Clima meditirràniu

Lu clima meditirràniu è un clima tempiratu chi avi mmernu chiuvusu e astati senza chioggia, ô cuntrariu di molti àutri climi unni li pricipitazzioni si cuncentranu nni li misi cchiù càudi di l'annu (favurennu l'agricultura ma no, pri asempiu, lu turismu). Lu clima miditirràniu è caratteristicu di li riggiuni bagnati dû mari Meditirràniu, ma s'attrova macari in àutri cuntinenti comu ntâ Merica, nni lu statu statunitensi dâ California. Nta l'Europa chistu clima è tìpicu di la Spagna centru-miridiunali, di la costa meditirrània dâ Francia, di li costi italiani, grecia e di la maggior parti di la Sicilia, unni caratterizza nun sulu li arii vicini ô mari, ma macari li cullini e li vasci muntagni, grazzi a la latitudini miridiunali di l'isula.