Mezzogiorno

The printable version is no longer supported and may have rendering errors. Please update your browser bookmarks and please use the default browser print function instead.

Articulu in nugoresu

Mezzogiorno (in sardu a sa lìtera "Mesudìe") est unu faveddu italianu pro inditare totu s'ala de zosso de s'Italia, cumprendènde s'Italia meridionale e s'isula de Sitzilia. Si podet nàrrere chi incrùat sas rezones amministrativas de Abrutzu, Basilicata, Campania, Calabria, Puglia, Molise e Sitzilia. Calicunu bi ponet fintzas sos tretos prus a zosso de su Latziu (est a nàrrere, sos distretos de Sora, Cassino, Gaeta, Cittaducale e Amatrice), ca issos puru fachìant parte de su Rennu de sas Duas Sitzilias. Su faveddu lu at imbentàu pro primu Giuseppe Garibaldi, cando fit a puntu de conchistare s'Italia de zosso a contu de sos Savoia.

Mancàri tènzat pacu ite bìere chin sas rezones apenas mentovàdas, pro cumbenientzia italiana si tzaccat meda sa Sardigna puru in su Mezzogiorno chi est essìu dae sos Borbones.

Su Istituto Nazionale di Statistica (ISTAT) imprèat su vocabulu in sos traballos suos pro inditare una de sas chimbe rezones istatisticas, ma bocàndeche a fora sìat sa Sitzilia sìat sa Sardigna, chi prusaprèstu fachent parte de una rezone istatistica a banda chi si narat Italia isulana.

Mapas de s'Italia de zosso
Sa Grèghia Manna
Su Mezzogiorno in sutta de s'imperadore Agustu
Su Mezzogiorno in su 1112
Su Rennu de Sitzilia in su 1154
Su Rennu de sas Duas Sitzilias in su 1814
Limbazos italianos meridionales (napoletanu)
Limbazos italianos meridionales istremos (sitzilianu)