Кобылочка річна

Кобылочка річна (Locustella fluviatilis) є середнї великым видом монотіпічного співака з родины Locustellidae.

Кобылочка річна

Locustella fluviatilis

Опис

Росте до довжкы 13,5–14,5 цм, роспятя крыл мірять 19–22 цм а важыть 16–18 ґ. Зафарблена є дуже невыразно – зверьха тмаво сивобуро, насподї брудно біло з оливово бурыма боками. Верьхня часть груди є роспито сиво флякаста, кріз око ся тягне слабенька брудно біла смуга. Спідня часть хвоста є тмава з білыма триугелниковыма краями пірок, ногы ружовы. Обі поглавя суть такых самых фарб.

Самцї співають высоко в конарях стромів найчастїше скоро рано або як ся тміть. Спів є простый, твореный неперерывным „дзедзедзедзе...“ припомінаючім звук машыны на шытя.

Росшырїня

Гнїздить на выходній половінї Европы, одкы засягує ай до западной Азії. Є перелїтна із зимовищами у выходній Африцї.

Біотоп

Жыє скрыто у вогкых лїсях коло рік і на краях мочарїв з густым підростом.

Страва

Їсть переважно хробакы, але тыж і далшы безхырбетны, а тыж і павукы. Їджіня глядать по земли або в густій низкій веґетації.

Гнїздїня

Моноґамный вид гнїздячій 1x за рік од мая до септембра. Міскове гнїздо збудоване головно з травы є добрї скрыте на земли або в траві. В єдній зношцї є 4–5 світлых, дрібно буро флякастых яєць о розмірах 19,3 x 15,0 мм. Інкубачба доба тырвать 11–13 днїв, на яйцях сидить лем саміця. Молодята, о якы ся старають обоми птахы, опущають гнїздо згруба по тім самім часї, але родічами суть кормлены іщі дас 2 тыжднїв.

Референції

Тоты даны суть часточно або цалком основаны на перекладї статї Cvrčilka říční на чеській Вікіпедії.

Екстерны одказы

• Звуковы награвкы кобылочкы річной на вебі xeco canto