Càstia su còdighe de orìgine de Rennu de Sardigna

=== Perìodu sabàudu ===
{{Càstia fintzas|Regnu de Sardigna (1720-1861)}}[[File:Kingdom of Sardinia 1410-1420.png|thumb|359x359px|Rennu de Sardigna intre sa [[Battalla de Seddori|Batalla de Seddori]] e s'istitutzione de su [[Marchesadu de Aristanis]] (1410-1420)]]
In su [[1720]], a pustis de sa [[Gherra de sutzessione ispagnola|gherra de sutzessione ispannola]], sa corona de Sardinna colat in conca a sos printzipes [[Dinastia Savoja|Savoia]]. Non fiat unu isseperu issoro, nen aggradeschiant de aer custu ligamene cund una "isula de bandidos", comente la bidiant issos. Ma cheriant su titulu de res, tando, a mala gana, aiant leadu su chi sa sorte lis aiat dadu.

Sos Savoia e sos vis-res piemontesos non sunt istados guvernadores de gabbale. Pro annos e annos ant lassadu chi sas cosas andarent in dae nantis che a semper. 

In su [[1760]] aiant pessadu de fagher impreare s'[[limba italiana|italianu]] che a sa limba uffitziale de s'istadu. Sos Piemontesos non lu faeddaiant, ca preferiant su [[limba frantzesa|frantzesu]], e sos sardos nemmancu, ca sas limbas de su rennu fiant istadas finas a tando su [[limba sarda|sardu]], su [[limba catalana|catalanu]] e s'[[limba ispagnola|ispannolu]]. Carchi istudiosu sardu aiat antzis artziadu una polemica manna contras a custu decretu: sa limba de sos sardos deviat esser su sardu e bia.
S'italianu at pigadu pede in sos usos uffitziales a sa fine de su seculu de degheotto, ma galu pro meda tempus nemos l'at faeddadu.
[[File:Kingdom of Sardinia & Royal cities - 16th century.png|thumb|359x359px|Rennu de Sardigna (cun tzitades reàles inditadas) fintzas a su 1720]]
De sos annos [[1793]]-[[1796]] sunt sos fattos fattos prus de importu de su seculu. sas conditziones economicas de s'isula, mancari esserent mudadas a bellu a bellu in sos urtimos annos, non fiant però bonas e nemmancu discretas. B'aiant problemas mannos chi su guvernu tzegu e prepotente de sos [[Piemonte|Piemontesos]] aiat fattu creschere, antzis chi los acabare. cando sos [[Frantza|Frantzesos]] si tuccant pro invadere s'isula, sos [[Piemonte|Piemontesos]] s'abarrant firmos, sena faghere unu isseperu. Sos barones e sos ecclesiasticos, timende de perdere sas richesas e sos privilezios, ca sos Frantzesos pro issos fiant tottus zacobinos periculosos, aiant organizadu sa difesa. Sos sardos, male armados e pagu prontos, aiant ghettadu in dae segus sos invasores. A cuddu puntu, su guvernu piemontesu deviat a su mancu narrer grassias a sos sudditos e a sos chi los aiant ghiados in sa difesa de s'isula. Su parlamentu aiat imviadu chimbe dimandas a su re Savoia, pro chi esserent reconnottos sos meritos de sos barones sardos.

Su re, imbetzes, aiat rispostu de mala manera e cun pagu grabbu.
In su 28 de aprile de su [[1794]] sa populatzione de [[Casteddu]], pesada contras a sos funtzionarios istranzos dae sos chi aiant ghiadu sa resistentzia contras a sos frantzesos, aiant duncas bogadu a fora de sa tzittade e de s'isula tottus sos Piemontesos.

Tottu sa Sardinna fiat in bulluzu. Sos massajos leaiant sas armas e non pacaiant prus sos tributos feudales, sa situatzione pariat fughire dae manu a sos chi l'aiant criada.

Dae tottu custu, essit a campu sa figura manna de [[Giovanni Maria Angioy]], abocadu de [[Bono]]. Imbiadu in [[Tattari]] cun sa carica de "alternos" (chi cheret narrer belle de vis-re), antzis de facher acabare sas reberdias, si ponet a sa ghia de sa rivolutzione, cun s'intedimentu de bortulare sas istitutziones feudales e de decrarare sa repubrica.

In mentras chi issu e sos chi lu fiant sighinde falaiant armados dae su [[Cabu de susu|Capu de Susu]], sos barones e sos riccos chi l'aiant sustennidu finas a tando aiant pessadu bene a du chi lis cunbeniat e l'aiant lassadu solu. Medas massajos e belle tottus sos pastores, timende de perdere cun sa rivolutzione su chi aiant, no aiant leadu parte peruna a su motu rivolutzionariu. A curtzu a [[Aristanis]], abarradu cun pagos cumpanzos male armados, [[Giovanni Maria Angioy|Zommaria Anzoi]] devet rinuntziare a s'atzione sua. Resessit a si fughire in [[Corsica]] e a pustis in [[Frantza]], inue si nche morit disterradu e poveru carchi annu prus a tardu.

Gai finit sa rivolutzione sarda.
Sos Piemontesos, torrados in s'isula cun su gradimentu de sos nobiles e de sos ecclesiasticos, ponent ordine in s'isula sena peruna piedade. Biddas intreas finint derruttas e sas populatziones issoro pessighidas che sos pejus bandidos, finas feminas, betzos e pitzinnos. Sos amigos de Zommaria Anzoi, chie ind unu momentu, chie pagu a pustis, sunt cundennados a morte e bochidos in pratta.

Cando [[Napoleone Bonaparte|Napoleone]] intrat cun sas troppas suas in [[Piemonte]], sos [[Domo Savoja|Savoia]] matessi podent acatare amparu in [[Casteddu]], chi pro carchi tempus est sa capitale unica de su rennu.
 
Su Rennu de Sardinna addurat finas a su [[1861]], cando mudat numene, diventande [[Rennu de Itàlia|Rennu de Italia]].