Дізайн
![](http://upload.wikimedia.org/wikipedia/commons/thumb/6/62/2008_Taiwan_Designers_Week_Easy_Bag.jpg/220px-2008_Taiwan_Designers_Week_Easy_Bag.jpg)
![](http://upload.wikimedia.org/wikipedia/commons/thumb/4/40/Breger_kanna.jpg/220px-Breger_kanna.jpg)
![](http://upload.wikimedia.org/wikipedia/commons/thumb/2/2d/Vedel_childrens_furniture_gh.jpg/220px-Vedel_childrens_furniture_gh.jpg)
Дізайн (з анґл. design) значіть предложіня, проєкт, план, рисунок, і може означовати як обсяг роботы дізайнера,[1] так і выслїдный продукт ёго актівіты.
Вызнам терміна
[едітовати | едітовати жрідло]Даколи дізайн розуміють лем в узком вызнамі як єдну з ёго сфер — проєктованя естетічных властностей предметного світа. Але в шырокім вызнамі дізайн не лем обсягує умелецке конштруованя, но і мусить вирішовати вецеро шырокых соціално-технічных проблемох функціонованя выробы, спожываня, єствованя людей в предметном окружіню через раціоналну комбінацію естетічных і функчных властивостей.[2]
Теоретічнов основов дізайну є технічна естетіка.
Термін «промысловый дізайн» быв затвердженый рішінём першой Ґенералной Асамблеї ICSID (International Council of Societies of Industrial Design), Меджінародной рады орґанізацій промыслового дізайну в року 1959; термін «дізайн» є професійным покуртанём терміну «промысловый дізайн».[2]
Етімолоґія
[едітовати | едітовати жрідло]Слово design зостало позычене до русиньского дірект з анґлічтіны вєдно з потоком модерных заграничных промысловых продуктох, а ку тому приспіла ай популарность анґлічтіны, найме серед молодежы. Слово походить од лат. designare ‘вызначати’, ‘йменовати’; як тіж ит. disegno ‘рисунок’, ‘взор’; фр. désigner ‘указовати’, ‘вызначати’. В позднїйшом часї термін зостав перебраный до иншіх сучасных языкох и росшырив ся в хоснованю подля анґліцкой верзії як design.[3]
Правна охрана
[едітовати | едітовати жрідло]Дізайн є родом творчой чинности и подлїгать правной охранї на основі норм авторского права. Конкретнї, дізайнерскы рішіня доставають кумулатівну правну охрану як:
- обєкты авторского права,
- промысловы взоркы,
- торговы значкы,
а тіж як обєкты правной охраны в конкурентном праві.[4].
Жрідла
[едітовати | едітовати жрідло]- Kazimierz Kumaniecki. Słownik łacińsko-polski. Warszawa: Państwowe wydawnictwo naukowe, 1984. str. 155. ISBN 83-01-03531-5.пол.
- Федоров А. А.. Правова охорона дизайнерських рішень в Україні: монографія —. Одеса: Бахва, 2015. pp. 172 с.. ISBN 978-966-8783-60-9.укр.
Референції
[едітовати | едітовати жрідло]- ↑ Дізайнер — вытварник, конштруктер,особа, што ся занимать умелецко-технічнов чинностьов в розличных сферах, в тому числї архітектор, проектант, вытварник плаґатовой тай іншой рекламной ґрафікы, вебовой продукции (веб-дізайнер).
- ↑ 2,0 2,1 Определение "дізайн" в Большой Советской Энциклопедии. http://bse.sci-lib.com/article027578.html. [перевірено 2022-06-27].русс.
- ↑ Kazimierz Kumaniecki
- ↑ Федоров А. А.