Dümmer

Sicht fon do Dammer Bierige ap dän Dümmer

Die Dümmer, ap amtelke Paadwiesere uk wäil as Dümmer See skreeuwen, is n Meer in Läichsaksen. Dät Meer is 12,4 km² groot un bit tou 1,4 m joop. Dät lait in'n Loundkring Diepholz twiske do Täärpe Lemförde, Damme un Diepholz. Ju Hunte fljut truch dät Meer. Die Dümmer lait ap do läigere Soundlounde twiske do 146 hoge Dammer Bierige in't Wääste, dän Stemweder Bierich (181,4 m) in't Suudaaste un die Kellenbierich in't Noudaaste (77m).