Муезин
Муезин, ар. مؤذن, muazzin — служитель мечета, котрый пять раз денно окончуе азан — ритуалный призыв вѣрникох зоз минарета ку молитвѣ.[1]
Функции
едітоватиВ зачатку муезин навщѣвляв вшиткых вѣрникох и так зберав их на молитву, пак позднѣйше, коли ся появили минареты, зачав их скликовати одты. В малых мечетах функции муезина ай имама часто окончуе тот истый чоловѣк. Кедь група вѣрных окончуе сполочне молѣня мимо мечету, функции муезина (як ай имама), може выконовати дакотрый из них. Во великых мечетах функции муезина несе, за правило, шпециалный служитель, а до його повинности часто окрем выголошѣня азана належить тыж рецитация Корана, муезин годен тыж выконовати функции имама при його абсенции. В Российской империи муедзины, як ай имамы, ся утверджовали окремым указом по одбытю испыта муфтиатѣ, а их пост належав до категории могамеданске духовенство.[1]
Пожады на кандидата
едітоватиМуезин мусѣв мати силный, але приемный голос, жебы го чули вшиткы обывателѣ. Мелодичному выголошѣню азана учили тых дѣтей, у котрых ся указала наданость ку спѣву. Даколи уряд муезина ставав ся дѣдичный. Кедь в родинѣ быв слѣпый хлопчик, про нього уряд муезина давав можность заробити на житя, бо муезин быв плаченым служительом мечета. Слѣпый муезин мав тоту перевагу, же не годен быв видѣти, што ся дѣе во дворах обывательох, окреме, же не мог видѣти жоны.[2]
Жерела и одказы
едітовати- Алексеев И. Л.: Муэдзин //Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. (ISBN 978-5-8291-1084-0 Академический Проект) (ISBN 978-5-98426-067-1 Гаудеамус) русс. С. 845.
- Ольга Бибикова. Муэдзин. Энциклопедия Кругосвет. https://www.krugosvet.ru/enc/kultura_i_obrazovanie/religiya/MUEDZIN.html. [перевірено 2020-06-09].