Мелничок

Мелничок (Sylvia curruca) є малый співавый птах з родины Sylviidae.

Мелничок

Дорослый птах на гнїздї

Curruca curruca

Опис

Росте до довжкы 13-14 цм, роспятя крыл мірять 17-20 цм а важыть 12-16 ґ. Верьхня часть тїла є сивобура, голова і затылок сивый, горло біле і спід тїла брудно білы. Ногы мать тмавы і очі буры. Обі поглавя суть такых самых фарб.

Вабіть куртым „тет“, варованя звучіть як „террртек“. Спів творить выразне „лилилилил“ опереджене мягкым щебетанём.

Росшырїня

Росшырена є у векшынї Европы з вынятком Іспанії, западной Франції, части Брітаньскых островів, Ісланду, северной Шкандінавії і векпын Італії; дале засягує тыж на теріторії западной і середнёй Азії. Іде о перелїтный вид із зимовищами в западній Африцї а южній Азії, котрый ся на свої гнїздовиска навертать в апрілю аж октобру. Жыє на краях лїсів, в крячінах і лїсиках і одкрытій країнї, парках і загородах.

Еколоґія

Мелничок ся жывить павуками, хробачками, їх ларвами і бобулями. Жыє барз скрыто. Поглавно дозрївать у віку єден рік. В середнїй Европі гнїздить 1x за рік од апріля до авґуста. Гнїздо з травы і корїнків звычайно будує добрї скрыте низко над землёв в густых кряках або на шпильковых лїсах. В їдній зношцї пак бывать 3-5 світлых, 17,0 x 12,7 мм великых яєць з бурыма фляками, на котрых 11-13 денній інкубації ся черяво дїлять обомі родічі. Молодята ся лягнуть неопірены, слїпы а суть на своїх родічах чісто завислы. Гнїздо опущають по 11-14 днях.

Одказы

Референції

Тоты даны суть часточно або цалком основаны на перекладї статї Pěnice pokřovní на чеській Вікіпедії.