fagare kana kwa pele mo setlhopheng sa Liga F sa Barcelona le sa setshaba sa Spain, tse eleng mokapotene wa tsone tsotlhe. O kile a tshameka kwa Espanyol le Levante, ebile o kile a emela Catalonia. Ka a fentse ditlotla tsotlhe tse dikgolo tsa setlhopha le ka bo ga gagwe tse di leng teng tsa Yuropa go fitlha ka 2022, o tsewa jaaka mongwe wa batshameki ba ba gaisang mo batshameking ba bomme mo dingwageng tsa gagwe, le jaaka mongwe wa batshameki ba ba gaisang ba nako tsotlhe. Ka 2022, mmegi wa tsa kgwele ya bomme Asif Burhan a kwala gore go ineela ga ga Putellas mo motshamekong o go fetotse motshameko wa bomme.

Alexia Putellas

Putellas with Barcelona in 2024
Motshameki wa kgwele ya dinao
Leina ka botlalo	Catalan: Alèxia Putellas i Segura Spanish: Alexia Putellas Segura
Letsatsi la tsalo	(1994-02-04) 4 February 1994
Lefelo la tsalo	Mollet del Vallès, Catalonia, Spain
Bolele	1.73 m (5 ft 8 in)
Maemo	Midfielder, false 9
Club information
Current team	Barcelona
Number	11
Youth career
2001–2005	Sabadell
2005–2006	Barcelona
2006–2008	Espanyol
Tiro ya gagwe*
Dingwaga	Setlhopha	Metsh	(Dinno)
2008–2010	Espanyol B
2010–2011	Espanyol	25	(3)
2011–2012	Levante	34	(15)
2012–	Barcelona	287	(131)
Setlhopha sa setshaba‡
2004–2006	Catalonia U12
2006–2008	Catalonia U14
2008–2010	Catalonia U16
2009–2011	Spain U17	4+	(1+)
2010–2012	Catalonia U18
2011–2013	Spain U19	20	(13)
2012–	Spain	114	(28)
2014–	Catalonia	3	(1)
Honours Women's football Representing Spain FIFA Women's World Cup Winner 2023 Australia-New Zealand UEFA Women's Nations League Winner 2024 France–Netherlands–Spain
*Metshameko ya gagwe le dinno, correct as of 06:39, 16 October 2023 (UTC) ‡ National team caps and goals, correct as of 21:28, 7 April 2024 (UTC)

Putellas o tshameketse Barcelona esale ka 2012 morago ga go nna kwa Espanyol mo dingwageng tsa maemo a bonana ka bontsi. Le Barcelona, o fentse bosimega ja liki ga ferabobedi, Copas de la Reina tse robangbobedi le UEFA Women's Champions League tse tharo. Ka setlha sa Barcelona sa 2020–21 o nnile le seabe sa botlhokwa jaaka setlhopha sa gagwe se ne se fenya Champions League se se neng sa baka gore ba fenye dikopi tse tharo tsa kontinente, tsotlhe e le lantlha mo ditsong tsa bone. Putellas o ne a ya go fenya tlotla ya motshameki wa mme wa ngwaga ya UEFA, le Ballon d'Or Féminin, gape a fiwa ya The Best FIFA Women's Player ka 2021, e nna ene motshameki wantlha go di fenya tsotlhe ka boraro mo ngwageng o le mongwe. Ka 2022 le fa a ne a tlolwa ke UEFA Women's Euro 2022 ka ntata ya kgobalo ya ACL, o ne a fenya ditlotla tseo ka boraro gape, a fetoga go nna mosadi wantlha go fenya epe ya tsone mo dingwageng di latelana. Barcelona e ne ya fenya liki le Champions League gape ka 2022–23, mme Putellas o tsere lebaka a seo ka ntata ya kgobalo pele ga ba tsaa dikopi tse nne tsa konitnente ka 2023–24.

Mo seraleng sa boditshabatshaba, Putellas o nnile le katlego kwa ditlhopheng tsa setshaba tsa banana tsa Spain, a fenya UEFA Women's U-17 Euros (ka 2010 le ka 2011) a bo a fetsa mo maemong a bobedi ka 2012 UEFA Women's U-19 Euro. O dirile tshameko ya gagwe ya ntlha mo setlhopheng se segolo sa Spain sa setshaba ka 2013 UEFA Women's Euro mme e sale foo a iponatsa mo dikgaisanong tse di kwa godimo tse nne le setlhopha seo: sejana sa lefatshe sa FIFA sa bomme sa ntlha sa Spain ka 2015, Euro ya 2017, sejana sa lefatshe sa 2019 le sejana sa lefatshe sa 2023 se Spain e se fentseng.

Alexia Putellas

Alexia Putellas

Go tloga ka Phalane wa 2023, Putellas o na le iponagatso tse di leng mo maemong a bobedi a nako yotlhe kwa Barcelona a tla fa morago ga motshameka morago wa molema wa pele Melanie Serrano, ebile ke ene monosi wa dino yo o kwa godimo wa dinako tsotlhe wa bone. Gape o tshwere rekote ya iponagatso tse dintsi tsa Spain ka iponagatso tse lekgolo le lesome le bone, a fetile rekote ya ga Marta Torrejón ya pele ya iponagatso tse masome a ferabongwe ka 2021.

Botshelo ja pele le thuto

Alexia Putellas le setlhopha sa gagwe

Alexia Putellas

setshwantsho sa ga Alexia

Alexia

Alèxia Putellas i Segura o tshotswe ka Tlhakole a le gane ka 1994 e le ngwana wa ga Jaume Putellas Rota le Elisabet "Eli" Segura Sabaté kwa Mollet del Vallès, mmasepala kwa kgaolong ya Barcelona. O na le morwadiarraagwe yo monnye mo go ene, Alba. Putellas e sa le a nna morati le morotloetsi wa Barcelona go tswa bonnyeng ja gagwe ebile o ne a nna a tsaya loeto ka penya ya Mollet del Vallès go ya go lebelela metshameko kwa Camp Nou le rraagwe. O ne a lebelela metshameko ya Barcelona kwa marekisetsong a dino a kwa gae, La Bolera le ba lelwapa la gagwe; a re ba lelwapa la gagwe ba tswa kgakala e le barotloetsi ba setlhopha seo, kwa ntle ga ga ntsalae yo o rotloetsang sa Real Madrid. Go tloga ka 2021, Putellas e ne e ntse e le leloko la Mollet penya. Mo bonaneng ja gagwe, Putellas o ne a rata batshameki ba kgwele ya dinao ba borre Andrés Iniesta, Rivaldo, le Ronaldinho, ba botlhe ba tshameketseng Barcelona, gape le motshameki wa kgwele ya dinao wa mme Louisa Nécib, yo o tshameketseng Olympique Lyonnais. Iniesta o busuloseditse lorato leo, a bitsa Putellas sekao ebile a re o gogobile boleng ja FC Barcelona.

Alexia Putellas