kumbull

The printable version is no longer supported and may have rendering errors. Please update your browser bookmarks and please use the default browser print function instead.

KUMBULL f.

1. Pemë që rritet zakonisht deri pesë-gjashtë metra e lartë, me degë të shtrembra e me gjemba, me gjethe vezake e pak të dhëmbëzuara, që çel lule të bardha dhe bën kokrra të rrumbullakëta a gjatoshe me tul në ngjyrë të gjelbër, të verdhë, të kuqe etj.; kokrrat e kësaj peme, që kanë një shije të ëmbël ose të athët. Kumbull e butë. Kumbull gjatore (gjatoshe). Kumbull kokërrvogël. Kumbull bardalike. Kumbull gërqinjë. Kumbull e ëmbël (e thartë). Kumbulla të thata. Reçel kumbulle. Raki kumbulle. Është si kumbull është i shëndetshëm dhe i bukur (zakonisht për fëmijët e për vajzat).
2. fig. bised. Vajzë a grua e re, e bukur dhe e shëndetshme. O moj kumbulla vlonjate! kr. pop.
I bëri (paratë, të hollat) rrush e kumbulla shih te RRUSH,~I. Kur s'ha kumbulla, s'të mpihen (dhëmballët) fj. u. shih te MPIHEM. Fëmijët (djemtë) hanë kumbulla (thana), pleqve u mpihen dhëmbët iron. shih te MPIHEM. Kumbull e egër bot. kullumbri.