Ćeszyńske uobleczyńy
Ćeszyńske uobleczyńy je ludowe uobleczyńy zauobycz noszůne uod Ślůnzokůw mjyszkajůncych we Ślůnsku Ćeszyńskim. Bez jaki uokres czasu chopske ćeszyńske uobleczyńy uodchodźůło we przepůmńyńy, atoli babsko wersyjo tygo regijůnalnygo uobleczyńo sztyjc bůła upjykńano a rozkwitała. Baby chodzowały po ćeszyńsku na beztydźyń aże do XX stolećo. We becyrku Ćeszyna, Skoczowa, Bjelska a Frysztadu szyto bůła zorta uobleczyńo mjanowano „wałaskim”, ze szkrabkům noszůno ańi uod cerůw inteligyntůw.
Babske uobleczyńy
edytujBabsko zorta stroju skłodała śe ze hymdy, bjołyj jakle ze rubymi rynkawůma, klajdu mjanowanygo żywotkym, sztikowanygo gorsećika a wjyrchńigo ćymnygo hymdu ze faborkům - galůnkům. Ńikej trefjůła śe tyż zopaska, szpyncer, jake uozdobne glazyjki a papuće.
Chopske uobleczyńy
edytujChopy szaćůły śe we dugo aże do kolanůw hymda, bruclek, eli westa ze metalowymi kneflůma, kamizol - jakla, nogawice - kńisztrymfy a wysoke harboły, mjanowane polokůma.