Tiznit
Nom officiel | تزنيت, Tiznit ![]() |
---|---|
Ism ɣ tutlayt taẓuṛant | ⵜⵉⵣⵏⵉⵜ, تزنيت ![]() |
Tamazirt | Lmɣrib ![]() |
Tamaẓunt n | Rbat ![]() |
Asdɣr amssugur | Tamnaḍt n Tiznit ![]() |
Agmmaḍ akudan | UTC±00:00 ![]() |
Ismlan ijɣrafiyn | 29°42′0″N 9°43′37″O ![]() |
Jumelage ou partenariat | Saint-Denis, Somerville, Izmit ![]() |
Asit amaddud | http://tiznit.ma/ ![]() |
![Carte](https://maps.wikimedia.org/img/osm-intl,a,29.7,-9.72694,300x300.png?lang=shi&domain=shi.wikipedia.org&title=Tiznit&revid=50907&groups=_78af86419e971c2a021cf8f374fcd700d2b79bad)
Tiznit tga yat tmdint illan ɣ unẓul n Lmɣrib, tga tamaẓunt n tamnaḍt n tznit iḍfaṛn i tsga n Sus-Massa. Taggug s 15 km f ugaraw aṭlasin s 81 km f unẓul n Ugadir, s 203 km f unẓul n Mugadur, s 271 km f unẓul n Mrrakc d s 553 km f unẓul n Rrbaḍ. Imzdaɣn n Tiznit gan imaziɣn isusiyn iclḥiyn ar sawaln s tutlayt taclḥiyt. Uggar n 74 699 n mddn ad gis izdɣn. Ar ntini i imzdaɣn n tznit "Ayt Tznit ". Tiɣrmt ad tṭṭaf tarabbut n takurt nna mi iga ism "amal tiznit", tlla ɣ uskfl wiss smmus.
Tlla tmdint n Tiznit ɣ unẓul n tmdint n Ugadir ɣ tsga tanẓulant n uzaɣar n Sus, tlla ɣ yan uzaɣar tili dis tiṭṭ tazgzawt izddign, tjbd kigan n ifgann istin ddrn gr-asn s taḍfi.
Ar as ttinin kra n iminag "tamdint tanbbaḍt"n ar as ittini kra yaḍn "tamdint taḥssanit" f Lḥasan amzwaru nna tt id ikkan asggʷas n 1882 ig tt d ammas amxzni iẓiln. Aynna ad tt igan d tamdint taxatart ddun srs kigan n imassann d inskal d iṣufiyn.
Ddan srs awd inadn d inaẓurn afad ad awsn ɣ ubuɣlu aẓuran n tmdint ɣ igran n taska d uẓawan d tẓuri tazzulant nna iẓlin s tizuzaf n nnqrt.
Tga tɣrmt n Tiznit zɣ tmdinin ixatrn nna ɣ llan idrizn d tayssi iẓiln, tlla gis tamguri n tizuzaf n uẓrf (nnqrt) nna iẓiln f kul tmdinin n Lmɣrib, tzri mayad n tazzult ɣ kigan n iskkin nna tt id issufɣn s anamk nna s tlla ass ad, maca tssn tazzult n uhyya n uẓrf (nnqrt) yat tmrniwt taxatart, acku tmmatti zɣ tmguri tamzzant n ufus s tamguri n imis.
Amzruy
[ssnfl | Snfl asagm]Taqssist nns nnan willi zrinin yat tamɣart d waydi nns kkan aɣaras ukan jlan yaɣ tn fad ilmma aydi nns iqzz g wakal ffaɣn d aman afn ilmma lɛin lli mu ssaɣn middn ɣil ad lɛin aqqdim, safi ilmma tzdɣ ɣinn nttat d waydi nns ilmma ar ttimɣur tznit imik s imik ar timiḍi n 19 iskr gis agllid lḥasan amzwaru tiɣrmt bac ad tḥsar amddurruy zun d Fransa d Sblyun d Brtqqiz, ibna gis yan uɣrab nɣ d ṣṣur issutl i tɣrmt kullu tt iṭṭf ṣḍiṣt tggura mqqurnin zun d Bab Aglu, Bab Lxmis...
Ɣil ad Tiznit taẓ ad tlkm 80 ifḍ n midn d uggar n 140 ifḍ ɣ liqqlim kullu t ismun lɛarba n Siḥl, Aglu, Tafrawt....
Asnmkta
[ssnfl | Snfl asagm]Ar ittini usiḍn lli ittyuskar ɣ usggʷas n 2014 mas[1]:
Aslmd
[ssnfl | Snfl asagm]- Tigmiḍi n tqubbanit (middn lli ur ssin ad aqran wala ad ttaran) : 22.2%
- Tigmiḍi n imzdaɣn lli iɣran ar usinan n usmdi nɣ d uggar : 13.7%
Tadamsa
[ssnfl | Snfl asagm]- Tigmiḍi n imzdaɣnn lli llan ɣ isggʷasn nnsn n twuri: 45.2%
- Tigmiḍi n tarwuri (middn lli ur iṭṭifn tawuri): 14.4%
- Tigmiḍi n imzdaɣn lli swurin dar lmxzn (nɣ kantin swurin gis): 23.3%
- Tigmiḍi n imzdaɣn lli swurin ɣ uslig (nɣ kantin swurin gis): 40.6%
Tasbbabt
[ssnfl | Snfl asagm]Iga iɣrm n Tznit nli ibiddn f tsbbabt n Idukan d uẓrf (nnqqʷrt) d tyrza, ɣ uzmz n unbdu ar d srs ttackan middn, ar gis zrayn ussan n usunfu.
Tamallayt
[ssnfl | Snfl asagm]Tiznit tettyawssan bahra ɣ umaḍal s tmalayt ar d sis ttackan iṛumiyn.
Tiwlafin
[ssnfl | Snfl asagm]-
Adɣar agjdan n Tznit
-
Yan usuk n Tznit
-
Tuẓẓumt n Tznit
-
Yat taggurt n Tznit
Isaɣuln
[ssnfl | Snfl asagm]Ɣayli sis izdin
[ssnfl | Snfl asagm]![]() |
Amnni ad iga amud izdin d Lmɣrib, isul imẓẓiy. Aws i Wikipidya s usnfl nns, tssimɣurt t. |