Jezus Krystus
Jezus Krystus | |
![]() | |
Miyjsce narodzyniŏ | Nazaret |
Miyjsce śmierci | Golgota[*] |
Nŏrodowość | Żydy |
Matka | Maryja ze Nazarytu |
![](http://upload.wikimedia.org/wikipedia/commons/thumb/2/22/Pelplin_Katedra_011.jpg/220px-Pelplin_Katedra_011.jpg)
Jezus Krystus[1][2] (Jezus s Nazaretu; s hebr. ישוע, ישו Joszue aram.: ܝܫܘܥ, ܝܫܘ Jeszua = "JHWH pōmocōm/zbawjyńym" i ze gr.: Χριστός Christós – "namaszczōny, pōmazańec, mesyjŏsz") – cyntralnŏ postŏć krześćijaństwa, podug Wańelije zaôżyćel religije krześćijańskij, Syn Boży a zbawićel. Do wjynkszośći wyznań krześćijańskich tyż wćelyńy Boga we ôsobje Syna Bożygo. W islamje uznŏwany je za proroka. Jygo ôkres żywobyćŏ datuje śe na lata ôd kole 8-4 roku p.n.e. do kole 30-33 roku n.e.
Podug zŏpisōw we Wańelijach Jezus nauczŏł we Galileji a Judeji we Izraelu, Ôstŏł skozany by zemrzić bez ukrziżowańyje we Jerozolimje zgōdńy ze wyrōkjym rzimskigŏ namjestńika (uać. praefectus[3]) Pōncjusza Piłata, a trzićigŏ dńa po umarću zmartwychwstŏł. Dźeła a nauka Jezusa szrajbnjynte we Wańelijach stanowjōm podstawa krześćijaństwa. Nauka Jezusa ôstołŏ przekozanŏ śwjatu bez szkolorzōw mjanowanych apostołami.
Przipisy
- ↑ Wyszukowanie „Kristus”. Korpus Ślōnskij Mŏwy. [dostymp 2019-09-25].
- ↑ Wyszukowanie „Krystus”. Korpus Ślōnskij Mŏwy. [dostymp 2019-09-25].
- ↑ https://web.archive.org/web/20130601014527/http://romanum.historicus.pl/poncjusz_pilat.html