Бикипиэдьийэ:Төрүккэ сигэнии

Бикипиэдьийэ ыстатыйалара төрүккэ сигэниэхтээхтэр. Ол аата ыстатыйаҕа суруллубут чахчыны бигэргэтэр бу сиртэн ылылынна диэн чопчу сурук баар буолуохтаах. Ол төрүт (источник) итэҕэтиилээх буолуохтаах. Ол аата ким эрэ эппитэ диэҥҥэ олоҕуруо суохтаах. Холобур, кинигэҕэ сигэнэр буоллаххына, ол кинигэ ааптара, ханна хаһан тахсыбыта ыйыллыахтаах, оттон ситим-сиргэ (саайка) сигэнэр буоллаххына, ол ситим-сир чопчу сирэйин чуолкай аадырыһа суруллуохтаах.

Итэҕэтиилээх төрүтэ (источнига) суох буоллаҕына ханнык баҕарар матырыйаал сотуллуон сөп. Бу ирдэбили сытаатаны туттарга, мөккүөрдээх түгэннэргэ уонна киһи бэйэтэ сыана быһар түгэнигэр (холобур "уһулуччу үчүгэй", "бастыҥ", "бастакы", "соҕотох" диэннэргэ) ордук кичэйэн туттуллуохтаах.

Өссө көр: Бикипиэдьийэ:Тургутуу

Хайдах сигэнэри билбэт буоллаххына хайдах сатыыргынан оҥор, атын кыттааччылар көннөрөн биэриэхтэрэ. Сигэнии холобурун атын ыстатыйалартан көрүөххүн сөп эбэтэр мантан аллара баар ыйыыны-кэрдиини аах.

Ыстатыйаҕа сигэнии

Ханнык эмит атын ситим-сиргэ баар ыстатыйаҕа сигэнэр (ол аата онтон ыллым диэн бигэргэтэр сигэ угар) буоллаххына cite web диэн халыыбы туһаныахтааххын, ол эбэтэр маннык куоду:

<ref>{{cite web
|url=
|title=
|author=
|date=
|publisher=
|accessdate=
}}</ref>

Параметрдара барыта биир устуруоканнан суруллуохтарын сөп, ол эрээри столбигынан суруйдахха ордук табыгастаах, ханнык параметр туолбута ырыллыччы көстөр.

Булгуччута суох диэн бэлиэтэммит параметрдары толоруо суохха сөп:

<ref>{{cite web
 |url = сигэтэ (https://...)
 |title = ыстатыйа аата (аата улахан буукубаларынан суруллубут буоллаҕына кыраннан суруйан биэриэхтээххин)
 |author = ааптара (бу булгуччута суох, баар буоллаҕына суруйаҕын): Аата Араспаанньата
 |date = бэчээттэммит күнэ-дьыла: сыл-ый-күн (күнэ биллибэт буоллаҕына саатар сыла ыйыллыахтаах), холобур, 2019-07-31
 |publisher = ситим-сир аата (бу булгуччута суох параметр, холобур, Кыым)
 |accessdate = ыстатыйаны аахпыт күнүҥ-дьылыҥ — кэлин архыыптан буларга туһалыаҕа
 |format = PDF/DJVU эбэтэр атын (булгуччута суох)
 |lang = тыла (булгуччута суох), атын тылынан суруллубут ыстатыйаҕа сигэнэр буоллаххына суруйаҕын, холобур нууччалыы (ru), ааҥыллыы (en) иҥин, сахалыы буоллаҕына толорбоккун}}</ref>

Холобур:

<ref>{{cite web
 |url = https://www.sibran.ru/upload/iblock/df2/df2583a8818966bb4bea044ef4d74374.pdf
 |title = Начальник Якутской области Н.И. Мягков (1826-1831 гг.): Новые биографические данные.
 |author = Айсен Васильев
 |date = 2016
 |publisher = Гуманитарные науки в Сибири
 |accessdate = 2021-01-09
 |format = PDF
 |lang = ru}}</ref>

Кинигэҕэ сигэнии

Столбигынан:

{{кинигэ
 | автор =
 | заглавие =
 | ссылка =
 | ответственный =
 | место =
 | издательство =
 | год =
 | том =
 | страниц =
 | страницы =
 | isbn =
}}

Бу эмиэ итинник, ол эрээри биир устуруоканан (дьаһамыр көрүҥэ):

{{кинигэ |автор= |заглавие= |ответственный= |ссылка= |место= |издательство= |год= |том= |страниц= |страницы= |isbn= }}

Иккистээн сигэнии

Биир төрүккэ (холобур, кинигэҕэ) иккистээн сигэнээри гыннаххына (холобур атын абсааска) уопута суох дьоҥҥо маннык сүбэни биэрэбит. Көрөн уларытар эрэдээктэргэ көһөҕүн. Ол аата "Биики-тиэкиһи уларыт" диэни баттаабакка, көннөрү "Уларыт" диэн кыбытыгы баттыахтааххын. Онтон курсоргун тиэкискэр сигэ туруохтаах сиригэр туруораҕын. Ол кэнниттэн эрэдээксийэлиир түннүккэ (ыстатыйа тиэкиһин үрдүгэр) "Хантан ылыллыбыта" диэн тимэх баарын булан ону баттыыгын, оччоҕо талларыаҕа: "Судургу" эбэтэр "Хос туттуу". Ону иккиһин талаҕын. Онно туһаныаххын баҕарар төрүккүн (кинигэҕэ эбэтэр ыстатыйаҕа сигэни) талаҕын. Онтон "Уларытыылары бэчээттииргэ" диэн тимэҕи (үөһэ уҥа муннукка) баттаан бигэргэтэҕин.