Öryggi rafhlaðna í Mac-tölvum

Viðvörun

  • Þetta tæki inniheldur innbyggða endurhlaðanlega litíumjónarafhlöðu með mjúkum rafhlöðusellum. Öryggi rafhlöðu er það sem þarf helst að huga að þegar gert er við tæki með innbyggðri litíumjónarafhlöðu.

  • Aðeins tæknifólk með þekkingu, reynslu og verkfæri sem þarf til að gera við rafeindatæki ættu að skipta um rafhlöðu.

  • Ef ranglega er staðið að skiptum á rafhlöðum, þær ekki meðhöndlaðar rétt, rafhlöður eru ekki tæmdar áður en viðgerð fer fram eða meðfylgjandi leiðbeiningum er ekki fylgt getur það valdið ofhitnun rafhlöðu, þrútnun, losun, leka eða varmatilviki. Þessi tilvik geta valdið eldsvoða, líkamstjóni, dauða, gagnatapi eða skemmdum á tækinu, íhlutum eða öðrum eignum.

  • Til að forðast þessi hugsanlega skaðlegu tilvik skaltu fylgja öryggisleiðbeiningum rafhlöðunnar og vinna á öruggu vinnusvæði með þeim verkfærum sem talin eru upp hér að neðan. Það er mikilvægt að vera undirbúin(n) fyrir allar mögulegar aðstæður.

Hvernig á að setja upp vinnusvæði með öryggi rafhlöðu í huga

Verkfæri

  • Hreinn, þurr og ómeðhöndlaður sandur (8–10 bollar)

  • Sandílát (stórt op, auðvelt að hella úr, óbrjótanlegt plastílát með opnanlegu loki)

  • Hitaþolnir hanskar

  • Öryggisgleraugu með hliðarhlífum

  • ESD-örugg hreinsilausn

  • Eldvarnarhólf

Vinnurými þar sem gert er við Apple-tæki þurga að uppfylla eftirfarandi skilyrði:

  • Vinnuborð sem er eldþolið og öruggt fyrir rafhlstöðuúrhleðslu (ESD)

  • Að minnsta kosti 60 cm fjarlægð frá pappír og öðrum eldfimum efnum

  • Sandílát innan seilingar (60 cm) á annarri hlið vinnusvæðisins, ekki yfir vinnusvæðinu

  • Fullnægjandi loftræsting

  • Innan 7 metra frá eldvarnarhólfi. Geymið ekki eldfim efni í hólfinu. Gangið úr skugga um að hólfið sé tómt.

Hvernig á að bregðast við varmatilviki rafhlöðu

  Viðvörun

Varmatilvik rafhlöðu er hröð efnakeðjuverkun sem á sér stað inni í rafhlöðusellu. Orkan í rafhlöðunni losnar skyndilega, sem getur valdið útgösun og eldi. Varmatilvik rafhlöðu getur orðið vegna efnislegra skemmda á rafhlöðunni, þegar rangt er staðið að skiptum á rafhlöðu eða viðgerðum eða vegna hitastigs sem er utan starfssviðs rafhlöðunnar.

Þú verður að bregðast strax við ef þú tekur eftir einhverjum af eftirfarandi vísbendingum um varmatilvik:

  • Litíumjónarafhlaðan eða tæki sem inniheldur hana byrjar að gefa frá sér reyk, neista eða sót.

  • Rafhlöðupokinn blæs skyndilega út.

  • Litíumjónarafhlaðan eða tæki sem inniheldur hana byrjar að gefa frá sér hvæsandi hljóð eða smelli.

Kæfðu rafhlöðuna eða tækið strax með miklu magni af hreinum, þurrum sandi. Helltu sandinum á öllum í einu. Tímasetning er mikilvæg - því hraðar sem þú hellir öllum sandinum, því fyrr stöðvast tilvikið.

Hafðu samband við slökkviliðsyfirvöld á staðnum ef þörf er á frekari aðstoð.

Farðu út úr herberginu í 30 mínútur eftir að tilvikið hefur verið stöðvað. Loftræstu svæðið. Ekki snúa aftur á svæðið fyrr en allur reykur hefur verið ræstur út.

Bíddu í 30 mínútur áður en þú snertir tækið. Notið hitaþolna hanska og hlífðargleraugu með hliðarhlífum til að fjarlægja tækið úr sandinum. Setjið tækið síðan í eldvarnarhólfið. Látið það vera í hólfinu í a.m.k. 2 klukkustundir.

Strjúktu yfir svæðið með vatni fyrst. Strjúktu svo yfir svæðið með ESD-öruggri hreinsilausn.

Fargaðu skemmdu rafhlöðunni eða tækinu (þar með talið rusli sem hefur verið fjarlægt úr sandinum) í samræmi við staðbundin umhverfislög og reglur.

Hvernig á að meðhöndla rafhlöður

Viðvörun

Tæmdu rafhlöðuna að fullu áður en þú hefur viðgerð. Tæmd rafhlaða er ekki eins viðkvæm fyrir varmatilviki. Ef þú getur ekki skorið úr um hleðslustöðu rafhlöðunnar skaltu ekki gera við tækið.

Rafhlaða afhlaðin

Eftirfarandi aðgerðir hjálpa til við að afhlaða rafhlöðuna:

  • Takið rafmagnssnúruna úr sambandi.

  • Aukið birtustig skjásins í hæstu stillingu.

  • Kveikið á Wi-Fi og Bluetooth.

  • Opnið FaceTime eða Photo Booth til að kveikja á myndavélinni.

  • Spilið myndband af drifi tækisins eða streymisþjónustu.

Notið rafhlöðuhlíf

Forðist að skemma rafhlöðuna þegar eftirfarandi er gert:

  • Strax eftir að botnhulstrið hefur verið fjarlægt skal fylgja leiðbeiningunum til að festa rafhlöðuhlífina og aftengja rafhlöðuna frá móðurborðinu.

  • Hafið rafhlöðuhlífina alltaf yfir rafhlöðunni þegar hún er óvarin.

  • Fjarlægið rafhlöðulokið einungis rétt áður en botnhulstrið er sett í, nema annað sé tekið fram.

Besta verklag

  • Til að forðast skaðlegar gufur eða varmatilvik rafhlöðu skaltu ekki gata, slá í eða kremja litíumjónarafhlöðu eða tæki sem inniheldur hana.

  • Ekki hafa aðskotahluti og beitta hluti á vinnusvæðinu.

  • Sýndu gætni þegar þú notar beitt verkfæri nálægt rafhlöðunni.

  • Ekki skilja lausar skrúfur, aukaskrúfur eða litla hluta eftir inni í tækinu.

  • Ekki nota verkfæri sem leiða rafmagn.

  • Ekki kasta rafhlöðunni eða missa hana.

  • Ekki láta rafhlöðuna verða fyrir miklum hita eða sólarljósi eða hitastigi sem er utan starfssviðs rafhlöðunnar.

  • Meðhöndlaðu og fargaðu ónýtum rafhlöðum í samræmi við staðbundin lög og reglur.

Birt: